¹ Yésu yi yəriko. ² Í kpɔ̀, àmə̀ ɖə̀ká lə̀ nán kə̀ wó yɔ̀ɛ bə̀ zaxəó ə̀nyí ə́tahó xɔ̀tɔ̀wó fiɔ̀, í kpɔ̀ hó. ³ Ə̀lə̀ jí nə̀ á kpɔ̀ àmə̀ kə̀ nyí Yésuá, vɔá kə̀ ŋ́ká tə̀ŋ́ kpɔ̀á cagbə́ àmə̀ súgbɔ̀ wó tɔ̀á, ə̀núkədɔ̀á ə̀nyí àmə̀ kpòkpòə́? ⁴ Cagbə́ ŋ́ nán tɔ̀á ə̀súdú yí àmə̀wó ŋ́kɔ́, í rá gbɔ̀titi bə̀ yá kpɔ̀ɛ, ə̀núkədɔ̀á Yésu ɖo lá tó lə̀ ŋ́ nán. ⁵ Kə̀ Yésu ɖó tóhóá, ə̀kpɔ̀ɛ ɖíɖá lə̀ jí í lə̀ nú nə̀ bə̀: "zaxə́ó ɖi kàbá, ɛnúkədɔá ə̀híán bə̀ mán nɔ̀n tɔ̀ xomə̀ ə̀gbán." ⁶ Ə̀súdú kàbàkàbà í ɖí, í xɔ̀ɛ kidə́ jijɔ̀. ⁷ Kə̀ wò lə̀ kpɔ̀ ə̀nán, àmə̀ siá mə̀ lə̀ fánkoə́, í lə̀ nú bə̀: ə̀yi i vɛ̀ jí ə̀núvɔɛ́n wɔ̀tɔ́ kpɔ́." ⁸ Zaxəó nɔ̀ntə́ də́ axotɔá ŋ́kɔ́, í lə̀ nú nə̀ bə̀: "kpɔ̀, axotɔ̀, mán cɔ̀ tìŋ́ nú nɔ̀n àmə̀sí yə̀ mánmán mə̀ nə̀ àyáɖuvíwó, í nə̀ ŋ́bá àmə̀ ɖə́ lə́ ə̀ŋ́ɖə́ mə̀án, mán túí nə̀ də̀ tohó àmə̀ nə̀." ⁹ Yésu nú nə̀ bə̀: "ɖə́ɖə́ ɖó axó ə̀lá mə̀ gbán, ənúkədɔ̀á àmə̀ lá cá nyí Abraham yə̀ vi. ¹⁰ Ə́núkədɔá àmə̀ gbə̀tɔ̀ yə̀ víá vá bə̀ yə̀á vá j́í í ɖə́ àmə̀ kə̀ búá wo." ¹¹ Kə́ wolə́ sə́ ə̀nyɔ̀n nán wó, ə̀gbə̀ lə́ yikɔ́ i lə̀ xónú í lə̀ nú ə̀ló dódó ənúkəjɔ̀á ə́tə́ bɔ̀ yərúsalɛmə̀, í kə̀ wó búí bə̀ Mawu yə̀ fíɔ̀ ɖúxoá lá vámə̀ zə́ɖə́ká. ¹² Ə̀nú hòtɔ́n bə̀: "àmə̀ ŋ́kuvi tá yíkɔ̀ ə̀dú diŋ́di mə̀ nə axɔ̀ nə̀ yə̀ŋ́tá fíɔ́ ɖúxó í trɔ̀ vá sə̀ŋ́yi yi. ¹³ Ə́yɔ́ àmə̀ ámə̀wó lə̀ yə́ dɔ́cɔ́viwó mə̀, í cɔ́ cìká hó ámə̀wó nə́ wó, í nú nə́ wó bə́: mì wɔ́ nə́ wóá jì də̀jí kə́kə́ má trɔ́ vá. ¹⁴ Vɔá yə̀ mə̀wó lə̀kəə̀ í wó dɔ̀ àmə̀ nɔ̀nnú tóhó yə́ há cócó lə̀ yə̀ŋ́gbə̀ í lə̀ nú bə: "miŋ́lə́ jí bə́ àmə̀ lá nán ɖú fíɔ̀ ɖə́ míán jí o." ¹⁵ Ə̀lə̀ jɔ kə̀ í trɔ̀ vá yə́ŋ́gbə̀, kə̀ í xɔ̀ fiɔ ɖuxóá jrɔ̀á, ə̀lə̀ bíɔ dɔcɔvi kə̀ í cɔ̀ ə̀hó nɔ̀nán wó sə́, kə̀ŋ́gbɔ̀ xó nə̀ anyán sígbə́ wó domə̀ tɔ̀ ɖə̀siáɖə̀ wɛ í ì jí də̀ jíá. ¹⁶ Kə́lə́kə́lə́ tɔ̀á vá ŋ́kɔ̀ nɛ́n í nú bə̀: "axotɔ̀, tɔ̀ hóá jí àmə̀wó də́ jí kpə́." ¹⁷ Àmə̀ ŋ́kuví tá nú bə̀: "ə̀nyɔ̀n, ɖɔcɔvi nyɔ̀ngbí sigbə̀ ə̀nú hɛ̀ ɖə̀ká mə̀ ə̀wɔ̀ nú dòdóá, axɔ̀ acɛkpákpá d̀ ə̀dú gánŋ́gán àmə̀wó jí." ¹⁸ Àmə̀və̀átɔ̀ vá, í nú bə̀: axotɔ̀ tɔ̀ hó jí àmàntɔ̀n də̀ jí." ¹⁹ Àmə̀ ŋ́kúví tá nú bə̀: "cɔ̀ ə̀dú gán àmántɔ̀n í nán kpɔ̀ wó ji." ²⁰ Í àmə̀ bú vá í nú bə̀: "axótɔ̀, kpɔ̀ ŋ́cɔ̀ tɔ̀ hó sə̀ŋ́ wáɖɛ̀ nyɔ̀ngbí də̀ áwúmə̀, ²¹ ənúkədɔá ŋ́ vɔ̀nvɔ̀n nə̀ wó, ənúkə̀dɔá ə̀nyí àmə̀ yrándə́. Ə̀xónɔ̀n ə̀nú kə̀ ŋ́ cɔ̀ ɖɛ cá o, í ə̀xá nə̀ ənú lə̀ fí ŋ́ do nú dó cá o." ²² Àmə̀ kə̀ nyí àmə̀ ŋ́kuvi tá nú bə̀: "ŋ́ɖó kojó nə̀ wó tó tɔ̀ nyɔ̀nwó jí, dɔcɔvi yrándə́ yrándə́. Ənyán bə̀ ŋ́ nyí àmə̀ yrándə́ yrándə́, í xɔ̀ nə̀ ə̀nú kə̀ nyɔ ŋ́cɔ̀ ɖɛ o, í nán hánú lə̀ fi nyə ŋ́ do ə̀nú do o. ²³ Nú kə̀ í jɔ̀ í ŋ́ cɔ̀ tìŋ́ hó də̀ ə̀hó jrádó tohó ún bə̀ kə́kə́ má trɔ̀ vá má xɔ̀ɛ kidə́ alə́á?" ²⁴ ́Í àmə̀ kə̀ nyi ŋ́kuví tá nú nə̀ àmə̀ kə wó nɔ̀ntə́ də̀ lə̀ ŋ́ nán bə̀: "mi xɔ̀ ə̀hoá lə̀ si, í cɔ̀ɛ̀ nə̀ àmə̀ kə̀ àmə̀wó lə̀ síá." ²⁵ Wólə́ nú nə̀ bə̀: "axotɔ̀, àmə̀wó lə̀ sí vɔ." ²⁶ Ŋ́lə́ nú nə̀ mí bə̀, woá nán àmə̀ kə̀ si í lə̀á, vɔá woá xɔ̀ɛ lə̀ àmə̀ kə̀ ŋ́ wɔ̀ ɖɛá sí í sə̀ŋ́ cɔ̀ nə̀ àmə̀ kə̀ si í lə̀á. ²⁷ Í fiá mí kprɔ tìŋ́ kə́tɔ̀wó vá, àmə̀ kə̀ wóŋ́ lə̀ ji bə̀ mán kpácɛ̀ də́ yə̀ wó jíá o í mí wú wó lə̀ tiŋ́ ŋ́kuvímə̀." ²⁸ Kə̀ í nú ə̀nyɔ̀n nán wó jrɔá, ə̀gbə́ có yi kɔ̀ yə̀rúsalɛmə̀. ²⁹ Ə́vá vámə̀ bə̀ gakə̀mə̀ í tə́bɔ̀ Bethphagə́ kídə́ Bə́thaníán, lə̀ ə̀tò kə̀ wó yɔ̀ nə̀ bə̀ Olivə, yə̀ kpájiá ə̀dɔ yə̀ dɔcɔvi àmə̀və̀, ³⁰ í lə̀ nú bə̀: "mí yí ə̀dú vá tɔ̀àmə̀. Nə̀ mí ɖomə̀án, míán kpɔ̀ kɛtɛkɛ̀tɛ̀ kə̀ àmə̀ ɖə́ŋ́ kánrɛ́n jí kpɔ̀ o. Mí túí í cɔ̀ɛ vá ún. ³¹ Nə̀ àmə̀ ɖə̀ bíɔ̀ mí sə́ bə̀, "núkəíjɔ̀ í mílə́ túá?" Mí nú nə̀ bə̀, axotɔá híɛn." ³² Àmə̀kə̀ wó ɖɔá wó yí, í kpɔ̀ əɔ̀víá sígbə̀ Yésu nuí nə̀ wóá. ³³ Kə̀ wolə̀ tú kɛtɛ́kɛtɛ́ ənútɔ̀wó lə̀ nú nə̀ wó bə̀: "nú kə̀ í jɔ í mílə̀ tú kɛtɛ́kɛ́tɛ́?" ³⁴ Wó ɖóŋ́ún bə̀: "axotɔá húín." ³⁵ Wó cɔ̀ɛ̀ vá nə̀ Yésu, wó cɔ̀ wó wúwó də̀ ə̀sɔ̀viá j́í, í cɔ̀ Yésu kànrɛ́n də̀ j́í. ³⁶ Kə́ wó yi kɔ́á wo& cɔ́ wo wúwó ɖó ɖə́ ə̀mɔ̀n j́í. ³⁷ Gakəmə̀ í lə̀ təbɔ̀ Oliviers yə̀ tóá Barimə̀án, dɔcɔví súgbɔ súgbɔwó? tɔ jí í lə̀ kpɔ̀ jíjɔ̀ í lə̀ káfú Mawu kidə̀ ə̀gbə síísíí cagbə ə̀dɔ̀ gánŋ́gán kə́ í wɔ̀ í wó kpɔ̀á wó, ³⁸ í wó nú bə̀: "woá yrá ə̀fíɔ̀ kə̀ gbɔ̀ nɔ̀n lə̀ axotɔ́ ŋ́kɔ̀ jíá! ŋtifàfà lə̀ jíŋ́korí, í kɔkɔdɔ ji lə̀ tohó yi jí yí jiwó!" ³⁹ Faristɔ də̀wó kə̀ lə̀ ámə̀ wò mə̀án lə̀ nú nə̀ bə̀: "axotɔ, gbə̀ ə̀nyɔ̀n nə̀ tɔ dɔcɔviwó." ⁴⁰ Yésu lə ɖə̀ŋ́ nə̀ wó bə́: "ŋlə́ nú nə̀ mi, nə̀ wó víán, ə̀kpə́wó là vá dàhá!" ⁴¹ Kə̀ Yésu tə́bɔ̀ ə̀dú gánm̀án ə̀fán víín də̀ ɖəkíá ún, ⁴² í nú bə̀: "nə̀ nyí bə́ ə̀nyán ŋ́kə́kə́ kə̀ ə̀núwó nyí ranmə̀ fafatɔá! vɔá wó xrá lə̀ tɔ ŋ́kuvímə̀. ⁴³ Ə̀núkədɔá, ŋ́kə́kə́wó lá vá vá ə̀jí wó kə̀ tɔ̀ kə̀tə̀wó woá tu ə̀nú túmɔ̀n xíxrá də́ wó, woá trɔ də̀ wó, í lá lə̀ ɖó ɖú nə̀ wó lə̀ tòhó ɖə̀siáɖə̀. ⁴⁴ Woá crɔ̀n wó, kidə̀ ə̀viwó. Woŋ́ká gbɔ́ ŋ́ɖə̀kin ɖɛ lə̀ ún wò kə̀ lá nyí ə̀kpə́ də̀ ə̀kpə́ ji o, ənukə̀ɖoá ŋ́də̀sí gamə̀ kə́ Mawu xɔ̀ nə̀ amə̀tɔà á tə̀kpɔ̀ bə̀ yə̀á hɔ̀ nə̀ wò o." ⁴⁵ Yésu ɖo sɛnsɛn yə̀ xɔ̀mə̀, í tɔ̀jí í lə̀ yán àmə̀ kə̀ lə̀ sanúán wó, ⁴⁶ í lə̀ nú nə̀ wó bə̀: "wó ŋrɔ̀nɖɛ bə́,: "tíŋ́ xómə̀ lá nyí ɖə̀xɔ̀xɔ́ yə̀ xómə̀," vɔá míánwó, mí cɔ̀ sə̀ŋ wɔ̀ fráfitɔ́wo dɔ̀." ⁴⁷ Nə́nə̀ Yésu kpránə̀ ə̀nú tə̀gbɛɛ̀ lə sɛnsɛn yə̀ xòmə̀ í vɔsalá tɔ́ gánŋ́gán wó, ənú ŋrɔ̀ntɔ̀ wó, kiɖə́ ɖúmə̀ yə́ mə̀ gànwó lə̀ jí bə̀ yə̀ woá wuí, ⁴⁸ vɔá wó ŋ́ yán sigbə̀ woá wɔ̀ mɔ̀n o, ə̀núkədɔá àmə̀ wó sə́ lə̀ ɖòtoə́ i lə̀ kpɔ̀ kpɛnkpɛnmə nɛn kidə́ jíjɔ̀.