¹ Yesu bɔ́ yé dǝprɔvi amǝwuiveawó, í nán wó àcɛ̀kpakpá dǝ́ gbɔ́ngbɔ́n makɔ́makɔ́ wóji, nǝ́ woa nyàn wó í yɔ́ dɔ́ dǝsiadǝ́ kide gbɔjɔgbɔjɔ́ wóvówó. ² Apostolo amǝwuivǝawó ŋkɔwó kǝ:Kǝlǝ́kǝlǝ́, SImon (Ké wo gbɔ yɔ́ nǝ́ bǝ Petro (Piyɛ̀)) kide Andrǝ́ nɔviá, Yakúbú, Zebede yé ví kide Yohanɛs yé nɔ́nvi. ³ Filipú kide Batremi, Thomas kide Matéwo ǝtahóxɔtɔ́ Yakúbú Alfé kide Thadǝ́ǝ yé vi, ⁴ Simon, Zelotitɔ́a kide Yúda Iscarioti kǝ́ cɔ́ yesu jó à. ⁵ Yesu dɔ́ woamǝwuivǝ. hinánwó Ǝ dǝ́ ǝ́sǝ́ nǝ́wó bǝ:< ŋ ká yí jimaxɔsǝtɔwó nɔ́nxó dǝ́kin o mí ŋ káà dó Samariatɔwó dú dǝ́ mǝ o. ⁶ Vɔ́a mi yí Israɛ̀l yǝ́ rɛ̀ngbɔ́vi bùbùwó gbɔ́. ⁷ I nǝ́ mí yikɔ́a, mí nù mawunyɔ́n bǝ:"Jiŋkoriwó fiɔduxoá tǝbɔ.">> ⁸ Mí yɔ́dɔ́ dɔnɔ́nwó,mi yɔ́n amǝkùkùwó, mi kɔ́ gúdúnɔnwó ŋú, í mí yán gbɔngbɔ́nvɔɛ́nwó. Wo nàn mí gbáalé, miánwó cá mi nán gbáalé. ⁹ Mi ŋ kàá cɔ́ siká nɔ̀mi(Bronze) dǝ́ míán bóosúnwó mǝ o. Miŋ káá cɔ́ ǝgrò, nɔmi áwú amǝavǝatɔ́ o, nɔ́mi afɔ́kpawó o, nɔmi àti o. ¹⁰ Dó ǝdɔwɔtɔ́ jǝ́ nǝ́ yǝ́ fǝntù. ¹¹ Nǝ́ mí dó ǝdúgán nɔ́mi ǝdúcúkuvi dǝ́ mǝán, mi jí amǝkǝ jǝ́ í lá xɔ́ mían, ì mi nɔ́n amǝ hinán gbɔ́ kǝ́kǝ́ nǝ́ mián còcó gbǝ. ¹² Nǝ̀́ mi dó axó dǝ́ mǝán, mí ci amǝwó. ¹³ Nǝ́ axóamǝtɔwó xɔ́ miáan nan wó mian ŋtifáfá. Vɔ́a nǝ́ axoamǝtɔwó ŋxɔ́ muán miŋkáá nán wó mián ŋtifáfá o. ¹⁴ Nǝ́ amǝkǝ gbǝ́ mi xɔxɔ́a nɔ́mi gbǝ́ ǝtó dódó mi án, nǝ́ mí có lǝ́ ǝdugán nɔ́mi ǝdúcúkùvi hinán mǝ án, mián hùnhùn ǝkó lǝ́ mían fɔwó ŋu. ¹⁵ Lǝ́ ǝnyɔ́ndòdó mǝán, un lǝ́ nui nǝ́ mi bǝ, Sodom kide Gomorrhmǝ yǝ́ dúwó kójó dódóa ŋ káa sɛ̀nŋú dó ǝdúgán hináno. ¹⁶ Kpɔ́, un lǝ́ dɔ́ mi sigbǝ arɛ̀ngbɔ́viwó ǝ́nǝ yi ǝhrawó doŋ́dómǝ, mi nɔ́n ácǝji sigbǝ ǝdán mánwɔadánwó ǝ́nǝ, sigbǝ alúŋkúkúwó ǝ́nǝ. ¹⁷ Mi kpɔ́ miándekiwóji lǝ́ amǝwo ŋún, dó woa cɔ́mi nǝ́ kójódoxowó i woa xó mi lǝ́ wó gódóxówó mǝ. ¹⁸ Woa dɔ̀n mi yi ǝ́sǝ́tɔwó(ǝdukprɔ̀tɔwó) kide ǝfiɔwó ŋkɔ́ cágbǝ tiŋǝ, nǝ́ á ŋin dasedidí nǝ́wó kidǝ amǝ maxɔ́sǝ́tɔwó. ¹⁹ Nǝ́ wó kprɔ́ mí yí kójódó xóa, mi ŋ káa cíyi nǝ́ ǝ́nyɔ̀n nɔ̀mi sigbǝ mián xónúxoà ŋú o, dó lǝ́ gánàmǝ́ án, woa cɔ́ ǝ́nyɔ́n kǝ́ mián nún án nǝ́ mi. ²⁰ Dó ŋŋi miánwo í k káá xónú o.Vɔ́a, mián dadá yǝ́ gbɔngbɔ́n lá xó núm tò mián ji. ²¹ Amǝwó lá cɔ́ woŋtawó nɔ́nviwó nán bǝ woa wú wó, í dádá cá lá wɔ̀́ ǝnǝ nǝ ǝví.Ǝviwó lá có dǝ́ wó dadawó ji, í lá nán í woa wú wó. ²² Amǝwosǝ́ǝ́ lá dǝ́ kǝ́ mí cagbǝ tiŋǝ.Vɔ́a amǝdǝ kpukpuidǝ́ kǝ́ lá do ji kǝ́kǝ́ yi ǝnuwó vɔ́vɔ́ mǝán lá kpɔ́ xɔ̀xɔ̀. ²³ Nǝ́ wó ti mián yomǝ lǝ́ ǝdugánŋgan hilá mǝán, mi si yi ǝdugánŋ gan bú mǝ.Dó lǝ́ ǝ́nyɔ́n dódó ǝán, un lǝ́ nun nǝ mi bǝ:< ŋ káa tɔ́ Israɛ̀l dúgánŋganwo mǝ sǝ́ǝ́ jrɔ̀ gbɔ̀xó í amǝgbǝtɔ yǝ́ viá lá vá o. ²⁴ Adǝkprɔvi ŋ gánŋgán nǝ́ wú axótɔ́ o, nǝnǝke í ǝdɔ́cɔvi ŋ gánŋgán nǝ́ wú yǝ́ xótɔ́ o. ²⁵ Ǝhián bǝ woa kpɔ́ adǝkprɔvi sigbǝ yǝ́ xótɔ́ ǝnǝ í woa cɔ́ ǝdɔ́cɔvi sigbǝ yǝ xótɔ́ ǝ́nǝ.Nǝ́ wo yɔ́ axójikpɔtɔ́ bǝ gbɔngbɔ́nvɔɛ̀n án, nukǝ́ǝ́ í lá tù ǝmɔ́n bǝ woŋ ká yɔ́ yǝ́ xoam tɔwó ǝ máán? ²⁶ Cágbǝ hinán tɔ́a, mi ŋkáa vɔnvɔ́n nǝwó o, dó ǝnudǝ ŋlǝ́ wòwráxó kǝ́ wo ŋ káa gbǝ́ man hún ǝnu lǝ́ji o. ²⁷ Ǝnúkǝ un lǝ̀ nùn nǝ mí lǝ́ zúùbrúmǝán, mì ̀nuin lǝ́ ŋkǝ́kǝ́ mǝ, í ǝnúkǝ wo núm brɛ̀wù dǝ́ ǝtɔ́mǝ nǝ́ míán, mí nuin nǝ́ amǝwo sǝ́ǝ́(gbáŋgba.) ²⁸ Mí ŋkáá vɔnvɔ́n nǝ amǝkǝ wú nǝ́ ŋtirán vɔ́a ŋkáá teŋ wú kpɔ́riá o.Mí vɔ́nvɔ́n nǝ́ amǝkǝ lá teŋ crɔ́n ŋtirán kide kpɔ́riá, í cɔ́ ŋtirán dǝ́ ǝzo mánvɔ́ mǝán. ²⁹ Ákpàkpà(gbǝjixǝ́) amǝvǝ yǝ̀ hó ŋ di ǝnúdǝ́o, vɔ́a xǝ̀vi hinánwó dǝkin ŋ nángǝ́ jɛ̀n dǝ́ anyigbán mǝ nǝ́ mián dádá ŋ nyán o. ³⁰ Nǝnǝ kǝ́ í wo nyán mián tádáwó hɛ̀nhrɛ̀n mǝ dɛ̀ nǝ́. ³¹ Mí ŋkáá vɔ́nvɔ́n o.Mi xɔ́ hó wú xǝ́vi hinánwó ³² Seyijia, amǝ dǝsiadǝ kǝ́ lá nún nǝ́ amǝwo bǝ yǝ́ nŋin tiŋǝ̀ án ŋɛ̀ncá máan nuin lǝ́ tiŋ̀ dada kǝ ̀ lǝ̀ jiŋkoriwa yǝ̀ ŋkùvimǝ̀. ³³ Vɔ̀a nǝ̀ amǝɖǝ gbɔ̀ un lǝ̀ amǝwò ŋkɔ̀a ŋɛ̀ncà màan gbǝ̀ǝ lǝ̀ tiin dadà kǝ̀ lǝ̀ jiŋkoriwo a yǝ̀ ŋkɔ̀ . ³⁴ Mi ŋkàà bui bǝ un và bǝ màn cɔ̀ ŋtifáfá vá anyigbàn jin o ŋɛn ŋ va bǝ màn cɔ̀ ŋtifàfà và o vɔ̀a ǝ́wui i un vá bǝ màn nàn. ³⁵ Dó un vá bǝ mán mán ǝ̀vi ŋuneuvi kiɖǝ yǝ dadà ǝ̀̀vi ŋɔ̀nrùnvi kidǝ yǝ̀ ǝvisi kidǝ ácúnɔ̀n mǝ . ³⁶ Amǝ yǝ̀ kǝ̀tɔwo là nyin yɔ̀ŋtá yǝ̀ scò mǝtɔwò ³⁷ Amɔ kǝ rɔn yǝ̀ dadà nɔ̀ mi yǝ nànà wù̀ un àn ŋ jǝ́ un o i amǝkǝ rɔn ǝvià ŋùncù nɔ́ mi ǝviá ŋɔ̀n rùn wi un àn ŋ jǝ̀ un o. ³⁸ Amǝkǝ ŋcɔ̀ nǝ̀ yǝ́ ticògà i kprɔ̀ nǝ̀ un doàà ŋ jǝ un o. ³⁹ Amǝkǝ kpɔ̀ yǝ̀ gbǝ̀ à là bù i vɔ̀ a nǝ̀ amǝ ɖǝ bù yǝ̀ gbǝ̀ càgbǝ tiŋɛàn à gbǝ trɔ̀ kpɔɛ̀ . ⁴⁰ Amǝkǝ sc̀ɔ mian sc̀ɔ ŋɛ̀ncà i amǝkǝ scɔ un án scɔ̀ amǝkǝ dɔ̀ un àn . ⁴¹ Amǝkǝ scɔ̀ Mawu nyɔ̀n nu ɖɛ̀tɔ̀ bǝ ǝ̀ nyin Mawu nyɔnnu ɖɛ tɔà là scɔ̀ Mawu wu nyɔ̀nnuɖɛtɔ̀ yǝ̀ fǝ̀ntù. amǝkǝ scɔ̀ jɔ̀jɔ̀ bǝ ǝ̀ nyin amǝ jɔjɔ́à là sc amǝ jɔ jɔ̀ yǝ fǝntù. ⁴² Amǝ ɖǝsiaɖǝ kǝ nàn ǝ̀ci fàfà kɔ̀ fù ɖǝ́kà pɛ̀ɛ̀ amǝ cùkùvi hinánwò ɖǝ̀kàà càgbǝ kǝ̀ i nyin tiin dǝprɔvià lǝ̀ ǝ̀nyɔ̀ndodò mǝ àn un lǝ̀ nui nǝ́ mi bǝ woaɖo yǝ̀ tòhò nɛ̀n kòkòkò ( ŋ kàà bù yǝ ̀ fǝntù o)