¹ ə́va vamə̀ gbə́ɖɔ́ká kə̀ Yésu lə̀ kprá nú àmə̀ wó lə̀ dəxoxɔ mə i lə nu ənyɔn nŋɔnŋgbiŋ an vɔsatɔ́ gánŋgán wó, ənú ŋrɔntɔ wo kidə́ amə̀ cici wó. ² Wolə xonu nɛ: "nú nə̀ mi, lə̀ acɛ kpákpá kə́ ji ə́lə̀ wɔ̀ ə̀nú mán wo lə̀a? nɔmi ámə̀ kə̀ i nàn wó acɛkpákpá nàn?" ³ Í lə́ doŋún nə wó bə̀: "nyɛ̀ncá mán biɔ mi ə̀nyɔ̀n ɖə̀ká mi núŋùŋ. ⁴ Yohana yə́ ci ɖə́ta déé có jíŋ́kozi, ŋɔḿ aməgbə̀tɔ gbɔ í?" ⁵ Wólə́ nú ɖóŋún bə̀: "ə́cɔ̀ jíŋkozíá" núkéé íjɔ í mí ŋkàn də́jí o?" ⁶ Í nə̀ mì dóŋún bə̀: ə̀có ámə̀ gbə̀tɔ̀ wó gbɔ̀á," ámə̀ wó séé lá húkpə́mí, ə̀núkədɔá wó xɔ̀ɛ sə́ bə̀ Yohana nyi Mawu yə̀ nyɔ̀n nú ɖɛ tɔ̀." ⁷ Kə́ wó bútámə̀ jrɔ̀á, wó nú bə̀ yə̀wó ŋŋyan fí cóá o. ⁸ Yésu nú nə̀ wó bə̀: "nyɛnca nye ŋúnyan ŋ́ká vá nú nə̀ mi acɛ kpákpá kə̀ ji ŋ́lə́ wɔ̀ ə̀nú nán wó lə́a o." ⁹ Ə̀nú ənyɔn lawo nə dúməvíawó bə:"Àmə̀ ɖə́kà do ahatí (vignə), í háyá bóa nə yə́ détɔwó i có yi mə̀. ¹⁰ Lə̀ ə̀nú ənú kú cíncínàn kə́kə́ gámə̀án, ə̀dɔ ə́dɔcɔvi ɖə̀kà sə́ŋ́ yí nə̀ ə̀bɔ́aji bə woá nɛ atia yə́ cú cincin, əboa djikpɔ́tɔ́awo hoéə̀, í yín alɔ̀ yi álɔ gbálə́. ¹¹ Ígbə́ dɔ́ ə́dɔcɔvi búsəni yí wó gbə́ hó yə́ cá, cá, í doŋ́kpɛn, í yin yə́ cá alɔ̀ gbálə́. ¹² ə̀gbə̀ dɔ amɔ amətɔnatɔ, wo ɖábi ŋún, í yin. ¹³ Aháti bòatɔ nú bə: "nú kə̀ í mán wɔ̀? mán ɖɔ̀ ə̀vi nyɔ rɔ̀nrɔ̀ntɔá. Tá múnyɔ́n wóá də́ búbú yá ún." ¹⁴ Vɔá, kə ə̀bɔ ji kpɔ̀tɔ̀áwó kpɔá, wo léé lə̀ xó nú lɔ wó ɖə̀ cí wómə, lə̀ bɔ̀: "mikpɔ̀ aməkə́ cə́ va nyi cínɔnɖùtɔá mián wuí, əcinɔnɖúɖúa ǹnyí míatɔ̀." ¹⁵ Wó ɖééɖé lə̀ aháti boámə̀? í wuí. Í fià nú kə̀ í ahatí botɔ́a lá wɔ̀ nə̀ wó? ¹⁶ A va, í lá vá wú ə̀bo də̀tɔ̀ nán? wó səé í lá vá cɔ̀ ahati boá nə̀ amə̀ bú wó. Kə̀ wó ə̀nyɔ̀n nán, wó nú bə́, áa Mawu ŋ́ká nyí ə́nə̀ ò!" ¹⁷ Vɔà Yésu kpɔ̀wó í nú bə̀: "ənú ŋrɔ̀nŋrɔ̀n lá gɔ̀mə̀ ɖéé?" ə́kpə́ kə́ ə́xɔ mə̀tə́wó dánkpɛn án trɔ̀ và zún zógójikpə̀? ¹⁸ Àmə̀síámə̀ kə̀ là gɛ́njin də̀ ə̀kpə́ hína jiá á gɛ́njin déà a gbán." ¹⁹ Nənə í í nyi, vɔsatɔ gángánwó kídə́ ə́nú ŋrɔ̀ntɔ̀wó jí bə yéwó ál cé lə gánamə. Aó wó nyá bə ənú nyɔn náwó contrú yéwó. Vɔà əvɔ̀nvɔ̀n nə ə̀duaməvíwó. ²⁰ Wolə̀ kpɔ̀ɛ dɔnŋún, í dɔ àmə̀ wátɔ́ kə́ bú wó ɖə́kí wó bə́ amə̀ nŋɔngbiŋwó cúgbə nŋ wóakpɔ̀ ágɔ̀djə̀djə̀ lə̀ yə̀ nyon núnú wó mə̀ gbɔ̀ɛcó nə̀ woci téŋ cɔ̀ɛ nə̀ ji dúdúá. ²¹ Wó lə́ bíɔɛ sə bə̀: Axotɔ̀ mí nyín bə̀ ə̀xó nə̀ nú í kpránə nú amə̀ lə̀ jɔ̀jɔ̀ mə̀, í amə̀ ɖə́kin yə̀ nɔ̀n nɔ̀n mə̀ ŋú ji ún nə̀ wó ò, vɔá ə́lə́ kprá Mawu yə̀ mɔ̀n nán lɔ̀ a dódómə̀. ²² Wó rɔ̀n nə mí nənmí wó ŋúsrɔ̀n nə́ mia bə̀ míán tú ə̀tá hó nə̀ César. ²³ Vɔá Yésu sə́ ŋ́ŋú nyányá gɔmə dò ún nə̀ wó bə̀: ²⁴ "mí disá amə̀ cíŋgbə tɔ̀ dŋ́ká ún. Mɛ̀ ŋú ɖ̀si kidə́ ənú ŋrɔ̀ŋrɔ̀n lə́?" Wó ɖó ún bə̀: "César" ²⁵ ənú nə̀ wó bə̀: " nə nyi ə̀nə̀án, mí cɔ̀ ə̀nù kə̀ nyi kayísáró tɔ̀ nə̀ káyísáró, í ə̀nú kə̀ nyi Mawu tɔ̀ nə̀ Mawu." ²⁶ Wo ŋká teŋ gbə̀ dáɖíká nə yə́ nyɔ̀nà lə́ amə̀ wó ŋ́kɔ̀ o. Yí nyɔn ŋú dóɖí kpácá wó, vɔá wo ŋgbə́ nú nyə̀n ɖə́cin ó. ²⁷ Nə̀ saddúsiátɔ də́wó lə́ nú bə fɔ̀nfɔ̀n bə́ kúkúàwó mə ŋgbəlɛa, tə̀bɔ̀ɛ í bíɛ sə bə: ²⁸ " Axótɔ̀, kpɔ̀ ə̀nú kə̀ Monsə́ ŋrɔ̀n dɛ́ nə miàn: " nə̀ amə̀ ɖə́ yə́ nɔnvi ŋcúvi kúá, í ɖə́ yɔ̀nrun kə ŋjí əvià, nɔ̀nviá lá ɖə́ fófóá si í lá ji vi dəḱ nə̀ fófóá." ²⁹ Vɔa, ŋ́cu àmándrə́ í kə́lə́kə́lə́ tɔ́a ɖə́ yɔ̀nrún, ³⁰ í kú əví màjí-màjí, í ə̀və̀á tɔ̀ cà ə́nə̀. Í àmə̀tɔ̀ á tɔ̀ cá ɖə́, ³¹ nə́nə̀ í nyí nə̀ woá xamə amándrəá wó séé kə̀ kə́ kú əvi də́kin màji. ³² Lə̀ mà díŋdíŋ məàn nyɔnrúan. ³³ Lə̀ fɔ̀nfɔ̀n citə́, yə̀ gàmə̀ àmə̀ kə̀ tɔ̀ í lá nyi nyɔrúàn? ə̀núkədɔá wóá mandrəá wó sə́ ɖə́ kpɔ̀." ³⁴ Yésu lə̀ ɖo ún nə̀ wò bə: " xixə́ lá mə̀ viwo ɖə̀ nə yɔ̀nrún igbə̀ cɔ̀nəwo na ácú. ³⁵ Vɔ́á àmə̀ kə̀wólá nyɔ̀n nə̀ kójó ɖóɖó nə̀ amə̀ kúkú wó fɔ̀nfɔ̀n citə́ lə́ gaxoxó ŋ́ nán mə̀án wóŋ́ká gbə́ vá ɖə̀ yɔnrún woá vá cɔ̀ àmə̀ ɖə̀ki nán ɖə́ɖə́ ò. ³⁶ Wóŋ́ká vá kú cá ò, ənúkədɔá woá vá sɔ̀ kidə́ Mawu ŋə́dótɔ́wó, í woá vá nyi Mawú yə̀ viwó, kə̀ í nyí bə̀ wò nyi fɔ̀nfɔ̀n citə́ yə̀ viwó. ³⁷ Bə́ amə kúkúwó nán fɔ̀n cítə́, Mosé ŋtá cá nán wó myán nú kúdə̀ atí wómɔ əyɔ axotɔá Abraham yə̀ Mawu, Isaká yə́ Mawu, kidə́ Yakobó yə́ Mawu. ³⁸ Ífiá, Mawu ŋúnyi ámə̀ kúkúwo& Mawu ò, vɔá àmə̀ lágbə́ wótɔ̀ í ənúkə̀dɔá wo sə́ə́ lá gbə́ lə̀ mə̀." ³⁹ ə́nú ŋrɔ̀ntɔ̀ ɖə́wó, dòŋú bə́: "Axotɔ̀, ə̀xónú nyɔ̀ngbi." ⁴⁰ Í woŋgbə̀ tə̀ŋ́ bíɔɛ ə̀nyɔ̀n ɖə̀kin sə́ ó. ⁴¹ Yésu nú nə̀ wò bə: "nə̀ í wɔ̀mɔ̀n í woá nú bə̀ kristó nyí David yə́ kó? ⁴² David ŋ́tá nú lə́ Psalmɔ̀n yə̀ wə́mán mə̀ bə́: "axotɔ̀à nú nə tíŋ xótɔ̀ bə̀, "kànrɛ́n də̀ tiŋ́ núɖúsimə̀, ⁴³ kəkə nə mán ná ná zɔ̀n tɔ kə́tɔwó ji." ⁴⁴ David yɔ̀ Kristo, "axotɔ̀" ífia nə̀ í wɔ̀mɔ̀n í, nyí David yə̀ vi. ⁴⁵ Gákəmə̀ àmə̀ wosə́ lə̀ ɖotoə́á, ə̀lə́ nú nə̀ yə́ dɔcɔviwo bə̀: ⁴⁶ "míkpɔ nyɔngbí nə mí lə́ bə ə́nú ŋrɔ̀ntɔ̀ kə̀ do nə awú diŋdiŋ à wó, í rɔ̀nnɔ̀n ámə̀ cící bə́ vó kɔ̀ŋ lə amə bəxó wo, í jínɔ̀n tòhó kə́lə́kə́lə́ tòwo lə̀ sɛnsɛn tòhó wó, lə̀ azán ɖúxó wó. ⁴⁷ Wó vúnə kpòsúwó xówó, í wó xò nə ɖə̀ diŋ́dí lə̀ àmə̀ wó ŋ́kùvimə̀. Woá vá xɔ̀ tó dɔ̀ndɔǹ.