¹ Lè gaŋ́nán mǝ̀ àn, àmǝ̀wó lè xónú nǝ̀ có galilǝá tɔ̀wóún kǝ̀ pilató càká ǝhún kidǝ́ wó kɔ̀núwó. ² Yesu lè ɖòŋ́ún nǝ̀ wó bǝ́: " mi bú galilǝá tɔ́ ŋ́ nánwó nyí ǝ̀nú vɔ̀nɛ́n wɔ̀tɔ́ wú ɖúayá lè nɔ̀nɔ̀n mǝ̀ ŋ́ nán mǝ̀án? ³ O, ŋ̀lé nǝ̀ nì. Vɔa nǝ̀ miŋtrɔ̀á, mián crɔ̀n sǝ́ǝ́ lè nɔ̀nnɔ̀n mǝ̀ ŋ́ nán mɔ̀n kimǝ̀." ⁴ Aló àmǝ̀ àmǝ̀wuínyi lè siloǝ́, kǝ̀ ǝhɔ̀ yìjìyìji mùdé wó jì í wúwó, mi buí bǝ́ wo nyi ǝnùvɔnɛ́n wɔ̀tɔ́wó wú jérusalɛm vi buwoá? ⁵ O ŋ́ lè nù nǝ̀ mi bǝ̀. Vɔa nǝ̀ miŋ́trɔ̀á, mián crɔ̀n séé." ⁶ Yesu lè dòló ǝlá: " àmǝ̀ ɖǝ̀ká dó ati kùcɛncɛn dǝ̀ yǝ́ hati bomǝ̀ í vá lǝ̀ jí ǝkùcɛcɛncɛn lǝ̀ jí, vɔa ŋ́ kpɔ ǝɖǝ̀ o. ⁷ Àmǝ̀án nú nǝ̀ bomǝ̀jí kpɔ́tɔ́á bǝ̀: " kpɔ̀, ǝ̀wɔ̀ ǝ̀xó àmòntɔ̀n kǝ̀ vá lǝ̀ ji ǝkùcɛncɛn lǝ̀ ati kùcɛncɛn ǝlá ji í nyi ŋún lǝ̀ kpɔ́ ŋ́ɖǝ́ o. Coǝ́. nú kéi jɔ́ wóa gbǝ̀ ɖɛ̀ í alǝ̀ hɔ̀ anyúgbán gbalǝ̀! ⁸ ǝboji kpɔ̀tɔ́á lǝ̀ ɖòŋ́ún nǝ̀ bǝ̀: " gbéɖɛ̀ lè ǝxò lá mǝ̀ nǝ̀ mán kúdo trɔ̀ dǝ̀ í cɔ̀ kɔ́nrùnji kó do nǝ̀. ⁹ Nǝ̀ ì cɛnkù xò kǝ̀ gbɔ̀nɔ̀n ŋ́ nán mǝ̀án ǝnyɔ̀n; vɔa nǝ́ ŋ̀ cɛn ǝkúá, nán và cóǝ́!" ¹⁰ Yesu lè kpránú lè sɛnsɛn yǝ́ xɔ̀ á wó ɖǝ̀kà mǝ̀ lǝ̀ gbɔ̀n yǝ̀ ŋ́kɔ̀kǝ̀ á ji. ¹¹ Kpɔ̀ nyɔ́wún ɖǝ́ká lǝŋ́nán í gbɔ̀ngbɔ̀n vɔ̀nɛ́nwó lǝ̀ mǝ̀ kǝ̀ wɔɛ̀ bǝ̀ ǝ̀kúsǝ́, í gbǝ ɖó kpó í ŋ́ká tǝŋ́ có citǝ́ o ¹² Kǝ yesu kpɔá, ǝ̀yɔɛ̀ i nú nǝ̀ bǝ̀: " nyɔnrún, wò táciwó lǝ̀ tɔ̀ gbɔ̀jɔgbɔjɔmǝ̀. ¹³ ǝ̀cɔ̀ alo dǝ̀ ji, í zǝɖǝ̀ká ǝ̀vrú í lǝ̀ kafú Mawu. ¹⁴ Vɔa àmǝ̀ kǝ̀ lǝ̀ kpɔ̀ sɛnsɛn yǝ̀ hɔ̀mǝ̀án wɔ̀ homǝ̀ fiɛn lè sǝ̀sǝ̀ ámǝ̀ɖǝki mǝ̀ tɔ̀ ǝ̀núkǝ̀jɔá yesu dàádɔ̀ lè gbɔ̀nlǝ̀mǝ̀ yǝ̀ ŋ́kǝ̀kǝ̀á ji. Tó ŋ́ nán mǝ̀án àmǝ̀ kǝ̀ lǝ̀ kpɔ̀ sǝnsǝn ŋ́ nán nú nǝ̀ àmǝ̀wó bǝ̀: é ŋ́kǝ̀kǝ̀ àmǝ̀ándin hián bǝ̀ woá sǝŋ́ wɔ̀ dɔ̀. Mi vá nǝ̀ woá daádɔ̀ nǝ̀ mi lǝ̀ ŋ́ kǝ̀kǝ̀ nán wó ji gánkǝ̀ ŋ́ nyi lǝ̀ gbɔ̀dǝ̀mǝ̀ yǝ̀ ŋ́kǝ̀ kǝ̀á jí o." ¹⁵ Axòtɔá ɖoŋ́ún nǝ̀ bǝ̀: " ayǝmǝ̀ nú wɔtɔ̀! àmǝ̀ kǝ́ í lè mián mǝ̀ í tú nǝ̀ ká yǝ́ sɔ̀ alo yǝ́ lálá nɔ̀n í kpɔ̀ nǝ̀ í vá núnɔ̀n ǝ̀ci lè gbɔ̀ndǝ̀mǝ̀ yǝ́ ŋ́kǝ̀kǝ̀á ji? ¹⁶ Ninnin kǝ̀ Abraham yǝ́ yɔ̀nrúnvi kǝ̀ fútɔá bráɖɛ̀ ǝxó àmǝwuinyi sɔ̀nŋ́ún woŋ́ɖò lá túkǝɛ̀ lǝ̀ gbɔ̀ndǝ̀mǝ̀ yǝ́ ŋ́kǝ̀kǝ̀á jiá?" ¹⁷ Kǝ̀ í lè xonú ŋ́ nán, àmǝ̀ kǝ̀ lǝ̀ có dǝ̀únwó sǝ́ǝ́ ǝ̀ŋ́kpǝ̀wó, vɔa àmǝ̀ wó sǝ́ǝ lǝ̀ kpɔ̀ jijɔ̀ có ǝ̀nú kpɔ̀kpɔ̀ kǝ̀ í lè wɔá wóún. ¹⁸ Í lǝ̀ŋ́nán, yesu nú bǝ: " nú kǝ̀í Mawu yǝ̀ fiɔ̀ ɖúxɔá ɖi, í nú kǝi woá tǝ̀ŋ́ sǝ́ sɔ̀ kidǝ́? ¹⁹ ǝ̀ɖi wáti yǝ́ kú kǝ̀ àmǝ̀ ɖǝká cɔ̀ dánkpú dǝ̀ amán nú bomǝ̀ i trɔ̀ vá zúún ati gáuŋ́gán í jiŋ́kori xǝviwó ɖóatɔ̀n dǝ̀ yǝ̀ lɔ̀ zúnwó́ mǝ̀." ²⁰ ǝ̀gbǝ nú bǝ̀: " nú kǝi mán tǝ̀ŋ́ cɔ̀ Mawu fiɔ̀ ɖúxóá sɔ̀ kidǝ́? ²¹ ǝ̀xɔ̀ kidǝ́ ǝ̀nú húnhún kǝ̀ nyǝ́n rún ɖǝká cɔ̀ í cakǝ̀ɛ kidǝ́ ǝ̀wɔ̀ agbán ámòntɔ̀n kǝ́kǝ́ i có" ²² Yesu lǝ̀ yi í lǝ́ kpráá nú lǝ̀ ǝ̀dú gánŋ́gán wo mǝ̀ kidǝ ǝ̀dúwó mǝ̀ lǝ̀ yerusalɛmǝ̀ yǝ̀ mɔ̀n ji. ²³ Àmǝ̀ ɖǝká lǝ̀ nú nǝ̀ bǝ̀: " axòtɔ̀, àmǝ̀ ɖǝwó ɖǝ̀ɖǝ̀ i kaá kpɔ̀ xɔ̀xɔ̀á?" Sǝ̀ijí ǝ̀lǝ̀ nú nǝ̀ wó bǝ̀: ²⁴ Mi tɔ́kpɔ̀ í mián ɖomǝ̀ kidǝ ǝ̀hɔ̀n cukuviá ǝ̀núkɔdɔ̀á àmǝ̀ súgbɔ̀wó lá jí vɔa woŋ́ká tèŋ ɖomǝ̀ o." ²⁵ Nǝ̀ axòátɔ̀ vá có í vá tú ǝ̀hɔ̀nán có ŋ́ nán jiá mián nɔ̀n xixǝ̀nú, mián vá xó hɔ̀n í mián nú bǝ̀: " axòtɔ̀, axotɔ̀, dúci mi nɔ̀ mián ɖomǝ̀." Í á ɖoŋ́ún nǝ̀ mi bǝ̀: " nyɛnŋ́ dǝ̀simi o, fi mi có?" ²⁶ Í mián nú bǝ̀:" mi ɖúnú í núnú lǝ̀ tɔ̀ gámǝ̀ í ǝ̀kprá nú lǝ̀ mián mɔ̀nwó ji." ²⁷ Á ɖoŋ́ún nǝ̀ mi bǝ̀: "ŋ́lǝ̀ nú nǝ̀ mi, nyǝŋ́ nyán fi mi có o. Mi gbóí lǝ̀ ǝ̀gbɔ̀n nyǝ, ǝ̀dɔwɔ̀tɔ̀ bádáwó." ²⁸ "Ává vámǝ̀ bǝ̀ avi fánfán wó; kidǝ́ aɖùkuí ɖúɖú wó kǝ mián vá kpɔ̀ Abraham, Isaká; yakobo kidǝ́ ǝ̀nyɔ̀n nú ɖɛ̀ tɔ̀wó lǝ Mawu yǝ́ fiɔ̀ ɖúxoámǝ̀ vɔa mian wó, woá cɔ mi dánkpú dǝ̀ xixǝnú. ²⁹ Ává có nyidɔn do kpáxó, kidǝ́ nyidɔ jǝ́mǝ̀ kpáxó, có ǝ̀jigbǝ́ kidǝ́ afɔdé i woá nɔ̀n távúún lǝ̀ Mawu yǝ́ fiɔ̀ ɖúxoámǝ̀. ³⁰ Í mi nya&n ilá, ŋ́gbǝ́ tɔ̀wó lá vá trɔ̀ zúún ŋ́kɔ́ tɔ̀wó í ŋ́kɔ́ tɔ̀wó́ lá vá zúún ŋ́gbǝ́ tɔ̀wó." ³¹ Lǝ́ŋ́nán gbɔ́á fariɔtɔwó vá í lǝ́nú nǝ̀ bǝ́: có lɔ̀ lá i nán yi ǝ̀núkǝdɔ̀á Hǝ́rodǝ lǝ̀ ji nǝ̀ á wú wó." ³² Yesu nú bǝ́: " mi nú nǝ̀ tɔ̀vú lá: kpɔ̀, ŋ́lǝ́ daádɔ̀ ǝ̀gbá ǝ̀cɔ̀ kidǝ́ nyicɔ̀ámǝ̀ í ŋ́kpɔ̀ tìŋ́ tá ɖó ji nú." ³³ Lǝ ɖóɖóáwó sǝ́ǝ́ mǝ̀án, ǝ̀lǝ́ vǝ̀vǝ̀ ɖǝ́ŋ́ bǝ̀ mán yi ji ǝ̀gbá ǝcɔ̀ kidǝ ŋ́kǝ́kǝ́ kǝ́ gbɔ̀nɔ̀n ŋ́ nán wó ǝ̀nú́kǝdɔắ woŋ́ɖǝ́ mɔ̀n bǝ́ wóá wú Mawu nyɔ̀n nú ɖǝ̀ tɔ̀ lǝ̀ yerusalɛmǝ̀ yǝ́ hámǝ̀ yǝ́ŋ́ gbǝ̀ o. ³⁴ Yǝ́rúsalɛmǝ̀, yǝ́rúsalɛmǝ̀! ǝwo kǝ wunǝ Mawu yǝ́ amǝdɔdɔ tɔ̀wó í xú nǝ̀ ǝ̀kpǝ́ àmǝ̀ dɔ̀dɔ̀wó. Zǝ́nǝ̀nǝ̀ i nyeŋ́ ji bǝ́ ǝ̀viáwó sigbǝ kókró bɔ̀ nǝ̀ ǝ̀viáwó dǝ̀ yǝ́ waáwó gɔ̀mǝ̀ vɔa ŋ́ji ǝ̀nǝ̀ o . ³⁵ Kpɔ̀, wó gbǝ́ tɔ̀ xòmǝ̀ ɖɛ́. ŋ́lǝ́ núi nǝ̀ mi bǝ̀, miŋ́ká gbǝ́ kpɔ̀ŋ́ o kǝ́kǝ́ mián va& nú bǝ̀: " woá yrá ámǝ̀ kǝ̀ lá vá lǝ̀ axòtɔá yé ŋ́kɔ̀ mǝ̀án".