¹ Lǝ́ ŋ́ná un, míán jàyé sùgbɔ̀ nǝ amǝsiamǝ cagbǝ nǝ ǝnumǝgbǝ kǝ Mawu núdɛ́á ŋ́ká váyitaó, lǝ Mawu yé fiɔ́dúxó mǝ́. ² Dó wó nú ǝnyɔ́n la nǝ míán wó séé. Vɔa amǝkǝ wó ŋ́xɔ́jisé wó ŋ́kpɔ́ ǝ́lǝ́ sigbǝ amǝkǝ wó xɔ́jísǝ́ á wó. ³ Dó miáwó kǝ́ xɔ́jisé, dǝ́kɛ́n i á yí fiɔ́dúxó mǝ, sigbǝ́ i nùàn:< i na wó séé á yé nú wɔ́wɔ́ wó va mǝ nǝ xixǝa yé tútú gɔ́mǝ́ dokpǝ >>. ⁴ Dóǝ́ xónú lǝ àfidǝ́ká có ŋkǝ́kǝ́ amandrǝ́ tɔ́ un:<< Mawu gbɔ́ndémǝ́ le ŋkǝ́kǝ́ ámándréá tɔ́ji lǝ́ yǝdɔ́ wɔ́wɔ́ wó mǝ.>> ⁵ I gbǝ́ nu bǝ́:< ŋ́ná tǝ́ŋ́ vá tiŋ́ fiɔ́dúxómǝ́ ó.>> ⁶ Dǝ ŋ̀nà ùn, kǝ inyi wó kpɔ́tɔ́ tóxó a dɛ́ amǝdó ó á, i kǝ́ inyi bǝ́ Israél viwó súgbɔ́ lǝ wómǝ kǝ lǝ dotó Mawu yé nyɔ́n, vɔ̀à kùdǝ̀ wó tónú màsǝ á wó ká tǝ́ yi Mawu yé fiɔdúxó. ⁷ Mawu gbǝ cɔ́ ŋ̀kǝkǝ́ dǝká kǝ́ wólǝ yɔ́ bǝ́,<< Ǝgbá>> lǝ ŋkǝkǝ wó ŋgbǝ́ á, ǝxónú tó David ji, sigbǝ́ wó nú í váyi nǝ:<<Ǝgbá, nǝ mílǝ́ sǝ́ yé gbǝ́ a nùká lǝ́ trí jimǝ o. >> ⁸ Do nǝ Josué nàwò fiɔ̀dùxó á, Mawu ŋná gbǝ́ vá xónú có ŋ́kǝkǝ́ dǝ́ bú ún ó. ⁹ Dǝ ŋna un, Sabat yé fiɔ́dúxó déká gbǝ́lɛ kǝ́ wó cɔdɛ́ nǝ́ Mawu yéviwó. ¹⁰ Do amǝ́kǝ́ dó Mawu yé fiɔ́dúxómǝ lǝ́ mǝ kidǝ yé nú wɔ́wɔ́ wó, sigbǝ́ Mawu ŋtá cá nǝ. ¹¹ I tádóá, mián wɔ́ kábá íyi Mawu fiɔdúxó mǝ́, cágbǝ́ nǝ ámǝ́ dǝ ŋka vá jǝ́ amǝ màbù màbù mǝ̀ sigbǝ wónǝ o. ¹² Dó Mawu yé nyɔ́n lá lágbǝ i lǝ vǝvǝ i gbǝ lǝ sigbǝ ahùà wui.Ǝ̀ dó nǝ́ amǝmǝ kǝ́kǝ́ i nán nǝ amǝgbǝtɔ́ yé sǝ lǝ gbɔ̀ngbɔ̀n mǝ kidǝ amǝ yé mɔnɔ̀n mɔnɔn yé kpǝ́kpǝ́ cinu.Nǝnǝ́ kǝ i nya nǝ sùsú kǝlǝ ǝji nǝ amǝ. ¹³ Xixǝ́ mǝ yǝnú dǝ́ ŋwrá dǝ Mawu kpɔ́ lǝ gbáŋ́gbá igbǝ́ lǝ́ ŋkútá nǝ amǝkǝ mian jó akɔ́ŋ́tá nǝ́ án. ¹⁴ Í fíá kǝ ínyí bǝ́ mí wɔ́ amǝgán dǝ́ká dɛ́ kǝlǝ́ sávɔ̀ dǝ míáta có xíxǝ́ámǝ séé, Yesu Mawu ǝví, míán do vǝ́vǝ́ míán xɔ́sǝ́ wó jí séé. ¹⁵ Do mí wó vɔ̀sá tɔ́ dikadɛ kǝ mian teŋ́ man mian vǝ́vǝ sǝ́sǝ́ kidǝ́ mi, vɔa mi wɔ́ amǝdǝ kádɛ́ kǝ́ wótǝkpɔ́ sigbǝ́ míá wó cánǝ́ lǝ́ nɔ̀nɔ́n vɔvo ó mǝ, vɔa ǝnyí amǝkǝ ŋwɔ́ ǝnúvɔ́nɛn ó. ¹⁶ Míá tebɔ́ míán nɔnviaó kidǝ kákádǝji lǝ amǝnuvǝ́vǝ́ ziŋkpíán gbɔ́ nǝ́ míán téŋ́ xɔ́ àdɔ̀ nù mǝ kpɔ́kpɔ́ nǝ́ mian tǝŋ kpɔ́ amǝnuvǝ́vǝ́ nǝ mian sǝŋ kpǝdǝ gaxoxo kǝ gbɔnɔ́n an wó mǝ.