¹ I Yesu xó nùn nǝ́ àmǝ̀sugbɔ̀wó kiɖǝ yǝ́ deprɔviwó. ² Ǝ nún bɔ: «Ǝnùkpràmǝ̀tɔ̀ Gánŋgánwó kiɖǝ Farisitɔ̀wó kànrɛ̀n dɔ́ Mosǝ́ yǝ́ Zinkpin ji . ³ Ǝnú ɖǝ́ siaɖǝ́ kǝ́ woa nùn nǝ́ mi bǝ mìàn wɔ̀a, mí wɔ̀ɛ̀ í mían cɔ̀wó dǝ́ ǝdɔ̀wɔ̀wɔ̀ mǝ̀ .Miŋ kà srá wó núnwɔ̀wɔ̀wó o.Ɖó́ wó nún nǝ́ ǝnyɔ́nwó vɔ́a wóŋ cò̀ nǝ́ wó dǝ́ ǝdɔ̀wɔ̀wɔ̀ mǝ̀ o. ⁴ Ɛ̀ɛn, wo brá nǝ́ agbán kpǝ̀nkpǝ̀n kǝ́ sɛ̀nŋùn hɛ̀nhɛ̀n án wó, i wó cɔ̀ nǝ́ wó nǝ́ wó ɖǝ́ àmɔ̀bùwó kɔ̀gbràmǝ́wé.Vɔ́a wóŋtawó ŋkàa teŋ hǝ́nwó o. ⁵ Wó wɔ̀ nǝ́ ǝnù ɖǝ́siaɖǝ́ bǝ àmǝ̀wó nàn kpɔ́ yǝ́wó. Wó wɔ̀ nǝ́ tilàwó icɔ̀ nǝ́ wó dǝ́ wóɖǝ́kiwó ŋùn, i wó kǝ́kǝ́nǝ̀ wó wu tógawó. ⁶ Wó rɔ́n nǝ́ bùbùtó hówó lǝ́ azán ɖúxówó mǝ̀, i nǝ́ wá yi ǝgódóxówóa, wó rɔ́n nǝ́ Zinkpin nyɔ́nŋgbiwójí nɔ̀nɔ̀.‌ ⁷ Wó ji nǝ́ bǝ àmɔ́wó nàn ci yǝ́wó kiɖǝ bribri i nàn àsi yǝ́wó, i woa yɔ̀ yǝ́wó bǝ''Ənùkpràmǝ̀tɔ̀ bríbrítɔ̀'' ⁸ Vɔ́a, miŋ ɖó la nán i àmǝ̀wó nàn yɔ́ mi bǝ''Ənùkpràmǝ̀tǝ̀ o,''ɖó ǝnùkpràmǝ̀tɔ ɖǝ́ka ɖǝ́ɖǝ́ i lǝ́ mìànsi, i mìànwosǝ́ǝ mi nyi nɔ́nviwó. ⁹ Mi ŋkà yɔ́ àmǝ̀ɖǝ lǝ́ anyigban ji bɔ míán dadá o, ɖó dadá ǝkúɖǝ́ká i ǝ́ mìànsi, ì ì lǝ́ jiŋkoriwó. ¹⁰ Mi ŋ kàa nàn nǝ́ woa yɔ̀ mi bǝ''kprɔ̀ɔtɔ́''o, ɖó àmǝ̀ɖǝka dǝ́dǝ́i nyi miàn ''kprɔ̀tɔ̀'',yǝ́ inyi Kristó́a ¹¹ Vɔ́a àmǝ̀kǝ́ gánŋgàn wù lǝ̀ miàn mǝ̀ án là nyi miàn dɔ̀cɔ̀vi. ¹² Ămǝ̀ ɖǝ́kpukpuiɖǝ́ kɔ́ kɔ́ ɖǝkia dǝ́ ǝ́jià, woa búbɔ̀ɛ̀, i àmǝ̀ɖǝ́siaɖǝ́ kǝ́ búbɔ̀ ɖǝ́kiáà,woa doǝ́ dǝ́ ǝ́ji. ¹³ Vóa bàbàá nǝ́ mi, ǝnúkprámǝ̀tɔ̀ gánŋgánwó kiɖǝ Farisitɔ̀wó ayǝ́mǝ̀ núwɔ̀tɔ̀wó! Mi tù jiŋkoriwó fiɔ̀ɖuxó mɔ̀ǹ dǝ́ àmǝ̀wó, ɖó miàn tawó miŋ kàa ɖó mǝ o, i mi ŋ lǝ̀ ɖǝ́ mɔ̀n nǝ́ àmǝ̀kǝ lǝ́ hrɔ̀n bɔ yoa ɖó mǝ̀ánwó nǝ́ woa wɔ̀ɛ̀ o. ¹⁴ «Pɔàbàá nǝ́ mi ǝnùkpràmǝ̀tɔ̀ganŋ gànwó ki ɖɔ Farisitɔ̀wó! Ɖó mi lǝ́ zàn kpósùnwó» ¹⁵ Bàbàá nǝ́ mi, ǝnùkprà mǝ̀tɔ̀gànŋgànwó́ kidǝ Farisitɔ̀wó! Ɖó mi yi nǝ́ axú ji i yi nǝ́ anyigbàn jí bǝ yoa trɔ̀ ji mǝ̀ nǝ́ àmǝ̀ɖǝ́.Ì nǝ́ ì trɔ̀ jimǝ̀ jrɔ̀à, mi wɔ́ nǝ́ i àmǝ̀án zùn nǝ́ zómávɔ̀mǝ̀nɔ̀tɔ̀ zǝ́ vǝ wù sigbǝ mìàn tàwò ǝ́nǝ́. ¹⁶ Bàbàá nǝ́ mì, àmɔ̀prɔ̀tɔ̀ ŋkuritɔ̀nɔ́nwó mìànwó kɔ́ nùn nǝ́ bɔ:«Ămǝ̀ɖǝ́siaɖǝ́ kǝ́ cɔ̀ Mawu yǝ́ xó tà nù án, ŋwɔ́ ǝ́nuɖǝ́ o, vɔ́a nǝ́ àmǝ̀ɖǝ́ cǝ sika kǝ́lǝ́ Mawu yǝ́ xoamǝ̀ là nù án, ǝ ɖó́lá wɔ̀ dǝ́ji kokò. ¹⁷ N'kúvi tɔ́nɔ́n ŋù nù màyantɔ̀wó! Nukǝ́ǝ i gánŋgán wù ,sika nɔ̀ mi Mawu yǝ́ xɔ́ kɔ kɔ́ sika ŋù án? ¹⁸ I,«àmǝ̀ ɖǝ́kpukpuiɖǝ́ kǝ́ tà Mawu yǝ́ nìyɔ́gbàn án, ŋ wɔ̀ ɔ́nuɖǝ́ o.Vɔ́a, nǝ́ àmǝ̀ tà ǝ nù jɔ̀jɔ̀ kǝ́ lɔ́ Mawu yǝ́ nujɔ̀gbàn mǝ̀ an, ɖóla wɔ dǝ́jì » ¹⁹ Mìànwó ŋkùvitɔ̀nɔ́nwó, nukɔ́ɔ gánŋgán wú, ǝnùjɔ́jɔ́ nɔ̀mi ǝnù jɔ̀gban kǝ́ kǝ́ nǝ́ ǝ́nùjɔ̀jɔ̀a? ²⁰ Yǝ́iɖɔ̀ àmǝ̀ kǝ́ tà ǝ́nùjɔ̀gban án, tà ǝ́nùjɔ̀gban kido ǝnùkǝ lǝ̀ mɔ̀ án wósɔ́ɔ cà. ²¹ I àmǝ̀ kǝ tá Mawu yǝ́ xóà, tà Mawu yǝ́ ́xóà kiɖǝ àmǝ̀ kǝ lǝ̀ dɔ̀n mǝ̀ án, ²² N'ɔ̀nɔ̀kǝ àmɔ̀ kɔ́tà jiŋkoria,tà Mawuǝ fiɔ̀zinkpin kidǝ Mawu ŋtá kǝ́ lǝ̀ jiá. ²³ Bábáà nǝ́ mì, ǝnùkpràmǝtǝ̀gánŋgánwó kidǝ Farisitɔ̀wó ayǝ́mǝ̀nù wɔ̀tɔ̀wó, ɖó mi nàn nǝ́ amɔ̀nwóatɔ̀ nǝ́(mǝnthǝ, anǝth), kidǝ(cumin) gánŋkǝ mi ŋcɔ̀ nɔ́ ǝɖǝ́ lɔ̀ mǝ̀ nǝ́ ǝ́sǝ́a o (jɔ̀jɔ̀, adɔ̀núkpɔ̀kpɔ̀ kiɖǝ xɔ̀sǝ).Vɔ́a, ǝnú hinànwó i mi ɖó lá wɔ́, vɔ́a mi ŋ ɖó la lǝ́bɔ̀nǝ̀ kpɔ̀tiàwó o. ²⁴ Mìàn wó àmə̀kprɔ̀tɔ̀ ŋkuvitɔ̀nɔ̀nwó, mi wínǝ́ ŋɛ̀mìŋɛ̀mi vɔ́a mi minǝ́ kpósɔ̀. ²⁵ Bàbàá nǝ́ mi ,ǝnùkpràmǝ̀ tɔ̀gánŋ‌gánwó kidǝ Farisitɔ̀wó ayǝ́mǝ̀ nùwɔ̀tɔ̀wó!.Ɖó mi krɔ̀ nɔ́ xɔ̀fú kiɖǝ àgbán ŋgbǝ́ gánŋkǝ wó mǝ̀ xóɖu ɖɛ. ²⁶ Farisitɔ̀ ŋkuvitɔ̀nɔ̀n, tútú tɔ̀ɔ kɔ̀fú kiɖǝ tɔ̀ɔ gbán mǝ̀ kɔ̀lǝ̀kɔ̀lǝ̀ càgbǝ nǝ́ xóolómǝ̀ án nàn ɖi. ²⁷ Bàbàá nǝ́ mì, ǝnúpkramǝ̀tɔ́ gànŋganwó kidǝ Farisitɔ̀wó ayǝ́mǝ̀núwɔ̀tɔ̀wó ! Ɖó mì wɔ̀dɛ̀ sigbǝ yɔ̀do yǝ̀wó kǝ́ nyán kpkpɔ̀awó lɔ́ xixǝ́nú ǝ́nǝ́ gánŋkǝ lǝ́ wó mǝ̀ án, ǝnùkúkú xúwó kidǝ ǝnú makɔ̀wó ì lǝ́ mǝ̀. ²⁸ Nǝ́nǝ́kǝ́, i mì wɔ̀ nǝ́ ɖɛ̀ sigbǝ àmǝ̀jɔ̀jɔ̀wó nǝ́ àmǝ̀wó lǝ́ xixǝ́nù ganŋkǝ ayǝ́mǝ̀ núwɔ̀wɔ̀ kidǝ ǝ́nuvɔɛ̀n ì ɖɔ̀ mì ɖɛ. ²⁹ Bàbàá nǝ́ mì ǝnúpkramǝ̀tɔ́ gànŋganwó kidǝ Farisitɔ̀wó ayǝ́mǝ̀núwɔ̀tɔ̀wó ! Ɖó mì mǝ̀n nǝ́ ́Mawunyɔ̀núɖɛtɔ̀wó yɔ̀dówó grànǝdó àmǝ̀ jɔ̀jɔ̀wó yɔ̀dówó. ³⁰ Mì nùn nǝ́ bɔ: «Nǝ́ mì mɛ̀nɛ̀n nɔ̀n agbǝ lǝ́ mìan dadawó gámǝ̀án, mì ŋ nàn mɛ̀nmɛ̀n kɔ̀ ̀mawunyɔ̀núɖɛ̀tɔ̀wò hùn dǝ́ anyigbán mǝ̀ kiɖǝwò o.» ³¹ Seyijià, mì lǝ́ cɔ̀ ǝnyɔ́n ɖǝ́ mìanɖǝkiwó ŋún bǝ yǝ́wó nyì àmǝ̀ kǝ́ wú Mawunyɔnuɖɛ̀tɔ̀wó viwó. ³² Mì ɖɔ̀ mìàn dadáwó jijǝ́nú. ³³ Ǝdàn kǝ́ mì nyiáwó, ǝdànv̀i jìjìwó, nɔ̀nɔ̀ mìan teŋ sì nǝ́ zomàvɔ̀ yǝ̀ kòjòɖóɖó mɔ̀n ? ³⁴ Càgbɔ hinàntɔ̀, kpɔ̀ ŋ dɔ̀ Mawunyɔ̀nùɖɛ̀tɔ̀wó, nyúnù nyàntɔ̀wó kidǝ ́ǝnúkprámǝ̀tɔ ̀ganŋgánwó ɖiɖó mì. Mìàn wù ì k̀rán ɖówó dǝ́ átícógà jì. ̀Ì mìàn xó ǝbùwó lǝ́ mìàn gódóxówó, í nyán wó có ǝɖú ́ɖǝ́ka mǝ̀ sǝyi ǝdú àmǝ̀vǝatɔ̀ mǝ̀. ³⁵ Ǝnukǝ lá dó có mǝ̀ nǝ́ mìàn, inyi bǝ ǝh́ún mawɔ̀nuvɔɛ̀n kpɔ kǝ́ kɔ̀ dǝ́ anyigbán mǝ̀ là kɔ̀ dǝ́ mìàn jì, co kǝ̀kǝ̀ Abel àmǝ̀ jɔ̀jɔ̀ ̀yǝ́ ́hùn jì sǝ́yi Baraki yǝ́ vì Zakaria kǝ́ mì wù lǝ́ kɔ̀kɔ̀xó kidǝ Mawunujɔgbán dóŋdó mǝ̀ án. ³⁶ Lɔ ǝnyɔ́ndódó mǝ̀, ŋ̀ lǝ́ nùn nǝ́ mi bǝ ǝnú hinànwó sǝ́ǝ là vá jijimǝ̀ vi hinàn jì. ³⁷ Yerusalɛmi, Yerusalɛmi,ǝunkǝ́ wù Mawu nyɔ́nuɖɛ̀tɔ̀wó i dà nǝ́ ǝ́kpǝ́ àmɔ̀kɔ́ wo dɔ̀ ɖiɖàwoà wo! Zǝ́ nǝ̀nǝ̀ ì ì jró ŋì bǝ màn bɔ̀ nǝ́ ǝ via wó dǝ́ yǝ́ wá gɔ̀mǝ̀ án, vɔ́a mì ŋ rɔ̀n ǝnù ki hàn o. ³⁸ Mì kpɔ̀, mìàn xò gbàn. ³⁹ Ɖó ŋ̀ gbǝ́ɖǝ́ o, kɔ̀kɔ̀ nǝ́ gakǝ̀nǝ̀ mìàǹ ̀nùn bǝ : «wó yrá àmǝ̀kǝ́ và lǝ́ axótɔ̀ yǝ̀ ŋkɔ̀ mǝ̀án.»