ATCHAMADO_BEN-aug_rev_text

Ə́ta 11

¹ Wó cɔ́ àtikprɔ ɖeká sigbə woa seŋə jìjɔ́ ənú ənə íséŋə́ náŋə bə́: " má có í jíjə́ Mawú-ə́xɔa kíɖə́ vɔ̀sáxóá cá nə̀ máhrə́ aməkə lə súbɔ́ ləməa ó. ² Í mágbə́ xɔxɔ́á nu ɖɛ́ nyéŋká jíjə́ə ò ənúkə dɔ́á wó cɔ xixéa nu íséŋə́ ná amə manyá Mawúwó. wóá gbidi ə̀ɖùkɔkɔa kíɖə́ àfɔ gbíɖígbídí kə́kə́ ná wretí-hòokacívə̀. ³ Màáná ŋúsín titín ɖaséɖítɔ́ aməvə avai wóáɖó kotokúwu wó nə́ wóá tə́ŋú á núnyɔdɛ́ kə́kə́ nə́ ə̀yo ámə̀tɔ́n kíɖə́ wretí ámadɛ́n kíɖə́ ŋkə́kə wúíənyí" ⁴ Yé daséditɔ́ əláwó yí lə nyí ami tí ámə̀və̀ á kíɖə́ àkákatí ámə̀və̀àwo, kə nɔ̀tə ɖə́ anyígbájí lə Mawu-ə̀ŋkúməa. ⁵ Né aməɖə́ wɔdòɖó bə́ ye awɔ ənúbaɖa kí ɖə́wóá, ə̀zò áɖocó wó numə í fíɔn wó futɔ́wó. Aməkə ájíbə́ yeá wɔ ənúbaɖa kídéwó á, wóá wuwó ənə. ⁶ Ɖàséɖítɔí iláwóá wóá wó wɔŋúsín ɖɛ́ kə wóátə́ŋə́ sə́ tú jìŋkorí á, bé ə̀ci kúɖə̀ká ŋká lə gàkəmə kə wó lə núnyɔdɛ́ yìkɔa ò, í wówɔ ŋúsín ɖɛ́ bé wóátə́ŋú trɔ́ ə̀ci zu ə̀nù, ɖɛ́ bé wóátə́ŋú trɔ́ ə̀ci zu ə̀nú, wóá tə́ŋú hə̀-ə̀ɖɔ̀lə̀ ɖə̀siàɖə kə jrówóá vá anyígbájí gàɖə̀kpúkpúiɖə kə jrówó á mə. ⁷ Nə́ wówɔ wó dasédidi-ə́ɖɔ́á jrɔ́á, əran kə ɖo có àgàɖo-gánŋgán məa áwɔ àhùà kíɖə́wo. Áɖuwó jí iwuwó. ⁸ Wókúkú ánɔ ə̀ɖùgànŋ gán-əxɔ̀xɔ́nu kə wóyɔ́nə́ lə lóɖóɖómə bə́ sòdómí kídə́ ə̀jíkpítì, fí wó krán wó xótɔ́ ɖoá. ⁹ Kə́xə́ nəŋnəxə ámə̀tɔn kíɖə́ àfán Amədòówó có ə̀dùwó sééé kɔ́ta ɖə̀síaɖe ə̀gbə̀ ɖə̀síàɖə ɖùkɔ́wó á kpɔ́ wó kukúá í wóŋɖəmɔ́ nə́wó bə́ wóádiwó o. ¹⁰ Anyígbájítɔ́wó átáyə̀ nyɔ́ŋgbin lə wóŋu, í wóáɖu àzan í wɔ ənúnáná dídá wó ɖékiwó dóbə́ Mawu-ənyɔnúɖɛ́tɔ́ ə̀və̀ àwo dòfu nə́ aməkəwó lə àgbə̀ lə anyígbá jía. ¹¹ Vɔ́á, lə ŋkəkə ámə̀tɔn kíɖə́ àfánŋgbéɖàgbə̀-ə́yaxoxo ɖeká có mawugbɔ́ vá ɖówó mə í wófɔ́n í jə̀tə ɖə́ wófɔ amə̀və̀àwò jí vɔ́nvɔ́n gánŋgán ɖéká jə aməkə ákpɔ́ wó á ¹² Í wóá sə ə̀gbə̀ sínnú déká có jíŋnorí álə núnə́wó bé: " Rìà vá lə lá" Yí wó ría jìŋkorí tó àkpɔ́kpɔ̀ wo mə, lə wó fútɔ́wó ŋkúmə ¹³ ¹⁴ Lə gàxoxo-naməa anyígbá ahún hún í ə̀dùkɔ̀kɔ̀à ə́toxó màmà əwó átɔ́ á géjɛn. Ayígbáhínhún á áná bé amə kawuibràtɔ́ ámadrə́ kəwó cí agbə̀à ǎdìnàcowó kə́kə́ wó lə cɔ́ kpə̀kpə̀mə̀ i séŋ lə ná jìŋkorí-ə́mawu. Ə̀fuwɔamə ə̀və̀àtɔ́ váyi nə. Kpɔ́ ə̀fuwɔamə ɛẹ̀tɔn-atɔ́ lə déŋə díd. ¹⁵ Zə̀ɖə̀ká mawu-éŋɛɖótɔ́ ámadéá-tɔ́ kú yé kpɛn-a í ə̀gbə̀gànŋgán gán ɖéká di lə jìŋkoí lə nú bé: xíxéámə ə́fiɔɖuxó trɔ́zu míáxótɔ́ séŋyi-màvɔ̀ màvɔ̀ mə̀." ¹⁶ Í tɔ́gbúí cici əwuivɔ-ənə-awó kəwó karɛn ɖə́ wó fiɔzipuiwo jí lə mawu-ə́ŋnúmə a wó jə̀kro de anyígbá mə, wó cɔ́ ə̀ta tɔ́ gù í lə súbɔ́ Mawu. ¹⁷ Wó lə nú bé mídá àkpə́ nə́o, Áxótɔ́ Mawú ŋusínwó séééétɔ́ amə kə "lɛ" í nɔváyi ənúkədɔ́á ə́xɔ tɔɔ́ ŋúsín gánŋgán í dù fiɔ. ¹⁸ Vɔ̀à dùkɔ́wó kə́ŋə́ kə́ de sí Mawúá wó wɔxoməfíɛ́n vɔ̀à tɔɔ́ xomə fíɛ́n va? Gà mə̀à su nə́ wóáɖókojó nə́ aməkúkúwó náà do yətoxó nə́ yə́ dɔcɔ́víwó kiɖé nyɔnudɛ́tɔ́wó Aməkɔkɔwó kídə́ aməkə də́bùbù tɔ ŋkɔ́wóá dèvìwó kídé aməcincinwó gàmə̀àsu xótɔn nə́o bé, nà crɔ́n aməkəwó dáànhə anyigban." ¹⁹ Í wóhu Mawú-ə́xu lə ŋìŋkorí í wókpɔ́ Mawú-ənùbábrádáka lə yé xɔamə. Kandégbán-ə̀kɔkɔ ləmə,; kídé ə̀cidəgbə̀wo, ə̀cikəzòwo anyígbán húhú í ə̀cikpə́ gánŋgán wó ja.