¹ Ŋ̀nan mǝ, tinun nɔví runrun tɔ̀ wò kǝ ŋ̀lǝ́ ɖòŋ̀ tó jìjɔ̀ kídé tiŋ́ fíɔ̀ kukù a. Mì sɛnŋ́ lǝ axotɔ́ mǝ, ǝxrɔnyǝ wò. ² ŋ̀lǝ́ ɖǝ kukù nǝ Evodie kídé Syntyche bǝ́ wò a ɖó tàmǝ sus̀ ɖǝkà lǝ̀ axòtó a mǝ. ³ ŋ̀lǝ́ wɔ̀ yɔ̀yɔ̀ nǝ́ ǝwó, ǝxrɔ̀nyǝ rɔnrɔ̀n tɔ́ lǝ xɔ̀sǝ̀mǝ̀. Kpǝ́dǝ̀ nyɔnrun ŋ̀nan woŋ̀. Ɖóbǝ́ wò kpǝ̀dǝ̀ ǝŋ̀nyǝ lǝ̀ enyɔnnyɔɛn kàkàkằ mǝ, Clément cà kidé ǝxrɔnyǝ kpɔtià wò kǝ wò ŋ́kɔ́ lə́ agbǝ wǝ́man mǝ. ⁴ Mì tàyǝ́ lǝ́ axotɔ́ a mǝ tɛgbɛ́ɛ́. négbǝ lǝ́ nui nǝ́ mi, mì tàyǝ́. ⁵ Nǝ vîví sǝ̀sǝ̀ kelǝ̀ mì an mǝ an nan gbandǝ́ xixǝ̀amǝ. Axotɔ́ yé vàvà gamǝ tǝ̀bɔ̀. ⁶ ŋ̀ɖǝkɛn ŋkà kpàcà mì o. Vɔa mì wɔ̀ ǝ̀nù ɖ̀éṣíaɖǝ tó ǝɖǝxòxòmǝ̀, kidé amǝ ɖǝ̀ki bùbɔ̀bùbɔ̀ mǝ, kidé adɔn mǝ nyɔn ŋ̀gbi wɔ̀wɔ̀, mì cɔ́ ǝnù kǝ̀ mìan ji lǝ́ jí ànǝ Mawu. ⁷ Í Mawu yé ŋ̀tifafa, kǝ ì kɔ̀dè ǝnù ɖǝsiaɖǝ́ jí a dóŋ̀sɛn mì an jiwò kidé mì an susù wò lǝ Christo Yésu yé nkɔ̀mǝ. ⁸ Nǝ́ nɔvíwò nù wɔ̀ ǝnù kǝnyì adòdò, ǝnù kǝ kɔ́ amǝ dɔ̀jì à, ǝnù kǝ lǝ tòhò à, ǝnù kǝ kɔ̀a, ǝnù kǝ mì rɔ̀n nɔ̀n an, ǝnù kǝ̀ jǝ̀bǝ́ wòà k̀fù a, mì wɔ̀dǝ́ ǝnù ŋ̀nan wò ji sǝǝǝ́. ⁹ Ǝnù kǝ mí kprà a wò à, í xɔ̀ a, í sɔ̀ à í kpɔ̀ lǝ́ ǝgbɔ̀nyǝ̀, mì wòdǝ́ wò jí. Í Mawu yé untífàfà là nɛn kidé mì. ¹⁰ Àyǝ́tɛ ŋ̀ sùgbɔ̀ lǝ́ axòtɔ́ mǝ, bǝ́ mì an sùsù wò trɔ̀va ǝjinyǝ. Mi kpɔ̀ tiŋun fíxɔ̀xɔ̀ ɖɛècà, vɔa mì kpɔ́ vovo í kpǝ̀dǝ́ ǝŋ̀nyǝ o. ¹¹ Ŋ̀nyì nǝ́ tinyun nù jòjró wò ì. Ɖóbǝ́ ŋ̀sǝ vìvísǝsǝ kǝ̀lǝ̀ mian mǝ lǝ́ ǝ̀gó ɖǝsìaɖǝ mǝ. ¹² Ŋ̀nyan nǝ́ mán wɔmɔ́n í ǝnù là dɛn ŋ̀, ŋ̀nyan nǝ mán wɔmɔ́n í ǝnù là nɔn asìnyǝ. Tó ɖǝsìaɖǝ́ mǝ kidé azɔnri zɔnzɔn wò mǝ an, ŋ̀ kpɔ̀tà nǝ́: Nǝ awɔ̀mɔn í waà ɖɔ̀xò ɖɛ, í fùfǝ́ agbǝ̀lǝ̀ lǝ amǝ, í wɔ̀ ǝnù wò ɖɛ, í ǝnù gbǝ̀lǝ̀ ɖɛn wò. ¹³ Man án tǝŋ̀ wɔ̀ ǝnù ɖǝsìaɖǝ̀ tò yé ŋsɛn mǝ. ¹⁴ Gaŋ̀nan mǝ an, nù wɔɛ nyɔnŋ̀gbi bǝ̀ mì nɔn vǝvǝ̀ sǝ̀sǝ̀mǝ kidé ŋ̀. ¹⁵ Mì an tàwò mì nyan, Philipotɔ́wò bǝ́ lǝ̀ ǝ̀nyɔ́nyɔɛn a yé ji tɔ̀tɔ̀ a, gakǝmǝ ŋ̀ cò lǝ́ Macédoine hàmǝ à ɖǝkɛn ŋkpǝdǝ́ ǝŋ̀nyǝ tó ǝnù nan-nan alo ǝnù xɔ̀xɔ̀mǝ o, nǝ́ ŋ̀nyí mìan wò ɖǝkɛn o o. ¹⁶ Gakǝ̀mǝ ŋ̀lǝ́ Théssalonika, mì cɔ̀ nǝ́ ǝnù wò ɖíɖà í sǝ kpǝ́nǝdǝ́ ǝŋ̀nyǝ. ¹⁷ ŋ̀nyì bǝ́ ŋlǝ̀ bíɔ̀ nùí o, vɔa ŋ̀lǝ́ jí ǝkùcɛncɛn sùgbɔ́ kǝ̀jǝ́ nó mí an í. ¹⁸ ŋ̀ xɔ́ ǝnù nan nan sugbɔ̀ í ì vìví ŋ́. Tó Epaphrodite ji a, ŋxɔ̀ ǝ̀nù kǝ́ mìcɔ̀ ɖiɖà ŋ̀ à wò. Wò nyì ǝnù kǝ́ hɔntǝ́ flíflí, ɩ́ ì nyì vɔsàsà kǝ̀ nyɔ́ŋ Mawu kɔ̀ à. ¹⁹ Tinyun Mawu aɖó yé tòhò nǝ̀ mì ̂sugbɔ̀sùgbɔ̀ tó Christo Yésu yé kpɛnkpɛn mǝ. ²⁰ Unfia, mì an cɔ̀ kpɛnkpɛn nǝ́ mì an Mawu kǝ nyi mi an dàdà a a gasìagamǝ í sǝ̀ yì tɛ̀gbɛɛ́. Acɛ́. ²¹ Mì cí nɔnvíwò kǝlǝ̀ Yésu Christo mǝŋ́. Nɔ́nvíwoò kǝlǝ̀ ǝgbɔ̀nyǝ a wó lǝ̀ cí mì. ²² Amǝ kɔkɔ wò sǝǝ́ lǝ̀ cì mì, vɔvǝ̀tɔ̀ amǝ kǝlǝ̀ Cesar yé xómǝ a wò. ²³ Àxòtɔ́ Yésu Christo ỳ amǝnùvǝ́vǝ̀ nan nɛn kidé mì an wò sǝǝ́ǝ́. Acɛ́.