¹ Yésu, kɔ́ tá yiji, í kpɔ́ hotɔ̀nɔ̀nwó lə́ cɔ́ wó nú nánnán də́ kisimə̀. ² Əgbə̀kpɔ kpósú áyá ɖútɔ̀, kə̀ cɔ̀ əhó gá cúkúví àmə̀və̀ də̀ mə̀. ³ Í ínubə́: "lə́ nyɔ̀n dódómə̀án, ŋ́lə́ nú nə̀ mí, kpósú áyá ɖútɔ̀ nàn í də́ mə̀ wú àmə̀siamə̀. ⁴ Amə̀ là wó séé cɔ̀ kə̀ kpɔ̀tɔ̀ lə́jiá í səŋ wɔ̀ ə̀nú nánnán. Vɔá kpósú lá, cɔ̀ kə́lə́ si séé ə̀nú kə̀ í wɔ̀ ɖɛ séé bə̀ yə̀á sə̀ŋ́ nɔ̀n àgbə̀ à." ⁵ Kə̀ àmə̀ ɖə̀káwó lə̀ xónú có sɛnsɛnxɔ́á ún, sigbə́ ɖò a cɔ́ nə̀ kidə́ ə̀kpə́ nyɔ̀ngbiwó kiɖə́ ə̀nú nánnán wó, ə̀nú bə̀ ⁶ "ə̀nú nánwó kə̀ milə́ kpɔ̀á, ŋ́kə́kə́ wó ká vá va kə̀ ŋ́ká kpɔ̀tɔ̀ ə̀kpə́ də̀ ə̀kpə́ ji kə̀ŋ́ká gú ò." ⁷ Wò lə́ bíɔɛ sə̀ bə̀: "áxótɔ̀, gákééməí ə̀nú nán wó ká vá và mə̀? nú kééí lá nyí də̀siwó gakə́mə̀ ə̀nú nánwó lá vá va?" ⁸ Yésu ɖó ŋún bə̀: "mí ləbə nə nə miaɖəkíwó nə̀ wó ŋ́ká ɖú míán jí ó. Ə̀núkədɔá àmə̀ súgbɔ̀wó lá vá lə̀ tiŋ́ kɔ̀ jí, í nú nə mi bə: "ənyɛ̀n í; gamə̀á tə́bɔ́, mí ŋ́ká kprɔ̀ wò dó ò. ⁹ Ŋə̀ mílə̀ sə́ wólə́ xònú có ahúáún kidə̀ àmə̀ có də́ àmə̀ ún wó, mí ŋ́ká vɔ̀nvɔ̀n ò, ə̀núkədɔ̀á ə̀nú nán wó ɖò lá vá gbɔ̀xó, vɔá kpɔtíá kpɔ̀tíá ŋ́ká nyí zə́ ɖəká o." ¹⁰ Í gbə yíjí í nú nəwó bə: "ə́dú lá có də́ ə́ dí bú ŋún, í fíɔdúxó lá có də́ fíɔ dúxó ŋún. ¹¹ Anyigbán ŋúŋún gánŋ́ gánwólá vá vamə̀, lə̀ tóhó vòvòvò wómə̀, fúfə́ kídə̀ àmə̀ kúkú súgbɔ̀ wó ə̀nú jɔ̀jɔ̀ sɛŋú-sɛnŋú wó lá vá va kidə̀ də̀sí gánŋ́gán wó lə̀ jíŋ́kórí. ¹² Vɔá, j́ə́ŋ́kɔ̀ nə ə́nú nán wó sə́ à, woá cɔ̀ wó láwó də́ mián jí, wóá xá mí dó woá kprɔ̀ nù yí bɔ̀bɔ̀ tóhó, woá cɔ̀ mì də́ xáxá tòhó, woá vá cɔ̀ mì yí ə̀fíɔ́wó ŋ́kɔ̀ kidə́ ə̀dú kprɔ̀tɔwó ŋ́kɔ̀ càgbə̀ tìŋ́ kɔ̀ tɔ. ¹³ Hínan á vá nan ə mían təŋú nú ənú kə mí kpɔ́áówo. ¹⁴ Nənə kə mí ŋ́ká vá cɔ̀ɛ də́ mìán jíwó mə̀ sigbə̀ mìán vá bú àmə̀ ɖə̀kí xɔ̀xɔ̀ lə́ ə̀nú códə́ àmə̀ ún yə́ ŋ́kɔ̀ o. ¹⁵ Ɖó mán vá cɔ̀ ə̀nyɔ̀n vəvəɖə́wó nə́ mí kídə ŋúnú nyán nyán kə̀ mìán kə́tɔ́wó ŋ́ká tə́ŋ́ vá nɔ̀n tə́ lə̀ nɔmi wɔ̀ núbú í sə̀ŋ tovó nə̀ míán tɔ̀ á o. ¹⁶ Vɔá míán jítəwó lá cɔ́ mí nán, mìán nɔ̀nviwó, míam mə̀ wó kídə́ míán xrɔ̀wó í woá wú amə̀ súgbɔ̀ lə́ míán mə̀. ¹⁷ Amə̀ wó séé lá lə́kə̀ mi cagbə̀ túŋ kɔ́ tɔ́. ¹⁸ Vɔ̀á míán tá ɖá ɖə́kín ŋ́ká bú ò. ¹⁹ Tó mìán və̀və̀ ɖə́ɖə́ məán, mìán ɖú jí nə́ mìán sə kə dó mían wó. ²⁰ Ŋə́ mì vá kpɔ̀ áhúá wɔ́tɔ́wó xíxrádə́ yə́rusalɛmə̀án, mì nyin bə́ yə́ cɔ̀ncrɔ́n tə́bɔ̀. ²¹ Í, àmə̀ kə́ lá nɔ́n yudéà wó à, wóá sí yí ə́tówó mə̀, í àmə̀ kə́ lá nɔ̀n ə̀dú gán mə̀àn wóà wóà có í yi í àmə̀ kə́ lá nɔ̀n ə́xámə̀ lə́ lə́ ŋ́ nán wóá wóŋ́ká ɖó mə̀ o. ²² Ənúkədɔá wóá nyí wɔ də̀nú yé ŋ́kə́kə́ nə́ ənú ŋrɔdɛáwó séé jí jə̀jə̀ séé. ²³ Bábá nə́ yɔnrún kə́ lá fɔ̀fúdɛáwó kidə́ kə lá lə́ wó viwó dɛ̀ lə̀ nkə̀kə̀ nàn jí! Ə̀núkədɔá á vá vámɔ̀ bə́ amə̀wó nú lá dúàdɔnnú lə́ ə̀dúá sée mə̀, kidə́ hómə̀fíɛn də́ ə́dú nán mə̀ tɔ́wóji. ²⁴ Wóa vá gə́jín bə́ ahuawi ɖáɖá wó mə̀, wóá vá nyi àmə̀ lə́lə̀ wó lə̀ ə̀dúá sə́ mə̀ í àmə̀ maxɔ̀sə̀wó lá táfɔ̀ yə́rusalɛmə̀ jí kə́kə́ í vá ɖó gakə́mə̀ àmə̀ maxɔ̀sə̀wó wó nú wɔ̀wɔ̀ wó nán vá vámə̀. ²⁵ Də́siwó lá zə́ lə̀ nyídɔ́nmə̀, lə́ xlétimə̀kidə́ xlétiviwo mə. Í lə̀ anyigbàn jía və́və́ sə́sə́wó lá vá và amə̀wóji lə́ ə̀dúwó kə̀ wó woŋ́ká tə́ŋ́ gbə́ nyán ə̀nú kə̀ woá wɔ̀ wɔ̀ lə́ ahú kidə́ yə́ gbàngbàn yə́ dán wɔ̀wɔ̀ wó mə ò o. ²⁶ Amə̀ wó lá kú ŋǝ̀ lǝ̀ ǝ̀tǝ́ ŋɔ̀ŋ ŋɔ̀ŋkpɔ ǝ̀núkǝ́ ká ʋá jɔ̀ lǝ́ anyigbán jiá dó jiŋkóri lá ŋún-ŋún. ²⁷ Lǝ̀ nán í, wóá vá kpɔ̀ àmǝ̀ gbǝ̀tɔ̀víá lá có akpɔ̀kpɔ̀ wó mǝ̀ kidǝ́ ǝgàn kidǝ́ kpɛn kpɛn mǝ̀. ²⁸ Nǝ́ ǝ́nú nán wó vává, mí fɔ̀n nǝ mían fɔ́ntá tá dǝ́jí dó vóvó ²⁹ yésu dó ló dǝ́ká nǝ̀ wó " mì kpɔ̀ ƒɔ̀ŋkútí kidǝ́ atí kpɔtia wó fée. ³⁰ Nǝ̀ wò mìàn míàn nyín bǝ́ cí ŋɔ̀nríŋ tǝ́bɔ̀. ³¹ Nǝ̀nǝ̀ kǝ̀, nǝ̀ mì lɔ̀ kpɔ̀ ǝ́nú nánwó vá váa bǝ́ Mawu yǝ́ fíɔ ɖúhóá tǝ́bɔ̀. ³² Lǝ́ ǝ́nyɔn dódó mǝ̀án, jiyimǝ̀ vílá-wóŋká va yí kǝ́ kǝ̀ mí ŋká kpɔ ǝ̀núnan wó ò. ³³ jíŋ́korí kidǝ́ anyígbán wóá va yi, vɔ́á tìŋ nyɔ̀nwó kpɔ̀ ò. ³⁴ Mú lǝbǝ mían ɖǝ ciwo nǝ mí ŋkáa, vɔnvɔn bǝ́ míán jíwó májɔ̀ máyɔ̀wo wó, áhaá núnú wó kídǝ́ xixǝámǝ̀ yǝ́ támǝ̀ búbú wó nǝ́ ŋ́kǝ́kǝ́ nán ŋ́ká vá vá nǝ́ míkpátá. ³⁵ Sigbǝ́ fǝ́cá ǝ́nǝ́ ò. ǝ́núkǝdɔá jí wó sǝ́. ³⁶ Mí nɔ̀nùn ɖɛ̀ gaxi à ganǝ́ xòɖǝ nǝ́ mían gró ǝ́nú nán wó sǝ́ kǝ́ ká vá vámǝ́. Ímìán vá nɔ̀ntǝ́ lǝ̀ àmǝ̀ gbǝ̀tɔviá yǝ́ ŋkúvímǝ̀ ³⁷ Nǝ̀nǝ̀ kǝ́, ŋ́kǝ́kǝ́ kǝ́ yésu lǝ́ kprá nú lǝ́ sɛnsɛnxómǝ án? ǝ́ɖó lá vɛ̀ ci olívíers yǝ́ toá ji ǝ́zánmǝ́. ³⁸ ǝ́dú sǝǝ́ lǝ́ nyí dí mǝ̀ kábá vá gbɔ̀ nǝ́ wóa ɖó tóé