ATCHAMADO_BEN-aug_rev_text

Ə̀ta 10

¹ Ŋɩkpɔ́ Mawu éyɛɖótó sínŋú ɖéká í ìlə di có jìŋkorí, í àkpɔ́kpɔ̀ wò kɔ́ɖé dɛ́, í anyíìhɔn trɔ́ɖé yé tá ɖɛ́ yéŋkúví lə sigbə nyidɔn ənə í yé fɔwó lə sigbe ə̀zò-sɔ́tíwó ənə́. ² Élé wɔ́má ví ɖéká ne wóhu ɖɛ́á ɖé yé lɔ wó mə, í ìcɔ́ yé ɖusímə fɔ íséŋé dé àxumə í yé miɔn fɔa ɖé anyígbá jí. ³ Í ìɖò-àxà, ə̀ sínsí sigbə jàŋtá lə wɔ̀àdan ənə́ ke ìdo-àxá, ə̀ciɖegbə̀ ámadréáwó ɖe wógbəwó do. ⁴ Ke ə̀ciɖegbə̀ ámadréáwó ɖe wógbəwo ŋjí jìŋ koń ílə nú bé: "lə̀ə ənyɔwáwrá kə ə̀cidegbə̀ ámadréá wó núá dɛ́ ká ŋrɔwó ò." ⁵ Mawa éŋɛdótó ke ŋkpɔ́á énɔ̀te dé àxu kíɖé anýgbájí í ɖó ý lɔ ɖunú dé jìŋkori. ⁶ Í ìta nú lə aməkələ àgbə̀ có màvɔ̀mə sé séyi màvɔ̀ məa, aməkə wɔ jìikori kíɖé ənú kewó sééé ləmə a anyígbá kiɖe ənú kewó sééé ləməa. àxu kíɖé ənúkewó sééé lə məa í Mawu-éŋɛɖótɔ́ nú bé: " gàmə̀ ŋkà gbə lɛ ò. ⁷ Vɔ̀à ŋkəkə kəjí mawu-éŋɛdótɔ́ ámaɖrə́ átɔ́ ákú wó kpɛn-a. MAwu-ə́nyɔ wówrá wó wó ákpɔ́ ə̀məvává sígbənə̀ ənyɔnyɔ́ɛ́á núi ɖɛ́ nə́, yé dɔ́wɔlawó kewó nyí nyɔnúɖɛ́tɔ́wó á ənə́. ⁸ Ə̀gbə̀ kə ŋse có jìŋkorí á gbələ núŋəké bé: "yíì cɔ́ wóma kə wó hu ɖɛ́ í le alɔmə nə́ mawu-éyɛ ɖótɔ́ ke nɔ̀te dé àxu kídé anyígbánjíá." ⁹ Xótɔn-a ŋyi mawu-éŋɛɖot́tɔ́á á gbɔ́ í ŋbíɔɛ bé ná náŋə wóma cúkúvíá. Í ìnúŋə bé: " xɔ̀ wó maa nə́ nà ɖui. Ávé-lə tɔɔ́xodo mə vɔ̀à lə tɔɔ́numəa, ávívíwú ənyíci" ¹⁰ Ŋxɔ wóna cúnúvíá lə alɔmə nə̀ə Mawu-éŋɛɖótɔ́á í ŋséŋ du. Évivi sigbənə́ ənyí ci ənə̀ lə tiín numə kə ŋɖui jrɔá, tiin-xodo trɔ́zu və̀vé sééé. ¹¹ Xótɔn-a, aməɖéká lə núŋə bé: "Éje bə́ nà gbə trɔ́ núnyɔ ɖɛ́ke, có ɖùkɔ́ vòvòvòwo ŋú, ɖùkɔ́wó, ə̀gbə̀wo, kíɖé ə̀fiɔwoŋ u.