ATCHAMADO_BEN-aug_heb_text

Ǝta 7

¹ Melchisédek ǝlá, salem ǝƒiɔ, Mawu yé vɔ̀sátɔ́ gánŋ́gan, í dogo Abraham lé yé tɔtrɔ́me í yrɛ́, ke iwu ǝƒiɔwó jrɔ́ á. ² Abraham cɔ́ ǝnu kǝ ile siá ye kpá-amewútɔ isénɛn. Yéŋkɔ́<> gɔmǝ inyi << Ǝƒió dódó nútɔ́>>, Igbǝ nyi salam wó́ ƒiɔ, yégɔ mǝ inyi << ŋtiƒaƒáƒiɔ>>. ³ Ǝnyi ameɖǝká kǝ ŋ́wɔ́tɔ́ɖɛ́, ŋwɔ́ ǝ nɔ́nɖɛ́o ŋwɔ́ tɔ́gbió ɖɛ́o, wó ŋnyan gbǝ i wó ji o, nǝnǝnkǝ́ wó gbé nyan yé núwúwú o. Vɔ́á ǝkpɔ́tɔ́ í nyí vɔsátɔ́,sigbe Mawu yé vinǝ. ⁴ Iƒia, míkpɔ́ sigbó amǝnà nyí amǝ gánŋ́gan ɖéká vayi à. Mía tɔ́gbi Abraham cɔ́ ǝnú dodó akpá amǝwoa tɔ́ kǝ ixɔ́lé áhuà ísé cɔ́nɛn. ⁵ Lǝ ŋná mǝ lévi yé jiji mǝ vió nyí ƒada, wó xɔ́ ǝmɔn ɖéɖé be wóa lexɔ́ enú jɔjɔ́ yé kpaɖéka le Israél viósi,gbɔxó wocaó nyi Abraham yé jijimǝ víó wó. ⁶ Vɔ́à Melehisédek, ké ŋnyi lévi yé jijimǝ viá lé xɔ́ enujɔjɔ́ le Abraham si, í nagbǝ́ yrɛ́, yé kǝ́ danǝ enugbé wóa. ⁷ Enyɔnɖé ŋgbé lɛ íséwúbǝ́ amǝganxó i xónǝ ɖǝ́ nǝ ɖévió. ⁸ Le ŋna mǝ an amǝkukúwó lǝ xɔ́ enu jɔjɔ́, vɔa ŋná, mia do jesi be amǝ kelé xɔ́ enu jɔjɔ́ ŋnawóá nyi amǝ lágbé wó. ⁹ Nǝ miágbǝ̀ nuí an, lévi kǝ́ xɔ́nǝ ǝnú jɔjɔ́ wó, Abraham cá jɔ́nǝ ǝnú wó. ¹⁰ Cagbǝ́ lévi le Abraham jiji víó xómǝ gaké mǝkǝ í dógó Melchisédek a. ¹¹ Iƒia, nǝ ŋkɔ́ yiyia vámǝ cɔ́ ƒada levitique tɔ́ wó (ǝsé kprɔ dúá lǝ yé sime.), egbé híán bé mía jí vɔ́sátɔ́ bú sigbé Melchisédek enɔ́nɔ́n, an, i wó kágbǝ́ nú bǝ́ Aaron yé nɔnɔ́n mǝ an?. ¹² Cagbe nǝ wó dɔ́ri ƒadá a, wó á ɖɔ́rí ǝsǝ́ wó cá. ¹³ Vɔ́á amǝké un wó le nú enyɔ̀n lá ó coa lǝ́ có ákɔ́ytá bú mǝ, ke amǝ ɖé ŋlé wá mǝ i ́wɔ́dɔ́ le gbédóxɔ́mǝ kpɔ o. ¹⁴ Iƒia, ǝlǝ́ mǝ bǝ míá xótɔ́ có Juda yé jíjímǝ, akɔ́ŋ́tá ɖéka ke Mose ŋ́xónú có kpɔ́ wó nú naná wó ún o. ¹⁵ Í enyɔn ké mí lé nú a mísé gɔ́mǝ nyɔŋ́gbí, nǝ vɔ́sátɔ́ ɖo có lǝ Melchisédek yé nɔ́nɔ́n mǝ. ¹⁶ Vɔ̀sátɔ́ yéyénán ŋnyi amǝke có ámegbetɔ́ yé jíjímǝ wó mǝ, vɔa có agɔmǝ ɖokpé yé ŋsǝnkǝ wó ná téŋ gbán o. ¹⁷ Ɖó enú ŋɔ́nŋnɔ́n le núí: << Ǝwo í nyí vɔ́sátɔ́ ké mí jésí le Melchisédek yé sé mǝ.>> ¹⁸ Ɖó wó cɔ́ ǝsé xóxó á dé ákpáɖéka cágbǝ́ ŋ́ɖóŋsǝ́n o í ŋgbé lǝ ǝɖǝ́mǝ o. ¹⁹ Ɖó esé ná ŋwɔ́ nú nyɔ́nŋgbí ɖǝ ó, le ŋna yé gbǝ á, káɖéji ɖéka gbɔ́nɔ́n yé ilǝ́ nyi bǝ mí lǝ tǝ́bɔ́ Mawu á. ²⁰ Kadeji nyɔ́ngbi lá ŋká vá mǝ ké mí na tánú o ɖó wó nyí vɔ́sátɔ́ wó kǝ́ wó ŋtánú dǝjí o. ²¹ Vɔ́ á có ǝla mǝ, Yesu;xɔ́ vɔ́sá yé nú tatá có ameké lé núnǝ bǝ́: << Míán Dádá tánú bǝ́ yé ká hú enúyɔ́nɛn gɔ́mǝ: << vɔ́sátɔ́ í í nyí tɛ́gbɛ́>>. ²² Cagbe ŋnátɔ̀á, Yesu vátrɔ́ zú amǝke lé bɔ́ édúwó dédú. ²³ Vɔ̀á eku lǝ wú vɔ́sá kǝkǝ́ wó ŋte lǝ wɔ́ wó dó wó yíŋkɔ́ o; itáɖó í vɔ̀sátɔ wó lǝ́ vá ɖǝká. ²⁴ Vɔ̀à Yesu yá lágbǝ ɖɛ tɛ́gbɛ́, í yé ƒíɔ́sá cá lè yé toxó ɖɛ́. ²⁵ Le ŋna mǝ a, Yesu ɖo ŋsɛn ke á xɔ́ amǝ kelé tebɔ́ Mawu có yégbɔ cagbe elé amǝ gbétɔ wó kiɖe Mawu yé dóŋɖómǝ. ²⁶ Ejé nǝmi be mi wɔ́ xɔ́namǝtɔ́ lá ɖɛ́.Ǝnyi amǝke ǝɖi ŋlǝ un o, ŋ́jàgɔ́dé ámǝdé ún o, ŋlǝ ǝnúnvɔ́nɛ́n wɔtɔ́ wó mǝ ó, ìvàtrɔ́ zu amǝ gan le jiŋkori. ²⁷ Tóvònǝ vɔ̀sátɔ́ gánŋgan, ŋ́sánǝvɔ́ tɛ̀gbɛ̀ o, kǝlǝ kǝlǝ nǝ yéŋ́tá núvɔ́nɛn wó, kidé yé dúá mǝ víótɔ̀. Zǝ́ɖǝ́ká tɔ́tɔ́ í ìwɔ̀ɛ́ í cɔ éɖékía íse sávɔ. ²⁸ Sé yi jiá ǝsǝá cɔ́ amǝkǝ wó ŋɖ ŋsɛn, vɔa enyɔn ke có ǝnú tatámǝ kelǝ có ǝsǝ amǝ, kǝ nyi ǝviɖǝ́ká, kǝ nyi ǝnú dodó séyi mavɔ mǝ.