¹ Yesu gbǝ ɔcónù nǝ ̀ wò lǝ̀ ǝlododo mǝ̀ . ² Iŋkoriwòfiɔ ɖuscò sigbǝ ǝfiɔ̀ ɖǝka kǝ̀ lǝ̀ wɔ̀ ŋɔ̀nrùn ɖǝ ɖǝ yǝ kpàkpà ɖi nǝ̀ ǝ̀via ŋùcùvia ǝ̀nǝ̀ . ³ Ǝ dɔ́ yǝ̀ dɔ̀cɔ̀viwò yi bǝ woa yɔ̀ àmǝ̀ yɔ̀yɔ̀wò nǝ̀ ŋɔ̀nrùn ɖǝɖɔ̀a vɔ̀a wò ŋ ji bǝ woa và o. ⁴ Ǝfiɔ̀ gbǝ ɖɔ̀ ǝdɔ̀cɔ̀vi ̀̀̀ bùwò i nùn bǝ : Mi nùn nǝ̀ àmǝ̀ yɔ̀yɔ̀ wò bǝ:<< Mi kpɔ̀ ŋ̀ ɖà tùn fiɛ̀ŋi nùɖùɖù wò wù tiin làlà̀wò cà kiɖe tiin làlavi damiwò i ǝnùɖǝsiaɖǝ sɔ̀gbǝ̀ vɔ̀ mi và ŋɔ̀nrùn ɖǝɖǝ̀zàn ɖùɔcò. ⁵ Vɔà àmǝ̀ kǝ̀ i yɔ̀a wò ŋ dǝ̀vǝ̀ yǝ̀ nyɔ̀n à̀n ǝkùɖǝka o wò yi wò dɔ̀ vò vò vo wo wɔ̀ɔcò. Amǝ̀ɖǝ ka yi bò mǝ̀ i amǝ̀ amǝ vǝ atɔ̀ yi àfimǝ̀. ⁶ À mǝ̀ kpɔ̀tiawo lǝ̀ yǝ dɔcɔ̀viwò i dò ŋkpɛ̀n wò i wò ̀ wiwò. ⁷ Ǝfiɔ̀ wɔ̀ ɔcomǝ̀fiɛn ǝ dɔ̀ yǝ̀ sɔ̀ jà wò bǝ woa vɛ wù àmǝ̀wù tɔawò i tɔ̀ zò wò dù. ⁸ Lǝ̀ hinàn yǝ ŋgbǝa ǝ nùn nǝ̀ yǝ̀ dɔ̀cɔ̀viwò bǝ ŋɔnrun ɖǝ ɖǝ ŋkǝ̀kǝ̀ yǝ̀ nù ɖùɖù a sɔ̀ gbǝ vɔ̀a àmǝ̀kǝ̀ ŋ̀ yɔ̀awò ŋ jǝ̀. ⁹ Yǝ̀idɔ nù yi ǝɖua yǝ̀ mɔ̀n doò gòwò nù nǝ̀ mian yɔ̀ àmǝ̀ ɖǝ́ siaɖǝ̀ kǝ̀ mi kpɔ̀a và ŋɔ̀nrùn ɖǝ̀ ɖǝ̀ ŋkǝ̀kǝ̀ zàn ɖùɔcò. ¹⁰ Ǝdɔ̀cɔ̀viwò yi ǝmɔ̀nwò ji i yɔ̀ àmǝ̀ ɖǝ̀siaɖǝ kǝ wo kpɔ̀a và àmǝ̀ vɔɛ̀nwò kiɖe àmǝ̀ nyɔ̀ŋgbiwò i ŋɔ̀ncùn ɖǝɔcoa ɖɔ̀. ¹¹ Vɔa kǝ̀ ǝfiɔ̀ ɖò ǝ̀scɔàmǝ̀ bǝ yǝ̀ a kpɔ̀ àmǝ̀ yɔ̀yɔ̀ a wò à o kpɔ̀ ŋùcù ɖǝ̀ka kǝ ŋ do àzàn ɖùɖù wù wò o. ¹² Ǝ fiɔ̀ kɛɛ sǝ̀ bǝ '' Ǝɔcrɔ̀ nǝ̀ ǝ̀ wǝ̀ mɔ̀n i và lǝlà azànɖùwiwò mà dò ǝmàn ? '' ŋùcùa vinŋ ɔcuù . ¹³ I ǝfiɔ nùn nǝ̀ ǝdɔ̀cɔ̀viwò bǝ mi brà ŋùcùa yǝ̀ fɔ̀ wò kide yǝ̀ lɔ̀ wò i cɔ̀ɛ̀ danŋkpi dǝ̀ zùbrù mǝ̀ lǝfi aɖùkui ɖùɖù kide avinŋ fànfànwò lǝ̀ à . ¹⁴ Dò wò yɔ̀ àmǝ̀ sùgbɔ̀wò vɔ̀a amǝ̀ hɔɛ̀ ɖǝ̀ kà i wò càn. ¹⁵ Ǝfia Farisitɔwò yi i vɛ wɔ̀ dòdò sigbǝ woà wɔ̀ i cɔ̀ Yesu ŋta yǝ̀ nyɔnù nùwò i sǝ̀ lǝ̀ à ŋùn . ¹⁶ Wò dɔ̀ ̀wò dɔprɔviwò kide herodiyé hàbɔ bɔ mǝ̀ nɔ̀tɔ̀ ɖǝ̀ ka wò ɖi ɖɛɛ nùn bǝ Ǝnùkpràmǝ̀tɔ̀ nù̀ nyàn bǝ ǝ nùn nǝ̀ ǝ̀nyɔ̀n dò i ǝ kprà nǝ̀ Mawu yǝ̀ mɔ̀n lǝ̀ ǝ̀nyɔndòdò mǝ̀ ŋ̀cɔ̀ nǝ̀ ǝ̀ɖǝ̀ lǝ̀ àmǝ̀ wò nyɔ̀n nùnùwò mǝ̀ o ɖo ŋ kpɔ̀ nǝ̀ àmǝ̀ yǝ̀ ŋkuvimǝ̀ o. ¹⁷ Kǝ̀ inyi ǝ̀nǝ̀ àn nùn tɔ̀ɔ sùsù nǝ̀ nù Ǝ lǝ̀ ǝ̀sǝ̀ mǝ̀ ̀ bǝ woa tù ǝ̀tahowò nǝ̀ kaizaro nɔ̀mi ŋ lǝ̀ ǝ̀sǝ̀ mǝ̀ o? ¹⁸ Vɔ̀ a Yesu nyàn sùsù vɔɛ̀n kǝ̀ wò̀ wɔà i nùn bǝ << Ayǝ̀mǝ̀ nù wɔ̀ tɔ̀ wo ! ¹⁹ Nukǝ̀ jɔ̀ i mi lǝ̀ tǝ̀ kpɔ̀? Mi disà ǝtahò ɖǝkà un>> wò cɔ̀ krosarahò ɖǝ̀kà nɛ̀n ²⁰ Yesu nù nǝ̀ wò bǝ̀ mɛ̀ɛn fòtò (image) kidǝ ǝ̀nù ŋɔ̀ŋrɔ̀n inyi hila lǝ̀ ji? Wo nùn nɛ̀n bǝ << ²¹ Kaizaro tɔ̀ i >> Yesu nùn nǝ̀ wo bǝ< cɔ̀ ǝnùkǝ nyi kaizaro tɔ̀a nǝ̀ kaizaro i miàn cɔ̀ ǝnukǝ nyi Mawutɔ̀a nǝ Mawu.>> ²² Kǝ wo sǝ̀ ǝ̀nǝ̀àn ǝ kpàca wò i wò cò gbǝǝ̀ ɖɛ̀. ²³ Gbònàn zadukitɔ̀ kǝ̀ nùn nǝ̀ bǝ nyɔ̀ nyɔ̀n cò àmǝ̀ kùkùwò mǝ̀ ŋ lɛ̀ à à ɖǝ̀kawò và Yesu gbɔ̀ wò kɛ̀ɛ sǝ̀ bǝ. ²⁴ Ǝnùkpràmǝ̀tɔ̀ nǝ̀ Mɔsǝ nùn bǝ: Nǝ̀ ŋùcù ɖǝ̀ kù ǝvi majià nɔ̀nvia ɖò là̀ ɖǝ̀ à sià i jiviwò nɛ̀n. ²⁵ Nɔ̀nvi ŋùcù maɖrǝ ɖǝkawo nɛ̀ và yi kǝ̀lǝ̀ kǝ̀lǝ̀tɔ̀a ɖǝ̀ ŋɔ̀ǹrùn kù ǝ̀vi mà ji Ǝ tàci à sià ɖɛ́ nǝ̀ nɔ̀nvia. ²⁶ Leyija nɔ̀nvi ŋùcù à̀mǝ̀vǝatɔ̀ cà gbǝ wɔ̀ ǝ̀nǝ̀ amɔ̀ntɔ̀n án tɔ̀ cà kǝ̀kǝ̀ i sǝ̀yi nɔ̀nvi ŋùcù amadrǝ tɔji. ²⁷ Lǝ̀ wo ̀kù ŋgbǝ a ŋɔ̀nrùn àn cà và kù. ²⁸ Ǝfia nùn nǝ̀ mi lǝ̀ nyɔ̀nyɔ̀n cò àmǝ̀kùkùwò mǝ̀ gamǝ̀ àn, mǝ̀ kǝ̀ǝ tɔ i là nyi ŋɔnrùn àn lǝ̀ nɔ̀n ŋùcù amadrǝwò mǝ̀ ɖò wò sǝ̀ǝ a wó ɖǝǝ̀?>> ²⁹ Vɔ̀a Yesu ɖo ŋùn nǝ̀ wò i nùn bǝ:<< Mi lǝ̀ bù ǝ̀mɔ̀n ɖò miŋ sǝ̀ Mawu nyɔ̀n nɔ̀ mi Mawnǝ ŋùsɛ̀n gɔ̀mǝ̀ o. ³⁰ Dò lǝ̀ nyɔ̀nyɔ̀n cò àmǝ̀kù kùwo mǝ̀ àn, wò ŋkaà̀ gbǝ̀ ɖǝ̀ ŋɔ̀nyùn nɔ̀mi àcù o i wò ŋkàa gbǝ̀ dɔ̀ àmǝ̀ yi ŋɔ̀nrùn ɖǝ zàn ɖuɔcò o ganŋkǝ wó wɔ̀ ɖɛ̀ sigbǝ Mawunǝŋǝ̀dòtɔ̀wò lǝ̀ jiŋkori ǝ̀nǝ̀. ³¹ Vɔà ǝnukǝ kàn nyɔ̀nyɔ̀n cò amǝ̀kùkùwò mǝ̀ àn miŋ krɛ̀n ǝnukǝ Mawu nùn nǝ̀ miàn ? ³² Ǝŋɛ̀n inyi Abraham yǝ̀ Mawu Isak yǝ̀ Mawu kiɖe yakùkù yǝ̀ Mawu Mawu ŋ nyi àmǝ̀kùkùwò Mawu o vɔ̀a àmǝ̀ làgbǝwò Mawu i.>> ³³ Kǝ̀ àmǝ̀ sùgbɔ̀awò sǝ̀ ǝ̀nyɔ̀n kilàa yǝ̀ nùkprà mǝàn wò kpàcà wò . ³⁴ Kǝ̀ Farisitɔ̀wò sǝ̀ bǝ Yesu nàn i zaduki tɔ̀wò viŋ ɔcui à wò bɔ̀ɔ . ³⁵ Amǝɖǝka lǝ́ wò mǝ̀ kǝ̀ nyi ǝsǝhpràmǝ̀tɔ̀ kà nyɔ̀n ɖǝ̀kɛ̀ɛ sǝ̀ bǝ yǝ̀a ̀tǝ̀ǝ̀ kpɔ̀. ³⁶ Ǝnùkpràmǝ̀tɔ̀ ǝ̀sǝ̀ kǝ inyi ganŋgán wi lǝ̀ ǝ̀sǝ̀ àmǝ̀? ³⁷ Yesu ɖò ŋùn nɛ̀n bǝ: Rɔ̀n àɔcòtɔ̀ tɔ̀ɔ Mawu kiɖe tɔ̀ɔ ji bibò tɔ̀ɔ kpɔ̀ri bùbò kiɖǝ tɔɔ̀ tamǝ̀sùsù bùbò. ³⁸ Ǝsǝ̀ gàny gàn kiɖe kǝ̀lǝ̀ kǝ̀lǝ̀tɔ̀a nǝ̀. ³⁹ I ǝsǝ àmǝvǝatɔ̀ ɖù : Rɔ̀n ǝ̀ɔcrɔ̀wo sigbǝ wòŋta ǝ̀nǝ̀. ⁴⁰ Ǝsǝ̀ àmǝ̀ vǝ hilawò ji i wò wɔ̀ ǝsǝàwò sǝ̀ǝ kiɖe Mawu nyǝnuɖɛ̀tɔ̀wò dǝ. ⁴¹ Sigbǝ Farisitɔ̀wò gbǝ bɔ̀ ɖɛà Yesu kà nyɔ̀n wò sǝ. ⁴² Ǝ nún bǝ :< nù bù cò kristo ŋùn ? Mɛ̀ɛ vi i inyi ?>> wo ɖo ŋùn nɛ̀n bǝ:< yǝ̀ vi>> ⁴⁴ Yesu nùn nǝ̀ wo bǝ :< nǝ̀ i wɔ̀ nɔ̀n i gbɔngbɔn àn nàn i David yɔ̀ɛ̀ bǝ Ascòtɔ̀ gakǝmǝ̀ i nùn bǝ̀. ⁴³ Aɔcòtɔ̀ nùn nǝ̀ tiin ɔcòtɔ̀ bǝ: Kànrɛ̀ dǝ̀ tiin lɔ̀ ɖù nù nǝ̀ kǝ̀kǝ̀ nǝ̀ gakǝmǝ̀ màn wɔ̀ i tɔ̀ɔ fùtɔ̀wò nàn trɔ̀ zùn tɔ̀ɔ fɔ̀ tùtù nù? ⁴⁵ Nǝ̀ David yɔ̀ kristo bǝ aɔcòtɔ̀à. nǝ̀ nǝ̀ inyi David yǝ̀ vi mɔ̀n?>> ⁴⁶ Amǝ̀ ɖǝ ŋteŋ nùn ǝ̀nyɔ̀n ɖǝ̀ nɛ̀no. I cò gbònàn jià , àmǝ̀ɖǝ ŋ gbǝ, de ji i ka nyɔnɛn sǝ̀ kpɔ̀ o.