¹ Nɔnvínyǝ kpɔtia wò, mì tayǝ̀ lǝ̀ áxotɔ mǝ. Nyiun kaa gbɔjɛn ǝnùla wò nùnù nǝ̀ mì gasìagamǝ o. Wò ì là nan í mì an vó ² Mì jáyé lǝ̀ ŋ́. Mì jáyé lǝ ǝnù kpòtókpòtó wɔ̀wɔ̀ ŋ́. Mì jáyé lǝ ǝvò mancò nyɔnŋgbi ŋ́. ³ Mì an wò sǝ sɔ̀kidé ǝvò còcò a. Mì an wò í lǝ́ sǝn Mawu lɔ́ gbɔngbɔn mǝ. Mì an wò ì lǝ́ ɖó kpennkpɛ lǝ Yésu Christo gbɔ̀. ⁴ Ŋ̀cà man tǝŋ̀ cɔ̀ tiŋun kàkà dǝjì ́nǝ́ ŋ̀tiran mǝ nùwo jrò. Nǝ́ amǝɖé bùbǝ̀ kokoko ỳ a cɔ́ yé kàkàdǝji dǝ ŋ̀tiran mǝ nu wò ŋ̀ an, nyan ŋ̀ bǝ́ o o. ⁵ Nyan ̀ŋ̀ covò lǝ́ ŋkǝkǝ̀ amǝ̀nyi a gbǝ, í nyi Iseaélite, ì ŋjɔ̀ cɔ́ Benjamin Hebritowo kɔtàmǝ í ì nyì Pharisitɔ̀wɔ̀ sǝ̀. ⁶ Ŋti hamǝ wò yòmǝ sugbɔ́. Nyinn wɔnǝ̀ dǝ‌ ǝsǝ̀ wò ji o. ⁷ Vɔa xɔ́ ǝnù ŋ̀nan wò sée nyì funtù. ŋ̀va kpɔ̀ bǝ ǝnù ŋnan wò sée nyì ǝnù gbálǝ̀ kǝŋ desi Yésu a. ⁸ Ŋfià a ŋlǝ̀ kpɔ́ ǝnù ŋ̀nan wo sée bǝ́ ǝnù gbàlǝ̀ ì wò nyi, to Yésu Christo kǝ̀ nyi trŋun xotɔ́ yé nyùnyán xɔ̀ ò a mǝ. ŋgbǝ́ ǝnù ŋ̀nan wò ɖɛ́, í ŋlǝ́ kpɔ̀ wo sìgbǝ̀ bàà ǝnǝ́, cagbǝ́ man xɔ̀ Christo, ⁹ i nɛn kidé. Vɔa ŋnyì to nɔnɔn mǝ wòŋ́, alo ǝsǝ̀ à jí wɔwɔ ŋ́ o. Vɔa to xɔsǝ̀ kǝ ŋ̀xɔ̀ cò Yésu Christo gbɔ́ kǝcò Mawu xɔ̀sǝ̀ ji sǝ. ¹⁰ Unfià ŋ̀ jíbǝ́ man jesì Christo, kidé ǝgan kǝ ì sǝ̀ fɔn có ǝkùmǝ an, kídé yé yaɖuɖu wò.Ŋjibǝ́ mandì Yésu lǝ yé kù ŋ́gbǝ́, nǝ́ gbɔɖǝ kà nǝ́ ¹¹ ŋ̀cà ŋkù a, manfɔn cò amǝ kukùwo dòmǝ. ¹² Nyìun xɔ̀ ǝnù ŋ̀nan wò hɔɖǝ̀ o. Nyìun gràdò jrɔ̀ o.Vɔa ŋ̀lǝ̀ sùdù , í jí bǝ́ man xɔ̀wò, ɖóbɔ́ Ỳsu christo cà lǝ̀ŋ̀ ɖɛ̀. ¹³ Nɔnvinyǝ̀ wò, nyì ŋ̀ kandǝji bǝ̀ man tǝŋ̀ xɔɛ o. Ǝnù kǝŋ̀ wɔ̀ à, nyiun gbǝ̀lǝ̀ tɔkpɔ́ ŋgbǝ o, ǝ̀nù kǝ̀lǝ̀ ŋkɔ̀ a yé í ŋlǝ́ nyan, ¹⁴ ŋ̀lǝ́ tǝbɔɛ nǝ́ man tǝŋ xɔ́ yɔ̀yɔ̀ xɔ̀hò kǝ cò Mawu gbɔ̀ à tò Yésu Christo jì. ¹⁵ ŋ̀nan mǝ an, mí an wò kǝ ci lǝ̀ gbɔ̀gbɔ̀ mǝ, mì an ɖó tàmǝsùsù nyan. Nǝ́ mí lǝ́ wɔ susù bù a, Mawu lá do ŋsɛn mì. ¹⁶ Gaŋ̀nan mǝ an, fimido a, mìan lǝ́ sìŋsì. ¹⁷ Nɔnvinyǝwò, mì kpɔ̀ dǝ́ tiŋnyǝ ŋ́. Mí lǝ̀ ŋ̀kùvi dǝ̀ amǝ wò zɔnzɔn mǝ kǝlà sɔ̀ kídé mian tɔ̀a. ¹⁸ Amɔɖǝwò lǝ́ mìan mǝ, í ŋ̀ jín ǝ́ bǝ̀ wǝ̀a wɔ̀dǝ Yésu Christo yényɔn wò jì o. Amǝ ŋ̀nan wò ŋ̀ ì nǝ́ ŋ̀lǝ̀ nǝ́ mian avi nan tɛnŋ̀. ¹⁹ Wò tùtà cɔncrɔ̀n mǝ. Ɖóbǝ́ wò xodó í nyi wò Mawu, í wò cɔ̀nǝ̀ kpɛnkpɛn mǝ nǝ́ ǝnù kǝ̀là dòwò ŋ̀kpɛn a wò. Anyiŋgbanji nù wò ji ɖǝɖǝ̀ í wò sùsù lǝ. ²⁰ Mi an dùmǝ nyǝnyɛn lǝ̀ jíŋ̀kórí, lǝ̀ ŋnan ì mí lǝ́ jǝtɛékpɔ̀ mì an xɔ̀nan mǝtɔ̀, axotɔ́ Yésu Christo. ²¹ À trɔ̀ mí wɔ ablɔɖé víwò í mì an kpɛnkpɛn mǝ àsɔ̀ kídé yé tɔ́, to yé fiɔduxo kǝ kpàcɛ́ nǝ́ ǝ̀nù wò seeé a.