¹ Ke wo ji Yesu le Bɛ̀thleemù le Yúdéà lé efiɔ̀ Hérodi yé gamǝán ǝnu nyántɔ́wó vá Yerusalɛ̀mú, i lé nú be: ² < amǝke wo jí à lǝ, Yudatɔwó fiɔ̀? Mi kpɔ́ yé wretivi, í mi vá be mian súbɔɛ̀. >> ³ Ke efiɔ̀ Herodi se enyɔ́ hinan án ǝ wɔ̀ xómǝfiɛ̀n, Yerusalɛ̀mtɔwó cá wɔ̀ xómǝfiɛn. ⁴ Herodi bɔ́ vɔ̀satɔwo kide enuŋrɔntɔwó, ì ká wó sǝ́ be:< wɔ́ dólà jí Kristo lǝ? >> ⁵ Wó nù be: < Bɛ̀thlɛ̀ɛmú le Yudéa, dé kpɔ́ enuke mawunyɔn nuɗɛtɔ̀wó ŋrɔ́n dɛ̀a: ⁶ Ǝ́wó, Bɛ̀thlɛɛ̀mú, le Yudea dumǝ, ŋ nyi cúkùvi le Yuda yé mǝkprɔtɔwó mǝ o, do tó ǝjíwó ì amǝkprɔtɔ̀ déka ke la vá nyi Israɛ̀l dua lá và. >> ⁷ Seyijià, efiɔ̀ Herodi yɔ̀ enunyantɔwó lǝ́ bǝbǝmǝ bǝ yea ká wó sǝ́ be gakǝǝ́mǝ tútú í wretivià zǝ lǝ. ⁸ E dɔ́ wo yí Bɛthlɛɛ̀mú, i nú nǝ wo be:< ji, ì miàjì dévi cúkùvia nyɔngbi. Nǝ mì kpɔ̀ áà, mián nùn cágbe nǝ ŋɛncá má yi ì vá súbɔɛ̀. >> ⁹ Ke zo dó ǝtò efiɔ́à jrɔ̀á, wo gbǝ tɔ̀ azɔ̀nriŋ-ánji, i wretivi ke wo kpɔ̀ le nyindɔn dóxoà, nɔ́n ŋkɔ̀ nǝ wó, kǝkǝ í vɛ̀ nɔ̀ntǝ lǝ́ léfi devi cúkùvia lǝ dɛ̀á. ¹⁰ Ke wó kpɔ̀ wretivià, eji, jɔ̀wó sugbɔ̀. ¹¹ Wo dò axoamǝ, í kpɔ devi cúkùvia kide yé náná Maria. Wo jǝkró í súbɔɛ̀. Wo hún nù lé wó nù xɔ̀afiwò jí, í nɛ̀n ǝnuwo sigbe sika, cɛ̀rù kide Myrhe. ¹² Mawu krán wo le edrɔ̀ déka mǝ be wo ŋkaá gbǝ trɔ̀ yi Herodi gbɔ o, ke inyi ǝnǝan, wo tó emɔ̀n bù ji, í trɔ̀ yí wo dumǝ. ¹³ Ke wo yi jrɔ̀á, mawuǝ mǝdɔ́dɔ́ deka zǝ́ nǝ Josɛ̀fú yé edrɔ̀ mǝ í nú be:< cɔ̀ devia kjde yé náná, ì násí yí Egypti. Nɔ lǝ́ǝna, kǝkǝ í se vá nǝ gakemǝ máa xónuxó nǝa, do Herodi lá jí devia be yéa wui. >>14 ¹⁴ Ǝzán hinan mǝ zédékáà, Josɛ̀fú có í cɔ̀ devia kide yé náná í yí Egypti. ¹⁵ Ǝ nɔ̀n lǝ́ǝmá kǝkǝ i se vá do Herodi yé ku gbǝ. Ǝnú hilá jɔ̀ cágbǝ nǝ enyɔ kǝ axótɔ̀a nu tó yé nyɔnudɛtɔá jiá na vá mǝ:< Egypti í nyɔ̀ evinye có. >> ¹⁶ Seyijià ke Herodi kpɔ̀ bǝ enunyan tɔwó kónù nǝ yea, xómǝfiɛ̀n lǝǝ́ sugbɔ. Ǝ dɔ be woa wú núcùvin ke xɔ exo amǝvǝawó aló ke ŋxɔ̀ hɔdoawo, í lǝ́ Bɛ̀thɛhɛ̀mu kide yé duwó mǝ, dǝ gakǝmǝ ke í do tutua le enunyantɔwo nyɔ núnúwó mǝ ¹⁷ Enúke enyɔnudɛtɔ Yeremi nú dɛa jɔ̀: ¹⁸ < se ǝgbǝ déka le Rama, ávinwó kide akoefan gaŋganwo, í Rahel lǝ fánŋvi nǝ eviawo, i i gbe bǝ wo ŋká bre yé o, dó wo ŋgbe lɛ o. >> ¹⁹ Ke Herodi kúa, kpɔ axótɔ̀ yé mǝdɔdɔ̀ deka zǝ nǝ Josɛ̀fú lé edrɔ̀ mǝ, í nú́ nɛ̀n bǝ: ²⁰ < í na cɔ̀ devia kide yé náná, í ná yi Israɛ̀l, dó amǝkǝ le jí devia, wo kú.>> ²¹ Josɛ̀fú có í cɔ̀ devia kide yé náná, í yi Israɛl dumǝ. ²² Vɔà, ke í sǝ be Archelaus lǝ́ dúufiɔ̀ lé Yudea lè yé dádá yé toho à, eduamǝ yiyi jí vɔnvɔn nɛ̀n. Ke Mawu krɛn lé edrɔ deka mǝ jrɔ̀á, e yi Galilǝ lágǝ ²³ i íyí í vɛ̀ nɔ̀n ǝdu deka ke wo yɔ̀ be Nazarɛthi. Hila wɔɛ̀ be enuke mawunyɔ̀nudɛtɔwó nuan vá mǝ, be woa yɔɛ̀ be Nazarɛthitɔɛ