1 Kǝ́ Yesu di có ǝ́toa jiá, amǝsugbɔwó kprɔɛ̀ dó. 2 Kpɔ́, ǝ́kpónɔn déká vá, í jǝkró dǝ́ ŋkɔ nɛ̀n í lǝ́ nú bǝ:<< Axóto, nǝ ǝji áa, áateŋ nán í màan kɔ̀. 3 Yesu vru alɔ, í nù bǝ:< lǝ́ ji, xɔ́ dɔ́ yɔ̀yɔ̀ >> Akàakàa, yǝ́ dɔ́a vɔ́ nɛ̀n. 4 Yesu nú nɛ̀n bǝ̀:<< Dú dǝkiwo ji bǝ ŋkáa nú nǝ amǝdǝ kin o. Yi, í nán disá dǝ́kiwo nǝ vɔ́satɔ́ í nán ǝ́nukǝ Mosǝ yǝ́ séa biɔ́ bǝ woa náan, í sǝ́ disà nǝ amǝwo bǝ yǝ́ kpɔ́ dɔ́ yɔ̀ .>> 5 Kǝ yesu dó kapernaum dumǝán, Romatɔwó huakprɔtɔ déka gbó tǝbɔɛ̀. 6 Ǝ dǝ̀́ kukú nɛ̀n bǝ:<< Axótɔ, tùn dɔcɔvi mrɛ̀n dǝ́ axoá ŋkɔ dɛ̀, ì lǝ́ lǝ́ kpribɔ kpribɔ́ dɔ̀, ǝ́ lǝ́ dú áyá sugbɔ́ >> 7 Yesu nún nɛ̀n bǝ:<< Màan yi tɔ̀ɔ xomǝ, ì vɛ̀ɛ yɔ́ dɔ́ nɛ̀n.>> 8 Vɔ́a Romatɔwó huakpɔ tɔa dó ŋú nɛ̀n bǝ:<< Axotɔ́, ŋɛn ŋjǝ́ bǝ nán dó tíin xomǝ o, vɔ́a nùn ǝnyɔ́n deká dǝdǝ́ í tíin dɔcɔ́vi lá kpɔ́ dɔ̀ yɔ̀yɔ̀. 9 Dó ŋɛncá, un lǝ́ amǝgánxowó cɛ̀kpakpá gɔmǝ ì sɔ́jàwó lǝ́ asinyɔ í un lé kprɔ wo un nùn nǝ hilá bǝ:"yi" í í yi nɔ́n.I nǝ tiin dɔcɔ́vi bǝ:"wɔ hila í á wɔ́ɛ." 10 Kǝ́ i dó ǝtoe jrɔá, ǝ́ kpácá yesu, í í nùn nǝ amǝkǝ lǝ́ kpɔɛ̀ doawó bǝ:<< Un lé nùin nǝ mi lǝ́ ǝnyɔ́ndodómǝ bǝ, ŋɛnŋ kpɔ́ amǝdǝ́ kidǝ xɔ́sǝ hilá mɔ́nki lǝ́ Israɛ̀l dumǝ o. 11 Un lé nui nǝ mi, amǝsúgbɔ́ lá có ŋindɔndoxó kide ŋindɔnjǝxó í woa kanrɛn dǝ́ tavútó kide Abrahamú, Isac kide Yakúkú lé jinkoriwó. 12 Vɔ́a woa cɔ́ fiɔduxoviwó daŋkpi dǝ zùubrú mǝ, léfi aviŋ fanfán kide adúkui dudúwó lá nɔ́n án.>> 13 Yesu nún nǝ ahuakprotɔa be:<< Yi, nán va mǝ nǝ wo sigbǝ ǝ́ xɔsǝ́a ǝnǝ. I dɔcɔvia kpɔ́ dɔ́yɔ́yɔ́ akàaká. 14 Gákǝmǝ Yesu vá dó Petro yé xomǝ án,ǝ́ kpɔ́ Petro yɔ́ si nɔ́n mrɛ̀n dɛ̀, cágbǝ átìkǝcitɔ́. 15 Yesu tá lɔɛ̀, í átikǝciá dó lǝ́ mǝ. Seyijià, ǝ́ có, í tɔɛ̀ subɔ subɔ́. 16 Kǝ́ fiɛŋigbɔ́ wɔáa wo kprɔ àmǝsugbɔ kǝ mǝ gbɔ́ngbɔ́n vɔɛ̀nwó lǝ́a wó vá nǝ Yesu, í tó ǝnyɔ́n ǝkudǝka núnú mǝán, ǝ́ yán gbɔ́ngbɔ́nwó, í yɔdɔ́ amǝdǝsiadǝ, kǝ, ŋi dɔnɔ́n án wó. 17 Tó hilá ji i ǝnukǝ Mawunyɔnudɛ̀tɔ Esaya núán va mǝ:<< yǝ́ŋta xɔ́ miàn dɔ́lǝlǝwó, i gbǝ̀ cɔ́ miàn wo >> gbɔjɔgbɔjɔ wó dró dekia>> 18 Kǝ Yesu kpɔ́ amǝkǝ xixradoé dɛ̀a woá, ǝ́ nún nǝ yǝ́ deprɔviwo bǝ yoa yi Galiléa xú yǝ́ gǝ́ amǝvǝatɔ́a ji. 19 Í ǝnukpamǝ̀tɔ gánŋgán deka va gbɔ́ í nùn nɛ̀n bǝ:< nàan kprɔwo dó yi áfidǝsiadǝ kǝ́ áa yiá.>> 20 Yesu dó ǝnyɔn án ŋu nɛ̀n bǝ:< wɔ́ dɔnxowó dɛ̀ í átɔ́n lǝ́ jiŋkorixǝviwó si, vɔ́a amǝgbǝtɔ́vi ŋ wɔ́ lǝfi ánɔn án dɛ̀ o>> 21 Adǝkpriɔvi bú nú nɛ̀n bǝ:< dǝ ǝmɔ́n un nǝ mávɛ̀di tiín dadá gbɔxó>> 22 Vɔ́a Yesu nún nɛ̀n bǝ:< un do, í nántáci amǝkukuwó dɛ̀ nǝ woa di wo mekukuwó.>> 23 Kǝ Yesu dó ákró mǝán, yǝ́ dǝkpɔvi wo kprɔɛ̀ dó ákró mǝ́an, yǝ́ dǝkpɔviwo kprɔɛ̀ do. 24 Kpɔ́, áyá ganŋgán deká tɔ̀ xòxó lǝ́ auáji kǝkǝ akroa kàà nù ci, vɔá Yesu lé dɔ́n ánrɔn. 25 Adǝkprɔviwo yi gbɔ́ i ŋɔ̀ɛ̀n i lǝ dǝ́ áxá bǝ:< nǝ mi, axotɔ́, mi kàa kú́.>> 26 Yesu nán nǝwó bǝ:< i mi lé vɔ́nvɔ́n mán, xɔsǝ cúkuvitɔ wo>> í í có í dǝ ǝsǝ́ nǝ áyá kide áxú, í viŋviŋxui gánŋgán vá. 27 Amǝwó ci yááá í nún bǝ:< rɔ́kpá, inyi amǝlá, kǝkǝ áyawó kide axú lǝ do ǝtoé màan.>> 28 Gakǝmǝ Yesu dó ágó ǝvǝ́atɔ ji lǝ́ Gadarɛ̀ni nyingbanjiá, amǝ amǝvǝ kǝ́ jí gbɔngbɔnvɔɛ̀n lǝ́ dufiɔ́ déawó vá do ǝgoǝ́.Wó dó có yɔ́dóeó mǝ í wɔ adán kǝkǝ ǝmɔn zɔnto dekin ŋká teŋ tó le'nan vá yi o. 29 kpɔ́, wo tɔ́ áxá dǝdǝ́ bǝ:< nukǝ́ǝ lǝ́ mian kidewó vǝ do mǝ?>>Ǝ vá bǝ yéa ca ká mi gbɔxó gakǝmǝ wo dó dɛ̀a nan sún iá?>> 30 Ǝ lǝ́nandɛhankpó deká tǝbɔ lǝ̀nandɛ. 31 Gbɔ́ngbɔ́n vɔɛ̀n án wó lǝ́ yɔ́ Yesu, í lǝ́ nú be:< ǝ ji bǝ yéa ŋán mí án, dɔ́ mi yi ǝhankpó hinán mǝ kpété.>> 32 Yesu nún nǝwɔ bǝ:< yi!>> Gbɔ́ngbɔ́n án wó dó i dó ǝhanwó mǝ, í ǝhankpó buboá sùdú kpukpú, i di có ǝtoají i jǝ axú mǝ í crɔ́n. 33 Amǝkǝ lǝ́ kpɔ ǝhan án wó á wo sií yi ǝduagán án mǝ í vɛ̀ nùn ǝnyɔ́n án wó séé, kǝ́ wua, enuke jɔ́ dǝ́ amǝkǝ ji gbɔ́ngbɔ́n vɔɛ̀ wó lǝ́ dúfiɔ́ déa wáá. 34 Kpɔ́, ǝdugánmǝtɔwó sǝ́ǝ́ do í vá do ǝgo Yesu.Kǝ́ wo kpɔɛ̀ áá, wo dǝ́ kúkú nɛ̀n bǝ nán có lǝ́ yéo.