¹ Kə́ Yesu xónúxó hinànwó jrɔ̀áa, əcó lə́ Galilə́ ì yí yúdóa ɖú mə̀ lə̀ ətɔ́ yɔrdan yə́ ŋgbə. ² Àmə̀ súgbɔ̀wó kprɔ̀ɛ̀ dó í yɔ̀dɔ́ wó. ³ Faristɔ̀wó tə̀bɔ̀ɛ̀, ì ɖoə́ kpɔ́ í nún bə: "Ǝsə́a ɖə́mɔ́n nə́ ŋúcú bə nàngbə ásià cágbə ənúɖə tɔ̀ á?" ⁴ Yesu ɖó ŋún ì nùn bə: "Mì ŋhrɛ̀n kpɔ̀ bə àmə̀ kə́ wɔ̀ có gɔ̀mə̀jə́jə́ wɔ̀ wó àcú kiɖə ásià? ⁵ Í ì gbə nún bə: "cágbə hinàn tɔ̀á, ŋúcú là có gbə yə́ dadá kiɖə yə́ nánán ɖɛ̀ ì là kùdə́ ásià ŋù, ì wó àmə̀vəáwó wóa trɔ́ zùn ŋtirán ɖə́ka á? ⁶ Wó ŋ gbə nyin àmə̀və̀ o, vɔ́a ŋtirán ɖə́kà. Cagbə́ hinàntɔ̀ á, ənùkə Mawu cɔ́ də́ ədúa, àmə̀ɖə́ ŋkáa mɛ̀ɛn o." ⁷ Wó nún bə: "Nukə́ə jɔ́ ì Mosə ɖə́ gbə́ nə́ mí bə mìan wɔ̀ ŋɔ́nrún gbə̀gbə́ yə̀ wə́ma nɛ̀n wɔ̀ ŋɔ́rùn gbə̀gbə̀ yə̀ wə̀ma nɛ̀n ì yɛ̀n màan?" ⁸ Ǝ nún nə́ wó bə: "cágbə mìàn jí sɛnŋù tɔ́áa, Mosə ɖə́mɔ́n nə́ mì bə mìàn gbɔ mìan sí wó gánŋkə lə̀ gɔ̀ mə̀jə́jə́a, ínyìn ə́nə́ o." ⁹ Ŋ̀ lə̀ nún nə̀ mì: "Àmə̀ɖə́kpukpui ɖə́ kə́ gbə́ ásià, nə́ ŋnyìn cágbə matə́lə́tɔ́, o, ì í gbə́ ɖə́ ŋɔ̀nrún bú á, wɔ̀ matɔ́lɔ̀. Í ŋúcú kə ɖə́ ŋɔnrún kə wó gbəà a, wɔ́ matə́lə́." ¹⁰ Aɖə́prɔ̀viwó nún nə́ Yesu bə: "Nə́ ŋúcú yə́ nɔ̀nɔ̀mə̀ wɔ̀ɖɛ̀ ə́nə́ lə́ ásiá ŋùn án, ŋ nyɔ́n lə woa ɖə́ ŋɔ́nrún o." ¹¹ Vóa Yesu ɖó ŋún nə́ wó bə: "ŋ nyín àmə̀ ɖə́siaɖə́ í lá təŋ sə́ ə́nùkpràà mə̀ hilá gɔ̀mə̀ o, vɔ́a àmə̀ kə́ wó ɖə́mɔ́n nə́ bə woa sə́ gɔ̀mə̀ án ɖəɖə í. ¹² Ɖó amə̀ tátáa ɖówóo lɛ̀ kə̀ wó jí ə́nə́ án. Í əbúwó lɛ̀ kə́ àmə̀wó táa wó, í əbúwó cá lɛ kə́ wóŋtáwó lá wóɖə́kiwo cágbə jiŋkoriwó fiɔ́ɖuxó a tɔ̀. Ámə̀ kə́ là teŋ xɔ́ ənúkprààmə̀ hiláa, nàn xɔ̀ɛ̀." ¹³ Wó cɔ̀ ɖə́vi ɖə́káwó và nɛ̀n bɛ ná ɖalɔ̀ də́ wóji í xóɖə́ nə́wó, vɔ́a adəprɔ̀viwo kán ŋ̀kuvimə̀ nə́ wó. ¹⁴ Vɔ́a Yesu nún bə: "Mí ɖə́mɔ́n nə́ ɖə́viwó ì mìŋ káa gbə nɔ́wó bə wó ŋkáa vá ə́gbɔ̀nyɛ̀ o, ɖó jiŋkoriwó fíɔ́ɖuxó ɖɛ̀ sigbə àmə̀ ɖíwóa ə̀nə́." ¹⁵ Ǝ dá alɔ̀ ɖə̀ wójí, ì có lə́ lə́nàn. ¹⁶ Kpɔ̀ ŋúcú ɖə́ka váYesu gbɔ̀ gbɔ̀ í nún bə: "Axótɔ̀, ənú nyɔngbi kə́ə í ŋ̀ ɖò là wɔ́ ié kpɔ̀ agbə mavɔ máan?" ¹⁷ Yesu nún nɛ̀n bə: "Nukə́ə jɔ̀ ì ə́ lə́ kà ŋ̀ sə́ bə nukə́ə nyɔ́n? Àmə̀ɖə́ka ɖəɖə́ ì nyɔ̀n, nə́ ə́ jí bə yə́a ɖó agbə mavɔ mə̀án, wɔ̀ də́ ə́sə́awó jí." ¹⁸ Ŋúcúa nún nɛ̀n bə: "Ǝsə́ kə́ə wó?" Yesu nún bə: "ká wú àmə̀ o, ká wɔ́ matɔ́lə́ o; ká fífí o, ká xovi o, ¹⁹ bú tɔ́ɔ dadá kiɖə tɔ́ɔ nánán, í nán rɔ́n ə́xrɔ́wo sigbə woŋta ə́nə́." ²⁰ Ɖɔ́kɛ̀jɛ̀viá nún nɛ̀n bə: "ŋ̀ wɔ̀ də́ ə́sə̀ hinanwó sə́ə jí, nukə́o gbə hian ŋ̀?" ²¹ Yesu nún nɛ̀n bə: "Nə́ ə́ jì bə yə́a nyin àmə̀dodóa, sà ə́nukə́ lə́ asiwóa, ì nán cɔ̀ ə́hɔ̀a nə́ áyá mɔ̀nɔnwó, nə́ kə́sinɔnú nán nɔ̀n asiwó lə́ jiŋkori. Lə́ hinàn yə́ ŋgbəáa, vánə́ nàn kprɔ̀ ŋ̀ dó." ²² Vɔ́a kə́ ɖəkajɛ̀a sə́ ə́nyɔ́n kə́ Yesu nún án, ə trɔ̀ yi kide akoefán ɖó ə́nú nyɔ́ngbi súgbɔ̀ lə́sí. ²³ Yesu nún nə́ yə́ də́prɔ̀viwó bə: " Lə̀ ə́nyɔndodó mə̀ án, ŋ̀ lə̀ nún nə́ mi, sɛnŋùn nə́ hotɔ̀nɔ́n bə nánɖó jiŋkoriwó fiɔ́ɖúxó mə̀. ²⁴ Ŋ̀ gbə lə́ nuín nə́ mì bə, əfà nə́ kposɔ̀wú bə nán tó tɔ̀nnìdomə̀, bə hotɔ̀nɔ́n nándó Mawu əfiɔɖúxó mə̀." ²⁵ Kə́ adə́kprɔ̀viwó sə́ ə́nyɔ́n án, ə kpácá wó ì wó nún bə: "Mɛ̀ɛn, ì là təŋ kprɔ́ xɔ̀ xɔ̀ màan?" ²⁶ Yesu kpɔ́wó ì nún bə: "lə́ àmə̀gbətɔviwo gbɔ̀ yán, wó ŋká təŋ wɔ́ ənù hilá o, ganŋkə Mawu yá lá teŋ wɔ́ ənú ɖəsiaɖə́." ²⁷ Petro ɖó ŋún ì nún bə: "kpɔ́ mí gbə́ ənú ɖə́siaɖə́ ɖɛ̀ bə mían kprɔ̀ wo ɖó, "nukə́ə ì míán vá xɔ̀?" ²⁸ Yesu nún nə́ wó bə: "lə̀ ənyɔ́ndɔ́dó mə̀ án, ŋ̀ lə̀ nún nə́ mì, miànwó kə́ kprɔ̀ ŋ̀ dó a wóa, lə́ əxó kə gbɔ̀nɔ́n án mə̀án, gákə̀mə̀ àmə̀gbə̀tɔ̀vi là kanrɛ̀n də́ yə́ ŋtikɔ̀kɔ̀ zinkpìn án ji ɖɛ̀á, mìànwó cá, miàn kanrɛ̀n də́ zinkpin àmə̀wuivəawo jí, ì lə́ ɖó kójó nə́ Israɛ̀l yə́ hɛ̀nnu wuivəa wó. ²⁹ Àmə̀ ɖə́siaɖə́ kə́ có gbə́ yə́ xówó, nɔ̀via ŋùcúwó, nɔ̀nvia ŋɔ̀nrúnwó yə́ dadá, yə́ nànán, ə́viawó, nɔ̀mi anyigbanwó cágbə tiŋə̀ án, woa tú fɛ̀n nɛ̀nzə́ kawətakpó ì à gbə ɖú agbə mavɔ yə́ ciinɔ̀n. ³⁰ Vɔ́a àmə̀sugbɔ̀ kə́ nyi kə̀lə̀kə̀lə̀tɔ̀wó əfiáawo lá vá nyin ŋgbə́citɔ̀wó, í ŋgbəcitɔ̀wó lá vá nyin kə̀lə̀kə̀lə̀ tɔ̀wo.