ATCHAMADO_BEN-aug_mat_text

ǝta 4

¹ Seyijiá, gbɔ̀ngbɔ̀n an kprɔ̀ Yesu yi zogbǝji nǝ Ábùsanŋ nà tǝ́ǝ́ kpɔ́. ² Ke í brá enú ŋkǝkǝ hoká kide ezán hoká jrɔ̀á, fúfǝ lǝ́ǝ́. ³ Tǝtǝkpɔtɔa zɔ́n tǝ́bɔɛ̀, í nù nɛn bǝ:<< Ŋǝ ǝ́ nyi Mawuviá, dǝ́ gbǝ nǝ ǝkpǝ́ húláwó nátrò zún kpɔnɔ́>> ⁴ Vɔ́a Yesu nú nɛ̀n bǝ:<< Wó ŋrɔn dɛ̀ bǝ, Amǝ ŋkáa nɔ̀n ágbǝ nǝ ǝnyɔ́n desiade kǝ dó nɔn có Mawu yé numǝ́an ŋu. ⁵ Seyijia, fútɔ́a kprɔɛ yi ǝdú kɔ̀kɔ̀a mǝ, í cɔɛ̀ dǝ́ tóhó ke jijí wúa, ⁶ Ɨ̀ nú nɛ̀n bǝ:<< Nǝ ǝ́ nyi Mawuvia, zó kpǝ́ và anyigbán mǝ, dó wó ŋrɔn dɛ̀ bǝ:"Á dǝgbǝ nǝ yéŋǝndótɔwó bǝ woa kpɔ́ ǝjio" ì woa lǝó dǝ́ wo lǝ̀mǝ bǝ ŋká kráfɔ́ dǝ ǝ́kpǝ́ dǝ ŋu o.">> ⁷ Vɔá Yesu dóŋu nɛ̀n bǝ:<< Wo ŋrɔɛn dɛ̀ bǝ:"ŋ dóla tɔ axótɔ tɔ́ Mawu kpɔ́ o.">> ⁸ Seyijia, Ábùsaŋ gbǝ kpɔ Yesu yí ǝ́tó yijià jí, ì í dísá xixǝ́amǝ yé fiɔ̀duxowóséé kide wo nú xɔ̀afiwó nɛ̀n. ⁹ Ǝ nú nɛ̀n bǝ̀:<< Màa cɔ́ ǝnunawoséé nǝo, nǝ ǝ́ jǝkró í dǝ́tágù un.>> ¹⁰ Yesu nù nɛ̀n bǝ:< lé ǝ́gbɔnyǝ, Sátàna! Ɗó wo ŋrɔɛn dɛ̀ bǝ:"À dǝ́tagù nǝ áxotɔ tɔ́ɔ́ Mawu, í lá súbɔ́ yédéki">> ¹¹ Seyijia, fútɔ̀a tácù í ì mawuŋedótɔwó́ vá gbɔ ì vá kpǝ́dǝ́ ŋu. ¹² Ke Yesu sǝ bǝ wo lǝ́ Yohanes á, ǝ́ trɔ́ yi Galilǝ. ¹³ Ǝcó lǝ Nazarɛti, ì vɛ̀ɛ nɔ̀n kapenaun kǝ lǝ Galilǝ yé xua gbɔá lǝ́ Zabulon kide Nephthali nyigbánwó ji. ¹⁴ Ǝnú hilájɔ́ nǝ ǝ́nyɔn kǝ Mawu nyɔn nudɛ̀tɔ Esaï nú dɛ̀a ná vá mǝ. ¹⁵ < Nephthali wo nyigbánwó, lǝ́ axútomɔ kide Yordan yǝ́ ŋgbǝ Mawuji máxɔ̀sǝtɔ́wó Galile. ¹⁶ Ǝdú kǝ nɔ̀n zubrùwó, mǝán kpɔ́ ǝzó ganŋ́gan déká, ì amǝkǝ nɔ̀n anyigbán kǝ jí ǝkú dú fiɔ́ dǝ́á, wó kpɔ́ ǝzó si nǝwo.>> ¹⁷ Có gánamǝ áan, Yesu tɔ̀ Mawunyɔ́n núnú, ì nú bǝ:<> ¹⁸ Kǝ Yesu lǝ́ zɔn lǝ́ Galile xútó Yikɔá, ǝ́kpɔ́ ŋúcùvi amǝvǝ wó ŋkɔ̀wó ì nyi Simon kǝ woyɔ̀nǝ bǝ Piɛ̀ kide yǝ́ nɔ̀nvi Andrǝ́. wó lǝ́ dá ǝ́dɔ dǝ́ axúmǝ, dó ǝhoé lɔ́tɔ í wó nyì. ¹⁹ Yesu nù nǝwò bǝ:<< Mí vá, mi kprɔ́ un dó, ì màà wɔ mi amǝgbǝtɔ̀viwó lǝ́tɔ.>> ²⁰ Akáákáá, wó táci wó dɔ̀wó dɛ̀, ì kpɔɛ̀ dó. ²¹ Kǝ Yesu lǝ́ mɔnan jí yikɔá, ǝ́ kpɔ́ ŋúcùvi amǝvǝ búwo, wó ŋkɔ́ wó i nyi Yakúbú, Zǝ́bǝ́dǝ́ yǝ́ vi kide Yohanes yǝ́ nɔ̀nvi. Wó lǝ ákró mǝ dɛ̀ kide wo dàdá Zébǝ́dǝ́, í wó lǝ́ grádo wó dɔ́wó. Yesu yɔ̀ wó ²² í akaàkàa, wó có gbɔ ákroá̀ kide wo dàdá dɛ̀, ì kpɔɛ̀ dó. ²³ Yesu tó Galile dú brìboá mǝ, ǝ́ lǝ́ kpràanú amǝwó lǝ́ wo gódóxówó, xonù có Mawu fiɔ̀dúdú yǝ́ nyɔn nyɔŋgbian nu, ì yɔ̀dɔ́ dǝ́kpúkpuidǝ́ lǝ́ ǝdúa mǝ. ²⁴ Yǝ́ ŋkɔ́ dí lǝ́ Siri nyigbán bríbòa ji, i amǝwó kpɔ́ amǝkǝ lǝ́ lǝ́dɔ́ vóvówa vá nɛ̀n, áyàdútɔwó, amǝ kǝ mǝ gbɔ́ngbɔ́n vɔɛ̀wó lǝawó, cúkùnɔnwó, kide gǝgǝjɛ̀ntɔwó, ì Yesu yɔ̀ ǝdɔ̀ nǝ wo. ²⁵ Amǝ súgbɔwó có Galile yé dútáwó, Yerusalem, Yudea kide Yordan yé ŋgbǝ́, vá kpɔɛ̀ dó.