¹ Yesu nú nǝ̀ yɔ̀ dɔcɔviwó bǝ̀, " hotɔ̀n ɖǝ́ká wɔ̀ àmǝ̀ kǝ̀ kpɔ̀nɔ̀n ǝ̀núwó ji ɖɛ̀. Wò vá nú nɛ́n bǝ̀ yǝ̀ mǝ̀ núkpɔ̀tɔ̀ ji nán lǝ̀ zán yǝ̀ nú wó. ² Cagbǝ̀: " nú kǝ̀ í ŋ́lǝ́ sǝ́ cóǝ̀ún wò? Wɔ̀ akɔ̀ntá có tɔ̀ ɖoún, ǝ̀núkedɔá ŋ́ká tǝ̀ŋ́ gbǝ̀ nyi ǝ̀nú jí kpɔ̀tɔ̀ o. ³ ǝ̀nú ji kpɔ̀tɔá lǝ̀ nú ɖǝkiámǝ̀ bǝ̀, " nú kǝ̀ í mán wɔ̀ ǝ̀núkǝdɔá tìŋ́ xótɔ̀ lǝ̀ xɔ̀ tìŋ́ dɔ̀ kǝ̀ nyí ǝnúwó ji kpɔ̀tɔ̀á? ǝ̀gánŋ́lǝ́ asi nyǝ nǝ̀ mán kúdó o í ǝ́kpɛ́n lǝ̀ lǝ́ún nǝ̀ má biɔ̀ nú. ⁴ ŋ́ myán ǝ̀nú kǝ̀ mán vá wɔ̀á, bǝ̀ nǝ̀ wó vá nyánán nǝ̀ tìŋ́ doá kǝ̀ nyi ǝ̀núwo ji kpɔ̀tɔ̀á, àmɔ̀wó nán vá lǝ̀ xòún nyɔ̀ngbí lǝ̀ wó xómǝ̀." ⁵ ǝ̀nú ji kpɔtɔ́á lǝ̀ yɔ́ yé xotɔ̀ fin ɖútɔ̀áwó, í biɔ́ ké lǝ̀kǝ́ lǝ́ tɔ̀á sè bǝ̀: " nǝ̀nǝ́ í ǝ̀ká tú nǝ̀ tìŋ́ xotɔ̀? ⁶ ǝ̀nú bǝ̀: " àmi gó kávǝtákpó. í nú nin bǝ́: cɔ̀ tɔ̀ nu ŋrɔ̀nti, í nán kánrɛ̀n kúbá í nán ŋrɔ̀n kakitákpó. ⁷ ǝ̀nú kpɔ ji tɔ̀á nú nǝ̀ àmǝ̀ bú bǝ̀: "ǝ̀hó nǝ̀nǝ́ í ǝ̀ká tú" í nú bǝ̀, kpònnɔ̀n wɔ̀ agbán kávǝtákpo" Í núnǝ̀ bǝ̀: cɔ̀ tɔ̀ wǝmán í nán ŋrɔ̀n kávǝ". ⁸ Axotɔ̀á kafú ǝ̀nú jí kpɔtɔá maj́ɔmajɔ̀tɔ̀á ǝnúkǝdɔá ǝ̀wɔnú lǝ̀ bibimǝ̀. ǝ̀núkǝdɔá xíxǝ́amǝ̀ viwó bi lǝ̀ wo nú wɔ̀wɔ̀ mǝ̀ sǝŋ́ wú kanɖǝ́ mǝ̀ nɔ̀ntɔ̀wó kǝ̀ woŋ́ká tǝŋ́ nyi o. ⁹ ŋ́lǝ́ nú nǝ̀ mi bǝ̀, mi wɛ̀ nǝ̀ miánŋ́tá cà wó xrɔ̀kidǝ́ ǝ̀nú nɔ̀námǝ̀ si majɔmaj́ɔwó bǝ̀ nǝ̀ gakǝ̀mǝ̀ a vá hédóá bǝ̀ nǝ̀ woá vá xɔ̀ mi lǝ̀ nɔ̀nxó mavɔ̀ mavɔámǝ̀. ¹⁰ Àmǝ̀ kǝ̀ nyi adódó wɔtɔ̀ lǝ̀ nú cukuviwò mǝ̀án nyi yǝ̀ wɔ̀tɔ̀ lǝ̀ gánŋ́gán wó ca mǝ̀, í àmǝ̀ kǝ̀ ún nyi ǝ̀nú dódó wɔ̀tɔ́ lǝ̀ ǝ̀nú cukuwiwó mǝ̀án ún nyi lǝ̀ gánŋ́gánwó ca mǝ̀ o. ¹¹ Nǝ̀ ún nyi ǝ̀nú dódó wɔtɔ́ lǝ̀ ǝnú nɔ̀n àmǝ̀siwó mǝ̀án, mɛ̀ kǝ̀ í ilá kádǝ̀ ǝjiwó lǝ̀ ǝnú nɔ̀n àmǝ̀si nyɔ̀n ngbi tɔ̀wò mǝ̀? ¹² Nǝ́nǝ́ kǝ̀ nǝ̀ un nyi ǝ̀nú dòdó wɔtɔ́ lǝ̀ àmǝ̀ buwí ún o, min kǝ̀ í lá cɔ̀ kǝ nyi tɔwoá nǝ̀wó? ¹³ Àmǝ̀ ɖǝkin ŋ́ká tǝ̀ŋ́ súbɔ̀ axótɔ̀ àmǝ̀vǝ̀ zǝ́ɖǝ̀kin o, alo á lǝ̀kǝ̀ ɖǝ̀ká ilá rɔ̀n ɖǝ̀ká, alo á cɔ̀ ɖǝkiá ,nán àmǝ̀ ɖǝká ilá lǝkǝ́ àmǝ̀ ɖǝká. Miŋ́ká tǝ̀ŋ́ subɔ̀ Mawu kidǝ́ ǝ̀nú nɔ̀n àmǝ̀ siwó ¹⁴ Lǝ̀ŋ́nán faristɔwó kǝ̀ rɔ̀nnɔ̀n ǝ̀hò yǝ̀ nyɔ̀n gbɔ̀á, wo sǝ ǝ̀nyƥɔ̀n nán wo sǝ í lǝ̀ zúí. ¹⁵ Í lǝ̀ nú nǝ̀ wó bǝ̀: " mián wo mi wɔ̀nɔ̀n àmǝ̀ jɔ̀jɔ̀ lǝ̀ àmǝ̀ wo ŋ́kuvimǝ̀, vɔá Mawu dǝ́si míán jíwó. ǝ̀nú kǝ̀ àmǝ̀ gbǝ̀lɔ̀wó kɔ dǝ̀ ǝ̀jí yǝ̀ nyi ǝ̀nú kǝ̀ Mawú yá cri. ¹⁶ ǝ̀sǝ́ kidǝ́ nyɔ̀n nú ɖǝ̀ tɔ̀wó wo nyi nú sɛnŋ́ ɖɛ̀ kǝ́kǝ́ vá sindǝ̀ vohanɛɔ cidǝtátɔ̀ yǝ́ và vá. Cókǝ́kǝ́ gànǝ̀mǝ̀, ǝ̀nyɔ̀n nyɔ̀ ngbi Mawu yǝ̀ fiɔ ɖúho tɔ̀ wo núí, í àmǝ̀ siámǝ̀ lǝ̀ zán ǝ̀gán bǝ̀ yá ɖomǝ̀. ¹⁷ Vɔá ǝ̀fá nǝ jiŋ́kori kidǝ anyigbán bǝ̀ woá di sǝ́ŋ́ wú nǝ̀ woá rɔ̀ nǝ̀ ǝ̀sǝ́gaci ɖǝká. ¹⁸ Àmǝ̀siámǝ̀ kǝ́ lá gbǝ́ asiá í lá ɖǝ̀ ǝ̀búá ǝ̀wɔ̀ matǝ̀lǝ́ í àmǝ̀ kǝ́ ɖǝ̀ yɔ̀nrún kǝ̀ wó gbǝ́áǝ̀wɔ̀ matolé. ¹⁹ ǝ̀hòtɔ̀nɔ̀n ɖǝ́ká lɛ̀ kǝ́ do nǝ̀ ǝ̀nú jin kidǝ́ ǝ́ká wú í kpɔ́nɔ̀n jijɔ tǝ̀gbɛ̀ɛ dǝ̀ yǝ̀ nú nɔ̀n àmǝ̀si súgbɔá ú. ²⁰ ǝ̀nú biɔ̀ tɔ̀ ɖǝká kǝ̀ wó yɔ̀ nǝ̀ bǝ̀ lazaró ǝ̀mlin dǝ̀ yǝ̀ xɔxɔnú, kǝ̀ abi lǝ́ŋ́ún, ²¹ í lǝ̀ ji nǝ̀ alǝ́. Cán ŋ́ɖúɖú kǝ́lǝ́ gɔ̀jen lǝ̀ hótɔ̀nɔ̀n yǝ̀ tawú ú í sǝ́ŋ́ kpǝ́ ŋ́ nán avúwó vá lǝ̀ ɖùɖù yǝ̀ biwó mǝ̀. ²² ǝ̀và vá mǝ̀ bǝ̀ ǝ̀nú bistɔ̀á kú í Mawue ŋ́edotɔwó cɔ̀ dǝ̀ Abraham yǝ̀ kɔtanú. Hotɔ̀nɔ̀n cá kú í wo ɖú. ²³ Lǝ̀ àmǝ̀ kúkú wó nɔ̀n hoá, ǝ̀caká. ǝ̀kɔ́ yǝ̀ ŋ́kúviwó yi jí í kpɔ̀ lǝ̀ diŋ́di tohó í kpɔ̀ Lazaro lǝ̀ Abraham yǝ̀ kɔtanú. ²⁴ Í lǝ̀ dahá í lǝ̀ nú bǝ́: " dàdá Abraham, kpɔ̀ adɔ́nnù mǝ̀ ŋ́ í nán dɔ Lazaro kǝ̀ ŋ́ gbɔ xó nǝ̀ á cɔ̀ yǝ̀ lovi dǝ̀ cimǝ̀ í sǝ̀ŋ́ já dǝ̀ túŋ́ ɖǝ̀ ji, ǝnúkǝdɔá ŋ́lǝ́ vǝ̀vǝ̀ sǝ̀sǝ̀mǝ̀ lǝ̀ ǝ̀só lá mǝ̀" ²⁵ Vɔá Abraham nú bǝ̀: " ǝ̀vi nyǝ ɖòŋ́ún lǝ̀ tɔ̀ gbǝ yǝ̀ ŋ́kǝ́kǝ́ womǝ̀án ǝ̀nú nyɔ̀ngbi wó nɔ̀n asiwó í Lazaro ǝ̀nú bádàwó. Vɔá ifiá, wo nɛn ǝ̀gán lǝ̀ lá í wá ǝ̀lǝ́ ǝ̀kú mɔ̀n ji. ²⁶ Lǝ̀ nán wó gbǝ̀á wo cɔ̀ ayádò gánŋ́gán ɖǝká ɖǝ̀ ŋ́ nán ɖɛ̀, kidǝ súsú bǝ̀ nǝ̀ àmǝ̀ ɖǝ ji bǝ̀ yéá có lǝlá í yi ḿán gbɔá ŋ́ká tǝ̀ŋ́ yi o, í àmǝ̀ dǝ̀ŋ́ ŋ́kaá tǝ̀ŋ́ có lǝ̀ ŋ́ nán í vá lǝ̀ lá o!" ²⁷ Hótɔ̀ǹn nú bǝ̀: " ŋ́lǝ̀ ɖǝ̀ kúkú nǝ̀ wó dàdá Abraham, bǝ̀ nán dɔ̀ɛ̀ ɖíɖá tìŋ́ dàda yǝ̀ xomǝ̀. ²⁸ ǝ̀nukǝdɔá ŋ́ wɔ̀ nɔ̀nvi amántɔ̀n ɖɛ̀ kǝ̀ŋ́ gbɔ̀ xó nǝ̀ a vɛ̀ krán wó ɖɛ̀, kidǝ vɔ̀nwɔ̀n bǝ̀ wó cáwó ŋ́kaá vá tòhó kǝ̀ nyi vǝ̀vǝ̀ sǝ̀sǝ̀á mǝ̀ o." ²⁹ Vɔá Abraham nú bǝ̀: " wo wɔ̀ rɔ̀nsǝ́ kidǝ nyɔ̀n nú dɛ̀ tɔ̀wó dɛ̀; woá ɖotó:" ³⁰ ǝhótɔ̀nɔ̀n ɖòŋ́ bǝ̀: " ǝ̀o, dàdá Abraham, vɔá nǝ̀ àmǝ̀ ɖǝ́ lǝ̀ àmǝ̀ kúkú wó mǝ̀ í yi wó gbɔ̀á, woá trɔ̀ jimǝ̀. ³¹ Vɔá Abraham núnǝ̀ bǝ̀: " nǝ̀ wòŋ́ ɖotó Mònsǝ́ kidǝ́ nyɔ̀n nú ɖɛ̀ tɔwoá wo ŋ́kaá gbǝ̀ wó ɖǝ̀kíwó nǝ̀ àmǝ̀ ɖǝ̀ fɔ̀n citǝ́ lǝ́ àmǝ̀ kúkú wo mǝ̀ ca o."