ATCHAMADO_BEN-aug_heb_text

ǝta 6

¹ kə̀ ì nyí án mí án gbə̀ Kristo nyɔn kə́lə́kə́lə́ wó ɖɛ́, ímia kpánŋkɔ́ ifia yé nú wójí. Mí lə́ cɔ́ və́ və́ dódó nəənú kúkú wó kídə́ xɔsə bríbó lə Mawu mə, ² ŋ́nyí agɔmə ɖokpə́ nə ənú kpákprá kúɖə́ əcídə́tá wó, wo á zídə́ aməji ŋeu kidə nyɔ́nrún ɖə́ɖə́ mə, sigbə áməwó á kú igbə fɔn an kidə kojó ɖóɖó kpɔtíá. ³ Míá wɔ́ ənú ná wó cá nə̀ Mawu ɖəmɔn. ⁴ Ɖó əváɖí bə aməkə́ wo ŋkúvi núú nə kpɔ́ zəɖə́ káá wó, wó, kə́ wú ɖɔ Mawu yé nú nánán kpɔ, kə wó nyí gbɔngbɔn kɔkɔ yé mə wó, ⁵ igbə́ ɖɔ́ Mawu yé nyɔn nyɔ́nɛ́n séé kídə́ ŋ́sɛ́n kə́wo gbɔ̀nɔ̀n lə cɔmə, vɔ̀à ⁶ wó gə́gɛ̀n; əvaɖì bə wó á trɔ́ yi wónú mányɔ́n wó mə. Ǝ́lá cágbə́ wó gbə́ trɔ́ íkan Mawu ə́vi ɖə àtícógá lə wóŋ́tá wó jòjrómə, ícɔ́ɛ́ isə trɔ́zú ŋ̀kpə̀ nú. ⁷ Ɖó anyígbán kə̀jí ə̀cí lə̀ jádó ílə́ ná ənúkú wó lə̀ nyɔ́n, lə xɔ́ yàyrá có Mawu gbɔ́. ⁸ Vɔ̀à nə ányígbán nan aunjá kidə ənúkú dúɖú wo, ənyí ə́nú kə́ ŋ́nyɔ́n wó, í á gbə́ kpɔ́ ə́fíxódə́ lə mə. Lə ə́nú wúwúú ə́zó á bí tó lə́nán wo see. ⁹ Nɔ́ví rɔnrɔntɔ́wó, sígbə́ mí lə nú ənyɔ́n lá nə́ án, mí káɖə́ji bə́ ənúnyɔ́nɛ́n lə kàn mì kídə́ ɖə́ɖə́ kpɔ́kpɔ́. ¹⁰ Ɖó Mawu ŋ̀nyì amə́ táfútɔ́ kə́kə́ àŋrɔ́nbé ənúkə wó mì wɔ̀ kidə rɔnrɔ́n kə́ mì ɖə̀ dísá nɛn lə yé ŋkɔ́a, kúdə́ sígbə́ nù kpə́də́ xɔ́sə́ tɔ́wóún ímí gbə́ kpɔ́tɔ́ wɔ́ɛ nən. ¹¹ Ímilə ji sugbɔ bé aməsiamə lə míame na ɖədisá kabá kəkə́ isé yí nú wúwú, nə káká déjí bríbó. ¹² Mí ŋ́ləjí bə míá vátrɔ́zú kúfiɛ́n tɔ́wwó, vɔ a mí sra aməkə́ wodú cínɔ́n lə enugbe dódó wó cagbe xɔse kìdé jigbɔndɛ. ¹³ Ɖo kə́ Mawu do ənugbə́ nɛn Abraham, ə́tánú déji yéŋ́táyi cagbé aməɖə ŋgbə́ lɛ í gánŋ́gan ɖóé íátéŋ́tá nú an də yé tóxó o. ¹⁴ Ǝbə́: "ma lə yrá wó tɛ̀gbɛ̀, itɔ̀ kúkàn wó ájí súgbɔ́." ¹⁵ Tó nɔnnɔn məjí á, ənuké Abraham nɔ̀nté kpɔ́ kéké vá vame. ¹⁶ Ɖó ameɖo wo tánenu có amekə́ nyí gan nɛ́n wó a woji. Le amesiame wó nyɔ́n núnúyé vɔxó á, ənyɔn kə aməsiamə nú á í ávámɛ. ¹⁷ Kə Mawu vá có ílə́ ɖə disá nyɔnŋgbi nə aməkéwo ɖu cinɔn, nɛn kpɛnkpɛn kə́ lə́ ənúkə ì wɔ́ kíɖe kaká dəji ne amekə jágɔ̀ aacá. ¹⁸ Ǝvá ɖéjisá kidə́ enuaməvə́ kə́ wó kátáŋ́ɖɔ̀ri wó (kə wó mìkpɔ bé Mawu ŋ́ká tə́ŋ́ xóvìo) míáwo kə si ívɛ́bə́, míà dójibrìbá ne kakádéji kə wó ɖó nə́ míá. ¹⁹ Míɖó kàɖə̀jí sígbə́ acímə sɛnyun lə́ míà gbɔngbɔn wó me, kàɖéji kə́ wó nán àvɔ̀n kə wó sə vó ne əxɔ́ me an ne. ²⁰ Jesus vá tóxóá sigbé amekə cɔ́ ənyɔ́n ɖə́ká gbɔ́nɔ́n nɛ́n mí, yé kǝ̀vá trɔ́ zú vɔ̀sátɔ́ tɛ́gbɛ̀ sigbé Melchisédek yé nɔ́nnɔn me.