¹ Lə gbɔ̀ndə̀mə̀ yə̀ ŋ́kə́kə́a jiá kə́ í yí kɔ̀ farstɔ̀ yə̀ fíɔ̀ ɖəká yə̀ xomə̀ lə̀ bə̀ yə̀á vɛ̀ ɖú núán, faristɔ̀wó lə̀ bə̀ ŋ́kùví də́ŋ́n tútútú. ² Kpɔ̀ lə̀ yə̀ ŋ́ kɔ̀á mə̀ ɖə́ká lə́ ŋ́ nán í lə̀ rə́rə́ nə̀ tenten dɔ̀ lə́lə́. ³ Yesu lə̀ biɔ̀ nyɔ̀n àmə̀ kə́ nyí ə̀sə̀ kprá àmə̀ tɔ̀wó yiŋ́kɔ̀ lə̀ yúdátɔ̀wó kídə́ faristɔ̀wó mə̀ bə̀: "mián sə́á ɖə̀mɔ̀n bə̀ woá daádɔ lə̀ gbɔ̀ndə̀ yə́ ŋ́kə́kə́á jíá nɔ̀nmí o?" ⁴ Vɔa àmə̀ ɖə̀ŋ́ kə̀nu o. Í Yesu taloɛ̀, í daádɔ nə̀ i dací ɖɛ̀ í yi. ⁵ Í lə́ nú nə̀ wo bə̀: "mɛ́kə́ í lə̀ mián mə̀ í ə̀vi lə̀ si aló lálá í gəjín də̀ dótɔ̀mə̀ lə̀ gbɔ̀ndə̀mə̀ yə̀ ŋ́kə́kə́á jí í ŋ́ká ɖə̀ zə́ɖə́kɛn o mán?" ⁶ Wóŋ́ sutə bə̀ woá nán ɖòŋ́tí nə̀ ə̀nú nán wó. ⁷ Kə Yesu kpɔ̀ɛ̀ desí bə̀ àmə̀ kə̀ wò yɔ̀awò lə̀ cán bùbù də̀ àmə̀ún yə́ tóhówóá ədóló ɖə̀ká ə̀lá nə̀ wó í nú nə̀ wó bə̀: ⁸ "nə̀ wó yɔ̀ mí nə̀ nyɔ́nrún ɖə́ɖə́á, míŋ́ká kànrɛ́n də́ búbú də́də́ àmə̀ yə́ tóhóá o, ə̀núkəjɔà atə̀ŋ́ vá vá mə̀ bə̀ wó yɔ̀ àmə̀ kə nyí ŋ́kuvitá wú miáwó cá. ⁹ Nə̀ àmə̀ kə́ yɔ̀ mián wó sə́ə́á vá ɖoá, á nú nə̀ wó bə̀: "cɔ̀ tɔ̀ tòhó nə̀ àmə̀ lá," hótɔ̀nán kídə́ ə̀ŋ́kpánán á vɛ̀ nɔ̀n ŋ́gbə́. ¹⁰ Vɔă nə̀ wò yɔwóá, yi í nán vɛ̀ kànrɛn də́ ŋ́gbə́ tóhó lə̀ŋ́nán àmə̀ kə́ yɔ woá nə̀ í vá ɖoá, á tə̀ŋ́ nú nə̀ wó bə̀: "əxrɔ̀nyə yíŋ́kɔ̀." ánan bə́ búbú ə̀únwó lə̀ àmə̀ kə́ kànrɛ́n de tavúún wó sə́ə́ ŋ́kúvímə̀ kidə́ woá. ¹¹ Ə̀núkədɔá nə̀ àmə̀ ɖə́ kɔ̀ ɖə̀kiá də́ jíá woá ɖíɖíí, í àmə̀ siámə̀ kə̀ ɖíɖí ɖə̀kiá woá cɔɛ̀ də́ ə̀ji." ¹² Yesu lə̀ nú nə̀ àmə̀ kɛə̀ yɔ̀ ámə̀ wó ca bə́: "nə̀ ə̀wɔ̀ ɖòɖò nə̀ azán ɖúɖúá, ŋ́ká yɔ̀ tɔ xrɔ nɔ̀nmí tɔ̀ nɔ̀nvi wó, tɔ̀ dàdáwó nɔ̀nmí hótɔ̀nɔ̀n kə mi lə̀ tóhó ɖəká ɖɛ̀á o kidə́ súsú bə́ wó ca woá vá yɔ̀ wó də́ nú, ílá wɛ̀ nə̀ wo ca sigbə́ ə̀wɛá o. ¹³ Vɔa nə̀ ə̀lə grádo ə̀ɖúɖú súgbɔ̀á, yɔ̀ wámɔ̀nnɔ̀n wó, ranmə̀tùtùtɔ̀wó, àmə̀ kə́ lə̀ tángrə́áwó kidə́ ŋ́kuví tɔ́nɔn wó. ¹⁴ Í avá jəjínə̀ wó, ə̀nukədɔá woŋ́ká tə̀ŋ́ wɛ̀ nə̀ wo sigbə̀ əwɛ̀á o. Ə̀núkədɔ̀á woá wɛ̀ nə̀ wó lə̀ àmə̀ jɔ̀jɔ̀á wó fɔ̀nfɔ̀n nə̀ wó lə̀ àmə̀ jɔ̀jɔ̀á wó fɔ̀nfɔ̀n mə̀." ¹⁵ Kə̀ àmə̀ ɖə̀ká kə̀ lə̀ àmə̀ kə kànrɛ́n kídə Yesu sə́ ə̀nyɔ̀n nán woá, ə̀lə́ nú nə̀ bə̀: "anyɔ̀n nə̀ àmə̀ kə̀ lá vá ɖú nú ləé Mawu yə́ fíɔ̀ ɖúxoámə̀!" ¹⁶ Vɔa Yésu lə̀ nú nə̀ bə̀: "àmə̀ ɖəká avá jráádó azán gánŋ́gán ɖə̀ká í lá vá yɔ̀ àmə̀ súgbɔ̀wó. ¹⁷ Nə̀ ə̀ɖúɖúá sɔ̀gbə̀á, avá dɔ̀ yə́ dɔcɔ̀viwó nə̀ wóá nú nə̀ àmə̀ yɔ̀yɔ̀áwó, "mí vá ə̀núkədɔá ənúsiánú sɔ̀gbə́ ɖɛ̀ ífiá." ¹⁸ Àmə̀siámə̀ lə̀ bíɔ̀ gbə̀ tó kúkú ɖə́ɖə̀mə̀. àmə̀ kə́lə́kə́lə́ tɔ̀á nú nə̀ bə̀: "ŋ́xrə́ ə̀bó ɖə̀káá í ɖó lá vɛ̀ kpɔɛ̀ ɖə́mɔ̀n ún í mán yí í vɛ̀ kpɔɛ̀." ¹⁹ Àmə̀ bú nú nə̀ bə̀: ŋ́xrə́ lálá àmə̀wó í ŋ́ká vɛ̀ tə́wokpɔ̀ bə woá tə́ŋ́ də́bó nyɔ̀ngbi mán séŋ́ kə́ŋ́ nə̀ í jrówo." ²⁰ Í àmə̀ bú nú bə́: "ŋ́ɖə̀ yɔ̀nrɔ̀n, yə̀ táɖó nyə ŋ́kaá tə́ŋ́ vá o." ²¹ Dɔcɔvíá vá nú ə̀nyɔ̀n lá wó nə̀ yə̀ xótɔ̀. Í wɔ̀ homə̀fɛn ì nú nə̀ dɔcɔviá bə̀: "yí mɔ̀nwó jí kidə̀ ə̀dú ganmə̀ yə̀ tóhówó í nán kprɔ̀ɔ wóámɔ̀nnɔ̀n wó, ŋ́kuví tɔ̀nnɔ̀nwó kidə́ àmə̀ kə̀ lə̀ tángrə́awó." ²² Dɔcɔvi nú bə̀: "àxótɔ̀, ə̀nú kə̀ bíɔ sɔ̀gbə́vɔ̀ í tóhó gbə̀ kpɔ̀tɔ̀ ɖɛ̀." ²³ Axotɔá nú nə dɔcɔviá bə́: "yí ə̀mɔ́n gánŋ́gán wó jí kidə́ tóhó kə́ wó hádɛwó í zíójí nə̀ wóà vá kə̀ŋ́gbɔ̀ hó tìŋ́ hòmə̀ nán ɖɔ̀. ²⁴ Ə̀núkədɔá ŋ́lə nú nə̀ mí bə̀, àmə̀ ɖəkɛn lə̀ àmə̀ kə̀ wó yɔ̀áwó mə̀ kə̀ ŋ́kaá vá ɖɔ̀ tìŋ́ ɖúɖú kpɔ̀ o." ²⁵ Àmə̀ súgbɔ̀wó yíkɔ kídə́, í trɔ̀ i lə̀ nú nə̀ wó bə: ²⁶ "nə̀ àmə̀ ɖə́ vá ə̀gbɔ̀n nyɔ í ŋ́lə̀kə̀ yɔ̀ ŋ́taá ɖàdá, nànnaán, yɔ̀nrɔ̀n; ə̀vi, nɔ̀nví ŋ́cú nɔ̀nví nyɔntuín ɛɛn ŋ́kaá tə̀ŋ́ nyi tìŋ́ də̀kprɔvi o. ²⁷ Àmə̀íámə̀ kə̀ŋ́kaá tə̀ŋ́ cɔ̀ yə̀ ŋ́toá tícogà í kprɔ̀ŋ́ doá ŋ́kaá tə́ŋ́ nyi tíŋ́ dɛkprɔví o. ²⁸ Ə̀núkə̀dòá àmə̀ kə̀ í lə̀ míán mə̀, íjí bə yə̀á tú xɔ̀ gróbótó kɔ̀kɔ̀, nə̀ ŋ́ kanrɛn gbɔ̀xó í waá kɔ̀nŋ́tá nə̀ ə̀nú kə̀ ahúnán wó o nə asə̀ŋ́kpə̀á nə̀ a nyán? ²⁹ Lə́ ákpá bú mə̀aán, nə̀ í lə̀ ɖo gɔmə̀ kpə́á í tə̀ŋ́ wɛ̀ jrɔ̀á, àmə̀kə̀ lə̀ kpɔ̀ɛá wó sə́á woá vá tɔji í lə̀ zúí. ³⁰ Í lə̀ nú bə: "àmə̀ lá tɔ̀jí ə̀xɔ̀ tútú í ŋ́tə̀ŋ́ wɛ jrɔ̀ o. ³¹ Alo ə̀fiɔ kə̀ í, gakə̀mə̀ í yí kɔ̀ ahúá wɔ̀ gbə́ kiɖə́ ə̀fiɔ bú, í ŋ́ kaá vá kanrɛn gbɔ̀xó í vá bíɔ ə̀nú kpákprá nə̀ atə̀ŋ́ cɔ̀ àmə̀ kawuívɔátɔ̀n tóhó àmə̀wó í wɔ̀ ahúá kidə́ ə̀fíɔ bú kə́ gbɔ̀nɔ̀n kidə́ àmə̀ kawuiwɔátɔ̀n tóhó ə̀wuí? ³² Aló, gákə́mə̀ əxrɔ̀á lə̀ ɖíŋ́di tóhóá á dɔ̀ àmə̀ nɔ̀n tóhó tɔ̀ nə̀ á vɛ̀ biɔ̀ nɔ̀nnɔ̀nmə̀ kə lá híán rànmə̀ fáfá vá. ³³ Sə̀íjiá, mián ɖomə̀ tɔ̀ ɖəkɛn ŋ́kaá tə̀ŋ́ nyi tìŋ́ dɔcɔví nə̀ŋ́ gbə̀ nú lə̀ ənú kə̀ lə̀ siá wó sə́ə́ o. ³⁴ Əjə nyɔ̀n, vɔá nə̀í bú yə̀ viví nə̀ àwɔ̀ mɔ̀n í tə̀ŋ́ gbə́ víví? ³⁵ ŋgbə ɖó afi xɔxɔ nə́ anyigbán ò alo kɔrujíkó o. Wó cɔ́ɛ́ dánkpiin də́ xíxə́nú. Amə kə́ ə̀tó lə síá bə́ nán sə́ə́ tónuán nán sə́ə́."