¹ Lǝ́ gáxóxó hinàn mǝ́án, Herodi Tǝtrark-tɔ́a sǝ́ í wó xónún có Yesu ŋún. ² Ǝ nún nǝ́ yǝ́ ɖǝ́prɔviwó bǝ: « Yohanɛ̀s Mawuciɖǝ́tanamǝ̀tɔ̀a i, ǝ ŋɔ̀n có àmǝ̀kúkúwó mǝ̀. Yǝ́idò í ŋúnsɛ̀n hinànwó lǝ̀ wɔ̀dɔ̀ lǝ̀ mǝ̀.» ³ Jǝ́ŋkɔ̀ nǝ́ hinàn an, H́rodi lǝ́ Yohans, i brɛ́ɛ, i cɔ̀ɛ̀ dǝ́ gákpámǝ̀ cágbǝ nɔviá Flilpú, yǝ́ sí Hǝ&rodias tɔ́. ⁴ Ɖó Yohanɛ̀s nún nɛ̀n váyí bǝ: «Lǝ́ ǝsǝ́amǝ̀ án, wó ŋɖǝ́mɔ́n nǝ́ ǝwo bǝ nán ɖǝ́ǝ́ o. ⁵ Hǝ́rodi jí yǝ́awúi, vɔ́a ǝ lǝ́ vɔ́nvɔ́n nǝ́ àmǝ̀wó, ɖó wó lǝ́ cɔ̀ɛ̀ sigbǝ mawunyɔnùɖɛ̀tɔ ɖǝ́ka ǝ́nǝ́. ⁶ Vɔ́a kǝ Hǝ́rodi yǝ́ jíjí yǝ́ ŋ̀kǝ̀kǝ̀ vá ɖoà, Hǝ́rodias yǝ́ ví ɖúwǝ́ lǝ́àmǝ̀yɔ̀yɔ́wó ŋkuvimǝ̀ í í yɔ́ŋkɔ̀ Hǝ́rodi. ⁷ Sigbǝ ɖoŋùnti ǝ́nǝ́án ǝ ɖǝ́ ǝzǝ́ ɖǝ́ka kidǝ átàbú kákáa, bǝ yǝ́a nǝ̀n ǝ́nún ɖǝkpukpuiɖǝ́kǝ á biɔ̀ á. ⁸ Kǝ́ í wɔ̀ ǝ́sǝ́wó có yǝ́ nánán gbɔ jrɔ̀á, ǝ nún bǝ: «Cɔ́ Yohanɛ̀s Mawucciɖǝ́tanàmǝ̀tɔ yǝ́ tá dǝ́ átɛ̀gbànɖǝ́ka jí vá ŋ̀. ⁹ Ǝfiɔ́ càká súgbɔ̀ ɖǝ̀ yǝ́ biɔ́ biɔ̀ ŋún, vɔ́a cágbǝ yǝ́ tàbùkàká kiɖe cágbǝ àmǝ̀kǝ lǝ́ fiɛ̀ŋin nún ɖúxó kide tɔa, ǝɖǝ́gbǝ́ bǝ wɔa wɔ̀ ɖǝ́ yǝ́ jíjía jí nɛn. ¹⁰ Ǝ dɔ́ bǝ woa vɛ́ɛ có Yohanɛ̀s ǝ́tá lǝ́ gákpàmǝ̀. ¹¹ I wó cɔ́ yǝ́ tá átɛ̀gbán mǝ̀ vá nǝ̀ ŋɔ́nrúnviá í í cɔ̀ɛ̀ yi nǝ́ yǝ́ nánán. ¹² Í yǝ́ dǝ́prɔ̀viwó vá cɔ́ ŋtirán kúkùa í vɛ̀ɛ ɖiì. Lǝ́ hinàn yǝ́ ŋgbǝ́a,wó yí í vǝ̀ǝ nùn nǝ́ Yesu. ¹³ Kǝ́ Yesu sǝ́ ǝ́nǝ̀án, ǝ có lǝ́nán, i ɖó ákró mǝ̀ bǝ yǝá yí tó hó diŋdiŋ ɖǝ́ka. Kǝ́ àmǝ̀wó sǝ́ ǝ́nǝ̀án, àmǝ̀wó có ǝ́dúgánŋgánwó mǝ̀ í zɔ́n áfɔ̀ kprɔ̀ɛ̀ dó. ¹⁴ Í Yesu nɔ́n wó ŋkɔ̀ í kpɔ́ àmɛèsúgbɔ́wó. Ǝkpɔ̀ ádɔ́nún nǝ́wó í yɔ́ wó ǝ́dɔ́wó nǝ́wó. ¹⁵ Kǝ́ fiɛ̀ŋin ɖoá, adǝprɔviwó yi gbɔ̀ í nún nɛ̀n bǝ: «Tóhó hilà nyin zógbǝji íǝzán lǝ́ dó. Yán àmǝ̀ánwó nǝ́ wó a teŋ yí ǝdúwómǝ̀ í vɛ̀ɛ xrǝ́ ǝ́núɖúɖú. ¹⁶ Vɔ́a Yesu nún nǝ́wó bǝ: «ŋ hiàn bǝ woa yi o. Míán ŋtàwó, mí nán wó ǝ́núɖǝ́ nǝ́ woa ɖú.» ¹⁷ Wo nún nɛ̀n bǝ: «Vɔ́a kpɔ́nɔ́n amántɔ́n kidǝ ǝ́hoé àmǝ̀vǝ ɖǝ́ɖǝ́ í lǝ míánsí lǝ́là.» ¹⁸ Yesu nún bǝ: «Mi: cɔ́ wó á ŋ̀» ¹⁹ Yesu nún nǝ́ ámǝ̀ánwó bǝ wóa kànrɛ̀n dǝ́ ǝgbǝ́jí. Ǝ cɔ́ kpɔ́nɔ̀n amántɔ̀n kidǝ ǝ́hoé àmǝ̀vǝawó. Kǝ́ i trɔ̀ ŋkuvimǝ̀ yi jiŋ koriwó jrɔ̀á ǝ yrá kpɔ́nɔ̀n án wó í kàn wó. Lǝ́ hinàn yǝ́ ŋgbǝa, ǝ cɔ́ wó nǝ́ yǝ́ ɖǝ́prɔviwó í wó mán wó nǝ́ àmǝ̀wo. ²⁰ Wo sǝ̀ǝ wó ɖúnú í ɖɔ̀xó. Lǝ́ hinàn yǝ ŋgbǝa, wó cɔ́ kpɔ̀nɔ́n kpɔ̀tiawó yí, kisi ɖɔ́ɖɔ́ amǝwuivǝ. ²¹ Àmǝ̀kǝ ɖúnú ánwó hɛnhrɛ̀n mǝ̀ là teŋ ŋín àmǝ̀ kawuiblatɔ́n tóhó amántɔ́n nǝ́ woŋ hrɛ̀n ɖǝ́viwó kiɖǝ ŋɔ́nrruínwó o. ²² Ákàakáà, ǝ nán í adǝprɔviwó ɖó ákró mǝ̀ nǝ̀ woa jǝŋkɔ̀ nɛ̀n lǝ́ ákpàhinàn xó, nǝ́ yeŋta nán nyàn àmǝ̀wó. ²³ Kǝ́ í nyàn àmǝ̀wo jrɔ̀á yǝ̀ɖǝkin rá ǝtoa yi bǝ yǝa vɛ̀ xóɖǝ́. Kǝ ǝzàn ɖoa, yǝ́ɖǝ́kin nɔ̀n lǝ̀nán ɖɛ̀. ²⁴ Vɔ́a lǝ́ ǝtɔ̀á ɖoŋdómǝ̀ án, ákróa lǝ́ hùn hùn ɖo áyá lǝ́ xó có ŋkɔ̀ nɛ̀n. ²⁵ Lǝ́ ŋgbángbásià, Yesu lǝ́ zɔ́n lǝ́ ǝci jì gbɔ̀nǝ́ wógbɔ̀. ²⁶ Kǝ adǝprɔviwó kpɔ̀ɛ̀ í lǝ̀ zɔ́n lǝ́ zɔ́n lǝ́ axù jía, ádiká cò wó í wó nún bǝ: «ŋɔ̀nrin», í ɖǝ́ vɔ́nvɔ̀n xá sínsín. ²⁷ Vɔá Yesu xónún nǝ́wó lǝ́nán ákáakà í nún bǝ: «Miánwó kpǝ́! Ǝ ŋɛ̀n í! Miŋká vɔ́nvɔ́n o.» ²⁸ Petro ɖoŋún nǝ́wó bǝ: «Axótɔ̀, nǝ́ ínyi ǝwó iá, ɖǝ́ ǝgbǝ́ ŋ̀ nǝ́ mán zɔ̀n lǝ́ ǝ́ci jí và ǝ́gbɔwó.» ²⁹ Yesu nún bǝ: «Váa!» Ákáakà, Petro dó lǝ́ ákroa mǝ̀ í zɔ̀n lǝ́ ǝ́ci jí yikɔ̀ Yesu gbɔ làgǝ. ³⁰ Vɔ́a kǝ Petro kpɔ́ áyáa, vɔ̀nvɔ́n jíi kǝ í tɔ̀ ǝ́cigɔ̀mǝ̀ yìyìa, ǝ ɖàaxá: «Axótɔ́, xɔ̀ ŋ̀.» ³¹ Ákáaká, Yesu vrú yǝ́ lɔ̀ í lǝ́ Petro í nún nɛ̀n bǝ: «ŋùcú xɔ̀sǝ cúkùvitɔ̀, nukǝǝ́ jɔ́ ì ǝ dǝ́ áɖiká?» ³² I kǝ Yesu kide Petro ɖó ákroamǝ̀ án, áyá nɔ̀ntǝ xóxó. ³³ Leyijià, adǝprɔvi kǝ lǝ́ ákroamǝ̀ án wó sùbɔ Yesu í nún bǝ: «Lǝ́ ǝ́nyɔ́n dódómǝ̀ án, ǝ ŋi Mawue vi!» ³⁴ Kǝ wó có ǝtɔ̀ajrɔ̀a, wó nɔ̀ntǝ lǝ́ Gǝ̀nǝ́sarɛ̀ti. ³⁵ Kǝ lǝ́nántɔ̀wó kpɔ́ Yesu ɖǝ́si áa, wó dóŋɛ̀n ɖiɖá ǝ́dú kǝ xìxràɖówó, ɖɛ́áwó, í wó kprɔ̀ àmǝ̀ɖǝkpukpuiɖǝ́ kǝ lǝ́ lǝ́dɔ̀ vá gbò. ³⁶ Wó ɖǝ̀ kúkú nɛ̀n bǝ năàn ɖǝ̀ mɔ́n nǝ́ yóa krǝ́ yǝ́ wú yǝ́ tógá ɖǝ́ɖǝ́ í ǝ́dɔ́ vɔ́ nǝ́ ámǝ̀kǝ́ krǝ́ǝawó sǝ́ǝ.