¹ ǝ̀lá va mǝ̀ kǝ́ yesu lǝ̀ hòɖǝ lǝ̀ tohó ɖǝ̀ká. Yǝ́ dekekprɔ̀vi ɖǝ́ká nú bǝ̀: "axótɔ̀, kprámi sigbǝ̀ woá xòɖǝ sigbǝ yohanɛɛ kpráa yǝ́ dékprɔ viwó ǝ̀nǝ̀." ² Yesu lǝ̀ núnǝ́ wó bǝ̀: "nǝ́ mi lǝ̀ xòɖǝá, mi nú bǝ́: " dàdà tɔ̀ɔ́ŋkɔ́ŋú nán kɔ̀. bǝ́ tɔ̀ fiɔ̀ ɖúxɔ̀ nán vá. ³ Nami tɛ̀gbɛ̀ tɛ̀gbɛ̀ yǝ́ núɖúɖú. ⁴ Cɔ́ mián nú vɔɛ́nwó kǝ̀ mi, sigbǝ̀ mián wó cá wo mi cɔɛ̀ kǝ̀nɔ̀n àmǝ̀siàmǝ̀ kǝ́ ɖù dǝ̀ mián nǝ̀. ŋ́ká kprɔ̀ mi yi tǝ̀tǝ̀ kpɔ̀ mǝ̀ o" ⁵ Yesu lǝ̀ nú nǝ̀ wó bǝ̀: " àmǝ̀ kei lǝ̀ mián mǝ̀ ilá wɔ̀ ǝ̀xrɔ̀ ɖɛ̀, i à yi gbɔ̀ lǝ̀ ǝ̀zán gàwúvǝ̀ i ǝ̀xrɔ̀á la& nú nǝ̀ bǝ̀: " ǝ̀xrɔ̀nye, dòo ǝ̀núɖùɖù kànkàn àmɔ̀ntɔ̀nŋ́, ⁶ ǝ̀núkǝ́ŋ́tiá ifiá-ifiá ǝ̀xrɔ̀nye ɖǝ̀ká có ǝ̀mɔ̀nji vá, i ŋ́ɖékin lǝ̀ àsinye mán séŋ́ nǝ̀ o: " ⁷ I àmǝé kǝ̀ lǝ̀ ǝ̀xɔ̀mǝ̀án ɖóŋ́ nǝ̀ ilá teŋ́ nú bǝ̀" ŋ́ká dáyáŋ̀ o. ǝ̀hɔ̀nán lǝ̀ tútú vɔé, i ǝ̀vinyewó kidǝ̀ ŋ́ cá mi mrɛ́n vɔ̀. Nyeŋ́ká teŋ́ gbǝ̀ có icɔ̀ ǝ̀ŋ́ɖúɖú vǝ̀ wó o". ⁸ ŋ́lǝ̀ nú nǝ̀ mi, cá bǝ̀ nǝ̀ŋ́ gbɔ́ tǝ̀ŋ́ có icɔ̀ ǝ̀ŋ́ ɖúɖú nǝ̀ mián ǝ̀núkǝdɔ̀á mi nyi yǝ̀ xrɔ̀á, gánkǝ̀ cágbǝ̀ yǝ̀ vǝ̀vǝ̀dǝ̀dǝ̀ kǝ̀ ká vá nyi ǝ̀kpǝ̀ŋ tɔ̀á ǝ̀dó lá vá có vá cɔ̀ ǝ̀ɖúɖú ɖesiáɖe kǝ̀ hián nǝ̀ɛ́n." ⁹ ŋ́lǝ̀ nú nǝ̀ mi cá bǝ: " mi bíɔ i wóá nán mi; mi ji i mián kpɔ̀; mi xòǝ́ i wáá hùi nǝ̀ mi. ¹⁰ ǝ̀núkǝdɔ̀á, àmǝ̀siámǝ̀ kǝ̀ biɔ̀ ǝ̀núán xɔ̀nǝ̀, i àmǝ̀ kǝ̀ jinǝ̀án kpɔ̀nǝ̀; i àmǝ̀ kǝ̀ xònǝ̀ á húnǝ̀. ¹¹ Dàdá kǝ̀i lǝ̀ mián mǝ̀, i ǝ̀viá lá biɛ ǝ̀hòǝ́, i á cɔ̀ ǝ̀dan nǝ̀ lǝ̀ ǝ́hoǝ́ yǝ̀ tóhò? ¹² Áloé á biɛ ázin i á cɔ̀ àhùan nǝ̀? ¹³ Nǝ̀ i nyi bǝ̀ mián wó kǝ̀ nyi àmǝ̀ bàdà mi yán sigbǝ̀ mián cɔ ǝ̀nú nànán nyɔ̀ngbi nǝ̀ mián viwó, gbǝ̀ séý mián dàdá kǝ̀ lǝ̀ jikovi á lǝ̀ biɔ́ɛa ¹⁴ Lǝ̀ŋgbǝ̀ sevá, yesu yán gbɔ̀ngbɔ̀n vɔ̀ɛ́n máxɔ̀nú máxɔ̀nú. Gàkǝ̀mǝ̀ gbɔ̀ngbɔ̀nàm dòá, númán xótɔá xònú ǝ̀kpácá ámǝ̀wó. ¹⁵ Vɔ̀á àmǝ̀ ɖǝ̀wó nú nǝ̀ bǝ̀: " to béelzébul, gbɔ̀ngbɔ̀n vɔ̀ɛ́n yǝ̀ fiɔ̀ vi ji ilǝ̀ yán gbɔ̀ngbɔ̀nwó." ¹⁶ Àmǝ̀ ɖoólǝ̀ dòǝ́ kpɔ̀ bǝ̀ ńn wɔ desi ɖǝká kǝ̀ có jikori vá. ¹⁷ Vɔ̀á yesu yán wò súsúwó ilǝ nú nǝ̀ wó bǝ́: "fiɔ̀ɖúxó ɖesiáɖe kǝ̀ màmán lǝ̀ mǝ̀ŋ có dǝ ɖǝ̀ǝkià ŋú ǝ̀crɔ̀nnɔ̀n, i àscó kǝ̀ màma&n lǝ̀ lǝ́ yǝ̀ŋ́támámǝán ǝémúnɔ̀n. ¹⁸ Nǝ̀ fútsá màn i cò dǝ ɖǝ̀kiáhún, yǝ̀ fiɔ̀ ɖúxòá àtǝ̀ŋ nɔ̀n tǝ́ mɔ̀n? ǝ̀núkǝdɔá mi núnɔ́n bǝ̀ ŋ́nyánnɔ̀ gbɔ̀ngbɔ̀n vɔ̀ɛwó tò béelzébúl ji. ¹⁹ nǝ̀ ŋ́lǝ̀ ŋ́lǝ̀ yán gbɔ̀ndbɔ̀n vɔ̀ɛ́nwó tò béelzébúl jiá mǝkǝé ji mián dɔ̀cɔ́tɔ̀wó yánnɔ̀n wó? Cágbé ŋ́nàtɔ̀á wòá nyi mián kòjó ɖòtɔ̀ wó. ²⁰ Vɔ̀á nǝ̀ ŋ́lǝ̀ yán gbɔ̀ngbɔ̀n vɔ̀ɛ́nwó to Mawu yǝ̀ lǝ̀ jiá, ŋ́nán Mawu yǝ̀ fìɔ́ɖùxáá vá nǝ̀ mi. ²¹ Nǝ̀ àmǝ̀ sinŋ́sinŋ́ jráádò ɖɛ̀ ilǝ̀ nɔ̀nyɖɛ̀ lǝ̀ yǝ̀ŋ́tá xòŋ́, yǝ́ nú nyɔ̀ngbiwó nɔ̀nɖɛ́ pɛ̀pɛ̀pɛ́. ²² Vɔ̀á nǝ́ amǝ ɖǝ̀ ca gbǝ̀ sɛ́nŋú wúiá anyán yǝ́ ɖòɖówó, i amǝ sinŋ́ẃá ahɔ́ yǝ́ nú kǝ́l iwɔ̀ɖɛ́awó. ²³ Amǝ kǝ ŋ́lɛ̀ kidǝ́ŋ́ ǝ̀có dǝ́ ǝ̀ŋ́nyɛn i amǝ kǝŋ́ bɔ̀nǝ ǝ̀nú kidǝ́ŋ́án ǝ̀kàkà nǝ. ²⁴ Nǝ gbɔ̀ngbɔ̀n vɔɛ́n do lǝ amé ɖa mǝán, ǝ̀vá yinǝ tohò kǝ xúá nǝ fi agbɔ̀n lǝà. Nǝ ŋpɔ̀ oa, mán gbǝ̀ trɔ̀ yi tìŋ́ xòmǝ̀ fíun dolǝ̀á. ²⁵ Kǝ́ i gbǝ̀ trɔ̀ i yi, ǝ̀kpɔ axó ŋnà mǝ̀ kǝ́ wó kprɔ ɛ̀ ɖɛ̀ i ǝ̀núwó lǝ́ ɖòɖónú ɖɛ̀. ²⁶ zéɖǝ̀ká, i vɛ́ cɔ́ gbɔ̀ngbɔ̀n àmǝ̀dré kǝ́ yrán wú yǝ́ŋ́tá i wó séé va nɔ̀n mǝ̀. Zéɖǝká yǝ́ nɔ̀nnɔ̀n mǝ̀ kpɔ̀tiɔkpɔ́tia yràn wú kǝ́lǝ́ kǝ́lǝ́ tɔ̀ à." ²⁷ ǝ̀vá vá mǝ̀ sigbǝ́ ilǝ́ nú ǝ̀nyɔ̀n nán wó, bɔ́ yɔnrun ɖǝ́ká dá axá lǝ̀ àmǝ̀ wó mǝ̀ i nú bǝ́: " woá yrá nǝ̀ xòdó mǝ̀ ǝ̀nɔ̀ ànɔ́n kǝ́ ǝ̀nɔán." ²⁸ Vɔá ǝnú bǝ: " ǝ̀nyɔ̀n wú bǝ̀ woá yrá àmǝ̀ kǝ́ wó lǝ ɖotò Mawu yǝ̀ nyɔ̀n i Mawu lǝ lǝ́ bǝ̀ nǝ̀ wó." ²⁹ Kǝ̀ àmǝ̀ wó lǝ bɔ̀ á, ǝ̀tɔ̀ nunú bǝ̀: " jiji mǝ̀ ǝ̀lá yi jiji mǝ̀ yránde yránde wólǝ̀ ji desi, tò gbɔ́ nǝ̀ wòŋ́ká nǝ̀ desi tòvó nǝ̀ yóna yǝ̀ desia o. ³⁰ ǝ̀núkǝdɔ̀ á sigbǝ́ yoná nyi desi nǝ̀ Ninivi tɔ̀wó, nǝ̀nǝ̀ kǝ́ àmǝ̀ gbǝ̀tɔ̀ Yǝ̀viá anŋi desi nǝ̀ jijimǝ̀ ǝ̀la. ³¹ Àfɔdǝ́ yɔ́nrun fiɔ̀ lá vá có lǝ̀ Kójó ɖòɖò ŋ́kǝ̀kǝ̀á ji kidǝ́ jijimǝ̀ ŋ́nán wó ilá cɔ̀ azɔjǝ̀jǝ̀ nǝ wó, ǝ̀núkǝdɔá ǝ̀có anyigbán yǝ̀ vɔ́ xòwó nǝ̀ á ɖòtó Salomɔn yǝ̀ ŋ́núnyánnyán, kpɔ, àmǝ̀ ɖǝ̀ká lǝ̀ lá i gánŋ́gán wú Salomɔn. ³² Ninivǝ̀ tɔ̀wó wóa có lǝ̀ kojó ɖòdò ŋ́kǝ̀kǝ̀á ji kidǝ́ jijimǝ̀ ámǝ̀ láwó ilá búfɔ̀n wo, ǝ̀núkǝdoá wo trɔ̀ jimǝ̀ lǝ̀ yonan yǝ̀ Mawú nyɔ̀n núnúmǝ̀ i kpɔ̀, àmǝ̀ ɖǝ̀ká lǝ̀lá i gánŋ́gán wú yonan. ³³ Àmǝ̀ ɖǝ̀kinŋ tɔ̀nǝ̀ kánɖǝ́ isé daénǝ̀lǝ́ wráwrá tòhó àlò kisi gɔ̀mǝ̀ o, vɔ̀á dò ǝ̀tòji bǝ̀ nǝ̀ àmǝ̀ kǝ́ lá ɖó xòmǝ̀ wó woá kpɔ̀ kɔkɔ. ³⁴ Tɔŋ́kúvi nyi kɔkɔ nǝ̀ tɔ ránmǝ̀. Nǝ̀ tɔŋ́kiúvi nyɔ̀nán, tɔ ranmǝ̀ séé lǝ̀ kɔkɔmǝ̀. Vɔá nǝ̀ tɔŋ́kúvi lǝ̀dɔ̀á, tɔ ranmǝ̀ séé lǝ́ zuúbrùmǝ̀. ³⁵ Kpɔ̀ nyɔ̀ŋgbé, bǝ̀ kɔkɔ kǝ lǝŋ́ wòá ŋ́ká trɔ zɔ̀n zuùbrù. ³⁶ Nǝ̀ i nyi bǝ̀ tɔ ranmǝ̀ séé lǝ̀ kɔkɔ mǝ̀ kǝ ɖǝkinŋ́ lǝ́ zuúbrúmǝ á nyi bǝ̀ tɔ ranmǝ̀ séé ánɔnɖɛ̀ sigbǝ̀ kúnɖǝ́ kǝ kɔ nyɔ̀ngbi lǝ̀ wò ŋtá " ³⁷ Kèi xɔ̀nú jrɔ̀ á, pharistɔ nú nǝ̀ bǝ̀ vá ɖúnú kidǝŋ́ lǝ tiŋ xòmǝ̀. I Yesu yi i nɔ̀n távu ŋù kidǝ́ǝ́. ³⁸ Í kpácá pharistɔ̀á bǝ́ ŋ́krɔ́ así gbɔ̀xó ilǝ̀ ɖúnú o. ³⁹ Vɔá axótɔ́ bǝ&: " mián wó pharistɔ̀ wó mi krɔ̀nɔ̀n kɔ́fú kidǝ́ agbánŋú, vɔá mián wó ŋ́tá mǝ̀án ɖɔ̀ kidǝ́ tinyɛn jiji lǝ̀ taémǝé sinŋ́sinŋ́ mǝ̀. ⁴⁰ Mián wó kǝ́ miŋ nyánýnú o! ùn nyi bǝ̀ àmǝ̀ kǝ̀ wɔ́ Híhenú i gbǝ̀ wɔ̀ yǝ̀ mǝ̀ cáá? ⁴¹ Minán ayá ɖúvi ǝ̀nú kǝ̀ nyi yǝ̀ mǝ̀ tɔ̀a, i ǝ̀nú ɖǝsiáɖǝ á kɔ nǝ̀ mi. ⁴² Vɔá bàbàanǝ̀ mi farisitɔ́wó, ǝnúkǝjɔá mi nán nɔ̀n á kpaá àmǝ̀woa tɔ nǝ̀ ati, nǝ̀ ǝ̀mɔ̀n kidǝ́ ǝ̀gbɔ̀ wó seé kǝ̀ nɔ̀nnɔ̀n fráwaa& yǝ̀ bòmǝ̀án wó, vɔá miŋ́cɔ̀ nǝ̀ ǝ̀ɖǝ́ lǝ̀ mǝ̀ nǝ̀ Mawu yǝ̀ nú tòhó wɔ̀wɔ̀ nyɔ̀ngbi kidǝ́ yǝ̀ rɔ̀nrɔ̀nán mǝ̀, kǝ̀ woŋ́ká gbǝ̀ ǝ̀nú kǝ́ kpɔ̀tɔá wó cá wɔ̀uɔ̀ o. ⁴³ Miánwó faristɔ̀ wó bàba nǝ̀ mi, ǝ̀núkǝdoá mi rɔ̀nnɔ̀n bǝ̀ yǝ̀wá nɔ̀n tohó kǝ̀lǝ̀kǝ̀lǝ̀tɔ̀á lǝ sɛnsɛn xòwó kidǝ́ àmǝ̀ cici kǝ̀ kɔ àmǝ̀ dǝji lǝ bɔbɔhówó. ⁴⁴ Bàbàa nǝ̀ mi, ǝ̀núkǝɖoá mi wɔɖɛ̀ sigbǝ yɔ̀dowó ɔ̀nǝ̀ kǝ̀ dǝsi ɖǝ́kin ŋ́ bǝ̀ŋ́ o. Í wó zɔ̀nnɔ̀n lǝ ji kǝ̀ wó nyánɔ̀n o" ⁴⁵ Í Yúda yǝ̀ seé mǝtɔ́ ɖǝ̀ká lǝ̀ ɖŋ́nin bǝ̀: " axòtɔ́ ǝ̀núkǝ̀ ǝ́lǝ̀ núán lǝ̀su miánwó cá." ⁴⁶ Yesu nú bǝ̀: " Í bàbà nǝ̀ mi ǝ̀sé wɔtɔ̀ yɔ̀ xòtɔwó! ǝ̀núkǝdoá milǝ̀drò agbán va&ɖiva&ɖi àmǝ́wó nǝ̀ woá hún, vɔa mi cɔ nǝ̀ alòví kpǝ́tǝ́ tɔ̀nǝ̀ aybán nan wó ca. ⁴⁷ Bàbànǝ̀ mi, ǝ̀núkǝ̀jɔá mi túnɔ̀n ǝ̀nú kǝ̀ woá séŋ́ ɖoŋ́ nyɔ̀n nú ɖɛ̀ tɔ̀wó yɔdowó, vɔá mián tɔ̀gbiwó i wú wó! ⁴⁸ Seijià, mi nyi ǝ̀nú tòhó kpɔ tɔwó i milǝ̀ rɔ̀n mián tɔ̀gbiwó dɔwo wó, ǝ̀núkǝdoá wó wú ǝ̀nyɔ̀n nú ɖɛ̀ tɔwó súgbɔ̀ kǝ milǝ̀ tú yɔ̀dó yǝ̀ ɖoŋ́ji ɖɛ̀ nǝ̀ woá. ⁴⁹ Cagbɔ ŋ́nàn tɔ̀a Mawu yǝ̀ ŋ́ núyányán nú bǝ̀: mán vá dɔ nyɔ̀n nú ɖɛ̀ tɔwó kidǝ́ àmǝédɔdɔwó, í woá ti wòdó i wú àmǝ̀ ɖǝwó lǝ̀ wó mǝ̀." ⁵⁰ Cóŋ́nánún, jijimǝ̀ ŋ́ nán kǝ̀ kɔ nyɔ̀n nú dɛ̀ tɔwó hún có kɔkǝ ɣiɣǝ́ á gɔmǝ̀ jǝ̀jéá woá nɔá nɔ̀n nú. ⁵¹ Có Abel yǝ̀ hun ji séŋ́ vá yi Zacharia, kǝ̀ wo wú lǝ̀ Mawu yǝ̀ vɔsá ho kidǝ́ kɔ yǝ̀ kɔkɔ yǝ̀ gbàgbámǝ̀. ɛɛɛ́, ŋ́ lǝ nú nǝ̀ mi bǝ̀ jijimǝ̀ ǝ̀lá anɔ̀n nú. ⁵² Bàbà nǝ̀ yuɖa yǝ̀ sé nú kpratɔ̀wó, ǝ̀núkǝdoá miɖǝ ŋ́ núyányán yǝ̀ cavia, miŋ́ká teŋ́ún ɖòmǝ̀ miánŋtawó o i mi tú nɔ̀n nǝ̀ àmǝ̀ kǝ̀ woá ɖomǝ̀án" ⁵³ Kǝ yesu dò lǝ́ná, ǝ̀nú ŋrɔ̀ntɔ̀wó kidǝ Faristɔ̀ wó citǝ́ dǝún ilǝ̀ daɖika kidǝ́ dǝ́ ǝ̀nú súgbɔún, ⁵⁴ i wó lǝ̀ ɖofécá nǝ̀ to yɔ̀ŋ́tá yǝ̀ nyɔ̀ wó mǝ̀.