¹ Ǝ vá và mǝ̀ bǝ kǝ́ Yesu nán ǝsǝ́ yé dǝ́prɔvi àmǝ́wuìvǝawó jrɔ̀á, ǝ có lǝ́nán i yi bǝ yéa vɛ̀ kprá ǝnú í nún mawunyɔ́n lǝ́ wó duwó mǝ. ² Lǝ́ hinán mǝ́an, Yohanɛ̀s mawuci lǝ́namǝ̀tɔ sǝ́ í xónún có Kristo yǝ́ dɔ́wɔ̀wɔ̀wo ŋú lǝ́ gakpàmǝ, ǝ dó ŋɛ̀n tó yǝ́ dǝprɔviwo jí í nùn nɛ̀n bǝ: ³ << ì nyin àmǝkǝ́ gbɔ̀nɔn nɔ̀mi àmǝ̀ bú gbǝ́ lɛ̀ kǝ́ mi dólá nɔ̀ntǝ kpɔ̀á?>> ⁴ Yesu dó ŋùn í nùn nǝ́wó bǝ́:<< Mì yí, í mián nùn ǝnukǝ mí lǝ̀ kpɔ́ í lǝ́ sǝ́a. ⁵ Ŋkuvitɔ̀n nɔnwó lǝ́ kpɔ̀ ŋúnùn ǝsǝ́kúnɔ̀n wó lǝ́ zɔ̀n, wó kɔ́ gúdùnɔ̀nwó ŋún, tókúnɔ̀nwó gbǝ́ trɔ̀ lǝ́ Sǝ́tónù, àmǝ̀kúkúwó lǝ́ yɔ̀n có ǝkùtómǝ̀, wò nú̀n ǝnyɔ́ngbián nǝ́ áyámǝ̀nɔnwó. ⁶ Ì yáyrátɔ̀ inyi àmǝ̀dǝkpukpuidǝ kǝ́ tiin nyɔ́n ŋnyi ǝ́kpǝ́ krinú nǝán o.>> ⁷ Kǝ àmǝ̀ hinánwó jǝ wó mɔ́njí yikɔà, Yesu tɔ́ nùnùn nǝ́ àmǝ̀wó có Polú ŋún bǝ:< í mí vɛ̀ kpɔ̀ lǝ́ zógbǝ́aji, ǝgbǝ̀ dǝka kǝ́ àyá lǝ̀ xó à? ⁸ Vɔ́a nukǝ̀ǝ í mi dí í vɛ̀ kpɔ̀, àmǝ̀ dǝ̀ka kǝ dò awí yǝ́ pǝ̀mpǝ̀m dɛ̀á? Lǝ́ ǝ́nyɔ́ndodó mǝán, àmǝ̀ kǝ dó nǝ́ awí yǝ́ pǝ̀mpǝ̀m án wó nɔ́n nǝ́ ǝ́fiɔ̀wó xómǝ. ⁹ Vɔ́a, nukǝ́ǝ í mi dó í vɛ̀ kpɔ̀, mawu nyɔnudɛ̀tɔ̀ dǝ́kaá? ɛ̃ɛ̃, ŋ̀ lǝ́ nuin nǝ́ mí, àmǝ̀ kǝ̀ mí kpɔ̀á, wí mawunyɔnudɛ̀tɔ̀ ŋtácá. ¹⁰ Kpɔ́, àmǝ̀ kǝ́ ŋún wó ŋrɔ̀n nún có bǝ:"Kpɔ̀, ŋ̀ dɔ̀ tiìn ŋǝ̀ndótɔ̀ kǝ lá grádó tɔ́ɔ mɔ́n lǝ́ tɔ́ɔ ŋkɔ̀ á dídá wó." ¹¹ Ŋ̀ lǝ́ nuìn nǝ́ mí lǝ́ ǝ́nyɔ́dodó mǝ, lǝ́ àmǝ̀ kǝ ŋɔnrúnwó jiá wó mǝán, àmǝ̀dǝ́kin ŋgánŋgan wú Yohanɛ̀s Mawuci lǝ́namǝ̀tɔ̀á o.Vɔá ámǝ́ cùkúvi wí lǝ́ jiŋkori fiɔ́dú̀xo ámǝ án ŋtácá gánŋgan wiú. ¹² Có Yohanès Mawuci lǝ̀namǝ̀tɔ̀ wì̀ú. ¹³ Dó Mawunyɔnu dɛ̀tɔ̀wó sǝ́ǝ́ kide ǝsǝ́a núnyɔ́ndɛ̀ kǝ̀kǝ̀ í sǝ́ vá dó Yphanɛ̀s ji. ¹⁴ Í nǝ́ mí jí bǝ yoá xɔ̀ɛ̀á, yǝ́ ǝli, àmǝ̀kǝ dólá váa í. ¹⁵ ̀Àmǝ̀kǝ wɔ̀ ǝtósǝ́nù̀̀ ̀dɛ̀á,̀ ̀nàn sǝ́. ¹⁶ Nukǝ́ǝ i màan cɔ̀ jijimǝ̀ hilá í sǝ̀ sɔ̀ kidǝ? Ǝ wɔ̀ dɛ̀ sigbǝ dǝviwó lǝ́ brǝ́vi lǝ́ àfidixó ǝnǝ́, í nán kánrɛ̀n, í nán yɔ́ wódǝkiwó í nán nún bǝ: ¹⁷ "Mì ̀xó hún nǝ́ mí, í mí ŋ fánŋvin o." ¹⁸ Dó kǝ Yohanɛ̀s vàa, ì ŋdú nǝ́ kpɔ̀nɔ́n nɔ̀mi ŋ nùn nǝ́ aháá(vin), wó nun bǝ:"gbɔngbɔnvɔɛ̀n dǝ́ka lǝsi " ¹⁹ Kǝ́ àmǝ̀gbǝtɔ̀vi và, í dúmǝ́ ǝ́nú, í nún nǝ́ ǝnú án, wó nún bǝ:"Mi kpɔ̀, ǝnúdudodótó kide áhànúmunɔ̀̀tɔ̀ í inyi, ǝ́tahá xɔ̀tɔ̀ kide ǝnù vɔɛ̀n wɔ̀tɔ̀wó xrɔ̀!" Vɔ́a tó yǝ́ dɔ̀wɔ̀wɔ̀wó mǝ í wó dǝsi yǝ́ ŋù̀nùŋ̀ánŋán lǝ́. ²⁰ Seyijia, Yesu tɔ́ ŋkuvimǝ kànkàn nǝ́ ǝdúgańŋganwó kǝ mǝ̀ wó wɔ̀ yǝ́ dɔ́ gánŋganwó. ²¹ << Bábàá nǝ́ ǝwó, Korazin! Bábàá nǝ́ ǝwó, Bethsaida ! Nǝ́ wó mɛ̀nɛ̀ wɔ̀ ǝdɔ̀gánŋ ganwó lǝ́ Tir kide Sidon sigbǝ wó wɔ̀ɛ̀ lǝ́ miangbɔ̀ ǝnǝán, wóa mɛ̀nɛ̀ trɔ̀ lǝ̀ miágbɔ̀ ǝnǝán, wóa mɛ̀nɛ̀ trɔ̀ lǝ̀ wó jiwó mǝ̀ xoxò. ²² Vɔ́a wó ŋká gbǝ sǝ́ kǝ́ Tir kide Sidon lǝ́ kójódódógbǝ nǝ́ miánwó dǝdǝ́ o. ²³ Ǝwó, kápenaum, ǝ́ bù bǝ woá dó yǝ́ dǝ́ ǝji lǝ́ jiŋkori í á? woa bùbɔ̀ wò dǝ̀ ányigbán kǝ̀kǝ̀ í sé yí ǝkùxo; Dó nǝ wó mɛ̀nɛ̀ wɔ̀ amrinmànù kǝ́ wó wɔ̀ tó ǝ́jiwóa lǝ́ Sodom án, ǝ́duá lá mɛ̀nɛ̀ nɛ̀n kǝ̀kǝ̀ nǝ́ ǝ́gbà. ²⁴ Vɔ́a ŋ̀̀ lǝ̀ nún nǝ́ mí bǝ à fá nǝ́ Sodomnyigbán lǝ́ kojódodogbǝ wú ǝwó.>> ²⁵ Lǝ́ gáxòxò hinán mǝán, Yesu nún bǝ:<< ŋ̀i kàafú wó dadá, jiŋkoriwó kide anyigbán yǝ̀ xótɔ̀, dó ǝ́ cɔ́ ǝǹùn hinán wrá dǝ́ àmǝ̀ nyán ŋùnúwó, vɔ́a í ǝ́ díísɛ̀ nǝ́ amǝ̀ mányánŋúnuwó sigbǝ dǝvi cúkùviwó ǝnǝ́. ²⁶ Ẽɛ̃, dadá, dó ǝnyɔ́n ŋkɔ́ wò. ²⁷ Dadáa cɔ̀ ǝnùn hinánwó sǝ́ǝ́ ŋ̀. Àmǝ̀dǝ ŋ dǝsi ǝviao, dadá dǝkin i, ì̀ àmǝ̀dǝ ŋdǝsi dadáao, ǝ̀via dǝ́kin i, kidǝ àmǝ̀ kǝ ǝ́via ji bǝ yǝ́a diìsɛ̀ nǝán. ²⁸ Mí vá ǝ́gbɔnyǝ̀, miànwosǝ́ǝ́ kǝ́ lǝ́ wɔ̀ ǝdɔ́ í ágbàn lǝ́ kpǝ̀n míán, í máan nán mì gbɔ̀ngbɔ̀n. ²⁹ Mí cɔ́ tiìŋ xàxà dǝ́ miàndǝkiwcó ǝgbɔ̀nyǝ̀, dó tiìn xódómǝ fà, ì ŋ̀ búbɔ̀ dǝ̀kinyǝ̀ lǝ́ ǝjimǝ̀ i míán kpɔ́ gbɔ̀ngbɔ̀n nǝ́ míán kpɔ̀riwó. ³⁰ Dó tiìŋ xáxá fà, ì tiìn gbán ŋ kpǝn o.>>