¹ Yesu Kristo ke nyi efiɔ David yé Tɔ́gbiyɔvi, í David cá nyi Ábráhamì yé jijimǝví yé hɛ̀nhrɛ́n mǝ ke. ² Ábráhamì nyi Isác yé dádá, í Yacúbu ji Yúdá kide yé nɔ̀nviwó. ³ Yúdá jí Fárɛ̀si kide Zárá, í wo nána nyi Thámár. Fárɛ̀si jì Esrom. Esrom ji Áram. ⁴ Áram ji Áminádábù. Áminádábù ji Náasson.Náasson jí Salomon. ⁵ Salómon kide Rahábú jí Bóaz. Bóaz ji Obɛ̀di. Obɛ̀di yé náná nyi Rúth.Obɛ̀di ji Jesse. ⁶ Jessé ji efiɔ́ David, í efiɔ́ David jí Salómon yé Uri nyɔ́nrun án yé xódómǝ. ⁷ Salómon jí Roboam. Roboam ji Abiá, Abiá jí Asá, ⁸ Asá cá ji Józafát; Józafát jí Joram. Joram nyi Ozias yé tɔ́gbi. ⁹ Ozías ji Joatham. Joatham ji Acáz, Acáz jí Ezeckias. ¹⁰ Ezeckias jí Manassé, Manassé ji Ámon jí Ámon jí ¹¹ Jósias jí Jekonias kide nɔ́nviawo lé Babylonǝ yé lǝlǝ́ gàmǝ. ¹² Lé Babylonǝ yé lǝlǝ́ ŋgbeà, Jekonias jí Salathiel, Salathiel nyi Zorobabel yé tɔgbi, ¹³ Zorobabel ji Abiud, í Abiud jí Eliaki; í Eliakim jí Azor, 14 ¹⁴ Azor cá jí Sadok, Sadok cá jí Akim í Akim jí Eliúd. ¹⁵ Eliúd jí Eleaza. Eleaza jí Máthan, Máthan ji Yakúbu. ¹⁶ Yakúbu cá ji Maria yé cú Josɛ̀fú ke nyi Yesu yé dádáà. Yesu í nyi amǝke wo yɔ́ nǝ be Kristoá. ¹⁷ Jijimǝviwó séé có lé. Abraham séyi David jiwo hɛnhrɛn nyi amǝwunǝ, có David ji í séyí Babylonǝ yi lǝlǝ́ nyi jíjimǝ amǝwuinǝ í có Babylonǝ yé lǝlǝ́ i séyi Kristo yé jiji nyi amǝwunǝ. ¹⁸ Sigbe wo ji Yesu Kristo á ke Josɛ̀fú dó ŋgbǝ́ nǝ́ Yesu Kristo yé náná Mariá, vɔ̀a gbɔ̀xò nǝ woa va bɔ ì nɔ̀n dǝ́duuáà, e vá vámǝ be gbɔngbɔn kɔkɔ̀ yé ŋúsɛ́ dó efú nǝ Maria. 19 ¹⁹ Ácúa, Josɛ̀fú nyi amǝ dodó, vɔ̀a, nyi be yéa dóŋkpɛ̀n dé amǝwomǝ o. Séyi jiá, ǝcɛ̀n-ɛn be yé ŋka gbe dǝ́ Maria o. ²⁰ Gakemǝ í lé bútamǝkpɔ̀ dǝ enù hinanwó ŋun an, ahótɔ̀ yé mǝdɔdɔ̀ deká xónuxó nɛ̀n lǝ́ ǝdrɔ̀ mǝ, i nú nɛ̀n be:<< Josɛ̀fú David yé vi, ká vɔnvɔn be yé ŋka gbe xɔ Maria sigbe asiwo nǝnǝ o dé gbɔngbɔn kɔkɔ̀ í do ǝfú ke i hɛn dɛa. ²¹ À ji vi deká, í mián yɔɛ̀ be Yesu, dó á vá de yé dua lé ǝnuvɔɛnwó mǝ.>> ²² Ǝnú hilá wó sée jɔ́ cágbe nǝ ǝnyɔ́ ke áxótɔ nú tó mawunyɔn nudɛ̀tɔ jià ná vá mǝ, ǝ nú be:23 ²³ < nyɔrun magnan ŋúcù lá fɔ́ɔ́fú ì là jì ǝvi dekà i woa yɔɛ̀ be Ǝmanuɛ̀ll (yé gɔ̀mǝ inyi be:"Mawu lɛ kide mi")>> ²⁴ Josɛ̀fú yɔ́n lé yé rɔndɔndɔn mǝ, í wɔ̀ ǝnuke Mawu yé mǝdɔdɔ̀ nú nɛ̀n be nà wo á í ì xɔɛ̀ sigbe ásià ǝnǝ. ²⁵ Vɔ̀a ŋ dɔ́ngbɔ gbɔxó í iji ǝvi ŋùcúvi deká o í nán ǝŋkɔɛ̀ be Yesu.