ATCHAMADO_BEN-aug_heb_text

Etá 2

¹ Ɨ́ tádó í míà nɔ́n acéji nǝ ǝnú kǝwómí lǝ séa wó, gbɔ̀xó nǝ ǝ́nú nà wó ŋká vá trɔ́ susu nǝmi wo. ² Ɗó ǝnyɔ́n kǝ Mawu yé mǝ dɔ́dɔ́ vá nú nǝ wó xɔ́ji sea, í nǝ àhúà wɔ́wɔ́ kidǝ àmǝ màbu mabu màbu wó xɔ ǝtó dɔ̀ndɔ̀n kǝjǝ́ nǝ wónú kǝ wó wɔ̀a wóá, ³ nǝ mia tǝŋ wɔ́mɔ́n i ǝnúná a tǝŋ frátánǝ́mi nǝ́ mi lǝ cɔ́ kafukafu gánŋgán nɛn í sǝ lǝ yɔ́ ǝnúdǝ ? Kafukafu kǝ wó nú dídá kǝ́lǝ́kǝ́lǝ́ có miá Dádá gbɔ́ í mí gbǝ́ séé kidǝ kadǝji lǝ́ yé mǝ dɔ́dɔ́ wó gbɔ́. ⁴ Mawu cágbǝ́ dǝ́ dísá kidǝ jǝsidó wó, amǝ sɛn ún wó́, enu wɔ́wɔ́ vovo wó, có ǝnú náná vovo wó kidǝ jojró có gbɔ̀ngbɔ̀n kɔ́kó mǝ. ⁵ Ɗó Mawu ŋ́có xíxǝ́ kǝ̀ gbɔ́nɔ́n lǝ ǝ́cɔ́mǝ isǝ dǝ yé mǝ dɔ́dɔ́ símǝ o, kidǝ ǝnyɔn kǝ mi lǝ nùá wó. ⁶ Vɔa tó ŋna yé ŋgbǝ́á, amǝdǝ́ká lǝ afidǝká lǝ núbǝ́:<<Ŋúkǝ́ ámǝgbǝtɔ́ nyí í á lǝ ɗóŋui ? nɔ̀nmí amǝgbǝ̀tovi cágbǝ nǝ́ ná lǝ́ lǝ́bǝ̀nɛ̀n ? ⁷ Èwɔ̀ amǝgbǝ̀tɔ vɔ aŋsɔ́ kídǝ Mawu yémǝ dɔtɔ́wó, Ǝcɔ́ ŋ́tíkɔ́kɔ́ kídǝ bubu gànŋ̀gàn nǝ̀. ⁸ Ǝcɔ́ ǝnúdǝsíádǝ dǝ yé fɔ̀á gɔ̀mǝ̀.>> ɗó yé í Mawu cɔ́ ǝnu ɗesiáɗǝ nɔ̀n. Ǝnú ɗǝ́vɛ́n ŋ́kpɔ̀tɔ́ kǝ ŋ́cɔ́ nǝ o. Ɗǝ gàlámǝ̀ míŋ́lǝ́ kpɔ́ xàɗó bǝ mawu cɔ́ ǝnú náwó kǝ́ŋ́kǝ́ŋ́ í sǝ nɛn ò. ⁹ Vɔa míkpɔ́ ámǝ́ kǝ́ wɔ gamǝ hɔ́ɛ́dǝká lǝ Mawu yé mǝ dòtówó gɔmǝ: Yesu kǝ́, cagbe yé yádúdú kidǝ kǝ ì kúá, wó cɔɛdǝji lǝ ŋtikɔ́kɔ́ mǝ kidǝ bubu. Ke ìnyi le Mawu yé amǝnúvévé, éjá eku dé amǝsiamǝ jì. ¹⁰ Ejé nǝ́ Mawu, cágbǝ ǝnúkǝlǝ́ xíxǝ́ámǝ̀ séé lɛ́ɗɛnɛ́ igbǝ nyi yétɔ́, í àkprɔ ǝ́vi súgbɔ́ lǝ amǝnúnǝ́vǝ́. Ǝjǝ́ bǝ́wó á dónɔnɔn nǝ nyɔ́nŋ́gbí lǝ ɗǝɗǝkpɔ́kpɔ́ sǝkúdǝ yé yádúdú wó mǝ̀. ¹¹ Ɗó amǝ kǝ cɔ́ dekiá kidǝ amǝ kǝ́ wó cɔ́ í cɔ́ í sǝ́ sávɔ́á wó có tóxó dékɛn án. Ɨ́ tádó ŋkpɛn ŋlǝmǝ́ bewó á wɔ bǝ nɔnvi ó. ¹² Ǝbǝ: < yɔ tá ŋkɔ́ nǝ nɔnvi nyǝ wó, í ma jíha lǝ tánú wɔ́wɔ́ wó le bɔ̀bɔ́ ganŋ̀gán domǝ. >> ¹³ Sè yì jì á: < cɔ́ tiŋ́ ji bribó nǝ́.>> sǝyi jíá: < ŋlɛ kidǝ ǝvikǝ Mawu naŋ́ ań wó.>> ¹⁴ Ɨ fia, kǝ inyi bǝ Mawu yé viwó séé lǝ mán ŋtirán kidǝ éhuan, Yesu cá lǝ man nǝnǝ nu kidǝ wo, gbɔ́xó nǝ ǝkú vá dó á nán xɔ́ ŋsɛn lǝsi, yé i nyi Abúsan un. ¹⁵ Yé í na ilǝ́ cɔ́ amǝkéwó, cagbé ǝkú tɔ̀, wó trɔ́ wú amǝ xǝxrǝ́ wó ¹⁶ Có ŋ́ná mǝ́án, ŋ́nyí Mawu yé mǝ dɔ́tɔ́ wó un í lé kpé́do, vɔa Abraham yé kúkán mǝ viá un ilǝ kpǝdó. ¹⁷ Lǝ ŋ́ná wó mǝ́ án, ǝlǝ́ vǝ́vǝ́ nǝ́bǝ yé a trǝ́ sigbǝ wó nóńvinǝ́ gbɔ́xɔ́ nǝ yéatrɔ́ zú ámǝké lǝ savɔ́ dé amǝwota kidǝ adɔmǝtɔ́trɔ́ lǝ Mawu yé nú wó mǝ́, kidǝ cɔ̀cɔ̀kǝ lǝ ǝdúvió mǝ. ¹⁸ Cagbǝ́ Yesu a ŋ́tá kpǝ́fú kidǝ tǝ́tǝ́kpɔ́ wó, í igbǝ sogbǝ́ dɛ bǝ yeá kpǝ́dǝ́ ámǝ́ kǝ́ wó tǝ́ kpɔ́ á wó uń.