¹ Lǝ̀ ŋkǝ̀kǝ̀ hinán jiá, Yesu có lǝ́ axó kǝ mǝ̀ í lǝ́ kprá ǝnú àmǝ̀wò lǝá, í kànrɛ̀n dǝ́ axútó. ² Àmǝ̀súgbɔ̀wó xixrádoǝ́ dɛ̀ í í vɛ̀ kànrɛ̀n dǝ́ akró dǝka mǝ̀. Àmǝ̀ánwósǝ́ǝ nɔ̀ntǝ́ dǝ́ àgǝ ji. ³ Í Yesu nùn ǝ́nyɔ́n sùgbɔ̀ nǝ́wó lǝ́ ǝ́lódo domǝ̀.Ǝ nún bǝ:<< Kpɔ́, ǝnúdótɔ̀ dǝka dò ì vɛ̀ dó ǝnú. ⁴ Gákǝmǝ ì lǝ̀ dó ǝnúán, ǝnúkúwó gǝjɛ̀n dǝ́ ǝmɔ̀ntó.Xǝ̀viwó và í dú wó. ⁵ Ǝnúkú búwó jǝ ǝkpǝ́jí kǝ ǝkó hɔɛ̀dǝ́ká dǝ́dǝ́ lǝ́a.Akàakàa, wó mí, dó anyigbán-án ŋ yidó o. ⁶ Vɔ́a kǝ́ ŋindɔ̀n doá,átiáwó fiɔ̀n do ǝkǝ ŋlǝ́ wó si o, ì wó xú. ⁷ Ǝbùwó gǝ́jɛ̀n dǝ́ aŋùnjàwó mǝ̀.Aŋúnjàwó cìn ì zin wó. ⁸ Ǝnúkú búwó jǝ anyigbán nyɔ́ngbi jì ì cɛ̀n ǝkùwó,̀ dówó zǝ́ kavǝtakpó wú, dówó kákítákpó, í dówó ǝgbán. ⁹ Àmǝkǝ̀ si ǝtó lǝà nán sǝ́tónún. ¹⁰ Adǝ̀kprɔviwó và Yesu gbɔ́ i nùn nɛ̀n bǝ:< i dɔ í ǝ́ lǝ́ xónún nǝ́ àmǝ̀wó lǝ́ ǝlódodómǝ̀ maan?>> ¹¹ Yesu dóŋùn í nún bǝ:< yà, wó dǝ ǝnùkǝ gɔ̀mǝ̀ ŋkɔ lǝ̀ jiŋkoriwó fiɔduxó ŋuán o nǝ̀́ nù, vɔ́a wo ŋ dǝ́ yǝ̀ gɔ̀mǝ̀ nǝ́ amǝ̀búwó o. ¹² Dó àmǝ̀ kǝ si ǝnù̀n lǝ́á, wóa gbǝ nɛn kpǝ́, cagbǝ nǝ́ ǝnún nán súgbɔ̀ nɛn.Vɔ́a nǝ́ àmǝ̀kǝ ŋ wɔ̀dɛ̀áa, wóa gbǝ xɔ̀ cùkúvi kǝ̀ lǝ́ sià. ¹³ Ǝnukedɔ̀ í ŋ̀ lǝ́ xónú nǝ wó lǝ́ ǝlódodómǝán nǝ́, dó nǝ́̀̀ wó lǝ́ kpɔ́ ŋúnù án, wó ŋlǝ kpɔ́ ŋúnù ŋtàŋtà o, í nǝ́ wó lǝ́ sǝ́tónúán, wó ŋ sǝ́tónú ŋtáŋtà o, í wóŋ lǝ̀ sǝ́ ǝnúndǝ́kin gɔ̀mǝ̀ cá o. ¹⁴ Ì Esaya yǝ́ mawunyɔnudɛ̀ hilá và nǝ́ mǝ̀ nǝ́wó: Mí lǝ́ sǝtónú.vɔ́a mi ŋ lǝ́ sǝ̀ yǝ́gɔ̀mǝ̀o, míán kpɔ́ ŋúnu vɔá míŋ káá dǝ́siì o. ¹⁵ Dó agbǝ ŋ gbǝ lǝ́ dukɔ hinán jimǝ̀ o, wó tówó sɛnŋún súgbɔ kǝ̀kǝ̀ wó ŋ sǝ́ nǝ́ ǝtónù o, í wó mìɔn wó ŋkuviwó cagbǝ nǝ́ wóŋkáa sǝ́ ǝ́tónú o, nɔ̀mi wó jiwò nǝ́ wóŋkáa sǝ́ ǝtónú o, nɔ̀mi wó tówó nǝ́ wóŋkáa kpɔ̀ ŋúnù o, nɔ̀mi wó tówó nǝ́ wóŋkaá sǝ́ ǝtónú o, nɔ̀mi wó jiwó nǝ́ wóŋkáa sǝ́ ǝnù̀ gɔ̀mǝ̀, kidǝ vɔ̀nvɔ̀n bǝ wɔŋkáa trɔ̀ và nǝ́ màn yɔ̀dɔ̀ nǝ́wó o.'' ¹⁶ Wó yrà mián ŋkuviwó dó wó lǝ́ kpɔ́ ŋùnu, wó yrá mián tówó dó wó lǝ́ kpɔ́ ŋùnù, wó yrá mián tówó dó wó lǝ́ sǝ̀nu. ¹⁷ Lǝ́ ǝ́nyɔndodó mǝ́, ŋ̀̃ lǝ́ núin nǝ́ mí, ǝnyɔnùdɛ̀tɔ̀ súgbɔ̀wó kidǝ àmǝ̀jɔ́jɔ́ sugbɔ̀wó ji bǝ yoà kpɔ̀ ǝnù̀kǝ mi lǝ́ kpɔ̀awò, gánŋkǝ wó ŋkpòwó o, í wó ji bǝ yoà sǝ́ ǝnùkǝ nú lǝ́ sǝ́awó,gánŋ̀kǝ wóŋsǝ́wó o. ¹⁸ Mi dó ǝtó ǝlódodó có ǝnùkúdòtɔ̀ ŋùn. ¹⁹ Nǝ́ àmǝ́dǝ sǝ́ ǝ́nyɔ́n có fiɔ́dúxoa ŋún i ŋ sǝ́yǝ́ gɔ̀mǝán, fùntɔá vá nǝ́ í vá fi nǝ́ ǝnùkǝ wó dó dǝ́ yǝ̀ jimǝ̀án. Hinán wodɛ̀ sigbǝ ǝnúkú kǝ́ jǝ ǝ̀mɔ̀ntoáwó ǝ́nǝ́. ²⁰ Ǝnúkuwó kǝ́ jǝ ǝ́kpǝ́jiawó ŋin àmǝkǝ sǝ́ ǝnyɔ́nán i xɔ̀ɛ̀ ákáaka kìdǝ jíjɔ̀ gánŋgán án, ²¹ Ǝkǝ ŋ lǝ́si o, í nɔ́n nǝ́ agbǝ nǝ́ gaxòxó hɔ̀ɛ̀dǝ́ka dǝ́dǝ́. Nǝ́ xàxà nɔmi yómǝ̀tìtì và cagbǝ ǝnyɔ́nán tɔ̀á, ǝ bù nǝ ǝmɔ̀n ákàaka. ²² Ǝnúku kǝ jǝ ahúnjáwó mǝ̀án nyin àmǝ̀kǝ sǝ́ nǝ́ ǝnyɔ́n án vɔ́a xixǝ́ámǝ́ yǝ́ tamǝbúkpɔwó kidǝ ǝho màkpɔ̀wó ̀vrú nǝ̀ cón ǝnyɔ́nán ji,í ŋ gbǝ cɛ̀n nǝ́ ǝkú o. ²³ Ǝnùkuwó kǝ jǝ ányigbán nyɔ́ngbi jiá nyin àmǝ̀kǝ sǝ́ ǝnyɔ́n án í sǝ́ gɔ́mǝ̀ án , yǝ́ í nyin àmǝ̀kǝ cɛ̀n nǝ́ ǝkú lǝ́ ǝnyɔ́ndodó mǝ̀án, àmǝ̀dówó zǝ kavǝtàkpó, ǝbuwó zǝ kakitàkpó, ǝbùwó cá zǝ gban í lǝ́ nǝ́ bǝ nɛ̀n>> ²⁴ Yesu gbǝ dó ǝló bú nǝ́ wó, ì nuì̀n bǝ:<< Jiŋkoriwó fiɔ́duxóá wɔ̀dɛ̀ sigbǝ àmǝ̀kǝ dó ǝnukú nyɔngbiwó dǝ́ yǝ́ bò̀mǝan ǝ́nǝ́. ²⁵ Gákǝ̀mǝ̀ àmǝ̀wó lǝ́ dánrɔ̀n án, yǝ́ kǝtɔ̀ jì í vɛ̀ dó ǝnùkú dànhǝ́n dànhǝ́n dǝ́ yǝ́ kpɔ́nɔnwɔ́ kú bóàmǝ̀ ì có yí. ²⁶ Kǝ ǝnúkúáwó min ì cɛ̀n ǝkùwóá, ǝgbǝ́ vɔ̀ɛ̀nwó cá dó. ²⁷ Ǝbótɔ̀á yǝ́ dɔ̀cɔ̀viwó vá ì nún nɛ̀n bǝ:"Axótɔ̀, ŋdó ǝnúkú nyɔ̀ngbiwó dǝ́ tɔ́ɔ bómǝ̀ án? Nukǝ́ǝ́ jɔ́ í wó lǝ́ kpɔ̀ ǝgbǝ́ vɔ̀ɛ̀nwó máan? " ²⁸ Í nùn nǝ wó bǝ:"Kǝ́tɔ̀ yǝ́ dɔ̀wɔ̀wɔ̀ nǝ́'' Í ǝdɔ̀cɔ́viáwó gbǝ nùn bǝ:"Ǝ ji bǝ mián yi í vɛ̀ hún wó a? " ²⁹ Axótɔ̀ dó ŋún bǝ:"oo,cágbǝ nǝ́ miŋ ká hùn kpɔ́nɔn wɔ́tiá nǝ́ mì lǝ́ húnwó o. ³⁰ Mi tàciwó dɛ̀ nǝ́ ǝnùkú xáxá ganǝ̀. Lǝ́ ǝnúkú xáxá gamǝ̀án, màan nún nǝ́ ǝnúkúxátɔ̀wó bǝ:"Mi hún ǝgbǝ́ vɔ̀ɛ̀n án wó kǝ́lǝ̀kǝ́lǝ̀, mi brá wó í mí bɔ̀wó nǝ́ mián tɔ́zó. Lǝ́ hinán yǝ́ ŋ̀gbǝá, mi bɔ̀ kpɔ́nɔwɔtia dǝ́ tiín vá mǝ̀" ³¹ Í Yesu gbǝ dó ǝlóbú nǝ́ wó ì nún bǝ:< fiɔdúxóa wɔ̀dɛ̀ sigbǝ frǝfikú dǝ́ka kǝ ŋúcù dǝ́ka cɔ́ í dó dǝ́ yǝ́ bómǝ̀án ǝ́nǝ́. ³² Ǝnúkú hinán nyin cúkuvi wú lǝ́ ǝnúkúwó mǝ̀.Vɔ́a kǝ í cin án, ǝ trɔ̀ zún ati kǝ́ gánŋgán wú lǝ́ ǝ́boámǝ̀án kǝ̀kǝ̀ xǝ̀viwo vá wɔ̀ nǝ́ wó tɔ́nwó dǝ́ yǝ́ lɔ̀viwo jí.>> ³³ Yesu gbǝ dó ǝló bú nǝ́wó bǝ:<< Jiŋkoriwó fiɔduxóá wɔ̀ɖɛ sigbǝ du levain kɛ ŋɔ̀nrùn ɖǝka cɔ́ ib sǝ̀ brù kiɖǝ kpɔnɔ̀nwɔ̀ ágbàn amɔ̀ntɔn àn càgbǝ kpɔ̀nɔ́n nàn cò . ³⁴ Yesu lǝ̀ kprà ǝnù àmǝ̀wo lǝ̀ nùn ǝnyɔ̀n hinànwò sǝǝ̀ lǝ́ ǝ̀lodo dòmǝ̀ I nǝ̀ i nyin tò ǝlodòdò mǝ̀ án ŋ nùn nǝ i nyin ǝ̀nyɔ́n ɖǝ nǝwò . ³⁵ Ǝ nyin ǝ̀nǝ̀ càgbǝ̀ nǝ̀ ǝ̀nyɔ̀n kǝ Mawu nyɔ nuɖɛtɔ nùn ɖɛa nàn và mǝ̀ kǝ i nùn bǝ Maàn sconù tò ǝlò dodomǝ̀ màan nùn ǝ̀nùkǝ lǝ̀ wà wrà cò ɖɛ̀ cò kǝ̀kǝ̀ ciscǝà yǝ̀ gɔ mǝ́ jǝ̀jǝ̀ à mǝ àn . ³⁶ Kǝ́ Yesu nyán àmǝ̀ánwó jrɔ̀a, ǝ yi axóa mǝ̀. Yǝ̀ deprɔviwó vá gbɔ̀ í nún nɛ̀nbǝ:< ǝgbǝ̀ wriwri kǝ́ mí dǝ́ ǝ́boamǝ̀án yǝ́ lódódó gɔ̀mǝ̀ nǝ̀ mí.>> ³⁷ Ǝ dóŋún bǝ:< kǝ́ dò ǝnùkú nyɔ́ngbián, àmǝ̀gbǝ́tɔ yǝ́ ví. ³⁸ Ǝbóa nyin xixǝ́a mǝ̀. Ǝnùkù nyɔ́ngbiánwó inyin ǝ́fiɔ̀duxó mǝ̀ viwó. Ǝgbǝ́ wriwriá innyin àmǝ̀ vɔ̀ɛ́n yǝ̀ viwó. ³⁹ Fúntɔ̀ kǝ́ dó ǝgbǝ̀ wriwria i nyin ábusanŋ. Ǝnúkú xàxà inyi xixǝ́a yǝ́ vɔ̀vɔ̀. Ǝnúkúxàtɔwó inyi Mawu yǝ́ mǝ̀dɔ̀dɔ̀wó. ⁴⁰ Sigbǝ wò bɔ̀ ǝ̀gbǝ́ vɔ̀ɛ́nwó í tɔ́ zó wóa, nǝ́nǝ́ kǝ́ i à nyin lǝ̀ xixǝ́a yǝ́ vɔ́vɔ́ mǝ̀ án nǝ́. ⁴¹ Àmǝ̀gbǝtɔ̀vi lá dǝ́ yǝ́ mǝ̀dɔ́dɔ́wó vá, ì wóa dǝ́ ǝ́núvɔ̀ɛ́n nú dǝ́siadǝ́ lǝ́ yǝ́ fiɔ̀duxó mǝ̀, kidǝ àmǝ̀kǝ́ wɔ́ nǝ́ ǝnúvɔɛ́n án wó, ⁴² i là cɔ̀ wó dánŋkpin dǝ́ ǝ́kpó zobibì mǝ̀, lǝfi áviŋ fànfánwó kidǝ ádukuidúdú lǝ́a. ⁴³ Ganamǝ̀án, àn àmǝ̀ jɔ̀jɔ̀wó lá lǝ̀́ kɔ sigbǝ ŋindɔ́n ǝ́nǝ́ lǝ́ wó dádá yǝ́ fiɔ́duxó mǝ̀. Àmǝ̀ kǝ́ wɔ̀ ǝtó sǝ́nù dɛ̀á nán sǝ́.>> ⁴⁴ < fiɔ́dúxó wɔ̀dɛ̀ sigbǝ kǝ́sinɔ̀nú dǝka kǝ́ wó sǝ́ wrá dǝ́ ǝ́bo dǝ́ka mǝ̀ dɛ̀á ǝ́nǝ́.Ŋùcú dǝ́ka fɔ̀ɛ̀ í sǝ́ wrá.Lǝ́ jijɔ́ kpɔ̀kpɔ̀ sugbɔ mǝ̀án, ǝ yi í vɛ̀ sá ǝ́nú dǝ́siadǝ́ kǝ́ lǝ́siá, i xrǝ́ ǝbó hinàn. ⁴⁵ Jiŋkoriwó fiɔ̀duxóa wɔ̀dɛ̀ sigbǝ ǝnúsàtɔ dǝ́ka kǝ́ lǝ́ji jónù xɔ̀afiwó a. ⁴⁶ Kǝ́ i kpɔ́ jónù xɔ̀afi gánŋgán dékáa ǝ́ yi ì vɛ̀ sá ǝ́nukǝ lǝ́siawó sǝ́ǝ, ì xrǝ̀ǝ̀̀. ⁴⁷ Jiŋkoriwó fiɔ́dúxó wɔ̀dɛ̀ sigbǝ ǝdɔ̀ deka kǝ́ wó dà dǝ́ áxúmǝ̀ ì ì lɔ̀ ǝ́hoǝ́ vóvówó, dùdùwó kidǝ mádúmadúwó.Kǝ́ ǝ́dɔ̀a dɔ́a ǝ́hoǝ̀lǝ́tɔ̀wó cɔ̀ɛ̀ vá ágǝ ji. ⁴⁸ Seyijiá wó kànrɛ̀n í bɔ̀ ǝ́hoǝ́ sugbɔ̀ dǝ̀ kisiwó mǝ̀, vɔ́a wó cɔ́ ǝ́hoǝ́ maǹyɔ̀n manyɔ̀n a.n wó danŋkpin. ⁴⁹ Nǝ́nǝ́ kǝ́ í à nyín lǝ́ xixǝá yǝ́ vɔ̀vɔ̀ mǝ̀ án nǝ́. Mawuǝŋɛndótówó lá vá lǝfi Mawu á dó kójó nǝ́ àmǝ̀wó lǝ́a, i woamá àmǝ̀vɔ́ɛ́nwó kidǝ àmǝ̀ jɔ̀jɔ̀wó mǝ̀. ⁵⁰ Wóa cɔ́ wó danŋkpin dǝ́ ǝkpó zóbibimǝ̀ lǝfi áviŋ fánfánwó kidǝ ádúkui dùdùwó là nɔ̀n án. ⁵¹ Mi sǝ́ ǝ́nùn hinànwó sǝ́ǝ a?>> Ǝdɔ̀cɔ̀viwó doŋún nɛ̀n bǝ: ⁵² <<ɛ̌ɛ̌, mi sǝ́ >>Í Yesu nún nǝ́wó bǝ:<< Kǝ inyin ǝ́nǝ́án, ǝnúkprámǝ̀tɔ́gánŋgán dǝsiadǝ́ kǝ́ trɔ́ zù jiŋkoriwó fiɔ́dúxó nukprátɔ́a lá dí axótɔ̀ dǝka kǝ́ si axó lǝá, í í cɔ́ nǝ́ ǝnùn yǝ̀yǝ̀ wó ǝnún xòxówó dó có yǝ́ kǝ́sinɔ̀nú kpràdixóa.>> ⁵³ kǝ́ Yesu nún ǝ́nyɔ́n hinànwó sǝ́ǝ jrɔ̀a, ǝ có lǝ́ lǝ́nán. ⁵⁴ Seyijia, Yesu yi ǝnútóamǝ̀ í lǝ́ kprá ǝ́nún àmǝ̀wó lǝ́ wó gódóxówó ǝ kpácà àmǝ̀kǝ́ lǝ́ dó ǝ́tó ǝ à wó í wó nún bǝ:< í ŋúcù hilá yǝ́ ŋúnunyányan kidǝ yǝ́ amrimanniwó có'. ⁵⁵ Ŋúcù hilá ŋ nyin kapiŋtá yǝ́ via? Maria ŋ nyin yǝ́ nyin yǝ́ nánán án? Yakúbú, Yosɛ̀fú Simon, Yúda wó ŋ nyin nɔ̀via ŋúcúwó a? ⁵⁶ Í didàawó kidǝ nɔ̀via ŋɔ̀nrunwó sǝǝ́ ŋ lǝ́ miàmǝ̀ án? Lǝfi àmǝ̀ hilá lǝ́ cɔ́ yǝ́ nùwó có màán? ⁵⁷ Wó lǝ́ kpɔ̀ bǝ ǝ jàágɔ̀ dǝ́ yó ǝ́nǝ́, vɔ́a Yesu nún nǝwó bǝ?<<Ŋ nyin lǝ́ àmǝ̀ ŋta yǝ́ dúmǝ̀ nɔ̀mi lǝ́ yǝ́nŋta yǝ́ xómǝ̀ ì wó ŋ bù nǝ́ mawunyɔnùdɛ̀tɔ́ lǝ́ o>> ⁵⁸ Ŋɔ wɔ́ amrinmà nún sugbɔ̀ lǝ́ tóhó hinàn o, cagbǝ wó jì maxɔ́sǝ́ tɔ̀.