¹ lə́ ŋkə̀kə̀ amandɛn ŋgbəa,Yésu yɔ́ Petro,Yakúbú kide Yohanɛ̀s yə́ vi,í cɔ́ wó yí ə́tó yiyi ɖə́ka jí. ² Yə́ nɔ̀ nɔ̀ mə̀ trɔ́ lə́ wó ŋkuvimə̀. yə́ ŋkuvimə̀ ɖí sigbə ŋindɔn ə́nə́ í yə́ wíwó yé pémpém sigbə kɔ̀kɔ̀ ə́nə́. ³ Àkáakàa wó kpɔ́ Mosə kiɖe Elia ì wó lə́ xónún kiɖə Yesu. ⁴ Petro ɖó ŋún nə́ Yesu bə : "Aɔcótɔ́, ə́ nyɔ́n nə́ mí bə míán nɔ́n lə́la. Nə́ ə́ jí a, màan wɔ́ əxɔ́ amɔ́ntɔ̀n ɖə́ lə́la, tɔ́wo ɖə́ka, ɖə́ka nə́ Mose í dəka nə́ Elia ". ⁵ kə́ ì lə́ xónuán , ákpɔ́kpɔ̀ kɔ̀kɔ̀ ɖə́ka cɔ́n wó ji. Ǝgbə ɖə́ka ɖí có ákpɔ̀kpɔ̀a mə̀ bə : " kpɔ́,tiìn-vi rɔ́nrɔ́n kə́ə nún nyɔ́n ŋkɔ́ , ŋ̀ án kə́. Mi ɖó ə́to ə́. ⁶ Kə́ adə́prɔviwó sə́ ə́nə̀án, wó ʒə́jɛ̀n ɖə̀ wò ŋ́kuvimə̀wó ji ì vɔ́nvɔ̀n gánŋgán də́ka jí wó. ⁷ Lə́nán akàakáa Yesu vá krə wó ì nun bə: " Mí có, mì ŋkàa vɔ̀nvɔ́n o." ⁸ Wó kpɔ́ ə́ji vɔ́a wó ŋkpɔ́ àmə̀ɖə́ tóvó nə́ Yesu o. ⁹ Kə́ wó lə́ ɖí có ətóà jiá, Yesu dɔ́ ə́sə́ nə́ wó bə: " Mi ŋkàa nún ənún kə́ mi kpɔ́a nə́ àmə̀ɖə́ gbɔ̀xó nə́ àmə̀̀gbətɔ̀via,nàn ƒɔ́n có àmə̀kùkùwó nə̀o" ¹⁰ Adəprɔ̀viwó kɛ̀ɛsə bə : " Nukə́ə jɔ̀ í ə́nukpramə̀tɔgánŋ gánwó nùn bə ə lə́ və́və́ɖə bə Elia nán vá jəŋkɔ́ màán? " ¹¹ Yesu ɖó ŋún nə́ wó bə:" lə́ ə́nyɔ́n dódó mə̀ án,Elia lá vá i lá vá gràdó ənúɖəsiaɖə. ¹² vɔ́a ŋ̀ lə́ nún nə́ mì: Elia vá vɔ́,gánŋkə wó ŋkpɔ̀ɛ̀ ɖə̀si o. vɔ́a wó wɔ̀ ənùkə wó jí à wó sə́ə nɛ̀n. ɴə́nə́ kə í àmə̀gbətɔ̀vi là và ɖú áyá lə́ wó lɔ̀mə̀ án nə́." ¹³ Aɖəprɔ́viwó sə́ gɔ̀mə̀ bə ə lə́ xónún nə́ wó có yohanɛ̀s Mawucidətanamə̀tɔa ŋù. ¹⁴ Kə wó trɔ̀ yí àmə̀ súgbɔ̀wó mə̀án, ŋúcù ɖə́ka và Yesu gbɔ̀ ì jekró də́ ákɔ́mə̀ nɛ̀n. Í nún bə: " ¹⁵ Axótɔ, kpɔ̀ aɖɔ́nùn mə̀ ə́víŋə̀̀,ɖo ə́ lə́ gə́gə̀jɛ̀n ɖɔ́ ì lə́ ɖú áyá sugbɔ̀. ¹⁶ Ɖ gə́nɔə́jɛn ɖə́ əʒómə̀ kidə̀ ə́cimə̀ gádóomə̀. ŋ̀kprɔ̀ɛ̀ vá nə́ tɔ́ɔ ɖprɔ́viwó gánŋkə wó ŋteŋ yɔ̀ɖɔ́ nɛn o ¹⁷ Yesu ɖó ŋún bə: " jìjìmə̀ mánxɔ̀sətɔ;́ kə̀kə̀ nə́ gakə́ə nə̀ ì máan nɔ̀n miàn gbɔ̀ nɔ̀n? kə̀kə̀ nə́ gakə́ə mə̀ ì màan lə́bə́ nə́ mì ɖò ? Mi kprɔ̀ ɖə̀via vá lɔ́là" ¹⁸ Yesu nyán gbɔ́ngbɔ́n ì i ɖó lə́ ɖə́viamə̀. Ǝɖɔ́a vɔ́ nə́ ɖə́via ákáaká. ¹⁹ aɖəprɔ́viwó vá Yesu gbɔ́ lə́ bə̀bə̀ mə̀ ì nún bə: " Nukə́ə dɔ́ í míŋ teŋ nyɛ̀n màan? ²⁰ "Yesu nùn nǝ̀ wò bǝ " cágbǝ mian ɔcɔ̀sǝ cúkúvi tɔ́ Ɖó ŋ̀ lǝ́ nuin nǝ̀ mi lǝ́ ǝ̀nyɔ̀n dodómǝ̀ nǝ̀ ɔcɔ́sǝ cùkúvi ɖǝ́ka sigbǝ̀̀ frǝ̀fikù ǝ̀nǝ̀ lǝ̀ mián sià mi an teŋ nù nǝ̀ ǝ̀tò hila bǝ" hùn jii lǝ̀ là i nàn yi loonù '' À hùn , i ǝnùɖǝ ŋkàa grò wɔ̀ wɔ̀ nǝ̀ nù o ." ²¹ Vɔ̀a tò ǝ̀ɖǝ̀ ɔcòɔcò kiɖǝ ǝnùbà brà mǝ̀ i gbɔ̀ngbɔ̀n hinàn mɔ̀nki dò nǝ̀ lǝ̀ ²² Gàkǝ̀mǝ̀ wò nɔ̀n Galilɔ̀à Yesu nùn nǝ́ yǝ̀dǝ̀prɔ̀viwo bǝ: wòa cɔ̀ àmǝgbǝtɔvi jo nǝ̀ àmǝ̀ wò . ²³ I wòa wui i lǝ̀ ŋkǝ̀kǝ̀ amɔntɔn an gbǝ̀ a à fɔ̀n (yɔ̀n) cò àmǝ̀kùkùwò mǝ̀: Adǝprɔ viwò fankoǝ̀. ²⁴ Xǝ̀ wò ɖo kapernaum àn ŋùcù kǝ̀ jɔ̀ nǝ̀ ǝ̀kò nǝ̀ Mawuehà a wo và Pɔlu gbɔ̀ i nùn bǝ miàn ɔcòtɔ̀ ŋ tù ǝ̀hò à a? ²⁵ Ǝ nùn bǝ ɛɛ̀ kǝ̀ Pɔlu ɖo a ɔcoamǝ̀ àn Yesu tɔ̀ nùɔcò i nùn nɛ̀n bǝ nǝ̀ ǝ bùi nɔ̀n Simon , mɛɛ̀n wò si i anyigban ji fiɔwò ɔcɔ̀ nǝ̀ ǝhowò dǝ̀? cò wò dumǝ̀viwò si nɔ̀ mi cò àmǝ̀ jrò wò si? ²⁶ Kǝ̀ Pɔlu ɖò ŋùn bǝ àmǝ̀jrowò à Yesu nùn nɛ̀n bǝ nǝ̀ inyi ǝ̀nɔàn ǝ̀dumǝ̀viwò yá ŋ tù nǝ̀ ǝhoà . ²⁷ Vɔa nǝ̀ ɔ̀tahò ɔtahò jɔ̀tɔ̀wò ŋkàa wɔ̀ ǝ̀nùvɔɛ̀n àn yi aɔcùmǝ̀ da ǝ̀pǝ̀ i nàn lǝ̀ ǝhoǝ̀ kǝ̀ và kǝ̀lǝ̀kǝ̀lǝ̀ a nǝ̀ ǝ̀kǝ̀ yǝ̀ nù mɔ̀ àn aà kpɔ̀ ǝhó ɖə́ka.Đə́ə, ì nán cɔ̀ɛnǝ́ ə́tahó jɔ́tɔ̀wò də́ ə́nyɛ́n kidə ə́wovə nú"