¹ Farisitɔ̀wó kidǝ Zadukitɔ̀wó vá dò Yesu kpɔ́ í lǝ́ kɛ̀ɛsǝ́ bǝ nàn diisà ɖǝ́si có jiŋkori dǝ́ka nǝ́ yǝ́ wó. ² Vɔ́a ǝ́ ɖó ŋún nǝ́wó bǝ: «Nǝ́ fiɛ̀ŋì ɖòa. Mí nùn nǝ́ bǝ: «xixǝ́àmǝ̀ kàa nyɔ́n ɖó jiŋkori bià.» ³ «Ŋindìn yáa, mì nún nǝ́ bǝ: «Ǝci lá já ǝgbá, ɖó jiŋkori bià í dóo zúubrú. Mì nyán núxó xòxò có jiŋkori yǝ́ nɔ̀nɔ̀mǝ̀ ŋùn, vɔ́a mìŋteŋ xó nǝ́ nún có gaxóxó yǝ́ dǝ́siwó ŋún o. ⁴ Jìjìmǝ̀ vɔɛ̀n kide matǝlǝ́ wɔ́tɔ̀ lǝ́ jí dǝ́si ɖǝ́kin tóvò nǝ́ Yonas tɔ́ o.» Í Yesu có lǝ̀ wó gbɔ́ í yí. ⁵ Gákǝ̀mǝ̀ adǝprɔ̀viwó ɖó agǝ́ amɛevǝatɔ̀ jia, wó ŋrɔ́nbǝ í wo ŋcɔ́ kpɔ́nɔ̀nwó o. ⁶ Yesu nùn nǝ̀wó bǝ: «Mì lǝ́bǝ́ nǝ́ Farisitɔwo kidǝ Zadukitɔ̀wo (kpɔ́nɔ̀nhúnù)» ⁷ Adǝkprɔviwó xónún lǝ́ wóɖǝ́kiwómǝ̀ í nún bǝ: «Kǝ́ míŋ cɔ̀ kpɔ́nɔ̀n ɖǝkin nǝ̀n a&n o i dɔ̀.» ⁸ Kǝ́ Yesu sǝ́ ǝ́nǝ́ án, ǝ́ nún bǝ: «Mi, àmǝ̀ xɔ̀sǝ cúkùvi tɔ̀wó, nukǝ́ǝ́jɔ̀ i mi lǝ nún lǝ́ mìanɖǝ́kiwó mǝ̀ bǝ kǝ́ miŋcɔ̀ kpɔ́nɔ̀nwó hɛ̀n án í ǝ màan! ⁹ Mì ŋkpɔ̀ ǝ́nún dǝ́si kpɔ̀ ì ɖóŋún kpɔ́nɔ̀n amàntɔn nǝ́ àmǝ̀ kawuiblatɔ̀n tóhó amántɔn i ǝ màan? I kisi nǝ̀nǝ́ mǝ̀ ì mì lɔ̀ kpɔ́tiawó dǝ́? ¹⁰ Kǝ́ wúà, kpɔ́nɔ́n amadrǝ nǝ́ àmǝ̀ kawuiblàtɔ́n tóhó àmǝ̀nǝ̀ i kisi nǝ́nǝ́ mǝ̀ i mi lɔ̀ kpɔ̀tiawo dǝ́? ¹¹ Nukǝ́ǝ́ dɔ̀ mi ŋ lǝ́ sǝ́ gɔ̀mǝ̀ bǝ ŋɛ̀n ŋ lǝ́ xónún nǝ́mì có kpɔ̀nɔ̀n ŋún ǝ máan? Mikpɔ̀ mìanɖǝkiwoji có Farisitɔ̀wó kiɖǝ Zadukitɔwó kpɔ́nɔ̀nhuin nùn ŋún (levarin). ¹² Lǝ́wó, wó sǝ́ gɔ̀mǝ̀ bǝ ŋ lǝ̀ xónún nǝ́ yǝ́wó ŋun có kpɔ́nɔ̀n húnún kǝ́ wó sǝ́ dǝ́ nǝ́ kpɔ́nɔ̀n mǝ̀ ŋún o, gánŋkǝ bǝ wóa kpɔ́ yòɖǝ́kiwó jí có Farisitɔ̀wó kide Zadukitɔ̀wó nú kprámǝ̀ ŋún. ¹³ Kǝ Yesu và ɖó Kaisaria Filipi-dua mǝ an, ǝ káa yǝ́ dǝ́prɔviwó sǝ́ bǝ: «Mɛ̀ɛ í wó nún bǝ amǝgbǝtɔvia ŋi?» ¹⁴ Wo nún bǝ: «Amǝɖó nún nǝ bǝ Yohanes Mawu cidǝtanamǝtɔ́, amǝbúwó bǝ Ǝlia, amǝbúwó nún nǝ bǝ ǝ́ nyin Yeremían nɔ́mì Mawu nyɔnúɖɛtɔ ɖǝ̀ka.» ¹⁵ Ǝ nún nǝ wwó bǝ: «Vɔa miànwó, mɛ̀ɛ̀ i mí nǝ́ bǝ ŋ̀ ŋi?» ¹⁶ Simɔn Petro ɖoŋùn : «Ǝ ŋi Kristo, Mawu làgbǝ yǝ̀ vi.» ¹⁷ Yesu ɖó ŋún bǝ: «Yàyrátɔ í ǝ́ ŋi, Simon Yona yǝ́ vi, ɖó ŋnyin ŋtirán kiɖǝ ǝhún i ɖǝ́ ǝnúlà diisà nǝ̀ ǝ́wó o, vɔ́a tiin-dadá kǝ́ lǝ́jiŋkoriwó a í dúsǝ̀ nǝ́ǝ́wó. ¹⁸ Ŋ̀ nún nǝ́ wó bǝ ǝ̀ nyin ǝ́kpǝ́, í ǝ́kpǝ́ hinàn jí i máan mǝn tiin hamǝ̀ án ɖǝ́. Ǝkú ŋ tácá ŋkàa kpɔ́ ŋúsǝ̀n dǝjí o. ¹⁹ Máan cɔ́ jiŋkoriwó fiɔɖuxó yǝ́ càviwó nǝ́ ǝ́wo. Ǝnú ɖǝ́siaɖǝ́ kǝ́ áabrà lǝ́ anyigbaan hilá jí á, à nɔ́n bàbrá lǝ́ jiŋkoriwó, i ǝnú ɖǝ́siaɗǝ́ kǝ́ a à tù lǝ́ anyigban hilá jí á wóa tii í lǝ̀ jiŋkoriwó» ²⁰ Yesu dǝ́ ǝ́sǝ́ nǝ́ adǝprɔ̀viwó bǝ wó ŋkáa nún nǝ́ àmǝ̀ɗǝ́kin bǝ yǝ nyin Kristo o. ²¹ Lǝ́ gánámǝ̀án, Yesu tɔ̀ núnú nǝ́ dǝ́prɔ́viwó bǝ yǝ́ ɖó lá yi Yerusalɛ̀mí, i là vǝ̀ ɖú àyá súgbɔ̀ lǝ̀ àmǝ̀ganwó, vɔ̀sátɔ́wó kiɖǝ ǝ́núkprámǝ̀tɔ̀ gánŋgánwó lɔ̀ mɛ̀, bǝ wó ɖó lá wú yǝ́ í yǝá fɔ̀n có àmǝ̀kúkúwó mǝ̀ ŋkǝ̀kǝ̀ amɔ́ntɔ̀n án gbǝ. ²² Seyijià, Petro yɔ̀ɛ̀ ɖǝ́ ákpáɖǝ́kà í, nún bǝ: «Áxótɔ̀, ǝ́nuùn hilá nán gboyi lǝ́ ǝ́gbɔ̀wó, ǝ́nún hilá ŋkáa jɔ̀ dǝ́ ǝ́jiwo gbǝ́dǝ́ o.» ²³ Vɔá Yesu trɔ̀ i nùn nǝ́ Petro bǝ:«Satana, vá yi tiin ŋgbǝ! ǝ nyin ǝ́kpǝ́ krinú ɖǝ́ka ŋ̀, ɖó ŋ cɔ̀ ǝɖǝ́ lǝ́ mǝ́ nǝ́ Mawu yǝ́ núwó o, vɔ́a nǝ́ àmǝ̀wó núwó.» ²⁴ Yesu nùn nǝ́ yǝ́ dǝ́prɔ̀viwó bǝ: «Nǝ́ àmǝ̀ɖǝ jí bǝ yǝ́a kprɔ̀ ŋ̀ do a, ɛ́ ɖó lá gbɛ ǝ́nún lǝ́ ɖǝ́kia gbɔ̀, i cɔ́ yǝ́ ticógá í kprɔ̀ ŋ̀ do. ²⁵ Ɖó àmǝ̀ɖǝ́siaɖǝ́ kǝ́ jí bǝ yǝ́a xɔ̀ yǝ́ǝ gbǝ́a, là bú í, i àmǝ̀ɖǝ́siaɖǝ́ kǝ́ bú yǝ́ gbǝ́ càgbǝ tiŋɛ̀n án, là trɔ̀ kpɔ̀ɛ́. ²⁶ Ɖó a lǝ́ kǝ́ǝ í àmǝ̀ lá kpɔ̀ neé xixǝa sǝ́ǝ́ nyi yǝ́tɔ́ vɔ́a nǝ́ á bú yǝ́ gbǝ́. Nukǝ́ǝ́ àmǝ̀ lá teŋ nán i sǝ́ ɖɔ̀ri yǝ́ gbǝ́? ²⁷ Ɖó àmǝ̀gbǝ́tɔ́vi lá và kiɖǝ yǝ́ dɔ́cɔ̀viwó lǝ́ yǝ́ dadá ŋtikɔ̀kɔ̀ mǝ̀. I á và lú fɛ̀n nǝ́ àmǝ̀siamǝ̀ dǝ́ yǝ́ dɔ́wɔ̀wɔ̀ ŋú. ²⁸ Ŋ̀ lǝ̀ nuìn nǝ́ mì lǝ́ ǝ́nyɔ̀n dó dómǝ̀, àmǝ̀ɖówó lǝ́ mìàn mǝ̀ lǝ́lá, í wó ŋkáa kú o, gbɔxó í lá kpɔ́ àmǝ̀gbǝ́tɔ̀vi í á vá lǝ́ yǝ́ fiɔɖúɖʊ́ mǝ̀.»