ATCHAMADO_BEN-aug_mat_text

Ǝta 9

¹ Yesu dó ákrò deká mǝ, í yi ákpáanuxó ì yi yeŋtáa dumǝ. ² Kpɔ́ wo cɔ́ ŋuncú deká kǝ́ átá kide abɔ́ kú nǝ́ dɛ̀a vá nɛ̀n, ǝ́ mrɛ̀n dǝ́ ǝbaji dɛ̀. Kǝ́ i kpɔ́ wó xɔsǝ́a, Yesu nún nǝ́ ŋùncú kǝ́ átá kide abɔ́ kú nǝ dɛ̀a bǝ:<< Ǝvinyǝ́, dó ŋúnsɛ̀n dekiwo, wó cɔ́ tɔ́ɔ nuvɔɛ̀nwó kǝ́ wo:>> ³ Ǝnukpratɔ gánŋgan dekáwó nún lǝ́ wodékiwó mǝ bǝ:<< Amǝhilá lǝ́ nún busunyɔ́n>> ⁴ Yesu yán wó tamǝsúsúwó í nún bǝ:<< Nukǝ́ǝ́ í dɔ́ í sùsùvɔɛ̀n wó lǝ́ mián jiwó mǝ dɛ̀ máan? ⁵ Nukǝ́ǝ́ í gbǝ́ fá wú bǝ woa nún bǝ wó cɔ́ tɔ́ɔ nuvɔɛ̀nwó kǝwo nɔ̀mi woa nún bǝ:" có, í nán zɔ́nrin'" máan? ⁶ Cágbǝ nǝ́ mián yán bǝ amǝgbǝtɔ́vi dó ácɛ̀kpakpá lǝ́ anyigbán ji bǝ yéa cɔ́ ǝnúvɔ́ɛ̀nwó kǝ́ áá, Ǝ nùn nǝ́ pribɔ́ pribɔ́tɔ́a bǝ:<< Có, cɔ́ tɔ́ɔ bá, í nán yí tɔ́ɔ xómǝ>> ⁷ Seyijia ŋúcùa có, ì yi yǝ́ xómǝ. ⁸ Kǝ́ amǝwo kpɔɛ̀ àá, vɔ̀nvɔ̀n ji wó, í wokáfú Mawu kǝ́ cɔ́ ŋúsɛ̀n hilá mɔ́nki nǝ́ amǝgbǝtɔviwoá. ⁹ kǝ́ Yesu tó lǝnan vá yikɔá, ǝ́ kpɔ́ ŋúcù deká kǝ́wo yɔ́ nǝ́ bǝ Madewó á, í ikanrɛ̀n dɛ̀ dǝ́ ǝtahaxɔtɔwó dɔwɔ̀xó dɛ̀.Ǝ nún nɛ̀n bǝ:<< Kprɔ́ un dé>> Ǝ có, ì kprɔɛ̀ dó. ¹⁰ Kǝ́ Yesu kanrɛ̀n dǝ́ axóamǝ bǝ yéa dú nù án, kpɔ́ ǝtahoxɔtɔ sugbɔwó kide amǝ agbǝ majǝ majǝtɔwó vá dú fiɛ̀ŋi nùdùdù lǝ́ yǝkidǝ́ yǝ́ dǝpɔviwó gbɔ́. ¹¹ Kǝ́ Farisitɔwó kpɔ́ ǝ́nǝán wó nún nǝ́ yǝ dǝprɔviwó bǝ Nuhǝ́ǝ́ jɔ́,í miàn xótɔ lǝ́ dú nù kide ǝtahoxɔtɔwó kide amǝ agbǝmajǝ majǝ́ tɔwó màan? ¹² Kǝ́ Yesu sǝ́ ǝnyɔ́n hinán, ǝ́ nú bǝ:< ránmǝ sɛ̀nŋún nǝ́ anwó ŋhián dɔ́yɔtɔ́ o, dɔ́nnɔnwó dǝdǝ́ i. ¹³ Mi yi í vɛ̀ji ǝnyɔ́n kǝ nún bǝ:ádɔnukpɔkpɔ́ í unlé ji, ŋ nyin vɔ́sawó o gɔmǝ, dó ŋɛnŋvá bǝ ma yɔ́ amǝjɔjɔwɔ́ nǝ́ ǝjimǝtrɔtrɔ́ o, vɔ́a ǝ́nùvɔɛ̀wɔtɔwó i >> ¹⁴ I Yohanɛs yǝ́ dǝprɔviwó va gbɔ́ í nun nɛ̀n bǝ:< í dɔ́ í miàn kide Farisitɔwó nú brá nǝ́ ǝnún ǝji ǝji vɔ́a tɔ́ɔ dǝprɔviwó ŋ wɔ́ nɛ̀n màan?>> ¹⁵ Yesu nún nǝ́ wó bǝ:<< Amǝyɔ́yɔ́wó nǝ́ ŋɔ́nrún kɔnuwɔwɔ́ lá teŋ hrɔ́n ŋkuvimǝ nǝ́ ŋúcùa lǝ́ wogbɔ́ tɛgbɛ̀ɛ á vɔ́a ǝ́ŋukǝ kǝwó lá vá ì woa cɔ́ ŋúcùa jìí, ganamǝdóa woa brá ǝnú. ¹⁶ Amǝde ŋcɔ́ nǝ́ avɔ́n yǝ́ yǝǝ́ dǝ́ awù xóxó ji o, dó yǝyéá lá zin dǝ́ awuaji í á gbǝ́ grɛ̀n kpǝǝ́. ¹⁷ Nǝnǝké wó ŋcɔ́ nǝ́ Wain(àhá) yǝ́yǝ́ǝ́ kɔ́ dǝ́ áfánŋgó xóxówó mǝ o, nǝ́ wɔ́ ǝnǝán, áfánŋgó xóxóa wó lá gbán í Wain lá kɔ́nŋgbi ì áfańŋgoawó lá crɔ́n.Gánŋkǝ wó cɔ́ nǝ́ àhá yǝ́yǝǝ́ kɔ́ dǝ́ afánŋgo yǝ́yǝwó mǝ, i woamǝvǝawó lá nɔ́n nyɔŋgbi. ¹⁸ Gákǝmǝ kǝ́ Yesu lǝ́ xonuxó nǝwó ǝ́nǝán, Yúdatɔwó mǝgán deká vá gbɔ́, í jǝkró dǝ ŋkɔ nɛ̀n í nùn bǝ:<<Ǝ̀vinyǝ̀ ŋɔ́nrùnvi kú efiá ganŋkǝ váá, ì i vá cɔ́ alɔ́ dǝji, nǝ́ à fɔ̀n.>> ¹⁹ Yesu có í kprɔɛ̀ dó, yǝ́ kidǝ yǝ́ dǝprɔviwó. ²⁰ Ŋɔ́nrún deká kǝ́ lǝ́ lǝ́ ǝhùnkɔ̀kɔ̀ yǝ́ dɔ̀ kǝkǝ ǝ́xó amǝwuivǝakǝá to Yesu yé ŋgbǝ́ í krǝ́ yǝ́ wú.21 ²¹ Dó ǝ́ lé nùn nǝ́ dekiá bǝ:< un krǝ́ yǝ́ wú dǝ́dǝ́ á, tíindɔ́á lá vɔ́.>> ²² Yesu trɔ́, í kpɔɛ̀. Ǝ nún nɛ̀n bǝ:<<Ǝvinyǝ̀ ŋɔ́nrùnvi, xɔ́ ŋúnsɛ̀n dodó. Tɔ́ɔ xɔ́sǝ yɔ dɔ wo.>> Akáakáa ŋɔ́nrun án yǝ́ dɔ́ vɔ́. ²³ Kǝ́ Yesu yi Yúdatɔwó mǝgán yǝ́ xomǝán, ǝ́ kpɔ́ gábádà kutɔwó kide amǝsugbɔwó í wo lǝ́ dǝ́ áxà sugbɔ. ²⁴ Ǝ nun bǝ:< gboyí, dó ŋɔ́nrùnvia ŋ kú o, vɔ́a ǝ́ lé dɔ́n arɔ́n.>> Vɔ́a wo kónù nɛ̀n. ²⁵ Kǝ́ wó yàn amǝwo dóàa, Yesu dó ǝxɔa mǝ í lǝ́ ábɔ̀ nɛ̀n í ŋɔ́nrùn via có nɔ́ntǝ́. ²⁶ Wó káaká ǝnyɔ́n án lǝ́ ǝnutoa mǝ sǝ́ǝ́. ²⁷ Gakǝmǝ Yesu có lǝ́nán án ŋúcù ŋkuvitɔnɔ́n amǝvǝ tɔɛ̀ kpɔkprɔ́ dó. Wo lǝ́ dǝ́ á́xà í lǝ̀ nún bǝ:< ádɔnumǝ nǝ́ mi, David yǝ́ vi ! >> ²⁸ Kǝ́ Yesu dó axoá mǝán, ŋkuvitɔnɔ́n án wó gbó tǝ́bɔɛ̀. Yesù ká wó sǝ́ bǝ:< xɔsǝ́ bǝ máateŋ yɔ́dɔ́ nǝ́ mián?>> wó dó ǝnyɔ́n án ŋú nɛ́n bǝ:<<ɛ́ɛ́, axotɔ́.>> ²⁹ Seyijiá Yesu tà lɔ́ wó ŋkuviwó, í nún bǝ:< vá mǝ nǝ́ mi dǝ́ mián xɔsǝ́ ji.>> ³⁰ Í wó ŋkuviwó hún í Yesu dǝ́ ǝ́sǝ́ nǝ wó bǝ:< ŋkáa sǝ́ ǝ́nyɔ́n án o>> ³¹ Vɔ́a ŋúcú amǝvǝawó yi, í vɛ̀ kàaká ǝ́nyɔ́ nyɔŋgbi án lǝ́ ǝ́nutóa sǝ́ǝ́ mǝ. ³² Gakǝmǝ ŋúcú amǝvǝ hinánwó yikɔa, wo kprɔ́ ŋúcú adǝkukunɔ́n deka kǝ́ mǝ gbɔngbɔ́n vɔɛ̀ deká lǝ́á vá nǝ́ Yesu nǝ. ³³ Kǝ́ wo yán gbɔngbɔ́n vɔɛ̀n án, adǝ́kukúnɔ́n án tɔ́ nuxó. Ǝkpácá amǝwó, í wo nún bǝ:< ŋkpɔ́ ǝ́nún hilá mɔ́nki lǝ́ Israɛ̀l kpɔ gbǝdǝ́ o''>> ³⁴ Vɔ́a Farisitɔwó lǝ́ nún bǝ:< vɔɛ̀nwó fiɔ́ í inyi, nán yań gbɔngbɔn vɔɛ̀n wó.>> ³⁵ Yesu lǝ́ tó ǝdu ganŋgánwo kide ǝdu cukúviwó mǝ. Ǝ gbǝlǝ́ kprá ǝnú amǝwó lǝ́ ǝgodoxowó, í lǝ́ xónú có ǝfiɔ́duxoá ŋú, í yɔ̀dɔ́ kide gbɔjɔgbɔ́jɔ́ dǝ́kpukpuidǝ́(vóvówó) ³⁶ Kǝ í kpɔ́ amǝánwóa, ǝ́ sǝ́ vǝ́vǝ́ kidǝwó dó wo cáká i gbɔ́jɔ̀. Wo wɔ dɛ̀ sigbǝ ǝrankpó deká kǝ́ ŋwɔ́ kprɔtɔ dɛ̀á o ǝnǝ. ³⁷ Ǝ nún nǝ́ yé dǝprɔviwo bǝ:<<Ǝnúkúa sugbɔ vɔ́a ǝdɔwɔtɔ́ hɔɛ̀deká dǝ́dǝ́ í lɛ̀. ³⁸ Kǝ inyi ǝ́nǝán, mi dǝ́ kúkú nǝ́ axotɔ́ kǝ yǝ́ nú wo káa kpádi á, nǝ́ a dɔ́ ǝdɔ́wɔtɔwó nǝ́ woa vɛ̀ kpadi ǝnùkúa.>>