¹ Tiŋ nɔviwo, miŋkana nǝ amǝ sugbɔ nǝ wɔ dekia enukpratɔ lǝ miamǝ o.Minya be wodokojɔ nǝ amǝke kpra nǝ enu kitokito wu amǝwo a wo. ² Ɗo be miawosee, mi je nǝago ne amǝde lɛ, í ŋxonǝ nu dagɔ o, esú bribo, í ŋusɛn lesi wu amǝwo. ³ Nǝ midega enu nǝ esɔwo be wasetonua, miteŋu kpenǝ wo ji. ⁴ Mikpɔ tɔjihúwo. Togbɔ be wo gaŋgan, í aya sɛnŋu tutunewo a, ati cukuvi dekai amǝkele kui a danǝ í tɔjihua nayi lefi í ji be nayi a. ⁵ Nenǝke í adeca wɔdɛ nǝ.Togbɔ be ŋtinu cu kuvi deka inyi ca, enugaŋgan wo ŋu í ikunǝ do. Mikpɔ! ezo cukuvi deka í je nǝ avemǝ, í binɛn see. ⁶ Ade wɔdɛ sigbe ezo enǝ, xixe kemǝ enuvɔn wɔwɔ sugbɔ doa ye í inyi le mi ŋtinuwo mǝ, exonǝdu amǝtibriboa, í tɔ nǝ zo agbe asee. Ɨ ye ŋta a, zomavɔ de nǝ ezo mǝ í ibinǝ frafrafra. ⁷ Agbetɔvi ateŋu mra avu, xevi kide eran wadan de kukuɗe de ye lɔjí. ⁸ Voɔ amǝɗe ŋkateŋ kpe ye ɗe jio. Ade nyi enu kpoto ke wo adidɛ í adi ke wunǝamǝa ɗɔɛ taŋtaŋ. ⁹ Ye imi seŋ kanǝfu ahotɔa kide dádá, í ye ke í miseŋ donǝnu amǝ ke wowɔ de Mawu ye nɔnɔmǝ. ¹⁰ Enu ɗeka ŋna kemǝ yayra donǝ lǝ ! tiŋnɔviwo, ŋdola nɔn ena gbɔxo o. ¹¹ Ɗotɔ ateŋu ji ci vivi to í gbe ji ci veve ca zedeka. ¹² Tiŋ nɔviwo, ati bulɔmǝ ateŋ cɛn eku bulɔ mǝa? nene kei etɔ ke ji nǝ ejecia, ŋka teŋ gbe ji ci vivio. ¹³ Meke i nyi ŋunu nyatɔ kide enugɔmǝ setɔ le miamǝ? na disa agbenɔnɔn nyɔŋgbi le ye nuwɔwɔ wo mǝ, í na wɔɛ kide amǝ deki bubɔ bubɔ le ŋununyanya mǝ. ¹⁴ Ganke nǝ inyi be eŋuhuan vɔɛn le miá jimǝ, í le miamǝ amǝsiamǝ jinǝ be ye tɔ ye na nyɔ wu a, mi ŋka xovi de enyɔdodoa si i seŋ ka atabu o. ¹⁵ Ŋunu nyanya ŋna ŋco jiŋkui o, anyigbanyi tɔi, jɔjɔmǝ tɔi, gbɔngbɔn vɔɛn tɔi. ¹⁶ Ɗobe le lefi eŋuhuan le, í amǝwo ji nǝ be yewo tɔ na nyɔ wua, mabɔmabɔ kide enudan hin wɔwɔ nɛnɛ. ¹⁷ Ganke le ŋunu nya nya ke co jiŋkuia ya mǝ a,jeŋkɔ a edi,eveatɔa ejinǝ ŋtifafa, idonǝji, esenǝ nugɔmǝ namǝ, amǝnu ɗunǝ adɔnu nǝɛ, enyɔɛn donǝ co mǝ, ŋdenǝ vovototo amǝwome o, í ŋxonǝ vi o. ¹⁸ Amǝ ke ɗanavu ihǝnǝ ŋtifafa vaa do nǝ enuku ke ye kucincin nyi enu jɔjɔⱳɔ̣̣