ATCHAMADO_BEN-aug_mat_text

ǝta 7

¹ Mi ŋka dó kòjó nǝ mi o. ² Dó woa dó kòjó nǝ mi sigbǝ mi dó kòjó nǝ amǝbuwóa, i ǝnujrǝ́nú kǝ́ mi sǝ́ jrǝ́ ǝnú nǝ amǝwoá, yǝ́ kǝ́ í woa cɔ́ í sǝ́ jrǝ́ǝ́ nǝ miànwó cá. ³ Í nukǝ́ǝ́ í dɔ í ǝ́lǝ́ kpɔ áti cùkuvi deka kǝ́ dó nɔ́nviwò yǝ́ ŋkuvimǝ án, vɔ́a ŋlǝ́ kpɔ atikpó kǝ́ lǝ́ woŋtá yǝ́ nkuvimǝ án o? ⁴ Nǝ áteŋ nù nǝ nɔ́nviwò bǝ:"Kafrá, nán nǝ má dǝ́ atí cùkúvi kǝ́ lǝ́ tɔ̀ɔ ŋkuvimǝ án", vɔ́a atikpó deka lǝ́ wo ŋtá ŋkuvimǝ mán? ⁵ Ayǝ́mǝ nuwɔtɔ́! Dǝ́ atikpó lǝ́ tɔɔ̀ ŋkuvimǝ, lǝ́ hinán yǝ́ ŋgbǝ́á, áá kpɔ ŋùnú nyɔ́ŋgbi í dǝ́ ǝ́xakui lǝ́ nɔ́nviwò yǝ́ ŋkuvimǝ. ⁶ Mí ŋ ká cɔ́ ǝnù kɔ̀kɔ̀ nǝ avùwó o, í mi ŋká cɔ́ mían jónùwó daŋ́kpin dǝ́ ǝhanwó ŋkɔ̀ o, dó woa teŋ wɔn wo ji, i lá trɔ̀ dǝ́ miànji i grɛ̀n mì wruìwrui. ⁷ Mi biɔ́ ǝnú, ì woa ná mì ,iji ǝnù, i miàn kpɔɛ̀, mì xó ǝhɔn, i woa huìn nǝ mí. ⁸ Dó amǝdǝkpukpuide kǝ́ biɔ́ ǝnùán, wó nán nɛ̀n, ì amǝdǝkpukpuidǝ kǝ́ xó ǝhɔn án, woa huìn nɛ̀n. ⁹ Amǝdǝ lǝ́ miàn mǝ í nǝ ǝ́via biɔɛ̀ kpɔ́nɔ́, í à cɔ́ ǝkpǝ́ nɛ̀án? ¹⁰ Nɔ̀mi nǝ í biɔ́ ǝhoéa, í à cɔ́ ǝdán nɛ̀ án? ¹¹ Seyiji, miánwó kǝ́ nyin amǝbádá woá, mì nyán ǝnùnyɔŋgbiwó nánán miàn viwó a, mián dádá lǝ́ jiŋkori ŋnánán ǝnunyɔŋgbiwó amǝkǝ biɔ́ nɛ̀ á o màa? ¹² Kǝ inyi ǝnǝán, ǝnù dǝkpukpuidǝ ke mi jì bǝ amǝwó ná wɔ́ nǝ yóa, miànwó cá mi dó lá wɔɛ̀ nǝwó, dó ǝnùkǝ Mosǝ yǝ́ sǝ́a kide mawunyɔnudɛ̀tɔwó lǝ́ kprá amǝwoa nǝ. ¹³ Mi dó mǝ tó àgbó cúkùvia mǝ, dó àgbóa kǝkǝ í ǝmɔnán ji zɔ́nzɔ́n fá dó ǝlé kprɔ amǝ yi cɔncrɔ́n mǝ, í amǝsugbɔ wó tó nǝ lǝ́nán. ¹⁴ Dó àgbó cúkùvi kide ǝmɔn cúkùvi í kprɔ nǝ amǝ yiì ágbǝmavɔ́ mǝ, ì amǝ hɔ̀ɛdeká í kpɔ́ nɛ̀n. ¹⁵ Mikpɔ́ miadekiwoji lǝ́ vixómawunyɔn nudɛ̀tɔwó kǝ trɔ́ nǝ zún arɛ̀ngbɔviwó í vá nǝ miágbɔ́a, vɔ́a kǝ́ nyi ǝrán wɔ́adanwoa ŋú. ¹⁶ Míàn dési wó tó wo nuwɔ́wɔ́wó mǝ aŋunjà ŋká cɛ̀n wain o, i ¹⁷ Nǝnǝkǝ í ati nyɔ́ngbi dǝsiadǝ cɛ̀n nǝ ǝkú nyɔ́ngbi án nǝ, vɔ́a àti vɔɛ̀n cɛ̀n nǝ ǝkú vɔɛ̀n. ¹⁸ Átí nyɔ́ngbi ŋká teŋ cɛ̀n ǝkù vɔɛn o, atì vɔɛ̀n cá ŋká teŋ cɛ̀n ǝkú nyɔ́ngbi o. ¹⁹ ̀Ati dǝkpukpuidǝ kǝ́ ŋcɛ̀n nǝ ǝkú nyɔ́ngbián, wo có nɛ̀n í cɔ́ nɛ̀n dáŋkpi dǝ́ ǝzó mǝ. ²⁰ Nǝnǝkǝ í miàn desi wo tó wo nuwɔ́wɔ́wó mǝán nǝ. ²¹ Ŋŋi amǝdǝsiadǝ kǝ́ nú nǝ bǝ:"Axótɔ, axótɔ, wo í lá dó jinkori fiɔduxo mǝ o, vɔ́a amǝkǝwó wɔ́ nǝ tíín dádá kǝ́ lǝ́ jiŋkoriwoa yǝ́ jiji. 22 ²² Amǝsugbɔ lá nún gbónán bǝ:"Axótɔ, axótɔ" ŋŋi tɔ́ɔ ŋkojí í mí núnyɔndɛ̀ lǝ́, í nyán gbɔngbɔn vɔɛ̀wó, í wɔ́ ámrinmanwó lǝ́ tɔ́ɔ ŋkɔ jí ǝ́ mán? ²³ "Gánámǝán dóŋu nǝwó bǝ: ŋɛ̀n ŋdǝsi mì kpɔ gbǝdǝ́ o ! Mi gboyi lǝ́ ́egbɔnyǝ, miànwo ka wɔ́ nǝ ǝnuvɔɛ̀n àn wo!" ²⁴ Seyijià, amǝdǝkpukpuidǝ kǝ́ sǝ́ tiín nyɔnwó í cɔ́ wó dǝ́ ǝdɔwɔ́wɔ́mǝán, á wɔdɛ̀ sigbǝ amǝ nyán ŋùnú kǝ́ mǝ́n yǝ́ xɔ́ dǝ́ ǝkpéjiá ǝnǝ. ²⁵ Ǝci ja, ǝtɔ dɔ, i áyàwó xó dǝ ǝxɔ́ hinánji, vɔ́a, ŋ mùn o, dó wo mǝɛ̀n dǝ́ ǝkpe ji. ²⁶ Vɔ́a amǝdǝkpukpuidǝ kǝ sǝ́ tiín nyɔ́nwó, í ŋcɔ́ wó dǝ ǝdɔwɔwɔ́ mǝán, ŋin amǝ mánnyán ŋúnù kǝ́ mǝ́n yǝ́ xɔ́ dǝ́ ǝkó jiá ǝnǝ. ²⁷ Ǝci jà ǝ́tɔ dɔ, áyá xó, í í mun ì crɔ́n sǝ́ǝ́ǝ́. ²⁸ Ǝ vá mǝ bǝ gakǝmǝkǝ yesu nun ǝnyɔn hinanwó jrɔá, amǝwó ci yáoa cágbǝ yǝ́ nùkpramǝ tɔ́. ²⁹ Dó ǝlé kpra ǝnú amǝwo sigbǝ amǝ kǝ wɔ́ acɛ̀kpakpa dɛ̀a ǝnǝ, ŋ ŋi sigbǝ ǝnúkprramǝtɔ́ ganŋganwó ǝnǝ o.