ATCHAMADO_BEN-aug_mat_text

ǝta 6

¹ Kpɔ́ dékiwojí nyɔ́ngbí, nǝ́ ŋkáa wɔ́ ǝnúkǝ tɔ́ɔ subɔ subɔ́ biɔ́ bǝ nán wɔ́ lǝ́ amǝwomǝ nǝ yoakpɔ́ o. Nǝ ǝ́ wɔ́ ǝnú hináwó lǝ́ amǝwó án, álǝ́ dékɛ̀n ŋlǝ̀ nǝ ǝ́wo có míán dádá kǝ́ lǝ́ jiŋkoriwoá gbɔ́ o. ² Yeidɔ́, nǝ ǝ́ nán ǝnúdǝá, ŋkáa nán amǝwoséé násǝ sigbǝ ayémǝ nuwɔtɔwó wɔ́ nɛ̀n lǝ́ égodoxowó kide ǝmɔ́nwóji bǝ amǝwó nán kɔ́ yǝ́wo dǝ́ eji.Lǝ́ ǝnyɔ́ndodo mǝ, xoxó vɔ́. ³ Miánwó yá, nǝ mi nán ǝnú án,mián lɔ́ miɔ́n ŋká nyán ǝnukǝ mián lɔ́ dunú wɔ́a o, ⁴ cagbe nǝ mián nán ǝnú lǝ́ bǝbǝmǝ. Nǝ miwɔ́ enǝán, miàn dádá kǝ́ lǝ́ kpɔ́ mí lǝ́ bǝbǝmǝán lá tú fɛ́n nǝ mi. ⁵ Í nǝ mí lǝ́ xodǝ́à, miŋkáà wɔ́ sigbǝ ayémǝ nuwɔtɔwó ǝnǝ o, dó wo rɔ́n nǝ bǝ woá lǝ́ xodǝ́( lǝ́ ǝgodoxowó bɔbɔwo mǝ) kide ǝmɔntowó cágbǝ amǝwó nán kpɔ wó.Lǝ́ ǝnyɔ́ndodó mǝán, un lǝ́ nui nǝ́ mi bǝ wo xɔ́ wó lǝwó vɔ́. ⁶ Vɔá miànwó, nǝ mí lǝ́ xodǝ́à, mi dó miàn xɔ́mǝ, mi tú mian hɔ́n, í mián xodǝ́ nǝ miándadá kǝ́ lǝ́ bǝbǝxóa, nǝ mi wɔɛ̀ ǝnǝán, miàn dadá kǝ kpɔ́ nǝ̀ ǝ́nù lǝ bǝbǝ xodǝá, lá tú fɛ́n nǝ mí. ⁷ Í Nǝ nù lǝ́ xodǝá,miŋká nú ǝnyɔngbalewó dǝdǝ́ sigbǝ́ jimaxɔsǝtɔwó wɔ́ nǝ ǝnǝ́an o,dó woŋtawó bú nǝ bǝ woa dó ǝtó yǝ́wo nǝ yǝ́wo xonúxó súgbɔ́. ⁸ Cágbǝ hinantɔá, minká diwó o, dó miàn dadá nyán mian hián hian wó gbɔxó nǝ miàn biɔɛ̀. ⁹ Kǝ inyi ǝnéan,mi xodǝ́ bǝ:<< Mián dadá kǝ lǝ́ jiŋkoriwoá, tɔ́ɔ ŋkɔ̀ ná xɔ̀ kɔ̀kɔ̀. ¹⁰ Tɔ̀ɔ fiɔ̀duxó ná vá. Woa, wɔ́ tɔ́ɔ jiji lǝ́ anyigbánji sigbǝ wo wɔ nɛ̀nlǝ́ jiŋkoriá ǝnǝ. ¹¹ Ná mí mían ǝgbá yǝ́ núdúdú. ¹² Cɔ́ mian núvɔɛ̀n wó kǝ mi sigbǝ miàn cáwó mi sǝ kǝ nǝ amǝkǝ jagɔ́ dǝ́ mián jiáwó ǝnǝ. ¹³ Káa kprɔ́ mí yí tǝtǝkpɔ mǝ o, gaŋ́kǝ ná dǝ́ mi lǝ́ ǝnúvɔɛ̀nwɔtɔ́ yǝ́ lɔ́ mǝ.>> [Dó tɔ̀wó inyi ǝfiɔ̀dudú, ŋúsɛ̀n kidǝ kpǝ́nkpǝ̀n mǝ kǝkǝ i sǝyi mavɔ mavɔ mǝ ] ¹⁴ Dó nǝ́ mí cɔ́ amǝwó núvɔɛ́wó kǝwóà, míàn dadá kǝ́ lǝ́ jiŋkoriá lá sǝ́kǝ́ míánwó cá. ¹⁵ Vɔ́a nǝ mi ŋcɔ́ wó nuvɔ́ɛ́nwó kǝwóda mián dadá ŋnánsǝ́ḱé miánwó cá o. ¹⁶ Seyijia, nǝ mi lǝ́ brá ǝnùn án, mí ŋká hrɔ́n ŋkuvi mǝ sigbǝ ayémǝnuwɔtɔwó wɔ́ nǝ ǝnǝán o,wó dɔri nǝ wó ŋkuvi mǝ cagbǝ nǝ amǝwó nán kpɔ́ bǝ wó lǝ́ brá ǝnún. Lǝ́ ǝnyɔ́ndodo mǝán, un lǝ́ nui nǝ mi, wó xɔ́ wó lǝ́wó vɔ́. ¹⁷ Vɔá miánwó yá, nǝ mí lǝ́ brá ǝnún án, mi si anu d mián tà, ì miàn fùn ŋkuvimǝ, ¹⁸ cagbǝ nǝ mi nka dùsá nǝ amǝwo bǝ mí lǝ́ brà ǝnùn o, vɔ́a nǝ miàn dadá kǝ́ lǝ́(bǝbǝ mǝ́an) wawráxoá dekin. Í mián dadá kǝ́ lǝ́ kpɔ́ mí lǝ́ wáwráxoá lá tufɛ̀n nǝ́ mí. ¹⁹ Mi ŋká bɔ́ kǝ́sinɔnuwó nǝ́ mián dǝ́kiwó dǝ́ anyigbán hilá jí kǝ́ ǝ́kɔ́nviwó kidǝ ǝ́hunjǝjǝ lá doá hɛ̀nwó, í ̀fráfitɔ́wó lá teŋ fiwóà o. ²⁰ Lǝ́ hinan, yǝ́ tohoá, mí bɔ miàn kǝ́sinɔnu wó dǝ́ jiŋkori, léfi ǝkɔ́nvi nɔ́mi ǝ́hunjǝjǝ nkàá teŋ dáahɛ̀nwó lǝ́á o, í fráfitɔwó ŋka teŋ fiwó lǝ́a. ²¹ Dó lefi tɔ́ɔ kǝsinɔnu lǝ́a lǝ́nán í tɔ́ɔ ji cá là nɔn dɛ̀ nǝ.̀ ²² Ŋkuvi nyi kaŋ́dé nǝ gòtó. Kǝ inyi nǝán, nǝ ŋkuvi nyɔ́n án, gòtóasée dɔ̀ kide kɔ̀kɔ̀. ²³ Vɔá nǝ ŋkuvi ŋ nyɔ́n án, gòtósée dɔ kide zùùbrúwó nǝ kɔ̀kɔ̀ kǝ́ lǝ́ ásiwoá, nyi zùubrú nyánwóá, zénǝnǝ í zùúbrú hinan gaŋ́gán duǝ́? ²⁴ Amǝdǝkin ŋká teŋ súbɔ́ áxòtɔ amǝvǝ o, dó à lǝ́fún déká, í là rɔ́n amǝvǝatɔ́, nɔ̀mi à lǝbǝ nǝ dǝ́ká í ŋkáá cɔ́ ǝ́dǝ́ lǝ́ mǝ nǝ amǝvǝatɔ́ o. Miŋ káá teŋ súbɔ́ Mawu kide kǝ́sinɔnu lǝ́ gadǝ́ká mǝ ó ²⁵ Yéidɔ́ i un lé nùn nǝ́ mi bǝ, miŋkáá ci ji nǝ mián gbǝ o, nɔ̀mi nǝ ǝnukǝ miàn dúà o, nɔ̀mi nǝ ǝ́nukǝ miàn nuán o, nɔ̀mi nǝ ǝnukǝ miàn doá o.Dó ágbǝà ŋcɔ áfi wú ǝnudúdú á, í amǝbriboá ŋxɔ́ áfi wú ǝnúdódó kide ávɔ́ntátá wó á ? ²⁶ Mikpɔ́ jiŋkori xǝviwó ! wó ŋdǝ́ nǝ ǝbó o, í wó ŋ kpánǝdí ǝnùkù dǝ́ áváji o, vɔá mián dádá lǝ́ jiŋkori nyin nǝ wó (nán nǝwó ǝnúdudú). Mí ŋxɔ́ afì wù wó à ²⁷ Mɛ̀n, ì lǝ́ miàn mǝ, ì lǝ́ yǝ́ kɔ́efán mǝ láteŋ tútú yǝ́ kúzán gbǝ́ yi ŋkɔ́ máà? ²⁸ Í nukǝ́ǝ ídɔ́ í mí lǝ́ fánkɔ́é nǝ ǝnúdòdòwó máá? Mi kpɔ́ fráwáwó lǝ́ bómǝ, sigbǝ wó mi nǝ doá, wó ŋwɔ́nǝ ǝdɔ̀ o, wó ŋrɔ́n nǝ arɔ́n cá kpǝ́tǝ́ o. ²⁹ Vɔ́a, un lǝ́ nú nǝ mí bǝ efiɔ́ Salomon ŋtácá lǝ́ yǝ́ kpǝ́nkpǝ̀nmǝán ŋdo ǝnú ì nyán kpɔ̀kpɔ́ sigbǝ fráwá hinán deká ǝnǝ o. ³⁰ Nǝ́ Mawu teŋ dó áwú nǝ bomǝgbǝwó kǝ̀ lɛ̀ dɛ̀ ǝgbá, í ǝ́cɔ̀ woá cɔ̀ɛ̀ dǝ́ ǝzomǝ án, núkǝ́ǝ í lá nán í ŋnán dó awù nǝ mì amǝxɔ̀sǝ cúkùvitɔ̀wó o màn? ³¹ Miŋká lǝ́ fankɔé i lǝ́ nú bǝ:< í míán dú>> nɔ́mì < míán nún>> nɔ́mì < ì jí nǝ́ ǝnù hinànwó, mìàn dó o?>> ³² Amǝmaxɔsǝwó í ji nǝ́ ǝnù hinánwó míàn dádá lǝ́ jinkori nyán mián hiànhián wó ³³ Mì jí yǝ fiɔ́duxó kide yǝ́ nudódówɔwɔ́ kǝ́lǝ́kǝ́lǝ, í wóa cɔ́ ǝ́nu kpɔtiawó kpǝ́ǝ nɛ mí. ³⁴ Miŋ áyí nǝ ǝ́cɔ́ kǝ́ gbɔnɔn án o, dó ǝ́cɔ́ kǝ́ gbɔnɔn án ŋtá la kpɔ́ dékíá gbɔ nkǝ́kǝ́ dekpukpuidǝ́ kidǝ yé nyɔ́nwó,