¹ ŋfia, miwo ke nyi xotsnɔwoa, mi fan koe, yi fanvi ɖo ŋkeke Sɛŋunwo gbɔnɔ le ŋkɔ nǝ mi. ² Mia hokpokpɔwo nyiŋɔn i ekɔnviwo ɖe mia nudódówo. Mia sika kide mia ho jehún. Wo húnjeje laɖe midisa. ³ Mia hokpɔkpɔ la fiɔn mi gúdúgúdú sigbe ezo enǝ. Mi kpaɖi mia nu xɔaƒiwo ɖɛ nɛ ŋkeke kpɔtiawo. ⁴ Kpɔ, amǝkkewo wɔdɔ kide mi i mi gbe ƒɛntu tu nǝwoa, le ɖa axa, i wo hawo va je mia xotɔ ahua wɔto ganŋgan ye to nǝ. ⁵ Mi ɖu gbe le anyigbanyi i cɔ enu xɔaƒiwo do jijo nǝ mia ɖekiwo tomǝdi, mi dúnú i dami ɖɛ n mia ku gbe. ⁶ Mi buƒɔn i wu amǝ dodo, i ŋde aɖika. ⁷ Tɛnyewo, mi xoesɔ brɛwu keke i sei axotɔ ŋe vávà. Mi kpɔ, ebodetɔ̀ ke le nɔ̀nte kpɔ enukǝ i doa ŋe kucincin Ɨ nɔn nǝ ǝte kpɔ eci kǝlǝkǝtɔ kide eiŋgbe tɔa brɛwu kélékélétɔ. wo cɛn ku sea. ⁸ Miawo ca, mi xoesɔ Mi grado mian jiwo, ɖo axotɔye va va tɔbɔ Mi grado mia jiwo, ɖo axotɔ ŋe vava tǝbɔ O. ⁹ Tiŋ noviwo, mi ŋka ƒankoe nǝ miaɖekiwo nǝ woa va ɖo kojo kide mi o. Kpɔ -, kojoɖotɔ le xɔ́xɔanu ɖɛ. ¹⁰ Tiŋ nɔviwo mi kpɔ sigbe mawunŋɔn nuɖɛtɔwo ke xonuxo le axotɔ ye ŋkɔmǝa wō ɖu aŋa i gbe xoesɔ ɖuwè ŋna na nyi kpɔɖe nǝ mi ¹¹ Mi kpɔ, sigbe mi cɔ nǝ amǝkǝ hrɔn nɔn a wo sigbè yayra tɔwo ǝnǝ. Mi se sigbe wo xonu co Job ŋe jidodoŋuan, i mi niyan axotɔ ŋe ɖoɖo nǝ dɔnukpɔkpɔ kide xomǝƒaƒa. ¹² Mi te kpo, tiŋ nɔviwo n mi ŋka ta jiŋkori o, mi ŋka ta anyigblan, alo nǝ, mia de ǝze nǝ e nuɖe o. Vɔa, mia ''ɛnɛn'' na nyi ''ɛnɛn'' i mia ''oo'' nanyi ''oo'' nǝ mi ŋka yi ji kojoɖoɖo mǝ o. ¹³ Amǝ ɖe le mia mǝ i le tǒ dodokpɔwo mǝan? Na xoɖe. Amǝɖe le jijɔ mǝan? Naji kaƒukaƒu hawo. ¹⁴ Amǝɖe le mia mǝ i le le dɔa Nayɔ ehamǝ mǝcincin wo nǝ woa xoɖe nɛ, nǝ woa si ami yayra nǝ le axotɔ yè ŋkɔmǝ. ¹⁵ Xɔse ye ɖexóxó a dado i axotɔla eɔɛ cɔ. Ne i wɔ enu vɔɛnan, Mawu la cɔɛ keé. ¹⁶ Mia hun mia nu vɔɛn wo mǝ nǝ mi nɔviwo, i mia xoɖe nǝ mia ɖekuwo nǝ mia dɔwo na vɔ. ŋusɛn ganŋgan ɖeka le amǝ dodo ye ɖexoxo mǝ. ¹⁷ Elia nyi amǝ sigbe amǝɖesiaɖe enǝ. Ɨ xoɖe kide xose be eci ŋka ja o, yi eci ŋja keke nǝ exó àmǝtɔn kide wetù a maɖɛn. ¹⁸ I Elia gbe trɔ xoɖe. Jiŋkorù na eci ja yi anyigban cin ye ku ¹⁹ Tiŋ nɔviwo, nǝ amǝɖe le mia mǝ i le zɔn le enyɔdodo a mǝa, exrɔa na xonunɛ nǝ a trɔva. ²⁰ Na nyan be amǝɖekpuikpuiɖe ke la trɔ kprɔ enuvɔɛnwɔ ɖeka le búbu mɔnji va, a xɔye kpɔri va, i la con ye nuvɔɛn sùgbɔwo ji.