¹ Kǝ́ Yesu kide yǝ́ ɗǝ́prɔ́viwó tǝ́bɔ́ Yérusalɛ̀m í ɖó Betphagǝ́ dúmǝ̀ tǝ́bɔ̀ ámitójia. ² Yesu dɔ́ ɖǝ́prɔ̀vi àmǝ̀vǝ í nún nǝ́ wó bǝ: «Mí yí ǝdú kǝ́ lǝ́ ŋ̀kɔ̀á mǝ̀, míán kpɔ́ i wó brá kɛ̀tɛ̀kɛ̀tɛ̀ nɔ̀n ɖǝ́ka kiɖǝ ǝ́via ɖɛ̀. Mí tùkàwó í kprɔ́wó vá ŋ̀. ³ Nǝ́ àmǝ̀dǝ̀ ká nyɔ̀n ɗǝ́ mi sǝ́áa, mi nún nɛ̀n bǝ: "axótɔ́ hiánwó, i àmǝ̀ hinàn là tácimí ɖɛ̀ ì mìàn yí kiɖǝwó ákàaká".» ⁴ Séyijia, ǝ và mǝ̀ bǝ ǝ́núkǝ Mawu nyɔ́nuɖɛ̀tɔ́ nún ɖɛ̀á, lá teŋ jɔ́. Ǝ nún bǝ: ⁵ «Nún nǝ́ Siɔ̀n nyɔ́nrùnvia bǝ: "tɔ́ɔ fiɔ́ va ǝgbɔ́wo lǝ́ àmǝ̀ ɗǝ́ki búbɔ̀ mǝ̀ í lǝ́ kɛ̀tɛ̀kɛ̀tɛ̀ nɔ́n kidǝ ǝ́via jí."» ⁶ Aɖǝ́prɔ̀viwó yi i wɔ́ sigbǝ Yesu nún nǝ́ wó a ǝ́nǝ́. ⁷ Wó cɔ́ kɛ̀tɛ̀kɛ̀tɛ̀ nɔ́n án kiɖǝ ǝ́via vá, wó ɖó wó wú gànŋganwó i Yesu kánrɛn dǝ́ wó ji. ⁸ Àmǝ̀ súgbɔ́ ɖó wó wúwó (wó vɔ́nwó) ɖǝ́ ǝmɔ́n ji i àmǝ̀ búwó có átìtɔ́viwó i ɖó wó cáwó dǝ́ ǝmɔn. ⁹ Àmǝ̀kǝ́ lǝ́ Yesu yǝ́ ŋ̀kɔ́ kidǝ kǝ́ lǝ́ yǝ́ ŋgbǝawó lǝ́dáaxá bǝ: «Xɔ̀ mì, David yǝ́ vi! Wóyrá àmǝ̀kǝ́ gbɔ́nɔ́n lǝ́ áxótɔ́ yǝ́ ŋ̀kɔ̀ mǝ̀ án! xɔ̀xɔ̀ i nyi kǝ̀kǝ̀ có Mawu gbɔ̀!» ¹⁰ Kǝ́ Yesu ɖó Yerusalɛ̀mdú mǝ̀án, ǝ́ɖuásǝ́ǝ́ húnhún i nún bǝ: «Mɛ̀n i nyi àmǝ̀ hilá?» ¹¹ Àmǝ̀wó ɖó ŋún bǝ: «Àmǝ̀wó ɖó ŋún bǝ: «Àmǝ̀ hilá nyi Yesu, Mawunyɔnúɖɛ̀tɔ̀ Nazarɛ̀titɔ́ có Galilǝ́.» ¹² Lǝ́ hinán yǝ́ ŋgbǝ́a, ǝ́ ɖó ɖǝ́xóxɔ́ámǝ̀. Ǝ nyán àmǝ̀ kǝ̀ lǝ́ xrǝ́ nú kidǝ àmǝ̀ kǝ́ lǝ́ sá nú án wó sǝ́ǝ́ lǝ́ ɖɛ́xóxɔ́mǝ̀ án, í mún ǝhó ɖɔ̀ritɔ́wó távúwó. ¹³ Ǝ nún nǝ́ wó bǝ: «Wó ŋrɔ́n ɖɛ̀ bǝ:"Wóa yɔ́ tiin xómǝ̀ bǝ ǝ́ɖǝ́xóxò," vɔ́a mí cɔ̀ɛ̀ wɔ̀ fráfixó» ¹⁴ Ŋ̀kuvitɔnɔ́nwó kiɖǝ àmɔ̀ cárúkúwó vá gbɔ́ lǝ́ ǝ́dǝ́xóxɔ̀amǝ̀, i í dɔ́ nǝ́ wó. ¹⁵ Vɔa kǝ́ vɔ́satɔ́ gánŋgánwó kidǝ ǝ́núkprámǝ̀tɔ́wó kpɔ́ ǝnú jiiŋún kǝ́ í wɔ́a, i kǝ́ wó sǝ́ í ɖǝ́viwó lǝ́ dáaxó lǝ́ ɖǝ́xoxɔamǝ̀ bǝ: «Xɔ́ nǝ́ mi róóo, David yǝ́ ŋúcùvi» Xomǝ̀fiɛ̀n lǝ́ wó (wó wɔ xomǝfiɛn) súgbɔ́. ¹⁶ Wó nún nɛ̀n bǝ: «ǝ́ sǝ́ ǝnyɔ́n kǝ́ àmǝ̀ hinànwó lǝ́ nú án?» Yesu nún nǝ́wó bǝ: « ɛ̀ɛ, vɔ́a mi ŋ hrɛ̀n gbǝ́ɖǝ́ kpɔ́ bǝ: "có ɖǝ́viwó kiɖǝ ǝ́vi nánɔnwó núnmǝ̀ í ǝ nán í kàfú kàfú bribó dó có ǝmán? ¹⁷ Sǝ́ hinán yǝ́ ŋgbǝá, Yesu có lǝ́ wógbɔ́ í dó lǝ́ ǝ́duamǝ̀ bǝ yǝ́a vɛ̀ dɔ̀n Betania. ¹⁸ Kǝ́ í trɔ́vá ǝ́duamǝ̀ nyindin án, fifǝ lǝ́ǝ. ¹⁹ Kǝ́ i kpɔ́ gbóti ɖǝ́ka lǝ́ ǝ́mɔntóa, ǝ yi gbɔ́ vɔ́a amánka ɖǝ́ɖǝ́ í í kpɔ́. Ǝ nún nǝ́ gbótia bǝ: «ŋ káa gbǝ cǝ̀n ǝkú gbǝ́ɖǝ́ o.» Í ákáakáa, gbótia kù. ²⁰ Kǝ́ yǝ́ ɖeprɔviwó kprɔ́ ǝ́nǝ́án, ǝ́ kpácá wó í wó nún bǝ: «Nǝ́nǝ́ gbótia wɔ́ mɔ̀n i kù ákáa ka mán?» ²¹ Yesu nún nǝ́ wó bǝ: « Sǝ́ ǝ́nyɔ́ndodómǝ́, ŋ̀ lǝ́ nuin nǝ́ mi, nǝ́ xɔ̀sǝ́ lǝ́ mìan si, í mí ŋ kǝ́ɖi à, ŋ nyi ǝnúkǝ́ wó wɔ́ nǝ́ gbótià ɖǝ́ɖǝ́ i míàn wɔ́ o, gánŋkǝ mìán nùn nǝ́ ǝtó hilá bǝ: "Có lǝ́nán, nǝ́ nán yi áxú mǝ̀," ²² Ǝnún ɖǝ́siaɖǝ́ kǝ́ mi biɔ̀ lǝ́ ǝ́ɖǝ́xóxómǝ̀ án kiɖǝ kánkánɖǝ́jiá, miàn xɔ̀ɛ̀.» ²³ Gakǝ̀mǝ̀ Yesu ɖó ɖǝxóxóá, vɔ́satɔ̀ gànŋgánwó kidǝ dú mǝ̀-mǝ̀ cìncìnwó vá gbɔ́ gakǝ̀mǝ̀ í lǝ́ kprá ǝnú àmǝ̀wóa i wó nún bǝ: «Tó ácɛ̀ kpàkpà kǝ̀ǝ mǝ̀ i ǝ lǝ́ wɔ́ ǝnú hinànwó sǝ́ǝ lǝ́, i mɛ̀n nànwo ácɛ̀ kpákṕ hinàn?» ²⁴ Yesu ɖó ŋún nǝ́ wó bǝ: «Máan biɔ́ ǝnyɔ́n ɖǝ́ka mi sǝ́. Nǝ́ mí ɖó ŋún ŋ̀ án, máan nún ácɛ̀ kpákpá kǝ jí ŋ̀ lǝ́ wɔ́ ǝnú hinànwó lǝ́ a nǝ́ mí ²⁵ Lǝ́fi Yohanɛ̀s yǝ́ mawuci (lǝ́lǝ́ có) jiŋkori nɔ̀mi àmǝ̀wó gbɔ́? » Wó xó nún lǝ́ wóɖǝkiwó mǝ̀ í nún bǝ:«Nǝ́ mí nún bǝ: "có jiŋkoria", á nún nǝ́ mí bǝ: «Nukǝ́ǝ i dɔ́ í mi ŋ xɔ̀ sǝ́ o?» ²⁶ Vɔ́a nǝ́ mí nún bǝ: "có àmǝ̀wó gbɔ́ a", mi lǝ́ vɔ́nvɔ́n nǝ́ àmǝ̀ súgbɔ́wó ɖó àmǝ̀ súgbɔ́awó sǝ́ǝ cɔ́ Yohanɛ̀ sigbǝ Mawunyɔ́nuɖɛ̀tɔ̀ ɖǝ́ka ǝ́nǝ́.» ²⁷ Wó ɖó ŋún nǝ́ Yesu í nún bǝ: «Miŋ nyán o» Yǝ́cá nún ácɛ̀kpákṕ kǝ́ ŋ̀ sǝ́ lǝ́ wɔ́ ǝnúánwóa nǝ́ mí o.» ²⁸ Vɔ́a nukǝ́ǝ i mì bú? "Ŋúcù ɖǝ́ka wɔ́ ǝvi àmǝ̀vǝ ɖɛ̀: «Ǝ yi kǝ̀lǝ̀kǝ̀lǝ̀tɔ́a gbɔ́» i nún bǝ: «Ǝvi ŋúcùvi, yi i vɛ̀ wɔ́dɔ́ lǝ́ ahaɖátimǝ̀ ǝ́gbá. ²⁹ Ǝvi ŋúcùvia ɖó ŋún nɛ̀n bǝ: "ŋɛ̀n ŋkáa wɔ̀ɛ̀ o" , vɔ́a lǝ́ yǝ ŋgbǝ̀a ǝ ɖɔ̀ri ǝ́tamǝ̀ súsú i yí"» ³⁰ Í ŋúcùa yi ŋúcùvi àmǝ̀vǝatɔ̀ gbɔ́, i nún ǝnyɔ́n ɖǝ́ka rɔ́kpá nǝn. Ǝvi ŋúcùvi hilá ɖó ŋún i nún bǝ: "Máan yi, axótɔ́" vɔ́a ŋ yi o. ³¹ Sǝ́ ɖǝ́vi àmǝ̂vǝawó mǝ̀, kǝ́ǝ i wɔ́ yǝ́ dadá yǝ́ jiji?» Wo nún bǝ: " kǝ̀lǝ̀kǝ̀lǝ̀tɔ́a i" Yesu nún nǝ́wó bǝ: «ṣǝ́ ǝ́nyɔ́ndódómǝ̀, ŋ̀ lǝ́ nuin nǝ́ mí, ǝtahó jɔ́tɔ́wó kidǝ sakánŋbówó lá ɖó Mawu fiɔ́ɖuxómǝ̀ jǝŋkɔ nǝ́ mi. ³² Ɖó Yohanǝ̀s vá mìàngbɔ́ lǝ́ ǝmɔ̀n jɔ̀jɔ̀ jí, vɔ́a miŋ xɔ́ jí sǝ́ o, ganŋkǝ́ ǝ́tahó jɔ́tɔ́wó kidǝ sakanŋbówó xɔ̀ jí sǝ́. Í mìànwó, kǝ́ mi kpɔ́ ɛnú hinàn gbɔ̀nɔn án, miŋ trɔ̀ jìmǝ̀ i xɔ̀ ji sǝ́ kpǝ́tǝ́ o. ³³ Mi sǝ́ ǝlódodó bú: " Ŋùcú anyigbántɔ́ ɖǝ́ka lǝ̀. Ǝ dò áháɖáti ɖǝ́ká, í i mǝn ǝkpá hihrádoǝ́, i ɖi ahafiɔ̀n nú, í wɔ́ bomǝ̀xó í cɔ̀ɛ̀ háyà nǝ́ áháɖátiboɖǝ́tɔ̀wó. Lǝ́ yɔ́ ŋgbǝ́a, ǝ yi ǝ́du bú mǝ̀. ³⁴ Gakǝmǝ ɛnùkúwó xáxá gàmǝ̀ tǝ́bɔ̀áa, ǝ ɖɔ̀ yǝ́ dɔ́cɔ́vi wó yi áháɖátiboɖǝtɔ̀wó gbɔ̀ bɔ woa xɔ̀ yǝ́ kucɛ̀ncɛ̀nwó vá nǝ́ yɛ́. ³⁵ Vɔ́a, áháɖátibojikpɛ́tɔ̀wó lǝ́ yǝ́ dɔ́cɔ̀viwó, i xó ɖǝ́ka, wù amǝvǝatɔ i dáakpǝ́ amɔ̀ntɔ́n án tɔ̀. ³⁶ Ǝ gbǝ dɔ̀ ǝdɔ̀cɔ́vi bùwó kǝ súgbɔ̀ wú kǝ̀lǝ̀lǝ̀tɔ̀áwó, vɔ́a áháɖátibojikpɛ́tɔ̀wó gbǝ wɔ ǝ́nǝ́ nǝ́ wó cá wó. ³⁷ Lǝ́ hinàn yǝ ŋgbǝa, ǝ gbɔ̀ yǝŋtaaví ɖiɖáwó í nún bǝ: "Woa bú ǝ́vinyɛ̀". ³⁸ Vɔ́a kǝ́ áháɖátibojikpɛ́tɔ̀wó kpɔ́ ɖévi ŋucuvia, wó nún nǝ́ wóɖǝ́kiwó bǝ:" kpɔ̀, ǝcínɔ́n ɖutɔ́ a kǝ: Mì và, míán wui i cɔ́ ǝcínɔ̀nnuán" ³⁹ Wó kprɔ̀ɛ̀ ícɔ̀ɛ̀ danŋkpi ɖǝ́ áhádátiboa yǝ́ ŋgbǝ́, i wù. ⁴⁰ Ǝ́fia, nǝ́ ǝ́botɔ̀a vàa, nukǝ̀ǝ i á wɔ̀ nǝ́ áháɖátibojíkpɔ̀tóhinànwó?» ⁴¹ Wó nún nɛ̀n bǝ: "Ă crɔ́n àmǝ̀vɔɛ́n hinànwó arɔ́kpá sɛ̀nŋútɔ́ i lǝ́ hinàn yǝ́ ŋgbǝa, á háyà àháɖátia nǝ́ áháɖátibodǝtɔ̀ búwó, àmǝ̀ kǝ́ lá cɔ́ yǝ́ kúcɛ̀ncɛ̀nwó nɛ̀n lǝ́ ǝnu&kúxàxá gàmǝ̀ án." ⁴² Yesu nún nǝ́ wó bǝ: «Mi ŋ hrɛn lǝ́ ǝnúŋɔ́nŋrɔ̀nwó mǝ̀ gbǝ́ɖǝ́ kpɔ bǝ: "Ǝkpǝ́ kǝ ǝxɔ́mǝ̀tɔwó cɔ́ ɖanŋkpián và trɔ̀ zún zògójikpǝ́ ǝ máa. Hilà có axótɔ̀ gbɔ̀ i nyɔ̀n lǝ́ miàn ŋ̀kuviwó mǝ"? ⁴³ Yǝ́idɔ i ŋ̀ lǝ́ nún nǝ́ mi bǝ woa xó Mawu fiaɖuxó lǝ́ míánsi i cɔ̀ɛ̀ nǝ̀ ǝdú kǝ́ lǝ́ cǝ̀n yǝ́ kúwó. ⁴⁴ Àmǝ̀ɖǝ́kpuikpuíɖǝ́ kǝ́ gǝ́jǝ̀n dǝ́ ǝkpǝ́ hinàn ji á lá ŋɛn wùwù. Vɔ́a, amǝ̀ kǝ jì ì gǝ́jɛ̀n dǝ́a, là gbán hanyaàhanyá"» ⁴⁵ Kǝ́ vɔ́satɔ̀ gańŋganwó kidǝ Farisitɔwó sǝ́ yǝ́ lódódóawó à, wó sǝ gɔ̀mǝ̀ bǝ ǝ́ lǝ́ xónú có yǝ́wo ŋún. ⁴⁶ Kǝ wó ji bǝ yoa lǝ́ǝ a wó vɔ̀nvɔ̀n nǝ́ àmǝ̀ súgbɔáwó ɖó wó lǝ́ kpɔ̀ɛ̀ sigbǝ Mawunyɔ́nuɖɛ̀tɔ̀ deka ǝ́nǝ́.