¹ Lǝ́ ganamǝ án, Yesu lǝ́ tó kpɔ̀nɔ̀ntí bómǝ̀ vá yikɔ̀ lǝ́ gbɔ̀ngbɔ̀n yé ŋkǝ̀kǝ̀ gbǝ́. Fifǝ lǝ lǝ́ yǝ́ dǝ́prɔviwó, í wó lǝ́ fǝ̀n kpɔ̀nɔ́nwɔ̀tiwó dù. ² Vɔ́a, kǝ́ Farisitɔ̀wó kpɔ̀ ǝ́nǝán, wó nún nǝ́ Yesu bǝ:< ! Tɔ̀ɔdǝprɔviwó lǝ́ wɔ́ ǝnukǝ ǝsǝ́á ŋdǝ́mɔ́n nǝ́ lǝ́ gbɔ̀ngbɔ̀n gbǝ́ á o. >> ³ Vɔ́a Yesu nún nǝwó bǝ:< ŋ hrɛ̀n ǝnukǝ David wɔ̀ gakǝmǝ fifǝ lǝ́ǝá kpɔ̀, yǝ́ kide àmǝ̀ kǝ lǝ́ gbɔ̀ dɛ̀á wó á? ⁴ Sigbǝ í dó Mawu yǝ́ xómǝ̀, í dù kpɔ̀nɔ́n kɔ̀kɔ̀á, ǝnukǝ có dǝ́ ǝ́sǝ́aji nǝ́ bǝ nán dù ì gbǝ có dǝ́ ǝ́sǝ́aji nǝ́ àmǝ̀kǝ lǝ̀ ̀gbɔ dɛ̀awó, vɔ́a ǝ́sǝ́a dǝ́mɔn nǝ́ vɔ́sátɔ̀wó dǝ́dǝ́? ⁵ Ì mi ŋ hrɛ̀n lǝ́ ǝ́sǝámǝ bǝ lǝ́ gbɔ̀ngbɔ̀n gbǝ́á, vɔ́sátɔ̀wó ŋ wɔ̀ nǝ́ dǝ́ gbɔ̀ngbɔ̀ngbǝ yǝ́ sǝ́wojí vɔ́a woŋ bù nǝ́ ǝfɔ̀n wóá? ⁶ Vɔ́a ŋ̀ lǝ́ nún nǝ mi bǝ àmǝ̀gánŋgán wú dǝ́xóxɔ́ dǝ́ka lǝ́ lá dɛ́. ⁷ Mi yán ǝnúkǝgɔ̀mǝ̀ nyin bǝ: ŋ̀ ji nǝ́ adɔnu kpɔ̀kpɔ̀ wù vɔ́sàwó''̀ Mi ŋ dólá cɔ́ fɔ̀nbúbú nǝ́ àmǝ̀ manyan ǝ́dǝ́wó o. ⁸ Dó àmǝ̀gbǝtɔ̀via nyin gbɔ̀ngbɔ̀ngbǝ yǝ́ xòtò.>> ⁹ Seyijìa, Yesu có lǝ́ lǝ́nán í yí wó gódóxowó. ¹⁰ Ŋùcú dǝ́ka kǝ́ lǝ́ lǝ́ àbɔ́ dɔ̀á lǝ́nánadɛ̀. Farisitɔ̀wó lǝ́ kà Yesu sǝ́ bǝ:<<Ǝmɔ́n lɛ̀ bǝ wóa dàdɔ́ lǝ́ gbɔngbɔ́n gbǝ́a?>> cagbǝ nǝ́ wóa teŋ dó kójò kidǝ́ǝ. ¹¹ Yesu dó ŋùn nǝ́wó bǝ:< í lǝ́ miánmǝ̀, í nǝ́ arɛ̀ngbɔ̀vi ǝ́kúdǝ́ka kǝ́ lǝ́siá jǝ̀dó mǝ lǝ́ gbɔ̀ǹgbɔ̀ǹ gbǝ, ŋ nán vɛ̀ dǝ́ǝ ji lǝ́nan ǝmaa? ¹² Zǝ́ nǝ̀nǝ̀ í àmǝ̀gbǝtɔ̀vi ŋxɔ́afi wú arɛ̀gbɔ̀vi ǝmaa! Kǝ́ inyi ǝnǝ́an, ǝmɔ̀n lɛ̀ bǝ wóa wɔ̀ ǝnúnyɔnŋ̀gbi lǝ́ gbɔ̀ngbɔ̀n gbǝ.>> ¹³ Lǝ́ hinán yǝ́ ŋgbǝ́a, Yesu nùn nǝ́ ŋúcùa bǝ:< tɔ̀ɔ́ bɔ́!>> Ǝ vrúi, í ǝ́dɔ̀á vɔ́ lǝ́ ŋún, í gbǝ trɔ́zùn sigbǝ álɔ̀ amǝvǝatɔ̀ ǝ́nǝ́! ¹⁴ Vɔ́a Farisitɔwó dó, ì brá ǝ́sǝ́ dǝ́ŋún. Wó lǝ́ ji sigbǝ wóa teŋ wɔ̀ í wúi a. ¹⁵ Kǝ́ Yesu nyán bǝ wóa wú yǝ́ áá, ǝ có lǝ̀ lǝ́nán. Àmǝ̀ súgbɔ́wó kprɔ̀ɛ̀ dó,í í wɔ̀ dɔ̀ nǝ́wó sǝ́ǝ́. ¹⁶ Ǝ dǝ́ ǝsǝ́ nǝwó bǝ wó ŋká nán nǝ́ amǝ̀ búwó nán dǝ̀si yǝ́ o. ¹⁷ Cágbǝ nǝ́ ǝ́nyɔ́n kǝ mawunyɔ̀nudɛ̀tɔ́ Esaya nuán nán vá mǝ̀. ¹⁸ << Kpɔ́ tiìn dɔ́cɔ̀vi kǝ ŋ̀ cán án, tiìn rɔnrɔ́ntɔ́, àmǝ̀ kǝ mǝ̀ tiìn kpɔ́ri kpɔ́ nǝ́ jijɔ̀ lǝ́a. Máan cɔ́ tiin gbɔngbɔ́n kɔ́ dǝ́ ji, ì dǝ́ gbǝ́fán tiin kòjódódó nǝ́ àmǝ̀maxɔ̀sǝ̀wó. ¹⁹ Ŋ káa jágrà nɔ̀mi dáaxà o, ì àmǝ̀dǝ́kin cá ŋ nán sǝ́ yǝ́ gbǝ lǝ́ ǝmɔ̀nwó ji o. ²⁰ Ŋ kaá ŋǝ̀n ǝ́gbǝ xùxù dǝ́ o, ŋ káa ci ǝzó cúkùvi kǝ́ lǝ́ biá o, kǝ̀kǝ̀̀ nǝ́ gakǝmǝ yǝ́ kójódodó là dujiá. ²¹ Í àmǝ̀maxɔ̀sǝwó lá kàndǝ́ yǝ́ ŋkɔ̀ jì.>> ²² Seyijia, wó cɔ́ ŋúcù ŋkuvitɔ̀n nɔ́n kide nùxómaxó tɔ̀ dǝ́ka kǝ mǝ̀ gbɔ̀ngbɔ̀n dǝ́ka lǝ́a vá nǝ́ Yesu. Ǝ yɔ̀dɔ̀ nɛ̀n kǝ̀kǝ̀ ŋúcùá xónuxó í gbǝ tɔ̀ ŋúnù kpɔ̀kpɔ̀. ²³ Ǝ wɔ̀ yààa nǝ́ amǝ̀ánwosǝ́ǝ̀ í wó nún bǝ:< t̀eŋ ŋi bǝ ŋúcù hilá lányin David yǝ́ viá?>> ²⁴ Vɔ́a kǝ Farisitɔ̀wó sǝ́ í wó xónú có ámrinmánú hinán ŋú án, wó nùn bǝ:<<Ŋúcù hilá nyàn nǝ́ gbɔ̀ngbɔ̀nvɔɛ̀nwótó Bɛlzɛ́bul, gbɔngbɔ́n vɔɛ̀wó fiɔvi ji.>> ²⁵ Vɔ́a,kǝ yesu nyán wó tamǝ sùsùwóá, ǝ nún nǝ́wó bǝ:<<ǝ́fiɔ̀duxó dǝsiadǝ́ kǝ́ maán lǝ́ dǝkia mǝ́an là crɔ́n, ì ǝ́dú nɔ́mi áxó dǝsiadǝ́ kǝ́ có dǝ́ dǝ́kiajiá ŋkáa teŋ nɛ̀n o. ²⁶ Nǝ́ Sátánà nyàn Sátánà án, ǝ́ có dǝ́ dǝkia ji. Nǝ́ yǝ́ fiɔ̀duxó lá teŋ wɔ̀ mɔ́n í rikǝ máan? ²⁷ Í nǝ́ ŋ̀ lǝ́ nyàn gbɔ̀ngbɔ̀nvɔɛ̀nwó tó Bɛlzebul jíá, tó mɛ̀n ji í àmǝ̀kǝ lǝ́ kprɔ̀ mì doá lǝ́ nyàn gbɔ̀ngbɔ̀nvɔɛ̀n wó máa? cagbǝ hilatɔ̀á, wóa nyi mián kòjòdótɔ̀wó. ²⁸ Gánŋkǝ, nǝ́ ŋ̀ lǝ́ nyàn gbɔ̀ǹgbɔ̀ǹvɔɛ̀nwó tó Mawu yǝ́ gbɔ̀ngbɔ́n jìá, Mawufiɔ̀duxó lǝ́ mià mǝ̀. ²⁹ Í nǝ́ àmǝ̀dǝ lá teŋ dó ŋúcù sǝ̀nŋú deka yǝ́ xómǝ, í fí yǝ́ núnyɔngbiwó nǝ́ ŋ brá ŋúcù sǝnŋúán o? Nǝ inyi ǝnǝ́án, á fi yǝ́ núnyɔnŋgbiwó lǝ́ yǝ́ xómǝ̀. ³⁰ Àmǝ̀kǝ ŋ lǝ́ ǝjinyɛ̀n án, ǝ có dǝ́ ǝjinyɛ̀n, í àmǝkǝ ŋ lǝ́ bɔ̀ ǝnú kidǝ ŋ áan, lǝ́ káká ǝnú. ³¹ Kǝ inyi ǝnǝ́án, ŋ̃ lǝ́ nui nǝ́ mì, wóa cɔ́ ǝ́nuvɔɛ̀n kide busunyɔ̀n dǝ́siadǝ kǝ àmǝ̀wó, vɔ́a wó ŋkáa cɔ́ busunyɔn nùnùn có gbɔngbɔ̀n kɔ̀kɔ̀ ŋù kǝ o. ³² Ì nǝ́ àmǝ̀dǝsiadǝ kǝ́ xónú kǝ có dǝ́ gbɔ̀ngbɔ̀n kɔ̀kɔ̀ ŋun án, wó ŋ kaà cɔ̀ɛ̀ kǝ̀ǝ lǝ́ xixǝ́ xilà nɔ̀mi kǝ́ gbɔ̀nɔ̀n án mǝ̀ o. ³³ Nǝ́ ati dǝ́ nyɔ́n án, yǝ̀ kúcɛ̀ncɛ̀n cá lá nyɔ́n, nǝ́ áti dǝ́ ŋnyɔ́n án, yǝ́ kúcɛ̀ncɛ̀n cá ŋkáa nyɔ́n o, dó wó dǝ́nǝ́si atí tó yǝ̀ kúcɛ̀ncɛ̀n ji í. ³⁴ Miánwo, ǝdan, yǝ́ jijimǝ̀viwó, àmǝ̀ vɔ̀ɛ̀wó kǝ́ mì nyin án, nǝ́nǝ́ míán teŋ nú ǝ́nyɔ́ nyɔ́ngbiwó máa? Dó ǝ́nùkǝ dɔ́ àmǝ̀ yǝ́ jimǝ̀ án, yǝi yǝ́ nú nún nɔ́n. ³⁵ Àmǝ̀ nyɔ́ngbi cɔ́ nǝ́ ǝnú nyɔ́ngbi dó có yǝ́ nún kpádixó, í àmǝ̀ vɔɛ̀n cɔ́ nǝ́ ǝnuvɔɛ̀n dó có yǝ́ nùn kpádixó. ³⁶ I ŋ̀ lǝ́ nún nǝ́ mi bǝ lǝ́ kójódó̀gbǝá, àmǝ̀wó lá nan ákɔ̀ntá nǝ́ ǝnyɔ́n gbàle dǝ́siadǝ́ kǝ́ wó nún án wó. ³⁷ Dó tó míán nyɔ̀nwójíá, wóa xɔ̀ mi nɔ̀mi wóa bùufɔ́n mi. ³⁸ Seyijia, ǝnùkpramǝ̀tɔ̀ ganŋgan dekawó kidǝ Farisitɔwó dó ŋùn nǝ́ Yesù í nún bǝ:< mi ji bǝ mián kpɔ́ dǝ́si dǝ́ka có ǝ́gbɔ̀wó.>>39 ³⁹ Vɔ́a Yesu doŋún í nún nǝ́wóbǝ:< dǝ́ka kide matǝ́lǝ́wɔ́tɔ̀ lǝ́ji dǝsi dǝka. Vɔá wó ŋka nán wó desi dǝkin tòvó nǝ́ mawunyɔnudɛ̀tɔ Yona yǝ́ dǝsi o. ⁴⁰ Dó sigbǝ Yona nɔ̀n ǝhoǝ̀ ganŋgan yǝ́ xódómǝ ŋkǝ̀kǝ̀ amɔntɔ̀n kidǝ ǝzàn amɔ̀ntɔ̀n án, nǝ̀nǝ̀ kǝ àmǝ̀gbǝ́tɔ̀vi cá lá nɔ̀n yɔ́dómǝ̀ ŋkǝ̀kǝ̀ amɔ̀ntɔ̀n, ǝzán amɔ̀ntɔ̀n án nǝ́. ⁴¹ Niniwǝ́ mǝwó lá có lǝ́ kójódógbǝ kidǝ jijimǝ̀ hinan í là bíufɔ́n ɛ̀n.Dó wó trɔ̀ jimǝ̀ lǝ́ Yóna yé mawunyɔ́n núnú yǝ̀ gamǝ̀, i kpɔ̀ àmǝ̀gánŋgan wú Yona deka lǝ́là dɛ̀. ⁴² Afɔ̀dǝkpáxó fiɔ́ ŋɔ́nrùn án là có lǝ́ kójódógbǝ kidǝ ŋúcù jijimǝ̀ hinán wó í là bíufɔ́n ɛ̀n.Ǝ có anyigban yǝ́ tóogawó bǝ yea vá sǝ́ Salomon yǝ́ ŋúnú nyanyán, í kpɔ̀ àmǝ̀gánŋgan wú Salomon dǝ́ka lǝ́ lɑ́ dɛ̀. ⁴³ Nǝ́ gbɔngbɔ̀n makɔ̀ makɔ̀ déka dó lǝ́ ŋúcù dǝ́ mǝ́án, ǝ́ tó nǝ́ tóhó xúxúwó í ji nǝ́ gbɔngbɔ́n, vɔ́a ŋ kpɔ̀ nɛ̀n o. ⁴⁴ Seyijia, ǝ́ nún bǝ:"Màa trɔ̀ yi tiin xó kǝ́ mǝ̀ ŋ̀ dó cóá." Kǝ́ í trɔ̀ yíáa, ǝ́ kpɔ̀ bǝ wó gràdó á̀xó hinán dɛ̀ í ǝnù dǝ́siadǝ́ lǝ́ dodonù dɛ̀ ⁴⁵ Seyijiá, ǝ́ gbǝ́ trɔ́ yi í kprɔ̀ gbɔ̀ngbɔ̀n amádrǝ́ buwó kǝ vɔɛ̀n wú yeŋtáa,í wósǝǝ trɔ̀ vá nɔ̀n lǝ̀nan.Seyijia, ŋúcú lá yǝ́ nɔ̀nɔ̀n mǝ́ ŋgbǝ́si làa gbǝ̀ vá sɛnŋún wú kǝ̀lǝ kǝ̀lǝ̀ tɔ̀á.Nǝ́nǝ́ í ànyi nǝ́ jijimǝ̀ vɔɛ̀n hilaà nǝ̀.>> ⁴⁶ Gakǝmǝ Yesu lǝ́ xónùn nǝ́ àmǝ̀wóá, kpɔ̀, yǝ́ nánán kidǝ nɔ̀nviaawó lǝ́ xixǝ́nún dɛ̀, ì lǝ̀ ji bǝ̀ ji bǝ wóa xónú nɛ̀n. ⁴⁷ Àmǝ̀dǝka nùn nɛ̀n bǝ:< tɔ̀ɔ nánán kide tɔ̀ɔ nɔnviwówó lǝ́ xixǝ́nún dɛ̀ i lǝ́ ji bǝ wóa xónú nǝ ǝwo.>> ⁴⁸ Vɔ́a Yesu doŋún í nún nǝ́ amǝkǝ lǝ́ nuin nǝ́án bǝ:<< Mɛ̀ɛ̀n inyin tiin nánán! Í mɛ̀ɛn inyi tiìn nɔ̀nvi ŋúcùwo?>> ⁴⁹ Í i vrú álɔ̀ didá yǝ́ dǝ́prɔviwó í nùn bǝ:<< Kpɔ̀, tiìn nánán kide tiìn nɔnvi ŋùcúwó kǝ́. ⁵⁰ Dó àmǝ̀dǝ́siadǝ́ kǝ́ wɔ̀ tiín dadá kǝ́ lǝ́ jiŋkoriwáa yǝ́ jijiá, àmǝ̀ hinán í nyin tiìn nɔ̀nvi ŋúcù, kidǝ tiìn nánán.>>