¹ Ì Farisitɔ̀ ɖówó kidǝ ǝ̀nùkpràmǝ̀tɔ̀ gánŋgánwó vá Yesu yerusalɛmtɔ́a gbɔ́. Wó nún bǝ: ² «Nukǝ́ǝ́jɔ́ í tɔ̀ɔ dǝprɔviwó lǝ́ dá lǝ́ xóxótɔ̀wó kɔ̀nún jì? Wó ŋkrɔ́ nǝ́ ásì gbɔxó ì ɖú nǝ́ ǝ́nú o.» ³ Yesu ɖó ŋún nǝ́wó í nún nǝ́wó bǝ: «dá lǝ́ Mawue sǝ́ jí cágbǝ mían kɔ́núwó tɔ̀ maéa? ⁴ Ɖó Mawu nún bǝ: "Bú tɔ̀ɔ dadá kidǝ tɔ̀ɔ nanán" í "àmǝ̀ɖǝ́kpukpuiɖǝ́ kǝ́ dónùn yǝ́ dádá nɔ̀mi yǝ́ nanán lá kú kókókó". ⁵ Vɔ́a mí nún nǝ́ àmǝ̀wó bǝ: Àmǝ̀ ɖǝ́kpukpuiɖǝ kǝ́ nún nǝ́ yǝ̀ dàdá nɔ̀mi yǝ́ nanán bǝ: "Kpǝ́kpǝ̀ɖǝ́ŋún kǝ́ màn mǝ̀nɛ̀teŋ nanwóa, ŋ̀ dó yǝ́ ŋgbǝ́ nǝ́ Mawu". ⁶ Ŋgbǝ hìan bǝ àmǝ̀ hinán nán bú yǝ́ dàdá o. Kǝ́ inyi ǝ́nǝán, nù tútú Mawu nyɔ́n cágbǝ míàn kɔ̀nú tɔ̀.» ⁷ Ayǝ́mǝ̀núwɔ̀tɔ̀wó! Esaya nún ǝ́nyɔ́n dódó gákǝ́mǝ̀ í nún nyɔ́n ɖɛ̀ có mián ŋún án: ⁸ "Ámǝ̀wó lǝ́ súbɔ̀ ŋ̀ lǝ́ wó ɖǝ́wó jì ganŋkǝ wó jíwó ŋ tǝ́bɔ̀ ŋ̀ ɖɛ̀ o. ⁹ Gbàalǝ́ í wó lǝ́ súbɔ̀ ŋ̀, ɖó wó lǝ́ kprá àmǝ̀wó sǝ́wó"». ¹⁰ Í í yɔ̀ àmǝ̀ánwó vá ɖǝ́kià gbɔ̀ í nún nǝ́wó bǝ: «Mi ɖó ǝtó, í mían sǝ́ gɔ́mǝ̀.» ¹¹ Ǝnú kǝ ɖónǝ́ lǝ̀ àmǝ̀ yǝ́ númǝán ɖǝ́kin ŋ xó nǝ́ ɖú í o. Vɔ́a ǝ́nyɔ́n ɖǝ́siaɖǝ́ kǝ dó nǝ́ có yǝ́ nùmǝán í xó nǝ́ ɖú í.» ¹² Ì aɖǝkprɔ̀viwó và Yesu gbɔ̀ í nún nɛ̀n bǝ: «Ǝnyàn bǝ Farisitɔ̀wó wɔ̀ xómǝfiɛ̀n kǝ́ wó sǝ́ tɔ́ɔ nyɔ́nwó à? ¹³ Leyijia, Yesu nún nǝ́wó bǝ: «Woa hún áti ɖǝsiaɗǝ kǝ́ tiin-dadáŋ doa o» ¹⁴ Mi ŋká cɔ̀ ǝɖǝ́ lǝ́mǝ́ nǝ́wó o. Ŋkuvitɔnnɔ́n i wó nyin í gbǝ lǝ́ kprɔ̀ ŋkúvitɔ́nnɔ́nwó. Nǝ́ ŋkúvitɔ́nnɔ́ lǝ́ kprɔ̀ ŋkúvitɔ́nnɔ́n án, ǝdó mǝ́ i wó amǝvǝawó woa gǝ́ jɛ̀n dǝ́.» ¹⁵ Petro ɖoŋún í nún bǝ: «Ɖǝ́ ǝ́lodódóa gɔ̀mǝ̀ nǝ́ mí.» ¹⁶ Yesu nún nǝ́wó bǝ: «Miànwó cá miŋ lǝ́ sǝ́ gɔ̀mǝ̀ án? ¹⁷ Mìŋkpɔ̀ bǝ ǝnúɖǝ́siaɖǝ́ kǝ́ ɖó nǝ́ ǝnùmǝ̀án tó nǝ́ ádɔ̀n mǝ̀ gbɔ̀xó í nán và yi kɔ̀n rún jiá ǝmàa? ¹⁸ Vɔ́a ǝ́nukǝ dó nǝ́ có ǝ́númǝ̀ánwó có ǝ́jímǝ̀. Ǝnún hinànwó í xó nǝ́ɖú àmǝ̀. ¹⁹ Ɖó ǝ́jimǝ̀ i súsú vɔɛ̀n wó dó nǝ́ có, àmǝ̀ wúwú, matǝ́lǝ́, dɔ́ndɔ̀n majǝ majǝ, fráafi, vixówó kide ǝ́zúwó. ²⁰ Ǝnú hinànwó í xɔ́ nǝ́ ɖú àmǝ̀. Vɔ́a ɖúnú ásí makrɔ́ ŋ xó nǝ́ ɖú àmǝ̀ o.» ²¹ Yesu có lǝ́ lǝ́nan í yi Tir kiɖǝ Sidon dúwómǝ̀. ²² Kánán ŋɔ̀nrún ɖǝ́ka kǝ́ có ǝ́ɖú hinànwó mǝ̀ án vá Yesu gbɔ́ kide áxá ɖǝ́ɖǝ́ bǝ: «kpɔ́ ádɔ̀nu mǝ̀ ŋ̀, áxótɔ̀ David yǝ́ vi. Gbɔ́ngbɔ́nvɔɛ̀n ɖǝ́ka lǝ́ àyá nǝ́ ǝ́vinyɔ̀ ŋɔnrúnvi.» ²³ Vɔ́a Yesu ŋ ɖó ŋún nɛ̀n o. Yǝ́ dǝ́prɔ̀viwó vá ɖǝ kúkú nɛ̀n bǝ: «ŋɛ̀n, ɖó ǝ́ lǝ́ dǝ́ áxá kprɔ mì dó.» ²⁵ Vɔ́a Yesu ɖó ŋún bǝ: «Wó dɔ́ ŋ̀ vá nǝ́ Israɛ̀l yǝ́ rǝɛ̀ngbɔ̀vi búbúwó ɖǝ́ɖǝ́ ì.» ²⁴ Vɔ́a ǝ́ vá í jǝkró dǝ́ Yesu yǝ́ ŋkɔ́, í nún bǝ: «Áxótɔ̀, kpǝ́ɖǝ́ ǝ́ŋúnŋɛ̀n.» ²⁶ Ǝ ɖó ŋún i nún bǝ: «ŋ ŋɔ́n bǝ wóa cɔ́ ɖǝ́viwó kpɔ́nɔ́n dánŋkpi nǝ́ ávúwó o» ²⁷ Ǝ nún bǝ: «ɛ̀ɛ̀, áxótɔ̀, vɔ́a ávúwó ɖú nǝ́ ǝ́núdúdú wríwrí kǝ́ gǝ́ nǝ́ jɛ̀n dǝ́ wó xótɔ̀wó tàvú gɔ̀ mǝ́ án» ²⁸ Yesu ɖó ŋún nɛ̀n bǝ: «ŋɔ́nrún, tɔ̀ɔ xɔ̀sǝ́ gánŋgán. Nán vá mǝ̀ nǝ́ ǝwó sigbǝ ǝ́ jía ǝ́nǝ́.» Í ǝdɔ̀ vɔ́ nǝ́ ǝvia ŋɔ̀nrúnvia lǝ́ gáxóxò hinàn mǝ̀. ²⁹ Yesu có lǝ́ lǝ́nan í yí Galilé xú tó í í rá ǝ́tó ɖǝ́ka í vǝ̀ kanrɛ̀n dǝ́ji. ³⁰ Ámǝ̀ súgbɔ̀ gánŋgán ɖǝ́ka vá gbɔ̀, kiɖǝ́ (báfánwó), ŋkúvitɔ́nnɔ̀nwó, àmǝ̀ máxónúwó, sǝ́kúnɔ̀nwó kiɖǝ àmǝ̀kǝ lǝ̀dɔ́ vóvóvówó. Wó cɔ́ wó dǝ́ Yesu yǝ́ fɔ́nùn í í yɔ́dɔ́ wó. ³¹ Gánamǝéán, ǝ́ wúnún nǝ́ àmǝ̀ánwó kǝ́ wó kpɔ̀ bǝ àmǝ̀ máxónúwó lǝ́ xónùn, ǝ́ɖɔ̀ vɔ́ nǝ́sǝ́kunɔ̀nnwó, báfánwó lǝ zɔ́n í ŋkúvitɔ́nɔnwó lǝ́ kpɔ́ ŋùnú. Wó kàfù Israɛ̀l yǝ́ Mawu. ³² Yesu yɔ̀ yǝ́ ɖǝ́prɔviwó í nún nǝ́wó bǝ: «ŋ̀ kpɔ̀ ádɔnúmǝ̀ nǝ́ àmǝ̀ hinànwó ɖó wó kpɔ̀tɔ̀ í gbǝ lǝ́ nǝ̀ kiɖǝ ŋ̀ í ǝnúɖǝ ŋ lǝ́ wó si nǝ́ woa ɖú o. Ŋɛ̀n ŋjí bǝ mán nyán wó lǝ́ fifǝ́ mǝ̀ nǝ́ woavɛ̀ gǝjɛén lǝ́ ǝ́mɔnjí o.» ³³ Aɖǝ́prɔviwó ɖoŋún nɛ̀n bǝ: «Lǝ́fi mían teŋ kpɔ̀ kpɔ̀nɔ̀n sùgbɔ̀ lǝ́ lǝ́ zigbǝ hilá jí í nán àmǝ̀súgbɔ́ hilawó nǝ́woaɖu? ³⁴ Yesu nùn nǝ́wó bǝ: «kpɔ̀nɔ́n nǝ̀nǝ̀ i lǝ́ mìansi?» Wo nún bǝ: «Amadrǝ kiɖǝ ǝ́hoǝ́ hɔɛ̀ɖǝ́ka» ³⁵ I Yesu ɖǝgbǝ́ nǝ́ àmǝ̀ánwó bǝ woa kanrɛ̀n ɖǝ́ ányigban mǝ̀. ³⁶ Ǝ cɔ́ kpɔ́nɔ́n amadrǝawó kidǝ ǝ́hoǝ́awó. Kǝ́ í ɖǝ́ ákpǝ́ jrɔ̀a, ǝ kán kpɔ́nɔ́n ánwó. Ámɛ̀n nǝ́ yǝ́ dǝ́prɔ̀viwó. Adǝ́prɔ̀viwó cɔ́ wó nǝ́ àmǝ̀ súgbɔ̀awó. ³⁷ Wosǝ́ǝ ɖúnú í ɖɔ́xó. Wó lɔ́ kpɔ́nɔ̀n wriwri kǝ kpɔ̀tɔ̀ a wó í ɖɔ́ kisi amadrǝ. ³⁸ Àmǝ̀ kawuiblatɔ̀n tóhó àmǝ̀nǝ̀ ɖúnù, nǝ́ wó ŋ hrɛ̀n ŋɔ́nrunwó kiɖǝ ɖǝ́viwó. ³⁹ I Yesu nyán àmɔ̀ ánwó í ɖó ákro ɖǝka mǝ̀, í yi Magadan yǝ́ ɖuwó mǝ̀.