¹ Lǝ́ ŋkǝkǝ hinawó mǝ́ an, Yohanes Mawucidétanamǝtɔ́ vá, í lé nú Mawu nyɔ́n Yudea yé be: ² < lé mian jiwó mǝ, dó Mawufiɔ́ dúxoa tǝbɔ́.>> ³ Ɗó, kpɔ́ amǝkǝ ŋún mawu nyɔnudɛ̀tɔ Esaya xónú cóà be:< le dǝ́ àxá lé egbǝámǝ yé gbǝ:"Mi grádó axotɔ́ yé mɔ́n, míná nǝ mián mɔ̀nwò ná jɔ́.">> ⁴ Kpɔ́, Yohanes dó awú kǝ wo cɔ́ esɔ̀ yé fù ì rinmǝ.Ƴé nududú nyi ebɔ́ kide enyici egbǝmǝtɔ. ⁵ Ɨ Yerusalɛ̀mú Yudeatɔ kide edu kǝlǝ Yordantɔ̀ ŋuŋ woa, vá yi gbɔ. ⁶ Ǝ dǝ mawucita nǝwo lé Yordan, tɔ̀ámǝ ke wo le hun wo nuvɔɛn wo mǝ́an. ⁷ Vɔ́a, ke í kpɔ́ Pharisitɔ súgbɔwó kide Sadusitɔ gbɔnɔ́n gbɔ nǝ àdǝ mawucita nǝwoá, ǝ nú nǝwo be:<< Miawó, ǝdán yé jijimǝviwó, mɛ̀n ì krán mí be mián si lé xɔmǝfiɛ̀n ke gbɔnɔn gbɔ́? ⁸ Mi cɛn ǝku ke jǝ́ nǝ jimǝtɔtrɔa. ⁹ Ɨ́ mían ŋtáwó miŋká bú be:"Yo tɔgbi nyi Abrahamú, mawujixɔsǝ tɔwó dádá o.Mísǝ́ nyɔŋgbi be Mawu la teŋ wɔ́ɛ be eviwo nádo tó ǝkpǝ hitawó mǝ nǝ Ábrahamú !" ¹⁰ Efia ŋtacá, wo cɔ́ ǝcɔ́ de átiwo kǝji xoxó vɔ̀. Áti desiade kǝ ŋcɛn nǝ ǝkú nyɔngbi an, woa cóé, í seŋ daŋ kpiŋ de ezó mǝ. ¹¹ Un dé Mawucita nǝmi be mián trɔ́ jimǝ.Vɔ́a, amǝdeka gbɔ nɔ̀n le tiin ŋgbǝ wɔ acɛ dɛ wúm. Ɨ ŋɛŋje cá í lá do yé fɔ̀kpá kpǝ́lǝ́o. Á dǝ mawucita nǝmi kide gbɔngbɔn kɔ́kɔ́ kide ezó. ¹² Ǝ lǝ́ yé nuxùnú gáajà dǝ alɔ̀mǝ dɛ̀. Á kprɔ yé nuxùxó sée, í la kpádi yé núkù de áváamǝ vɔ́a, átɔ̀zó ebǝ kide ezo macimaci. >> ¹³ Gána mǝdoá, Yesu có Galilé, i vá Yohanes gbɔ le Yordan tɔcacá tó be ne ade mawucita ne eyé. ¹⁴ Vɔ́a, Johanes le tú mɔ̀ǹ̀ dǝ́ǝ le nú nɛ̀n be:<< Ǝwó, í dolá dɔ́ Mawucita un, nukǝ́ǝjɔ́ ì ǝ va egbɔ nyɛn? ¹⁵ Yesu do enyɔ́an ŋú, ì nú bǝ:<< Rɔ́n, ì na wɔɛ̀ un efia, dó ǝjǝ be mián wɔ̀ ǝnùdódó desiade.>> KeKe wodé í nyi ǝnean, Yohanes rɔ̀n nɛn. ¹⁶ Ke wodé Mawucita nɛn jrɔ̀á, Yesu dó le ecia mǝ áka áka,̀̀̀ í kpɔ, jiŋkoriwo hún nɛ̀n. Ǝ kpɔ Mawu yé gbɔngbɔ́n di gbɔnɔn sigbe álùŋkùkù ǝnǝ, I vá jǝ dǝ́jí. ¹⁷ Kpɔ́, ǝgbǝ deká dó có jiŋkoriwo mǝ, í nu bǝ:< nyɛn rɔ́nrɔ́n an ke yé ì nyi tiiŋjijɔ̀.>>