¹ Ífiá əhó jɔtɔ̀wó sə́ə́ kídə ənú vɔ̀ɛ́n wɔ̀tɔ̀wó wo lə̀ vá Yesu gbɔ̀ bə́ yə̀ woá ɖòtóə́. ² Faristɔ̀wó kidə́ ənú ŋrɔ̀ntɔ̀wó wò lə̀ gbɔ̀n huihrui lə̀ woŋ́tá mə̀ í lə̀ nú bə̀: "àmə̀ lá lə̀ xɔ̀ amə vɔ̀ɛnvó, í lə̀ ɖúnú kídə́wó caá." ³ Yesu lə̀ nú əló dodo əlá í lə̀ nú bə: ⁴ "amə kə́ í lə̀ mían mə nə wɔ̀ ərán kavətakpɔ́ ɖɛ̀ í ɖəká bú lə̀ mə̀, i ŋ́kaá dáci kavə̀ ciwó cíásíɖəkɛ̀ɛ lə̀ zógbə́ji, í lá vá jí kə̀ bú kə́kə́ í vá kpɔɛ. ⁵ Í nə̀ i vá kpɔ̀ɛ̀á, á cɔɛ̀ ɖə yə́ bɔ̀tá í kpɔ̀ jíjɔ̀. ⁶ Nə̀ í vá ɖó àxomə̀án, ɛbɔnə̀ əxrɔ̀áwó kídə́ ámə̀ kə̀ tɛbɔá wó í nán nú nə̀ wó bə̀: "mí kpɔ̀ jijɔ̀ kidə̀ŋ́ɔ ənukəjɔá ŋ́ kpɔ̀ tìŋ́ rɛngbɔ nɔ̀n kə̀ búá," ⁷ Səíjía, ŋ́lə̀ nú nə̀ mí bə̀ jíjɔ̀ á nɔ̀n jíŋ́kori nə̀ ə̀nú vɔɛnwɔtɔ́ kə́ trɔ̀ jímə̀ sə́ú kavə̀ cí wó cí asiɖəkɛ̀ kə̀ wóún híán jímə̀ trɔ̀trɔ̀ o. ⁸ Aló, yɔ̀nrɔ̀n kə̀ í wɔ̀ cɛ̀ŋ́jí àmə̀wó í nə̀ íbú ɖəká ŋ́kaá si kanɖə́ í kpɔ̀ axoámə̀, í lə̀ jí və́və́ɖə́ kə́kə́ í vá sə́ŋ́ nán gàkəmə í kpɔ́á o? ⁹ Í nə í kpɔ́á əbɔ̀nɔ̀n əxráwó kídə́ amə kə́ yə́ hó tə bɔ̀á wó, í nán nú nə̀ wó bə̀: "mi kpɔ̀ jíjɔ̀ kidə́ŋ́, ənúkə̀dɔ̀á ŋ́kpɔ̀ əhó ɖəká kə̀ŋ́ sə́ŋ́ búá." ¹⁰ Səijí, íŋlə́ nú nə̀ mí bə̀, jíjɔ̀ lə̀ Mawu eŋedotɔ́wó mə̀ nə̀ núrɔɛ́n wɔ̀tɔ̀ ɖəká trɔ̀ jímə̀. ¹¹ Í lə̀ ŋ́ nán Yesu nú bə̀: "àmə̀ ɖəká wɔ̀ əví àmə̀və̀ ɖɛ̀, ¹² í ɖəví cukuviá lə̀ wó mə̀án núnə̀ yə dàdá bə̀: "dàdá cɔ̀ cínɔ̀n nú kə̀ lá nyí tìŋ́ nyən ífíá." Í lə̀ ŋ́ nán əmán yə̀ nú kə̀ í wɔ̀ ɖɛ̀á nə̀ wó. ¹³ Lə̀ ŋ́kə́kəá ɖə̀ wóŋ́gbə́á, àmə̀ kə̀ nyi ɖəví cukuviá bɔ̀ nú kə̀ trɔ̀ zún nyə tɔ̀á wó sə́ə́ í yí ədú díŋ́dí ɖəkà mə̀, í lə̀ ŋ́ nán ə̀tɔ̀ji í lə̀ dáhɛ́n yə̀ hó, í lə̀ xrə́ ə̀nú kə́ ŋ́hin ca ílə̀ dàhɛ́n ə̀hóá lə̀ agbə nɔ̀nnɔ̀n bádábádámə̀. ¹⁴ Kə̀ í zín vɛ̀ sə́ə́á fúfə́ gánŋ́gán ɖəká dó lə̀ afísiáfí lə̀ ə̀dú nán mə̀, í ə̀núwó vɔtə́ í lə̀ ɖó híánmə̀. ¹⁵ Ə́yi í vɛ̀ tɔ̀ ə́do wɔ̀wɔ̀ kídə́ ə̀dú nán mə̀ tɔ̀ ɖɛká kələ́ dɔ̀ɛ̀yi yə̀ bomə̀ nə̀ avɛ̀ lə̀ nán ə̀dúdú ə̀hánwó́. ¹⁶ Ə̀ji caá bə̀ yə̀ á ɖú əhánwó ə̀ɖúɖú caá gánkə́ àmə̀ ɖəkin ŋ́nin o. ¹⁷ Vɔá kə́ ɖəvi lá yi ɖǝkíá mə̀án ə̀nú bə̀: "zə́ nínnín tìŋ́ dàdá yə̀ kpovitɔ wó ə̀ɖúɖú súgbɔ̀ lə̀ wósi i lə̀ ládɛ̀ í lə̀ kú nə̀ fúfə́! ¹⁸ Mán có lə̀lá í mán yi tìŋ́ dàdá gbɔ̀, í mán nú nə̀ bə̀: "dàdá, ŋ́ wɔ̀ núvɔ̀ɛn ɖə̀ jiŋ́koriún kidə́ wó caáún. ¹⁹ Nyə gbə̀ nyɔ̀n bə̀ woá yɔ̀ŋ́ún bə̀ ə̀viwó o; wɔ̀ŋ́ún nə̀ mán nyi axóá ji kpɔ̀tɔ̀ wó mə̀ ɖəká." ²⁰ Có ŋ́ nán mə̀án ɖəvi lá có í vá yi yə̀ dàdá gbɔ̀. Kə̀ í lə̀ diŋ́di tóhóá, yə dàdà kpɔ̀ɛ̀ í ɖú ádɔ̀nnú nə̀ i súdú i kpraá ló də̀ cɔ̀ nə̀. ²¹ Ə̀viá nú nə̀ bə̀: "dàdá, ŋ́ wɔ̀ núvɔ̀ɛ́n də̀ jíŋ́koriún kidə́ tɔ̀ŋ́ kúvimə̀. nyəŋ́ gbə́ mán nyí əvíwó o." ²² Yɔ̀ dàdá nú nə̀ yə̀ dɔcɔviwó bə̀: "mi cɔ̀ awú nyɔ̀ngbi vá kagbá í mián dòə́ nə̀ í mián dó alogaví nə̀ í mián do afɔ̀kpáwó nə̀. ²³ Í míán cɔ̀ lálá nɔ̀n dami í wuí í míán ɖuí sigbə́ azán nə̀. ²⁴ Ənukədɔá əvi nyə kú, ifia í lə̀ agbə̀. Ə́bú ífíá mí trɔ̀ kpɔɛ̀" í wó tɔ̀ji azán ɖúɖú. ²⁵ Lə gánámə̀án, fófóá lə́ bomə̀ ɖɛ̀. Kə̀ í trɔ̀ gbɔ̀nɔ̀n í təbɔ̀ axomə̀án, əsə́ ə̀hún xòxò kidə əwə́ ɖúɖú. ²⁶ Í yɔ dɔcɔviwó ɖəká i lə̀ biɛ̀ sə́ ə̀nú kə̀ i lə̀ sə́áwó nyíán. ²⁷ Dɔcɔviá lə̀ nú nə̀ bə̀: "tɔ̀ nɔ̀nvi trɔ̀ và axomə̀ í tɔ̀ dàdà wú lálá nɔ̀n dámi ɖəká ənúkəjɔá ə̀gbɔvá lə̀ nyɔ́ngbí mə̀ í ŋ́ ɖəkin wɛ̀ o." ²⁸ Əvi kə́lə́kə́lə́ tɔ́a wɔ̀ xomə̀fiin í ŋ́ gbə́ ji bə́ yə̀ á ɖó axóámə o, vɔá yə̀ dàdà dò vá í lə̀ biəə́. ²⁹ Vɔá əvi ŋ́kɔ̀tɔ́ ɖoŋ́ún nə̀ yə̀ dádá bə́: "kpɔ̀, ə̀lá wɔ̀ ə̀hó súgbɔ̀ kə̀ ŋ́ lə́ kpə́də́əúnwó, í nyíŋ́ ja gɔ̀ ɖə̀ də̀ ə̀jiwó kpɔ̀ o, í gánkə́, ŋ́cɔ̀ ə̀gbɔ̀ví ŋ́ kpɔ̀ bə̀ má ɖú azán kidə́ ə̀xrɔ̀ nye wó o, ³⁰ vɔá kə̀ ə̀viwó àmə̀ kə̀ zán tɔ̀ núwó nyánma nyánmaán kídə matələ́tɔwó, ə̀wú lálánɔ̀n damí nín." ³¹ Yə̀ dàdá nú nin bə̀: "ə̀vi, ə̀lɛ̀ kídə̀ŋ́ gásígámə̀ í ə̀nú kə̀ nyi tì nye sə́á nyí tɔ̀wó. ³² Vɔá ə̀nyɔ̀n nə̀ mí bə̀ míán ɖú azán i míán kpɔ̀ jíjɔ̀, ə̀núkədɔá tɔ̀ nɔ̀nví kə̀ ə̀lə̀ kpɔ̀á í kú ifiá ə̀lə̀ agbə; ə̀bú ífíá mí trɔ̀ kpɔ̀ɛ̀."