¹ Ŋbui ŋfia be ŋsɛn dódó deka le Kristo mǝ. Ŋbui ŋfia be ayetitɛ yé nu déká va có ye rɔnrɔn mǝ. Ŋbui ŋfia bé deka wɔwɔ le miamǝ le gbɔngbɔn mǝ. Ŋbui be adɔnumǝtɔtrɔ kide adɔnumǝ kpɔkpɔ vivi wó lɛ. ² Micɔ́ tiŋjijɔ́ kpɔ́kpɔ́ nyɔngbi le susú dekɛn mǝ, le rɔnrɔn dekɛn mǝ le du nɔnnɔn le gbɔngbɔn mǝ, kide atamǝ dodo deká. ³ Mi ka wɔ́ enu de le egonyi mǝ vɔa kide emǝ ɗekinyinyi, mi bu mia nɔnvi wó séwu miaŋta ó. ⁴ Mi ka le ji ajramia tá nu wódó, vɔa mia jrá mia nɔnvi wó tɔɗó. ⁵ Miɗó súsú dekɛn an kele Yesu Kristo mǝ. ⁶ Ecɔ́ edekia sigbe Mawu nǝ, vɔa ŋle cɔ́ afixɔxɔ nǝ deka wɔ́wɔ́ kide Mawu sigbe enu ke ŋun waá kudo enǝ ó. ⁷ Ɨ vɔa, tovoa, elé edékia kpɔ́tɔ́. Ɨ icɔ́ dɔcɔ́vi ye nɔnnɔn mǝ do ŋkɔ. Ɨcɔ́ amǝgbetɔwó nɔnnɔn mǝ í dódɛ. ⁸ Edóŋkpɛn eɗekia, í tɔ́ amǝbubu kélé í sé na yé ku zangbe, aticóga ye kú i ku. ⁹ Cagbe ŋnatɔ í Mawu cɔɛ veve deji i naŋkɔ kelé ŋkɔa u séé ta. ¹⁰ Ele wɔ ŋna cágbe le Yesu ye kɔ́ mǝ, ekró desiade naje le jiŋkori, le anyigban ji, kide anyigba tumǝ. ¹¹ Ade siade la humǝ be Yesu Kristo i nyi axotɔ́ le Mawu miá dádá ye ŋti kɔkɔmǝ. ¹² Seyijiá nɔnvi rɔnrɔntɔ́ wo, ke bubu le mia mǝ ɗɛ, ŋka nyi tiŋkɔ ɗeɗe vɔa na sugbɔ wu tiŋgbe, mia le wɔ́dɔ yikɔ le ɗeɗe kpɔ́kpɔ́ mǝ kide vɔnvɔn kide huhu húhú. ¹³ Ɗo Mawu í cɔ́ jojró kide wɔwɔ nǝ ye jijɔ de mia mǝ, ¹⁴ Mi wɔ enu desiade ke nǝ enu haha kide hrŋhriu ŋká nɔ́nmǝ. ¹⁵ Mi le wɔ́nǝ cagbe nǝ mia nyi amǝ ke wó ŋka cɔ́ agojeje nǝ wo i gbe nyi amǝ jɔjɔ, Mawu ye vi kɔkɔ wó. Mi le wɔ́nǝ cágbe nǝ mia va le dázo sigbe kanŋdé le xixemǝ, le amǝvɔnɛn kide amǝ wó bre wó doŋdo mǝ. ¹⁶ Mi le agbemǝ nyɔn ta deka dɛ kaŋ gbɔxó nǝ kpɔ enyɔn jɔjɔ deká dɛnǝ ma nɔn ŋtikɔkɔ mǝ gbe kide Kristo a vaá, de gá na mǝ an ma nya be nya súdu nɔnmi nya wɔ́dɔ gbále. ¹⁷ Ʋɔa ŋtá nǝ wó gbe cɔ́ŋna sigbe enu naná nɛ an vɔsa nǝ edɔ́ wɔ́wɔ le mia xɔse mǝ, ma trɔ́ va edeki nye mǝ i le táye kide mi. ¹⁸ Ɗe nɔnnɔn dekɛn an mǝ, mi taye í mia táye kide un. ¹⁹ Ʋɔa ŋle nɔnte kpɔ le Yesu mǝ, mi dɔ́ Timothee zán ɗe, gbɔxo nǝ ŋcá ma ɗo kadeji gbɔxo ma nya enu ke kanmia wó. ²⁰ Nyaŋwɔ́ amǝdeɗɛ ke ɗo ye nɔnnɔnmǝ wo, kele butamǝ ŋtá có miaŋ. ²¹ Ɗo wólejí wó ŋta wo lé í wó ŋle ji Yesu Kristo tɔ wó ²² Ʋɔa minyn ye fixɔ́xɔ́, ɗo evi kelé sɛn ye dádá, le sɛn kide ŋle enyɔn nyɔnɛn nunu mǝ. ²³ Vɔa ŋle jibe ma dɔɛ yi gake meke ma kpɔ́tɔ́ ilé tiŋdɔji ise va nǝ gake ke manya enu kélé nɔnté kpɔŋan. ²⁴ Ŋdó kadeji le Mawu mǝ be nyǝ ŋta ŋgbɔnɔn le madidimǝ. ²⁵ Ŋkpɔ be levevé be ma nya Epaphrodite ɗida mi. Nɔnvinyǝ ahuawɔtɔ́, kide mia nyǝ dotɔ́ kide edɔcɔ́vi nɛ tiŋhian wó. ²⁶ Ke mi se be elé ledɔa, esévévé sugbɔ iji be ye ava nɔdú kide mi. ²⁷ Ele ledɔ vévéɗe ile nɔnté kpɔ́ eku, vɔa ye nu sadɔnu nǝ Mawu. Ŋnyi nǝ yéɗekɛn wo, vɔa nǝ nyǝcá nǝ nyeka nɔn vevé sésé mǝ sugbɔ o. ²⁸ Ŋji kába be macɔɛ diɗa mi nǝ gbɔxo nǝ mia gbe kpɔa, mia nɔn ayetitɛ mǝ i nye ŋtá nye ka nɔn xaxamǝ sugbɔ ó. ²⁹ Mixɔ Epaphrodite nyɔŋgbi le Mawu mǝ kide ayetite. Micɔ́ amǝ wó deji sigbe yeé nǝ. ³⁰ Cágbe Mawu ye dɔ́mǝ í ibea kú. Ecɔ́ yé gbǝ de afɔkú mǝ í́ se le sɛnŋ í́ iyɔ enu ke mi nate wɔ́ ŋle tiŋdɔ́ mǝ.