ATCHAMADO_BEN-aug_heb_text

Ǝta 5

¹ Do amǝsiámǝ kǝ́lǝ́ sávɔ́ de amɔtá, kǝ wó cɔ́ lǝ ámǝomǝ, ǝnyí ámǝ́kǝ́ wócɔ́ í á lǝ́ xónu dǝ́ Mawu yé nú wɔ́nà wó ún, gbɔ̀xó nǝ atǝŋ ná mí ǝnúwó kidǝ vɔ̀sá nǝ ǝnúvɔ́nɛn wó. ² Yée gbǝ atǝŋ sɛn ún dǝ amǝma nya nú wó kidǝ amǝ dáhɛn wó ún vɔ̀à ǝnú nán wó lǝ có yé ŋtá gbɔ́. ³ Í tadó á yé ŋtá dó lá sávɔ dǝ́ yé nuvɔɛ́n wó tá sigbǝ í wɔnǝ dǝ́ ǝdù ó tá nǝ. ⁴ Í amǝdǝ ŋká tǝŋ cɔ́ kàfù kàfù nǝ dǝkíá ò, vɔ̀à lǝ yé ŋgbǝ́ á, Mawu yɔ́ɛ́, sigbǝ Aaron cá nyi nǝ. ⁵ Dǝ́ nɔnɔ́n dǝkɛn an mǝ, Kristo ŋcɔ́ dǝkíá bǝ́ ǝyé í nyí vɔ́sá tɔ́ gánŋ́gán ò. Yé ŋ́gbǝ́a: Mawu nú nǝ́ bǝ́ < wó í nyí ǝviɛn, i ǝnyǝ i nyi tɔ́ dádá.>> ⁶ Nǝ í gbǝ́ lǝ́ núi lǝ́ tóxó kpɔ́tiá wó cá nǝ. <<Ǝ wó í nyí vɔ̀sá tɔ́ sigbǝ Melchisédek yé dódó mǝ́ nǝ.>> ⁷ Lǝ́ ŋ́kǝ́kǝ́ ámándrǝ́ámǝ an, Kristo wɔ̀ ǝdǝ xòxò kidǝ ǝnúnaná wó, áxá dǝdǝ kidǝ avi fánfán wó nǝ́ Mawu, yé dǝkɛ́n kǝ́ átǝŋ́ dǝ lǝ ǝkú yé lɔ̀mǝ. Có gbɔngbɔn kǝ́lǝ́sia Mawu dà si dǝ yé nuwó ji. ⁸ Ǝnyí Mawu yé vi vɔ̀à, ǝxɔ́ bubu có áyádúdú wó mǝ. ⁹ Có inan wó mǝ án ǝvá nyí ámǝ dodó dǝ́ká i gbǝ́ nyí amǝ kǝ́ cɔ́ dǝdǝ kpɔ́kpɔ́ mavɔ́ dé amǝsiámǝ kǝlǝ́ dó bubu un an. ¹⁰ Mawu cɔ́ɛ́ sigbǝ amǝ kǝ́ nyi vɔ̀sá tɔ́ le Melchisedek. ¹¹ Ǝnyɔ̀n sùgbɔ̀ lɛimíá nú có Yesu un, vɔ̀à yé gɔ́mǝ́ sǝsǝ́ á vádí cagbǝ́ mì sǝ́nǝ ǝnúgɔ́mǝ kába ò. ¹² Cagbǝ́ galámǝ án, mià wó kǝ́ a nyi ǝnú kprámé tɔ́ ó á, mìgbǝ̀ lǝ̀ ji bǝ́ amǝdǝ́ ká ná lǝ kprá mì Mawu yé gɔmǝ dokpǝ́ nyɔ́n wó. Mìlǝ jí ánɔ́nci vɔ̀à mì ŋlǝji ǝnú dúdú kpɛnkpɛn ó. ¹³ Amǝ kelé nu ánɔ́nciá ŋnya nǝ̀ enú có Mawu yé séwó ún o, cagbe egbé kpɔ́tɔ le devi mǝ dɛ́. ¹⁴ Vɔa ǝnú dúdú kpɛnkpɛn i nyi ámǝ gánxó wótɔ́. Mikpɔ amǝkǝ́ wó,cagbǝ wó nú tóxó kpɔ́kpɔ́ na bǝ wó nú nyanyán ná nǝ bǝ wó dǝ nǝ́ vovo toto dǝ́ ǝnyɔɛn kidǝ ǝvɔɛn domǝ.