¹ Lə̀ganán mə̀án, àmə̀ síngbɔ̀ sigbə́ kawuivɔatɔn wó bɔ̀ kə wɛ bə wó lə zɔ̀n wóɖə kiwoji, ə̀tɔji í lə̀ nú nə̀ yə̀ dəkprɔviwó bə̀ ləŋ́ɖəsíáɖəún: "mi gbə̀nú lə̀ faristɔ́wó nú hùàn hùàn ŋú kə̀ nyi ayə̀mə̀ núán. ² Woŋ́cɔ̀ ə̀nú cɔ̀n ə̀ŋɖə́ kə̀ woŋ́ká tə̀ŋ́ hui ji o í ə̀ŋ́ɖə̀ki ŋ́lə̀ wawrá tòhó kə̀ woŋ́ká teŋ́ ɖəsi o. ³ Ə̀nú ŋnà ídɔ́á ə̀nú síánú kə̀ mián nú lə̀ zúblúmə̀ woá sé lə kɔkɔmə̀ í ə̀nú kə̀ mián ɖɔkpá nɔ̀n lə xɔmə̀án woá núí lə̀ ə̀xoɔtámə̀. ⁴ ŋ́lə̀ nú nə̀ mi ə̀xrɔnyin wó, mí ká vɔ̀nvɔ̀n nə̀ àmə̀ kə̀ wó lá wú míán gotó o, í lə̀ ŋ́nánŋ́gbə́ woŋ́ká téŋ́ gbə̀ wɔŋ́ɖə o. ⁵ Vɔa ə̀lə̀ krán mi ámə̀kə̀ mián vɔ̀nvɔ̀n nɔ̀nán. Mí vɔ̀nvɔ́n nə̀ àmə̀ kə̀ lá tèŋ́ wú mí í gbə́ woɔ̀gán ɖɛ ílà cɔ mi də zomávɔ̀ mə̀. Ɛ̀ɛn, ŋ́lə nù nə̀mí, mi vɔ̀nvɔ́n nə̀. ⁶ Əgbə̀gɔ́mə̀ tíǹ-tíǹ amə̀tɔ́n woŋ́sésá nə̀ ə̀hó cúkúví amə̀və̀á? gáŋkə̀ Mawu ún ŋrɔ̀n bə́ ɖə̀kin lə̀ wómə̀ o. ⁷ Vɔ̀à kə nyimián tá ɖáwó cá wó rɛnwó. Míŋ́ká vɔ̀nvɔ̀n o, mí xòhó wú ŋ́ nán wó. ⁸ ŋ́lə̀ nú nə̀ mi, àmə̀siámə̀ kə̀ húnmə̀ lə̀ àmə̀ wó ŋ́kúvimə̀án, amə gbetɔvi cá lá húnmə̀ lə̀ Mawu yə̀ mə̀ dɔtɔwó ŋ́kúvimə̀, ⁹ vɔa àmə̀ kə̀ mɔ̀nnú lə̀ àmə̀ woŋ́kúvimə̀án woá mɔ̀nnú də yə̀ cá hún lə̀ Mawu yə mə̀ dɔ̀tɔ̀wó ŋ́kúviwə̀. ¹⁰ àmə̀ ɖə́ kə lá vá xonú də́ àmə̀ gbətɔ́víá únán, woá cɔ̀ɛ̀ kə́, vɔa amə kə̀ lá nú búsú nyɔ̀n có də́ gbɔ̀gbɔ̀n kɔkɔ húnán, woŋ́ká cɔ̀ɛ̀ kə o. ¹¹ Nə woá cɔ́ mi seyi ə̀háwó, àmə̀ kprɔtɔwó kidə́ ə̀dúmə̀ mə̀ganwó ŋ́kúvimə̀ cá míŋ́ká vɔ̀nvɔ̀n lə̀ sigbə míán honú lə̀ míán tá hɔ̀nhrɔ̀n mə̀ o aló ə̀nyɔ̀n kə míán núán o, ¹² gbɔ̀ngbɔ̀n kɔkɔ ŋ́tá á kprámi lə gaxòxò ŋ́ nán mə̀ ə̀nyɔ̀n kə́ mián núán. ¹³ Í àmə̀ ɖə̀ká lə̀ àmə̀áwó mə̀án nú bə̀: "axótɔ́, nú nə̀ nɔ̀nvi nyɛ́n bə̀ nán mán mián cínɔ̀n núán kídə̀ŋ́." ¹⁴ Yesu lə̀ nú nə̀ bə̀: "àmə̀, àmə̀kəi ɖoŋ́ kòjò ɖòtɔ̀ aló woá hɔ̀ nyɔ̀n nàmə̀nə̀ mí?" ¹⁵ Ílə̀ nú nə̀ wó bə̀: "mí lə́ mián ɖə̀kiwó lə̀ jijí jrójrówó mə̀; ə̀núkədɔá àmə̀ ɖə́ yə̀ gbə̀ ŋ́ có nə̀ ə̀nú nɔ̀námə̀ si súgbɔ ún o." ¹⁶ Í Yesu lə̀ nú ə́lo dòdó ɖəká nə̀ wó: "ə̀hotɔ̀nɔ́n yə̀ bomə̀ núwó nyɔ̀n, ¹⁷ í lə̀ nú lə̀ ɖə̀kíá mə̀ bə̀: "núkə́í mán wɔ̀, ə̀núkədɔá nyɛn ŋ́ wɔ tòhó dɛ̀ fí mán cɔ̀ bomə̀ núwo dé o?" ¹⁸ Í nú bə̀: "kpɔ ə̀núkə̀ mán wɔá. Mán kaáká tìŋ́ vàwó í gbə̀ trɔ̀ tuí gánŋ́gán í lə̀ŋ́ nán mán cɔ tìŋ́ bomə̀ núwó kidə̀ ə̀nú nyɔ̀ngbiwó də̀ lə̀ ləŋ́ nán," ¹⁹ mán nu nə̀ tìŋ́ sə́ bə́: ə̀sə́, ə̀nú nyɔ̀ngbíwó lə̀ asiwó nə̀ ə́hó súgbɔ̀ gbɔ̀ndə̀mə̀, ɖúnú, núci i nán kpɔ̀ jíjɔ." ²⁰ Vɔa Mawu lǝ̀ nú nǝ̀ bǝ: "àmǝ̀ mán nyán ŋ́ nú, fiɛnyigbɔ lá zǝ́ɖǝ̀ká woá xɔ̀ tɔ gbɔ̀ngbɔ̀n lǝ̀ asiwó, í ǝ̀nú kǝ̀ ǝ̀drádodɛ̀ woá, àmǝ̀ kǝ̀i tɔ̀ woá nyí?" ²¹ Nǝ̀nǝ̀ anyi nǝ̀ àmǝ̀ kǝ̀ lǝ̀ lɔ̀ ǝ̀hó núwó bɔ́ nǝ̀ yǝ́ŋ́tá í kǝ́ ŋ́ nyi ǝ́hotɔ̀nɔ̀n nǝ̀ Mawu o." ²² Yesu nú nǝ̀ yǝ̀ dɔ́cɔ́vwó bǝ: " ǝ̀nú ŋ́ nán dɔ bǝ̀ ŋ́lǝ̀ nú nǝ̀ mi bǝ̀, mi ŋ́ká cíjí nǝ̀ mián gbǝá o- nǝ̀ ǝ̀núkǝ̀ míán ɖúnɔ̀n alo mián gòtó- ǝ̀núkǝ̀ mián doá o. ²³ ǝ̀núkǝ̀ dɔá agbeá lǝ́ vǝvǝɖǝ́ wú ǝnú-ɖùɖù, í ŋtíràn wú awú. ²⁴ Mikpɔ̀ xǝ́víwó, wo ŋ́ do nǝ̀ ǝnú aló wó ŋ́ drá nǝ̀ ǝ̀nú cincinwó do o. Wo ŋ́ wɔ tohó kǝ̀ woá cɔ ǝ̀núwó kɔdo aló avá ɖɛ o, vɔa Mawu nyi nǝ̀ wó. Mi xɔ̀hò wú xǝ̀viwó! ²⁵ Mɛn í lǝ̀ míán mǝ̀ í cɔ ǝ̀nú hɔ̀ɖǝ̀kaá í lá séŋ́ kpǝ̀ yǝ̀ gbǝ̀? ²⁶ Nǝ̀ í nyi bǝ̀ miŋ́kaá tǝ̀ŋ́ wɔ ǝ̀nú hɔ̀ɖǝ̀kaá ŋ́ nán, nú kǝ̀í jɔ̀ mi lǝ́ cíjí nǝ̀ kǝ̀ kpɔtɔwó? ²⁷ Mí kpɔ sigbǝ ati nán wó minɔ̀n. Wóŋ́wɔ nǝ̀ ǝ̀dɔ o i woŋ́ gbǝi nǝ̀ ǝ̀ká ca o. Gáŋkǝ, ŋ́lǝ̀ nú nǝ̀ mi bǝ̀: Slomon, lǝ̀ yǝ́ kpinkpinmǝ̀ wó sémǝ̀án ŋ́ doá wú sigbǝ̀ wo domǝ̀ tɔɖǝ̀ o. ²⁸ Nǝ̀ Mawu dò acán nǝ̀ ǝ̀gbǝ̀ kǝ̀ lǝ̀ bomǝ̀, kǝ̀ lɛ̀ ǝ̀gbaá í ǝ̀cɔ̀á waá cɔ̀ɛ dǝ̀ ǝ̀zomǝ̀, nǝ̀ a doacán nǝ̀ mián wó mɔ̀n kó, àmǝ̀ xɔ̀sé cúkúvi tɔwó! ²⁹ Míŋ́kaá ji ǝ̀núkǝ̀ míkaá ɖúá o, ǝnú kǝ mikaá núán o, mikaá bútamǝ̀ o, ³⁰ ǝ̀núkǝdɔ̀á xíxǝ̀mǝ̀ dúwó sǝ̀ j́í nǝ̀ ǝ̀nú nyúin í lá wó í mián dàdá nyán bǝ̀ mi ³¹ Vɔa mi ji yǝ́ fíɔ ɖúxó, í woá cɔ̀ ǝ̀nú ŋ́ nán wó kpǝ́ nǝ̀ mi. ³² Miŋkaá vɔ̀n vɔ̀n o, àmǝ̀ mán súybɔwó, ǝ̀núkǝdɔ á ayǝ́ lǝ̀ tɛ̀ míán dàdá bǝ yǝá cɔ fíɔ̀ ɖúxoá nǝ̀ mi. ³³ Mi saa mián nú kǝ lǝ̀ mián siáwó i cɔ̀ɛ nǝ̀ àmǝ̀ mián wɔ̀ŋ́ɖǝ́ɖɛ̀wó. Mi wò Kotokú kǝ̀ ŋ́ká vúáwó nǝ̀ mián ɖǝ̀ki wó, kidǝ̀ ǝ̀nú nyɔ̀gbíwó dǝ̀ jikori kǝ̀ ŋ́ káá vɔ̀ o kǝ́ frafitɔ̀ ŋ́ kaá teŋ́ tǝ́bɔ o, í kǝ̀ ŋ́ká tɛŋ́ jé hún o. ³⁴ ǝ̀núkǝdɔá fi mián nú ŋyɔ̀ngbiwó lǝ́á lǝ ŋ́ nán í mián ji ca nɔ̀nnɔ̀n nǝ̀. ³⁵ Mi blaá míán wú diŋ́diwó ɖǝ̀ míán rún wó ji í míán kánɖǝ́-wó nán nɔ̀n sisidɛ̀ gaásígaámǝ̀; ³⁶ Í míán nɔ̀n sigbǝ́ ámǝ̀ kǝ̀ wó lǝ nɔ̀ntǝ́ kpɔ̀ wò xotɔ̀ yǝ̀ tɔ̀trɔ́ vaá nǝ̀ yɔ̀nrún ɖǝ́ɖǝ́ zán bǝ̀ nǝ̀ gakǝ̀mǝ̀ avá í xó hɔ̀nán, bǝ̀ woá hui nǝ̀ zǝ̀ɖǝ̀ká. ³⁷ Ácɛ̀ nǝ̀ Dɔcɔvi, kɔ̀ axotɔá lǝ̀ yǝ̀ tɔ̀trɔ́ vá mǝ̀ a kpɔ̀wó woá nɔ̀n acǝ́jiɖɛ̀, ŋ́ lǝ́ nui nǝ̀ mi, woá vi blaá wó wú diŋ́diwó dǝ̀ wó rúnwó jí, í á wɔ̀wó woá nɔ̀n ǝ̀ɖúɖú ɖǝkáún í á mín nǝ̀ wó. ³⁸ Nǝ̀ axòtɔá va lǝ̀ ǝ̀zán yǝ̀ vǝ́á tɔ́ ŋ́ nɔ̀nɔ̀n jiá alo ǝ̀zán ŋ́ nɔ̀nɔ̀n amɔ̀ntɔnántɔ́ jiá í kpɔ̀wó wó sɔgbǝ́ ɖɛ̀á,ácɛ̀ nǝ̀ ǝ̀dɔ̀cɔvi ŋ̀ nán wó. ³⁹ Gbɔsǝún yi jiá, nǝ̀ axótɔá ɖǝ à nyán gakèmǝ̀ ƒráfitɔ̀ avá, ŋ́ká gbǝ́ yǝ̀ xomǝ̀ ɖɛ̀ nǝ̀a ɖo mǝ̀ o. ⁴⁰ Mi sɔ̀gbǝ́ ɖɛ̀ ǝ̀núkǝdɔá mi ŋ́ nyán gakǝ̀mǝ̀ àmǝ̀ gbǝ́tɔ̀viá là vá o." ⁴¹ Pǝtro nú bǝ̀: " axòtɔ, mián wo ɖǝɖǝ i ǝ̀lǝ̀ do ǝ̀lo ǝ̀lá nɔ̀nán nɔ̀nmí àmǝ̀ wo seé?" ⁴² Axòtɔá ní bǝ: " àmǝ̀ i yán ǝ̀nú kǝ̀ yǝ̀ xotɔ̀ cɔɛ̀ sǝŋ́ kpàcɛ̀ dǝ ǝxrɔ áwó ji kǝ bà lǝ cɔ̀ ǝ̀dúdú nǝ̀wó lǝ̀ gahoh́ nyɔ̀vgbi mǝ. ⁴³ Ácɛ̀ nǝ̀ dɔcɔvi ŋ́ nán kǝ̀ yǝ́ xótɔ̀ yǝ́ tɔtrɔ̀ vá mǝ̀ á kpɔ̀ɛ̀ i álǝ wɔɛ̀ nǝ̀. ⁴⁴ Lǝ nyɔ̀n dòdòmǝ̀án ŋ́lǝ̀ nú bǝ́, ácɔ̀ɛ̀ ɖú fiɔ̀ dǝ́ yǝ́ núwó sǝǝ́ ji ." ⁴⁵ Vɔa nǝ̀ dɔcɔvio là mi lǝ̀ yǝ́ jimǝ̀ bǝ́: " axótɔá yǝ́ vává lǝ̀ ciŋ́gbǝ́", i tɔ̀ji dɔcɔvi úncúviwó kidǝ́ yɔ̀nrúviwó xòxó,i ɖúnú í núnú, í trɔ zúín ahánúmú nɔ̀n, ⁴⁶ Dɔcɔvi ŋ́ nán yǝ́ xótɔ̀ avá gbǝɖǝká kǝ̀ ŋ́ká nɔ̀n yányán mǝ̀ nǝ̀ o, í gahoho kǝ́ mǝ̀ ŋ́ká yán ca o, í lá jí tohó nǝ̀ lǝ àmǝ̀ mán wɔ̀ nú dòdò wómǝ̀ ⁴⁷ Dɔcɔvi ŋ́ nán kǝ́ nyán yǝ́ xótɔ̀ yǝ́ jiji, í ŋ́ zraá ǝ̀ ŋ́ ɖǝ́kín d́ aló wɔ ɖǝ́ axótɔ̀ yǝ́ jiji ɖǝ́kin ji oá, woá hówǝ́ súgbɔ̀. ⁴⁸ Vɔaàmǝ̀ kǝ́ ŋ́ dǝ́si o, í wɔ ǝ̀nú kǝ́ wó hián nǝ̀ ǝ̀tó dɔ̀ndɔ̀nán, woŋ́ká hó yá súgbɔ o. Woá biɔ̀ súgbɔ́ àmǝ̀ kǝ́ nán súgbɔ́á, í woá biɔ sǝ́ú àmǝ̀ kǝ́wó cɔ̀ nɔ̀n sǝ́wá. ⁴⁹ ŋ́ vá bǝ́mán cɔ̀ ǝ̀zo dǝ anyígbán jí, i zǝnǝ̀nǝ̀ kǝ́ŋ́ lǝ̀ jí bǝ́ nán lǝ́ zo xɔ̀xó. ⁵⁰ Vɔa ŋ́ wɔ nyɔ̀nyrɔ̀n ɖǝká ɖɛ̀ kǝ́ wó ɖòlá nyrɔ̀nún, ú zǝnǝ̀nǝ̀ kǝ́ ŋ́lǝ̀ jí kábakába bǝ nán vámǝ̀! ⁵¹ Mi búbǝ ŋ́ vá anyigbán ji bǝ̀ mán cɔ ránmǝ̀ fàfá vá íá? o, ŋ́lǝ̀ nú nǝ̀ mi, vɔa sǝ̀ŋ́úá maman í ŋ cɔ́ vá. ⁵² ǝ̀núkǝdɔá cá ifiá, amǝ ámátɔn lǝ àxó ɖǝ́kámǝán wóa mán amǝ ámɔntɔ̀ná có dǝ́ amǝ àvǝ̀ún alò àmǝ̀ àmǝ̀vǝ̀ á có dǝ́ àmǝ̀ àmɔ̀ntɔ̀n ún. ⁵³ Woá mán, dàdá lá có dǝ́ ǝ̀vi ŋ́cúviwo ún í ǝ̀vi í ǝ̀vi ŋ́cúviwó lá có dǝ́ dàdá ún nánnán á có dǝ́ ǝ̀vi yɔnrúnvi ún í ǝ̀vi yɔnrúnú lá có dǝ́ ǝ̀visi ún í ǝ̀visi lá có dǝ́ àcúnɔ̀n ún." ⁵⁴ Yesu lǝ̀ nú nǝ̀ àmǝ̀ haá ca bǝ̀ " nǝ̀ milɔ̀ kpɔ̀ akpɔ̀kpɔ̀ lǝ̀ có lǝ̀ nyidɔ̀n gémǝ̀ lá gé, zǝ́ɖǝ̀kaá, mi nú bǝ̀: " ǝ̀ci lá vá jiaá" í vá nǝ̀mǝ̀ ǝ̀nǝ̀. ⁵⁵ Í nǝ̀ afɔ̀dé yǝ́ yá xoá mi nú nɔ̀n bǝ̀, zózó lá vá nɛ̀n í vá nǝ̀ ǝ̀nǝ̀. ⁵⁶ Ayǝ́mǝ̀ nú wɔ̀tɔ̀wó mí yán vòvòtótó anyigbán kidǝ́ jikovi mǝ̀ i nǝ̀ í wɔmɔ̀n miŋ́tɔ̀ŋ́ lǝ̀ ɖǝ́ ifiá yǝ́ nyɔ̀nwó ú o? ⁵⁷ Nú kéi jɔ̀ miŋ́tǝ̀ŋ́ lǝ̀ dǝ̀si ǝ̀nú kǝ́ nyí jɔ̀jɔ̀ nǝ̀ miántá o? ⁵⁸ Nǝ̀ ǝ̀yíkɔ̀ kidǝ́ tɔ̀ kǝ̀tɔ̀ lǝ̀ kojó ɖotɔ̀ yǝ́ŋkɔá, lǝ̀ mɔ̀njiá tǝkpɔ̀ í nán wɔ̀ ɖǝ̀ká kidǝ́, bǝ̀ nɛ̀n ŋ́ká cɔ̀ wo dǝ́ kojo ɖòtɔ yǝ́ lɔ̀mǝ̀ o í kojo ɖotɔ̀ á cɔ̀ wo nǝ̀ àmǝ̀ kǝ́ kpɔ̀nɔ̀n àmǝ̀ kǝ́ wò lǝ̀ túáwó ji í yǝ́ ca lá cɔ̀ wò tú dǝ́ àmǝ̀ tútúxó. ⁵⁹ ŋ́lǝ̀ nú nǝ̀ wó, ŋ́ká dò lǝ̀ŋ́nan gbǝ̀ɖǝ́ wó kǝ̀kǝ̀ í vá séŋ́ɖò gakǝ́mǝ̀ á tú ǝ̀hoá sée vɛ̀