¹ Í lə̀ nú ə̀ló dódó có sigbə́ woá kpɔ̀tɔ́ í lə̀ hóɖə̀ nə̀ woŋ́ká gbɔ̀jɔ̀ o. ² ə̀nú bə́: "lə̀ ə̀ɖú gán ɖə̀ká mə̀án kojóɖótɔ̀ ɖə̀ká lɛ̀ kə́ŋ́ún vɔ̀nvɔ̀n nə̀ Mawu o í ŋ́ bú nə̀ àmə̀ɖə̀ o. ³ Í fiá lə́ ə̀dú ŋ́ nán mə̀án kpósún ɖə̀ká lɛ̀, ívà nə̀ gbɔ̀, í nú nəé bə̀: "kpə́də́ ə̀ún nyə̀ nə̀ tìŋ́ nyɔ̀n nán jɔ̀ lə́ àmə̀ kə̀ nyə̀ kídə́ və̀ mi ɖó nyɔ̀nán gbɔ̀." ⁴ Ə̀núkə̀dɔá có hóhóá ŋ́lə́ ji bə̀ yə̀ á kpə̀də̀ ə̀ún nyə̀ o. Vɔá lə gabúməán, ə̀nú lə́ ɖəkíámə̀ bə́: "tógbɔ̀ bə̀ nyə ún vɔ̀nvɔ̀n nə̀ Mawu o à í nyə ŋ́ bú nə̀ ámə̀ ɖə́ o á, ⁵ gànŋ́kə́, kə́ ahosi lá lə̀ dáyaŋ́án, mà vá kpə́də́ún nə̀ yə̀ nyɔ̀n nán jɔ̀; nə̀ únŋ́ká gbə́ vá tíkɔ́ún kidə́ yə̀ vá vá manə̀ntə̀manɔ̀ntə. ⁶ Í, axotɔá nú bə̀: "mí ɖotó í míán sə́ ə̀núkə̀ kojo máɖó nyɔ̀ngbítɔ̀ lá lə̀ nú. ⁷ Í fíà ɖə́, Mawu ŋ́ká tə́ŋ́ cɔ̀ ə̀nyɔ̀n jɔ̀jɔ̀ nə̀ yə̀ mə̀ cáncánwò kə̀ lə̀ dáhá yɔɛ̀ ə̀zán kídə́ ə̀ŋ́kə́kə́á? a ciŋ́gbə̀ wò ún án? ⁸ ŋ́lə́núi nə̀ mi ázán lə̀ jɔ̀jɔ̀ mə̀ lə́ mándíŋ́dí mə̀ nə̀nə̀ kə́, nə̀ àmə̀ gbətɔví là vá váɖə́ a kpɔ̀ xɔsə̀ lə̀ anyigbán jíá?" ⁹ Sə̀ijíá ə̀lə̀ nú ə̀ló dódó ə̀lá cá nə̀ àmə̀ kə̀ kádə́ wóɖə́kiwó jí bə̀ wó jɔ̀ í nálə́ nú ə̀nyɔ̀n kə́ŋ́ jə̀ də̀ àmə̀ búwóún: ¹⁰ "àmə̀ àmə̀və̀ yíkɔ̀ sɛnsɛn yə́ xòmə̀ nə́ waí xoɖə́ (ɖɛká nyi faristɔ̀ í àmə̀ àmə̀və̀ átɔá nyí tàkɔɛ́ xɔ̀tɔ́.) ¹¹ Faristɔ́á í lə̀ xóɖə də̀ yə̀ŋ́tá tá: "Mawu, ŋ́lə́ dákpə́ nə̀ wó kə́ nyə ún wɔ̀ ɖɛ̀ sigbə́ àmə̀ ɖə̀wó kə nyi núvɔɛ́n wɔ̀tɔ̀wó ə́nə̀ o, àmə̀kə̀ ŋ́j́ɔ̀á wó o matələ́ tɔ̀wó, áló ə̀táhó xɔ̀tɔ̀ ə̀láwó nə? ¹² ŋ́ bránə̀ nu& zə́və̀ lə̀ gbɔngɛngbə ɖə̀ká mə̀ í nán nán ə̀nú àmə̀woátɔ́ lə̀ ə̀nú wósə́ kə̀lə́ asínyə́." ¹³ Vɔá ə̀táhó xɔ̀tɔ́, nɔ̀n azɔ̀gə́ í ŋ́ búí cá bə́ yə̀á kɔ̀ ŋúvíwó yí jíŋ́kori o, vɔá ə̀cɔ̀ aló hó akɔtánú í nú bə́: "Mawu, kpɔ̀á adɔnú mə̀ ŋ́, núvɔɛ́n wɔ̀tɔ̀." ¹⁴ Ŋ́lə́ nú nə̀ mi bə́, àmə̀ ŋ́ nán á ɖó yə̀ xomə̀ j́ɔ̀jɔ̀ sə̀ŋ́ tóvó nə̀ àmə̀ ɖə̀tɔ̀á, ə̀núkəjɔ̀á nə̀ àmə̀ ɖə́ŋ́tá kɔ̀ ɖə́kiá də́ jíá woá vá dídíí, vɔ́á nə̀ àmə̀ ɖə́ búbɔ̀ ɖə́kíá woá vá kɔ́ də́ ji." ¹⁵ Àmə̀wó lə̀ cɔ̀ wó víwó vá nɛ̀ bə nán tálɔ̀ɛ, vɔá dɔcɔviwó kə́lə́ kpɔ̀ woá lə́ tú mɔ̀n nə̀ wó. ¹⁶ Vɔá Yesu lə́ yɔ̀ wó í lə nú nə̀ wó bə̀: "mí gbə̀ ɖə̀ví cúkúviwó ɖɛ̀ nə̀ woá vá ə̀gbɔ̀ nyə̀, míŋ́ká gbə́ nə̀ wó; ə̀núkədɔá Mawu yə̀ fíɔ̀ ɖúxó nyí àmə̀ nán wó mɔ̀nkitɔ̀. ¹⁷ Lə́ ə̀nyɔ̀n dodomə̀án ŋ́lə́ nú nə̀ mi bə̀, àmə̀ ɖə̀ kə̀ ŋ́ká xɔ̀ Mawu yə̀ fiɔ̀ ɖúwó sigbə̀ ɖəvi lá ə́nə̀án, ŋ́ká ɖó mə̀ kpɔ̀ gbə́ɖə́ o." ¹⁸ Àmə̀ kpɔ̀tɔ̀ ɖə̀ká lə́ bíɛ sə́ í nú bə̀: "axotɔ nyɔ̀ngbi, nú kə̀ í mán wɔ̀ í agbə́ mavɔ̀-mavɔ̀ nán nyí tì nyə?" ¹⁹ Yesu lə̀ nú nə̀ bə̀: "nú kə̀ í jɔ í ə̀lə́ yɔ̀ ŋ́ bə́ nyɔ̀ngbi? àmə̀ ɖə̀kɛ́n ŋ́ nyɔ̀n o nə̀ gbə̀ Mawu ɖəkɛn. ²⁰ Ə́yán ə̀səáwo: ŋ́ká wɔ̀ matə́lə́ o, ŋ́ká wúá àmə̀ o, ŋ́ká fifi o, ŋ́ká nyi ə̀nú tohó nɔ̀ntɔ̀ vihotɔ̀ o, bú tɔ dàdá kidə́ tɔ̀ nánnán." ²¹ Àmə̀ kpɔ̀tɔ̀á nú bə̀: "ŋ́wɔ̀ ə̀nú nánwo váyi cókə́kə́ tiŋ́ ɖə̀kɛjɛ vímə̀." ²² Kə̀ Yesu sə́ ə̀nyɔ̀n nán, ə́lə́ nú nə̀ bə̀: "ə̀kpɔ̀tɔ̀ ŋ́ɖə̀ká nə̀ wó. Ə̀ɖó lá sá ə̀nú kə̀ lə̀ asiwoá wó sə́ə́ í nán mɛn nə̀ ayá ɖúviwó, í á wɔ̀ ə̀nú nɔ̀n ámə̀ si ɖɛ lə̀ jiŋ́kori (í nán vá, kprɔŋ́dó." ²³ Vɔá gakə̀mə̀ hotɔ̀nɔ̀n lə̀ sə̀ ə̀nyɔ̀n lá wóá, ə̀ci kpó lə̀ ɖəkiá mə̀, ə̀núkədoá ə̀kpɔ̀ ə̀hó súgbɔ́. ²⁴ Í Yesu kə̀ í lə̀ kpɔ̀á, kə̀ í lə̀ cí kpóá ə̀nú bə̀: "əsinŋ́ nə̀ hótɔ̀nɔ̀nwó bə̀ woá ɖó Mawu yə̀ fiɔ̀ ɖúhóá mə̀! ²⁵ Ə̀núkədɔá á búbɔ̀ nə̀ kɛtɛkɛtɛ bə̀ nán tó tɔ̀nní yə̀ domə̀ sə́ŋ́wú nə̀ hótɔ̀nɔ̀n nán ɖó Mawu yə̀ fíɔ̀ ɖúxoá mə̀." ²⁶ Àmə̀ kə̀ lə̀ ɖòtoə̀áwó nú bə̀: "nə̀ í nyí ə̀nə, min kə̀ í lá tə̀ŋ́ kpɔ̀ ɖə́ɖə́?" ²⁷ Yesu ɖò ún bə́: "ə̀nú kə̀ nyí mawɔ̀-mawɔ̀ nə̀ àmə̀woá wó nyí wɔ̀wɔ̀ nə̀ Mawu." ²⁸ Pətró nú nə̀ bə̀: "ə̀nyɔ̀n, mí dáci mián núwó sə́ ɖɛ̀ í kprɔ̀ wó dó." ²⁹ Í Yesu lə̀ nú nə̀ wó bə́: "lə̀ ə̀nyɔ̀n dòdò mə̀án, ŋ́lə́ nú nə̀ wó bə́ àmə̀ ɖə̀kín ŋ́lɛ̀ kə́ cógbə̀ yə̀ xó ɖɛ̀, aló ásíá, aló nɔnvíáwó, aló yə̀ dàdáwó, aló éəviáwó cagbə̀ Mawu yə̀ fíɔ̀ ɖúxótɔ̀, ³⁰ kə̀ ŋ́ká xɔ̀ səŋ́wú lə̀ xíxə́ lá mə̀, lə̀ xíxə́ kə̀ gbɔ̀ nɔ́n àmə̀ agbə̀ mavɔ̀-mavɔ̀ à o." ³¹ Lə̀ ŋ́ nán yə̀ ŋ́gbə́á ə̀bɔ́ àmə̀ àmə̀wuivə̀ wó ɖə̀ ɖə̀kiá gbɔ̀, í lə̀ nú nə̀ wó bə̀: "mí kpɔ̀, mí yi kɔ̀ yərúsalɛmə̀, í ənúkə́ ə̀nyɔ̀n nú ɖɛ tɔ̀wó wó ŋrɔ̀nán sə́ də̀ àmə̀ gbə̀tɔ̀ viá ún woá vá mə̀. ³² Ənúkədɔá woá cɔ̀ɛ nə̀ vodú wɔ̀tɔ̀wò, i woá zuí, í woá wɔ̀ ə̀nú kə̀ nyí ŋ́kɛn nú də̀ ún í woá tútán də̀ ún, ³³ í nə̀ wó xòə́ jrɔ̀á và wui í nyicɔ̀àmə̀án, á vá fɔ̀n cítə̀." ³⁴ Wòŋ́ lə̀ sə́ ə́nú lá wó ɖə̀kɛn gɔ̀mə̀ o í ətó dodo lá wá ɖə̀ wò, í woŋ́ lə̀ sə́ ənú kə̀ wó ì nùán wó gɔ̀mə̀ o. ³⁵ Ə̀vá vámə̀ kə̀ Yésu tə̀bɔ̀ yəriko ŋ́kúví tɔ̀nnɔ̀n ɖə̀ká kánrɛ̀n də̀ ə̀mɔ̀n tó ɖɛ̀, í lə̀ bíɔ̀ nú, ³⁶ í lə̀ sə́ kə̀ àmə̀wó vá yí kɔ̀, ə̀lə̀ bíɔ̀ ə̀nú kə̀ lə̀ jɔ̀á sə̀. ³⁷ Wo lə̀ nú nə̀ bə̀ Yésu Nazareth tɔ̀á í lə̀ tò lə̀ lá. ³⁸ Í ŋ́kuví tɔ̀nnɔ̀nán dàhá, í nú bə̀: "Yésu, David yə̀ vi, kpɔ̀ adɔ̀númə̀ŋ́?" ³⁹ àmə̀ kə̀ lə̀ zɔ̀n lə̀ yə̀ ŋ́kɔá woá lə̀ tú mɔ̀n nə̀ ŋ́kuví tɔ̀nnɔ̀nán, í lə̀ nú nɛn bə̀ nán víí. Vɔá ə̀gbə́ dàhá sɛnsɛn wú: "David yə̀ ví kpɔ̀ adɔ̀nnúmə̀ŋ́." ⁴⁰ Yésu nɔ̀ntə́ í bə̀ woá kprɔ̀ àmə̀án vá. Í kə́ ŋ́kuvi tɔ̀nnɔ̀nán tə̀bɔɛá, Yésu lə̀ biɛ sə́ bə̀: ⁴¹ "nú kə̀ í ə̀jí bə̀ mán wɔ̀ nə̀ wò?" ə̀nú bə̀: "axotɔ, ŋ́lə́ jímá kpɔ̀ ŋ́nú." ⁴² Yésu nú nə̀ bə̀: "kpɔ̀ ŋ́nú, tɔ̀ɔ́ xósə́ dàdɔ̀ nə̀ wò." ⁴³ Lə̀ zə́ɖə̀ká, ə́kpɔ̀ ŋ́ú í kprɔ̀ Yésu do í lə̀ kafú Mawu. Kə̀ wó kpɔ̀ ə̀lá, àmɔ̀ wò sə́ kàfú Mawu də̀ ə̀ji.