¹ Fii àjrǝ kidǝ àvu ci lǝ mian mǝ ? Ŋnŋí mian jimǝ jijiwo ilǝ dɔn mi de mǝàn ? ² Mi lǝ ji ì nú ŋlǝ kpɔ o. Mí lǝ wú amǝ í lǝ xàmǝ, vɔà mí ŋkà kpɔɛ o. Mì lǝ xó mían ɖǝkiwo í lǝ̀ wɔ àjrǝ́. ³ Mì ŋwɔɖɛ o. Ɖo mí ŋlǝ́ biɔ o. Mí lǝ bíɔ í mi ŋlǝ kpɔɛ o yǝ gɔmǝ ínyibǝ mi lǝ biɔ dágɔ, cagbǝ mían jimǝ jíjíwo tɔ. ⁴ Mantété tɔ kǝ mí nyí ! Mí ŋnya bǝ ǝxrɔ jǝjǝ kíɖǝ xixéamǝnuwo nyí ǝkǝ mǝ nɔnɔn kíɖǝ Mawu. Amǝ kǝ bǝ ya jǝ xrɔ kíɖǝ xixǝamǝ àn, nyí nǝ kǝtɔ nǝ Mawu. ⁵ Nɔmi mi bu bǝ ŋrɔŋrɔán lǝ nú nyɔn gbalǝ kǝ í nú bǝ «Gbɔngbɔn kǝ í cɔ dǝ mían mǝàn nyi ɛŋuhàn gbɔngbɔn» ⁶ Vɔà Mawu nan nǝ amǝnu vǝvǝ dodoà, yǝ í nan ŋrɔnŋrɔn an nú bǝ «Mawu ŋudonǝtó ǝgoyilawo o, vɔà ǝvǝnǝ amǝkǝ bubɔnǝ wódekíwoa wo nú» ⁷ Mì bubùbɔ mian ɖǝkiwo nǝ Mawu. Mì tu mɔnǝ abùsanŋ nǝ a có lǝ mían gbɔ ý ɖiŋdiŋ tóxó. ⁸ Mí tǝbɔ Mawu nǝ yǝ cá nan tǝbɔ mí. Mí crɔ mian lɔwo kidǝ mían jíwo ǝgóyitɔwo. ⁹ Mí nɔn vǝvǝsǝsǝ mǝ, mí ffan kɔé nǝ mian fan avíŋ ! Mían núkókó la trɔ zún ádací í mian j́jɔ kpɔkpɔ la zún adɔn nou. ¹⁰ Mí bubɔ nǝ Mawu nǝ à kíkǝ mi dǝjí. ¹¹ Nɔviwo, mi ŋkalǝ nú mían ɖǝkiwo nyɔn nɔmí í kalassí nɔnvía, ǝ cɔ dǝ ǝsǝa ŋu í lǝ kɔntrú ǝsǝa. Nǝ ǝlǝ kɔntru ǝsǝa, ŋkatǝŋ nyí yẹ ji wɔtɔ o, vɔa yǝ kojoo dotɔ. ¹² Amǝ ɖǝka í nyí ǝsǝa ŋrɔtɔ kiɖǝ kojo ɖótɔ. Yǝ ɖɔkɛn í lí tǝŋun grɛdo í gbǝ dànhɛn. Mɛn wà nyí ɛewo kǝ lǝ kalassi nɔviwo à ? ¹³ Mi sǝ̀ mianwo kǝ lǝ nú bǝ: «Ǝgbà nɔmí ǝcɔ̀ nù kà yí ǝdú gàn na mǝ ì la vɛ do àjɔ í kpɔ àlǝ́» ¹⁴ Mǝn í nyan ǝnukǝ la va jɔ ǝcɔ. Í nu kǝ àvà trɔ zùn ? Ɖo mí wɔdɛ sigbǝ àya xóxó kǝ xónǝ í man dí́ŋdíŋ mǝ àtiɔ yí ǝnǝɔ ¹⁵ Mi ɖó la nu bǝ «Mí ɖo ḷa nú bǝ nǝ axotɔ lǝ àgbǝa mían wɔla nɔmì húnú.» ¹⁶ Vɔ ífía mí lǝ yígó ɖé mían tamǝ súsú ǝgrótɔwo. Ǝgo yíyí nan mɔ̀nkí ŋunyɔn o. ¹⁷ Nǝnǝ í amǝkǝ nyàn ǝnuɖǝ wɔwɔ í gbée wɔwɔà, ǝnúvɔɛn i.