¹ Yesu dó lǝ́ ɖǝ́xóxɔ̀mǝ̀ ì yí. yǝ́ deprɔviwó gbó tǝ́bɔ̀ɛ bɔ yoa xónùn nɛ̀n có ɖǝ́ xó xɔ̀a yǝ́ mǝ̀mǝ̀ ŋún. ² Vɔ́a ǝ ɖó ŋún ǹǝ́wó bǝ: << Miŋkpɔ̀ ǝnùn hinànwó sǝ́ǝ á?.Lǝ́ ǝ́nyɔ dódómǝ, ŋ̀ lǝ̀ nuin nǝ́ mí, ǝ́kpǝ́ ɖǝ́kin ŋ káa nɔ̀n ǝ́kpǝ́bújì kǝ́ ŋ kàa mìn o. >> ³ Kǝ́ í kanrɛ̀n ɖǝ́ amitóají ɖɛ̀a, adeprɔ̀viwó vá gbɔ̀lǝ́ bǝbǝmǝ̀ ì kɛ̀ɛ sǝ́ bǝ:<< Nún nǝ́ mí gakǝ̀mǝ̀ ǝ́nùn hinànwò là jɔ̀a. Desi kǝ́ǝ́ wó í lá nyín tɔ̀ɔ tɔ̀trɔ̀vá kiɖǝ ǝnù jɔ̀jɔ̀wó kǝ́ là dùsá xixǝa yǝ́ vɔ̀vɔ̀a?>>. ⁴ Yesu ɖó ŋún nǝ́ wó bǝ: << Mikpɔ́ mianɖǝ́kiwójí, í àmǝ̀ɖǝ́ ŋkàa brǝ mì o. ⁵ Ɖó àmǝ̀sùgbɔ̀wó lá và lǝ́ tiin-ŋkɔ̀ mǝ̀ ì là lǝ̀ nùn bǝ: " ŋ̀ nyi kristo," í àmǝ̀ sùgbɔ̀ là bú́. ⁶ Miàn sǝ́ ì wòa xònùn cò ahúawó ŋún kiɖǝ ahúa nyɔ̀nwó ŋún, miŋkà càká o, ɖo ǝnú hinànwó ɖó là jɔ́, ganŋkǝ ŋ nyìn vɔ̀vɔ̀ kɔ̀ ɖó o. ⁷ Ɖó ǝdúbɔ̀dǝ́ǝɖú là có dǝ́ ǝɖùbɔ̀ɖǝ́ǝɖú bú jí, í ǝƒiɔ̀ɖuxó là có dǝ́ ǝƒiɔ̀ɖuxó bú jì. ⁸ Fiƒǝ lǝ́ amǝwó là mɛ, kiɖǝ anyigbán hún húnwó lǝ́ tóhó vóvówó. Vɔ́a ǝnún hilàwó sǝǝ́ là nyi ǝvi jíjí yǝ́ vǝ́vǝ́sǝ́sǝ́wó gɔ̀mǝ̀ jǝ́jǝ́wó. ⁹ Ì wóa cɔ́ mì nǝ́ xàxá gánŋgánwó í wóa wú mí. Ǝdú bɔ̀ dǝ́ǝdùwó sǝ́ǝ là ɖǝ́ kǝ́ mì cágbǝ tiŋɛ̀n. ¹⁰ Àmǝ̀ sùgbɔ̀ là tàci wò xɔ́sǝ ɖɛ̀. Wóa sá woɖǝ́kiwó ì àmǝ̀ɖòwó là ɖǝ́kǝ́ àmǝ̀búwó. ¹¹ Mawunyɔnùɖɛ̀tɔ̀ vixótɔ̀wó là và ì là brǝ àmǝ̀ sùgbɔ̀. ¹² Ǝnúvɔɛ̀n wɔ̀wɔ̀ là sùgbɔ̀ kǝ̀kǝ̀ í àmǝ̀ sùgbɔ̀ wò rɔ̀n rɔ̀n là ƒá. ¹³ Vɔ́a àmǝ̀kǝ là dó jí kǝ́kǝ́ ì sǝ́yi xixǝ́a vɔ̀xóa là kpɔ́ xɔ̀xɔ́. ¹⁴ Í woá nún ǝƒīɔ́ɖuxó yǝ́ nyɔ́n nyɔngbi hilà lǝ́ xixǝasǝ́ǝ mǝ̀, nǝ́ ɖasǝ ɖìɖì nǝ́ ǝ́dùbɔ̀dǝ́ ǝɖuwó sǝ́ǝ. Lǝ hinàn yǝ́ ŋgbǝ́a, vɔ́vɔ́a là và. ¹⁵ Ƴǝ́íɖɔ̀ nǝ́ mì kpɔ́ ǝnyɔ́n jiìŋùn kǝ́ ŋún Mawunyɔ̀nuɖɛ̀tɔ̀ Daniel xó nún cóa- lǝ́ kɔ̀kɔ̀ xó à( nǝ́ àmǝ́kǝ́ hrɛ̀n án nàn sǝ́ gɔ̀mǝ̀). ¹⁶ Àmǝ̀kǝ lǝ́ yúɖǝ́a woá nàn si rà ǝtówó, ¹⁷ àmǝ̀kǝ́ lǝ́ ǝxiɔ jìa, ŋká ɖi và yǝ́ xómǝ̀ bǝ yǝ́a và cɔ̀̀ ǝnùɖǝ́ o, ¹⁸ àmǝ̀ kǝ́ lǝ́ bó mǝ̀án; ŋkà trɔ̀ và cɔ̀ yǝ́ vúvɔ́ wú o. ¹⁹ Bàbàà nǝ́ nyɔ́n rún ǝƒúnɔ̀nwò kiɖǝ kǝ́ là lǝ́ nɔ́n ánɔ́n ǝ́vi tǝ́ ŋkǝ̀kǝ̀ hinànwó jiá!. ²⁰ Mí xóɖǝ́ nǝ́ mìàn sìsì ŋkà nyì bàriwǝ́ gamǝ̀ nɔ̀mì gbɔ̀ngbɔ̀ngbɔ́ o. ²¹ Ɖó xàxáà gánygán ḱ là và lǝ̀ gánamǝ̀án là sɛ̀nŋ̀ú wú ɖǝ́siaɖǝ́ kǝ và kpɔ̀ có xixɔ́a yǝ́ gɔ̀mǝ̀jǝ́jǝ́ kǝ́kǝ́ sǝ́ và ɖó ǝgbáo. Yǝ́ Mɔ̀nki ŋkàá gbɔ và gbǝɖǝ́ o. ²² Nǝ́ wó ŋɖǝ́ lǝ́ ŋkǝ́kǝ́ hinànwó jìáa, àmǝ̀gbǝ́tɔ̀vi ɖǝ́ ŋkàà kpɔ̀ xɔ̀xɔ̀ o; vɔ́a càgbǝ àmǝ̀ cáncánwó tɔà, wóa ɖǝ́ ŋkǝ́kǝ́awó kpɔ̀tɔ̀. ²³ Ǝƒiá, nǝ́ àmǝ̀ɖǝ́ nún nǝ́ mí bǝ: << Mikpɔ̀, Kristo lǝ́ là ɖɛ̀a, nɔ̀ mì Kristo lǝ̀ lǝ̀nàn ɖɛ̀a, miŋkàa xɔ́ jí sǝ́ o. ²⁴ Ɖó Kristo vixòtɔ̀wó kiɖǝ Mawunyɔ̀nùɖɛ̀tɔ̀wó là và ì wɔ̀ ɖǝ́si kiɖǝ amrimánún gánŋgánwó bǝ nǝ́ á ƒàa,wòa frù Mawu yǝ́ mǝ̀ cáncánuwó ŋtácá. ²⁵ Mì kpɔ̀, ŋ̀ nuìn nǝ́ mì jǝŋkɔ̀.>> ²⁶ Nǝ́ wó nún nǝ́ mi bǝ: << Mi kpɔ̀, Kristoa lǝ̀ zogbǝ̀ji ɖɛ̀a, mì ŋkà yí o, nɔ̀mì ǝ̀ lǝ̀ ǝxɔ̀ dòdò ɖǝ̀ mǝ̀ ɖɛ̀a, mì ŋkà xɔ̀jì sǝ́ o. ²⁷ Ɖó sigbǝ kɔ̀kɔ̀ kɔ̀ nǝ́ có nyidɔ̀n dóxó yi nǝ́ nyidɔ̀nɖóxɔ̀xóa, nǝ́nǝ́ ì àmǝ̀gbǝtɔ̀vi yǝ̀ vàvà là nyi án nǝ́. ²⁸ Lǝ́ƒi ǝràn kùkùwò lǝ́a, lǝ́nàn ì ákáŋgáwó nɔ̀nɔ̀n àn nǝ́. ²⁹ Lǝ̀ xàxàgánŋ́gán hinànwó ŋ́gbǝa, nyindɔ̀n là dó zúbrú, wrǝ́ti là bù yǝ̀ kɔ́kɔ̀, wrǝ̀tiviwó là gǝ̀jɛ̀n cò jiŋkori, ì j̇iŋkoriwò ŋúnsɛ̀nwò là hùnhùn. ³⁰ Lǝ́ gànamǝ̀án, àmǝ̀gbǝ̀tɔvi yǝ̀ ɖǝ́si là zǝ̀ lǝ̀ jinŋkori, í anyigbànyi xòmǝ̀wò sǝ́ǝ là ƒánkoǝ̀. Wóa kpɔ́ àmǝ̀gbǝtɔ̀vi i à gbɔ̀ nɔ̀n kiɖǝ ŋùnsɛ̀n lǝ́ ákpɔ̀kpɔ̀ mǝ̀ kiɖǝ kpǝ̀nkpǝ̀nmǝ̀ gánŋgán dǝ̀kà. ³¹ Lǝ́ ǝkpɛ̀n gánŋ̀gàn ɖǝ́ka ɖíɖí mǝ̀ án, à dɔ́ yǝ̀ ŋǝdotɔ̀wó bǝ wóa vɛ̀ bɔ́ yǝ̀ mǝ̀ cáncánwó lǝ́ xixǝa yǝ̀ zózó amǝnǝ án wó ji, có jinŋkori yǝ̀ kpaɖǝ́ka i sǝ̀ yi amǝvǝatɔ̀. ³² Mi xɔ̀ ǝnùkpràmǝ̀ bù cò ƒúnŋki gbɔ̀. Nǝ́ yǝ́ lɔ̀viwó cɛ̀n ì mì amákáwoá mìàn nyàn bǝ ǝ́cì ŋɔ̀nri tǝ́bɔ́. ³³ Nɔ̀nǝ́kǝ́ nǝ́ mì kpɔ̀ ǝnù hinànwó sǝ́ǝ́ à, mi ɖóla nyán bǝ ǝ tǝ̀bɔ xɔ̀xɔ́ánù ɖɛ̀. ³⁴ Lǝ̀ ǝ́nyɔ́ndòdómǝ̀, ŋ̀ lǝ́ nùin nǝ́ mi bǝ, jíjìmǝ̀ hilà ŋkà và yì gbɔ̀xó ì ǝnù hìnànwó sǝ̀ǝ là jɔ́ o. ³⁵ Jiŋkóri kidǝ anyigbàn là và yi, vɔ̀a tiìn nyɔ̀nwó ŋkà và yi gbǝ́ɖǝ́ o. ³⁶ Vɔ̀a, có ŋkǝ̀kǝ́a kiɖǝ gamǝ̀án ŋú àn,àmǝ̀ɖǝ́ ŋ nyɛ̀n o, Mawuŋǝ̀dótɔ̀wó lǝ́ jiŋkoriwó co kpǝ̀tǝ́ ŋ nyɛ̀n o, ǝviia cà ŋ nyɛ̀n o, vɔ́a dadáa ɖǝ́kin i. ³⁷ Sigbǝ nowa yǝ́ ŋ́kǝ̀kǝ̀wo ǝ́nǝ́án, nǝ́ nǝ́ ì àmǝ̀gbǝtɔvi yǝ̀ vává là nyin án nǝ́. ³⁸ Ɖó sigbǝ lǝ́ ŋkǝ̀kǝ̀ hinànwò ji gbɔ̀xó ǝ́ci gánŋgàn àn nàn jáà, àmǝ̀wó lǝ́ ɖùnù, ì lǝ́ nú ǝnú, í lǝ́ có wó vi ŋɔ̀nrunviwò nàn ácú, íwó vi ŋùcuviwo lǝ́ ɖǝ́ ŋɔ̀nrun kǝ̀kǝ̀ nǝ̀ ŋkǝ̀kǝ̀ kǝ̀ nawo ɖó àɖàkà mǝ̀ àn. ³⁹ Wóŋ nyán ǝ́nyɔnɖǝ́ kǝ́kǝ́ nǝ́ gakǝ́mǝ̀ kǝ́ ǝ́ci gánŋgán án já i kprɔ̀ wo yì à o. Nǝ́ nǝ ì àmǝ̀gbǝtɔ̀vi yǝ́ vávácá là nyi án nǝ́. ⁴⁰ Ŋunɛú amǝvǝ là lǝ́ bómǝ̀ ɖɛ́, wóa cɔ̀ àmǝ̀ɖǝ́ka, ì tácì amǝvǝatɔ̀ ɖɛ̀. ⁴¹ Nyɔ̀nrùn amǝvǝ là lǝ́ túnú, wóa cɔ́ ɖǝ́ka í tácì amǝvǝatɔ̀ ɖɛ̀. ⁴² Mì nɔ̀n acǝ́jì, ɖó mì ŋ nyàn ŋ̀kǝ̀kǝ̀ kǝ̀ jì mìàn xòtɔ̀ là vàa o. ⁴³ Ganŋkǝ mìàn nyán bǝ nǝ́ axóamǝ̀ yǝ̀ xótɔ́ mɛ̀ nɛ̀n nyán gaxòxò kǝ́ mǝ̀ ƒraƒitɔ̀a là vàá, à mɛ̀ nɛ̀n lǝ́ acǝjí ɖɛ̀, ì ŋ kà táci bǝ wóa gbán yǝ́ xó o. ⁴⁴ Cágbǝ hinàn tɔ̀ ì mì ɖóla sɔ̀gbǝ̀ ɖɛ̀, ɖó àmǝ̀gbǝtɔ̀vi là và lǝ́ gaxòxò maɖoŋúdǝ́ŋún ɖǝ́ka mǝ̀. ⁴⁵ Ǝɖɔ̀xɔvi nyán ŋúnú kidǝ ǝ́nu ɖodówɔ̀tɔ̀ kǝ́ í yǝ́ xótɔ̀ cɔ́ ɖǝ́ yǝ́ xó ji bǝ nàn lǝ́ nàn yǝ́wó ǝnu ɖúɖú lǝ́ gaxóxó nyɔnŋgbi mǝ̀? ⁴⁶ Yáyrátɔ́ í là nyi ǝdɔ̀cɔ̀vi hinàn nǝ́ axótɔ̀a kpɔ̀ɛ̀ ì lǝ́ wɔ̀ ǝnù hinàn gakǝ̀mǝ̀ à vàá. ⁴⁷ Lǝ́ ǝnyɔ́ndó́dómǝ, ŋ̀ lǝ́ nuín nǝ́mì bǝ axótɔ̀a là cɔ̀ɛ̀ dǝ́ ǝnukǝ lǝ́siawó sǝ́ǝ jí. ⁴⁸ Vɔ́a nǝ́ ɔdɔ̀cɔ̀vi vɔɛ̀n ɖǝ́ nún lǝ́ ɖǝ́kiamǝ́ bǝ: << tiìn xótɔ́ ŋ gbɔ́nɔ́n ǝƒiá o >> ⁴⁹ í í tɔ̀ ǝdɔ̀cɔ̀vi kpɔ̀tiàwò xóxó, í lǝ́ ɖúnú í lǝ́ núnú kiɖǝ ahanumúnɔ̀nwó. ⁵⁰ Ǝdɔ̀cɔ̀vi hinàn yǝ xótɔ́ là và lǝ́ ŋ̀kǝ̀kǝ̀ kǝ́ ǝdɔ̀cɔ̀via ŋ nɔ̀ntǝkpɔ́ ɖɛ̀a o, Kiɖǝ gáxóxó ɖǝ́ka kǝ́ ŋ nyán án o. ⁵¹ Yǝ́ xótɔ́ là dɔ́n ǝtó nɛ̀n, ì là trɔ̀ yǝ̀ nɔ̀nɔ̀mǝ̀ sigbǝ àyǝ́mǝ̀nuwɔtɔ̀wó tɔ̀ ǝ́nǝ́, lǝ́ƒi aviŋ ƒànƒàn kiɖǝ aɖúkui ɖúdúwó là nɔ̀n àn.