¹ Ɨ́ tádó, nɔnvi rɔ́nrɔ́n tɔ́wó lǝ Christó mǝ, mì dó ǝmɔ́n nú kpɔ́kpɔ́ lǝ xɔsǝ́ mǝ. Micɔ́ Yesu, amǝ dɔ́dɔ́ kidǝ amǝ ko cɔ́ ǝdǝ́kiá í sǝ́ sávɔ́ dǝ mían núvɔ́ŋɛn wótá. ² Ǝ nyi amǝdǝ́ká kǝ́ wɔ́nǝ ǝnu dódó nǝ Mawu í ícɔɛ sigbǝ Mose kǝ nyí énú dódó wɔ́tɔ́ ɗeka lǝ Mawu yé xómǝ. ³ Ɗó ǝcɔ́ bubu dǝká nǝ Yesu lǝ ŋti kɔkɔ bribó sigbǝ́ Mosé kǝ́ cá cɔ́ yé ji bribó nǝ Mawu lǝ yé xómǝ nǝ́. ⁴ Cagbǝ́ amǝsiámǝ tú yé xó vɔ́á Mawu í tú enú dǝsiádǝ. ⁵ Akpa dǝká jiá Mose nyi adodonɔtɔ sigbǝ dɔ̌cɔ́vi dǝká lǝ Mawu yé xomǝ. Ǝnyi kpɔ́ dǝ un tɔ́ dǝka nǝ ǝnú kǝ wó ává jɔ le ecɔ́mǝ. ⁶ Vɔa Kristo nyi ǝvi kǝ dó acɛkpákpá Mawu yé xómǝ nǝ mi dó vǝ́vǝ́ lǝ miá kadǝ́ji lǝ ǝlǝ nɔnnɔn kɔɛ́ kidǝ ayétitɛ́. ⁷ Yétádó, sigbe gbɔngbɔn kɔkɔ lǝ nú ań:< mí lǝ sé yé gbǝmǝ ǝgbá á, ⁸ Mìkà tríjímǝ sigbǝ́ amǝ kǝwó có dǝ amǝ wo un lǝ tǝtǝkpɔ gamǝ lǝ zogbǝji nǝ. ⁹ Ǝlá lǝ vámǝ gàkǝmǝ mián tɔ́gbí wó có dǝ́ jinyǝ i lǝ́ gbǝ́ vɔ̀à lǝ exó hóká yé ŋgbǝ́ à wó kpɔ́ tíŋ́ dǝ wɔ́wɔ́ wó. ¹⁰ Ɨ́ cá tiŋnú lǝ vǝ jiji mǝ ŋ̀ná wó un. Ɨ bǝ: "wó bɔ́nnɔ̀n nú lǝ wó jimǝ i wó gbǝ́ jǝsi tiŋ́ mɔ́n wó. ¹¹ Lǝ ŋná mǝán ŋ̀tánú kidǝ àdɔ́mǝsì: wó ná dó tiŋ gbɔ́njɛ́n xómǝ ó .">> ¹² Nɔ́nví wó, mì kpɔ́ mià dǝ́kiwó ji, nǝ́ amǝdǝ́ ŋka dósùsù bádá, jìmǝ̀ mákɔ́ dǝ́ Mawu agbǝ́ agbǝ́ ún ó. ¹³ Vɔ̀à mi lǝ́ yɔ́ mián nɔ́vió ŋkǝ́kǝ́ dǝ́ká dǝ́ká kǝ́kǝ́ isǝ́ na gakǝ me kǝ́ isǝ́ vá nǝ ǝgba mǝ án, ǝnuvɔnŋɛn wɔ̀wɔ̀ wó na dǝ kpɔtɔ́.́ ¹⁴ Ɗó mian kǝ́ vá trɔ́ Kristo tɔ, nǝ mi do vǝ́vǝ́ có agɔmǝ jǝ́jǝ́ kǝ́kǝ́ isǝ́ vá nú wùwù a. ¹⁵ Wó nú dǝ́ŋná un bǝ:< ǝgbá mì lǝ̀ sǝ yé gbǝ́mǝá, miká trijimǝ sigbǝ amǝ kǝ́ có nǝ́ dǝ́ ámǝ̀ ún wó.>> ¹⁶ Mɛ í nyí ámǝ késé Mawu yé gbémǝ̀ icó déyi á? ŋnyí ámǝ́ ké wó Mose délé Egypte nyìgbán ji à? ¹⁷ Ɨ́ mɛ wó jí wólǝ́ códǝ́ nǝ ǝxó hólá (40 ans)? Ŋnyi amǝ kǝ wówó nú vɔyɛn í kú cí zogbǝ́ji a? ¹⁸ Ɨ́ mɛ í wó nú nǝ bǝ́ yé wó ŋká í yé gbɔ́jɛ̀n xó ámǝ ò, nǝ i nyí àmǝ̀ kǝ́ wó ŋ́lǝ́ dó bubu nǝ́ àn wo. ¹⁹ Mi kpɔ́ bǝ́ wó ka taŋ í gbɔnjɛ̀n xó ámǝ kúdé wó nɔnɔ́n má nyɔ́n mǝ̀.