ATCHAMADO_BEN-aug_mat_text

ǝta 5

¹ Kǝ Yesu kpɔ́ amǝ ánwoá, ǝ́ yi ǝ́tóji. Kǝ ì kànrɛ́n án, yǝ́ dǝkprɔviwó vá gbɔ́. ² Ɨ́ í kpá ǝnù wó, í nú bǝ: ³ << Wo yrá amǝkǝwó nyán bǝ yewó nyin áyàmɔnɔ́n lǝ́ gbɔngbɔ́n mǝán wó, dó wotɔ́ inyí jinkóri fiɔ́duxoá.>> ⁴ Wo yrá amǝkǝ lǝ́ fánŋviŋ án wo, dó woa vá do ŋúsɛ̀n wó. ⁵ Woyrá amǝkǝ bùbɔ̀ wódekiwoá, dó̀ woa dú ányigbán yǝ́ cinɔn. ⁶ Woyrá̀ amǝkǝ Mawu yǝ́ rɔnrɔn wɔ́wɔ́ jrónɔn ań wo, sigbǝ fifǝ. Kide ǝcigɔ̀mǝ tɛ̀n nǝ amǝ́an ǝnǝ, yǝ́ gɔ̀mǝ i nyi bǝ Mawu lá ná ì woa dɔ́ xó. ⁷ Woyrá amǝkǝ kpɔ́nǝ ádɔ́numǝ nǝ amǝánwó, dó woa kpɔ́ ádɔ̀numǝ nǝwó. ⁸ Woyrá amǝkǝ ǝjimǝ kɔ nɔn án wó, dó woa kpɔ́ Mawu. ⁹ Woyrá amǝkǝ jinǝ ŋtifafáa wó, dó woa yɔ̀wó be Mawuviwó. ¹⁰ Woyrá amǝkǝwó yómǝ wó ti cágbe ǝ́nyɔ́ dodóatɔá dó jinkoriwo fiɔ̀duxoá nyi wótó. ¹¹ Yayrátɔwó ì mí nyi nǝ amǝwo zú mì ì tì miàn yómǝ nɔ̀mi nǝ wo nù ǝ́nyɔ̀ vɔɛ̀n vovówó dǝ́ mián ŋú majǝmájǝ cágbǝ tiŋǝ. ¹² Mì kpɔ́ jijɔ ì mián ji há viviwó dó mián lǝ gańŋgan lǝ́ jiŋkoriwo fiɔ̀duxó mǝ. Dó nǝnǝke, í amǝwo ti Mawunyɔn-nudɛ̀tɔwó kǝ nɛ̀n vá yí jeŋkɔ̀ nǝ miawó yómǝ án nǝ. ¹³ Mi nyi ǝjǝ nǝ ányigbánji, nǝ ǝjǝ bú yǝ́ viviá, nǝ átèŋ wɔnmɔ́n í gbǝ trɔ kpɔɛ̀ má? ŋ gbǝ nyɔ́ nǝ ǝnudǝ wɔwɔ̀ o. Woa cɔɛ̀ dańŋkpíŋ, í amǝwo lá zɔ́n jí. ¹⁴ Mi nyi xixǝámǝ yǝ́ kánŋdé. Ǝdú kǝ wo cá dǝ ǝtójiá ŋ wra nǝ o. ¹⁵ Nǝnǝkǝ, wo ŋ tɔ̀ nǝ kanŋdǝ́, í cɔ̀ nǝ ǝnú cɔ̀n nǝjí o, vɔ́a, wo cɔ̀ nɛ̀n dǝ́ ǝ́nújí nǝ átèŋ kɔ̀ nǝ amǝkǝ lǝ́ áxòa mǝán wó. ¹⁶ Seyijia í miàn kanŋdé ná kɔ̀ lǝ́ amǝwo ŋkɔ́ nǝ woa kpɔ miàn dɔwɔ̀wɔ̀ nyɔŋgbiwó, í nǝ woa káfù miàn dàdà kǝ lǝ jiŋkori á. ¹⁷ Mí ŋkáà buí bǝ un vá tútù ǝsǝ́a nɔ̀mi ǝnyɔ́nudɛ̀wó o, ŋɛ́n ŋvá bǝ má tútùwó o, vɔ́a bǝ nǝ woá vá mǝ. ¹⁸ Lǝ́ ǝnyɔndódómǝ, un lǝ́ nuí nǝ mì, kǝkǝ i sǝ́ vá dó gákǝmǝ ke jiŋkori kide ányigbán lá nɛ̀án, wo ŋkaá tútù ǝnù cúkùvi dǝ́ká lǝ́ esǝ́amǝ o, kǝkǝ i sǝ́ vá dó ǝnù dǝsiadǝ yǝ́ mǝ vává. ¹⁹ Yǝ́idɔ́, nǝ amǝdǝ dá lǝ́ ǝ́sǝ́ cúkùvidéká ji, ì kprà amǝbúwó cá wó bǝ woa wɔ́ nǝán, à nyi cúkùvi wú lǝ́ jiŋkori fiɔ̀duxó a mǝ. ²⁰ Un lǝ́ nuì nǝ mi, nǝ miàn nù dodó wɔwɔ́ ŋwú ǝnúkpramǝtɔ ganŋ́ganwó kide Farisitɔwó nùdodó wɔwɔ̀á (Kojododóà), mí ŋká teŋ wɔ́ dɔ́ ǝdǝ́ í dó jiŋkori fiɔ̀duxoámǝ o. ²¹ Mi sǝ́ bǝ wo nù nǝ xóxótɔ wo bǝ:< wi amǝ o>> í:< kpukpuidǝ́ kǝ wú amǝ buá, woa dó kójó nɛ̀n.>> ²² Vɔ́a, ǝŋɛŋ unlǝ́ nui nǝ mi: bǝ amɔdekpukpuidǝ́ kǝ wɔ xómǝfiɛ̀n dǝ́ nɔ́viá ŋuán, woa dó kojó nɛ̀n, í amǝkǝ lá nú nǝ nɔ̀viá bǝ:< á !>> jǝnǝ kojó dodó. Ì amǝdekpu kpuidǝ kǝ lá nú bǝ:<< Ǝran án>> jǝ nǝ zómavɔ́ mavɔ̀ mavɔ̀mǝ yiyi. ²³ Seyijià, nǝ ǝ́ nán ǝnú lǝ́ mawù yǝ́ xómǝ, í ǝ́ doŋú bǝ yǝ́ dó ǝnyɔ́ kidǝ yǝ́ nɔ̀viá nɔ̀viá, ²⁴ tácì tɔ̀ɔ núnànà dǝ ǝnujɔgbán yǝ́ ŋkɔ́, yí, í vɛ̀ wɔ̀ déká kidǝ́ǝ gbɔ̀xó. Lǝ́ hinán yǝ́ ŋgbǝ́a, và i vá má tɔ̀ɔ nú. ²⁵ Nǝ amǝdǝ sánmawó í wokidǝ́ǝ ǝvǝ mi zɔ́n yí kɔ́ kojódó xóa, tǝ́kpɔ́ nǝ nś wɔ́ dǝká kidǝ́ǝ nǝ ŋyin ǝnǝ o á, wokidǝ amǝkǝ dó ǝnyɔn án, lá cɔ́ ǝwo nǝ kojodótɔ̀, í kojodótɔ̀ á cɔ́ ǝwo nǝ sɔ́já, í yá lá cɔ́ ǝ́wo dǝ́ gakpámǝ. ²⁶ Lǝ́ ǝnyɔ́ndodómǝán, ŋkáàtéŋ dó lǝ́ gakpáàmǝ nǝ ŋtú fɛ̀n kǝ ǝ́dúa sǝ́ǝ́ o. ²⁷ Misǝ́ í wó nú bǝ:< wɔ̀ mátǝ́lǝ́ o >> ²⁸ vɔ́a, un lǝ́ nú nǝmi be amǝdekpukpuidǝ́ kǝ kpɔ́ ŋɔnrún dǝ́, í í jroá, wɔ̀ mátélé kidǝ́ǝ́ lǝ́ yǝ́ jimǝ. ²⁹ Í nǝ tɔ̀ɔ dusimǝ ŋkúvi à ná bǝ náwɔ́ ǝ́nuvɔ̀ɛn án, dǝ́ǝ́, ì ná cɔɛ̀ dánŋkpi dǝ́ diŋdiŋ tóhó lǝ́ ǝgbɔ̀wo dó ǝ́ nyɔ́n nǝ ǝ́wo wú bǝ tɔ̀ɔ gótónù déká ná crɔ́n, bǝ woá cɔ̀ woŋtá bribó dánŋkpi dǝ́ ǝzó macimaci mǝ. ³⁰ Ì nǝ tɔ̀ɔ dúsilɔ́ lá kprɔ́ ǝwo dǝ́ ǝ́nuvɔɛ́n mǝán, í ná cɔɛ̀ dánŋkpi, dó ǝ́nyɔ́ nǝ ǝ̀wo wú bǝ tɔ̀ɔ gótónù déká nácrɔ́n bǝ wo a cɔ́ wóŋtá bribó dánŋkpi dǝ́ ǝzomacimaci mǝ. ³² Wo gbǝ nú bǝ:< amǝdǝ gbǝ ásiáà, ná cɔ̀ ŋɔnrún gbǝgbǝ yǝ́ wema nɛ̀n.>> ³¹ Vɔa, un lǝ́ nú nǝ mi bǝ:Amǝdekpukpuidǝ́ ke gbǝ ásiá, nǝ ŋŋi cagbǝ mátǝ́lǝ́ wɔwɔ̀ tɔ̀ o á, dǝ́ mɔ́n nɛ̀n bǝ nátrɔ́ zún mátǝ́lǝ́wɔtɔ́, í amǝdekpu kpuidǝ́ ke dǝ́ ŋɔnrun ke wo gbe á cá wɔ̀ mátǝ́lǝ́. ³³ Seyijia, mí gbǝ́ sǝ í wo nú nǝ xoxótɔwó bǝ: Káà tá nú vixótɔ̀ o, vɔ́a ná wɔ́ dǝ́ ǝzǝ kǝ́ ǝ́ dǝ́ nǝ axótɔ̀á ji. ³⁴ Seyijia, mi ŋka tá jiŋkori o, dó Mawu yé̀ fiɔ̀zikpin i i nyi. ³⁵ Mi ŋka tá ányigbán cá o, dó Mawu yǝ́ fɔ́ dǝ́xó í í nyi, mi ŋka tá Yerusalem cá o, dó ǝfiɔ́woséé wo fiɔ́ dú í. ³⁶ Mi ŋka tá miàntáwó cá o, dó ŋká teŋ ná í tɔ̀ɔ dá déká kpété ná yée áló ná ŋrɔn o. ³⁷ Nǝ mi lǝ́ xónú án,mián núxó ná yin "ɛɛ̀n" dǝdǝ́ nɔ́mí "oo" dǝdǝ́. Ǝnyɔ̀n bú rɔkpá nùnù án, có amǝvɔɛ̀n gbɔ. ³⁸ Mi sǝ́, í wo nú bǝ: ŋkuvi dǝ́ ŋkuvi tóhó, í ádú dǝ́ ádú tóhó. ³⁹ Vɔ́a ŋá ún lǝ́ nú nǝmi bǝ, miŋká dɔ́nyɔ́n kide amǝ wɔ̀ádán o, lǝ hina tóhó, nǝ amǝdǝ xó dúsimǝ tó nǝmi án, mitrɔ́ ǝtó amǝvatɔ́ cá nɛ̀n. ⁴⁰ Nǝ amǝdǝ ji bǝ yéa sanmawò, í xɔ́ tɔ́ɔ jiwú lǝ́ ásiwóà, ná mɔɛ̀n nǝ áxɔ́ tɔ̀ɔ vɔ́n cá jró. ⁴¹ Nǝ amǝdǝ zin ǝjia bǝ názɔ́n mɔtru kawubratɔ́n án, zɔ́n mǝtru kawubr̀atɔ́n tóhó amǝvǝ kidǝ́ǝ́. ⁴² Nǝ amǝdǝ biɔ́ ǝnú ǝ́woá, ná nɛ̀n, nǝ amǝdǝ jibe nádó ǝnúdǝ́ neyeá, káà gbǝ o. ⁴³ Misǝ́ bǝ wo gbǝ nú bǝ:< rɔ́n ǝxrɔ́wó,í ná dǝkǝ tɔɔ̀ kǝ́tó >> ⁴⁴ Vɔ́a nyá un lǝ́ nú nɛ̀mi bǝ:< rɔ́n mian kǝ́tɔwó, i mi xódǝ́ nǝ amǝkǝ ti mián yómǝánwó. Mi yrá amǝkǝ lǝ́ dónù miánwo. Mí wɔ́ ǝnu nyɔŋgbi nǝ amǝkǝ ŋrɔ́n mián wó. ⁴⁵ Lǝ́̀ hinan mǝán, mián trɔ́ zún ǝviwó nǝ mián dádá kǝ́ lǝ́ jiŋkouwó à. Dó ǝ ná nǝ i ŋindɔ́n hún nǝ nǝ amǝ wɔádanwó, kide amǝ nyɔŋgbiwo, í í ná nǝ i ǝ́ci já nǝ nǝ amǝjɔjɔ́wó kide amǝ majɔ majɔ wó. ⁴⁶ Dó nǝ mi rɔ́n amǝkǝ rɔ́n miá wó dǝ́dǝ́awóà, ǝfɛ̀ntú ke í mian teŋ xɔ́ có hina mǝ? Nenǝkǝ í ǝnujɔtɔwó cáwó wɔnǝán nǝ. Mì dola wɔ́ nyɔngbi wu wó. ⁴⁷ Í nǝ mí ci nǝ mián nɔ́viwó dǝdǝ́á, ǝnuke i mi wɔ́ nyɔŋgbi wú amǝkpɔtiawó ma? jimaxɔsǝtɔwó cáwó wɔ́ nǝ wú enǝ. ⁴⁸ Seyijia, ni dóla nyi amǝnyɔngbiwó, sigbǝ mian dádá lǝ jiŋkoriá ǝnǝ.