¹ Jinŋkoriwé ƒiɔ́ɖuxó wɔ́ɖɛ̀ sigbə anjigban tɔ̀ ɖǝ́ka kə dó nyindin ƒúún bə yə́a vɛ kprɔ̀ əɖɔ́wɔtɔwó yi yə wainbomə̀ án ə́nə́ . ² Kə yə́kiɖə ədɔ́wɔtɔ̀a wó sə́ wóɖɔkiwó gɔ̀mə̀ ɖɔ́ kresarohó ɖə́ka tútú lə́ ŋ̀kə̀kə̀ ɖə́ka yə́ ɖɔ́wɔ̀wɔ̀ yiá, ə dɔ́ wó yí wainboámə̀ ³ Ǝ gbə dó sigbə gátɔ́n mə̀ ə́nə́, ì kpɔ̀ əɖɔ́wɔ̀tɔ̀ briwo kə́ əɖɔ́ ɖə́ ŋ lə́ wósia o lə́ aƒi mə̀. ⁴ Ǝ nún nə́ wó bə: ''Mìànwó cá, mì yi wainboámə̀, ənú ɖə́siaɖə́ kə́ nyɔ́n án, maà cɔ̀ɛ̀ nə́ mì.'' Lə́ hìnàn yə́ ŋgbəa, wó yí əɖɔ́ wɔ gbə́. ⁵ Ǝ̵ gbə dó lə́ gaɖɛ̀n kidə gasiɖə́kɛ̀ mə̀ í gbə wɔ̀ ənú hinàn nɔ̀nkí. ⁶ Zɔ́ɖǝ́kakə́ sigbǝ gawúɖǝ́ka ə́nə́àn, ə dó ì kpɔ̀ àmə̀búwó kə́ ŋlə́wɔ̀ ədɔ́ɖə́a o, ə nún nɔ́ wó bə: ''Nukə́ə jɔ́ í mì ləlá ɖɛ́ ədɔ́ɖɔ mawɔ̀ ŋ̀kǝ̀kə̀ brìbòa máan?'' ⁷ Wó ɖó ŋuń bə àmə̀ɖə ŋxɔ́ yəwó o. Ǝ nùn nə́ wó bə:'' Mìàn wó cá mì yí ə́boámə̀'' ⁸ Ƒiɛ̀ŋi gbɔ́a, əbòtɔ̀a nùn nə yə̀ bojikpɔ̀tɔ́ be: ''ŋɔ̀ɔ əɖɔ́wɔ̀tɔ̀wó nə́ nán tú ƒɛ̀n nə́ wó có àmə̀ ciŋgbə́tɔ̀ajì sə́yi àmə̀ kə̀lə̀kə̀lətɔ́ ji''. ⁹ kə́ Kə́ ə́ɖɔ́wɔ̀tɔ́wó wó xɔ́ lə́ gàwúɖə́ka mə̀ánwó vàa, àmə̀ ɖə́siaɖə́ xɔ́ krosarohó ɖə́ka. ¹⁰ kə́ ə́dɔ́wɔ́tɔ kələkələtɔ́awó váa, wó bú bə ŋoa xɔ́ wú, vɔ́a wó cáwó xɔ́ krosarohó ɖə́ká. ¹¹ Kə wó tú ƒɛ̀n nə̀ wó jrɔ́àa, wó ƒánkoə́ ɖə́ əbotɔ́a ŋú. ¹² Wó nún bə : əɖɔ́wɔtɔ́ ciŋgbə́tɔ́ hilawó wɔ̀ ɖɔ́ gaxóxò ɖə̀ka ɖə́ɖə́i, vɔ́a ətú ƒɛ̀n ɖə́ka rɔ́kpá nə́ mi, míánwó kə́ ɖú á yá có ŋidin lə́ ŋiɖɔn gbəa.'' ¹³ Vɔ́a ɔ́bótɔa ɖó ŋún nə́ àmə̀ ɖə́ka lə́ wó mə̀ bə: ''Ǝhrɔ̀, ŋɛ̀n ŋtaƒúwo o'' ŋɛ̀n kiɖə mìàn wóvə, mí ŋsə́ míánɖəkiwó gɔ̀ mà ɖə́ krosarohó ɖə́ka ji a?'' ¹⁴ Mì xɔ́ ənúkə nyin mìàntɔ́, nə́ miàn có yi. ŋ̀ caǹ bə màn tú ƒɛ̀n ɖə́ka rɔ̀kpá nə́ mìàn kiɖə ə́dɔ́wɔ̀tɔ́ ciŋgbətɔawó. ¹⁵ ŋɛ̀n ŋ kpɔ̀ əmɔ́n í là cɔ́ tù̀ nùn nyɔngbi wó wɔ̀ ə́nukɔ ŋ̀ jiàa? Nɔ̀mi mi lə bia ŋun ŋ̀ cágbə kə ŋ̀ nyi àmə̀ xódó mə̀ nyɔngbitɔ̀a a? ¹⁶ Àmə ciŋgbə là nyi àmə̀ kə̀lə̀kə̀lə̀, i àmə̀ kə̀lə̀kə̀lə̀ là nyi àmə̀ ciŋgbə. '' Wó ŋɔ́ àmə̀ sugbɔ ganŋkə́ àmə̀ hɔ̀ɛ̀ɖə́ka ì wó cán'' ¹⁷ Kə Yesu yikó yerusalémi án, ə kpɔ́ aɖəkprɔvi àmə̀wrùvəawó hɛ̀n. Lə́ əmɔ́n án jiá, ə nún bə: ¹⁸ ''Mi kpɔ́, mi yikɔ́ Yerusalɛ̀mi, ì woa cɔ́ àmə̀gbətɔvi də́ álɔ̀mə̀ nə́ vɔ̀satɔ́wó kiɖə ənúkpraàmə̀tɔ gánŋgánwó. Wóa búnfɔ̀n ɛ̀n ì wuí. ¹⁹ Ì cɔ̀ɛ̀ ɖə́ jimaxɔ̀sə́tɔ̀wó lɔ̀mə̀ nə́ woa kònún nɛ̀n ì xoə́ ì krɛ̀n də́ áticóga jí. Vɔ́a, lɔ́ ŋ̀kə̀kə̀ amɔ̀ntɔ́n á án gbəa, á fɔ́n.'' ²⁰ Seyijia, zébédé yə́ sì kidə Yesu gbɔ́. Ǝ jə́kró də́ ²¹ Yesu yə́ kɔ́mə̀ ì biɔɛ̀ ə́nuɖə́ka. Yesu ɖó ŋún nɛ̀n bə: ''Nukə́ə ə́lə́ jí?'' Ǝ nún bə: ''Ɖə́ mɔ̀n nə̀ ə́vinyə̀ àmə̀vəawó nàn kánrɛ̀n ɖə́ka də́ tɔ̀ɔ lɔ́ miɔ̀n mə̀ lə̀ tɔ́ɔ fiɔ́ɖuxó mə̀.'' ²² Vɔ́a Yesu ɖó ŋúnnɛ̀n bə> ''ŋ nyán ənùkə ə́lə́ biɔ́ a o. Mìàn teŋ nún ənú və́və́ kə màan nún án?'' ²³ Ǝ nún nə́ wó bə: ''Mìan nún tún nú və́və́a ŋanwó. Vɔ́a nə́ woa kanrɛ̀n ɖə́ tìn lɔ̀ ɖúnù kidə tiin lɔ̀ miɔ̀n mə̀ án, ŋ nyì ə́ŋɛ̀n ì là nɛɛ́n o, vɔ́a ə nyì àmə̀kə́ tiìn-dádá gradoə́ ɖɛ̀ nɔ̀n án wó ì.'' ²⁴ Kə́ adə kprɔ̀vi amɔnwó kpɔ̀tiawó sə́ ənyɔ́n hiláa wó wɔ̀ xomə̀fiɛ́n də́ nɔ́nvi àmə̀vəawó. ²⁵ Vɔ́a Yesu yɔ́ wó và ɖə́ka gbɔ̀, ì nùn bə: ''Ǝ nyán jimaxɔsə́tɔ̀wó fiɔwó ɖú nə́ wo jí ì wó mə̀ və̀və̀ɖə̀ wó fiɔwó ɖú nə́ wo jì. ²⁶ Vɔ́a ŋ ɖó lá nyi ə́nə́ lə́ mìàn mə̀ o, ganŋkə́ àmə̀kə jí bə woa kikə əyə́ d́ ə́jia, ɖó lá mìan dɔ́cɔ̀vi. ²⁷ Í àmə̀ ɖə́siaɖə́ kə́ jí yəa nyi kə̀lə̀kə̀lə̀tɔ́ lə́ mìan mə̀ án, ɖó là nyi mìan dɔ́cɔ́vi, ²⁸ nə́nə́ ì àmə̀gbə̀tɔ̀vi ŋ và bə woa subɔ́ yə́ o, ganŋkə́ bə yə́a subɔ́ ì cɔ́ yə́ gbə́ nán cágbə àmə̀ súgbɔ̀ tɔ́.'' ²⁹ Gakə̀mə̀ í dó lə́ Yérixo dúa mə̀ án, àmə̀ súgbɔ́ kprɔ̀ɛ̀ dó. ³⁰ Ŋkuvitɔ̀nɔ́n àmə̀və kànrɛ̀n ɖə́ əmɔ̀n án tó ɖɛ̀. Kə wó sə́ bɔ Yesu vá yikɔ̀a, wó ɖá axá bə:'' Axótɔ́, David yə́vi, kpɔ́ aɖɔ̀nù mə̀ nə́ mí'' ³¹ Àmə̀ sugbɔ̀awó kán ŋkuvimɔ̀ nǝ́wó bə woa vinŋ, vɔ́a wó gbə́ ɖá axá siŋsiŋ bə:'' Axótɔ́, David yə́ vi, kpɔ̀ adɔ̀nù mə̀ nə́ mí. ³² Yesu nɔ́ntə í ŋɔ́ wó í ká wó sə́ bə:''Nukə́ə mìjí bə mán wɔ́ nə̀ mí?'' ³³ Wó nún nɛ̀n bə:'' Axótɔ́, míàn ŋkúviwó nàn hùn'' ³⁴ Yesu kpɔ́ adɔ̀nù mə̀ nə́ wó, í krə́ wó ŋkuviwó. Ákáakáa, wó ŋkuviwó hún í wó kprɔ̀ɛ̀ ɖó.