¹ Miná mián wɔ nú yi di Mawú sigbǝ ǝ̀vìáwó kǝ irɔn wó ǝnǝ́. ² Yi Mizɔ lǝ rɔ̀nrɔ̀n mǝ sigbǝ nǝ́ Kristò rɔnmí í cɔ́ dǝ̀ǝ kia í sǝ́ŋná dǝ́ miánta ǝnǝ́, ǝ́nyí ǝnúnáná kidǝ́ vɔ̀sa náà nyi cǝ́nu kǝlǝ hɔ̀n nyɔ̀ŋgbin á nǝ́ Mawu. ³ Dɔ̀ndɔ́n majǝ majǝ màkɔ̀ màkɔ̀ ǝ̀nɔnɔmǝ jojró ŋútiran mǝtɔvɔ́n wó, ŋjǝ bǝ́ wóá dǝ́ jǝ̀sì ǝnúu nawo lǝ mian domǝ ò sigbǝ nǝ́ ijǝ amǝ kɔkɔ xɔ̀sètɔ̀wó ǝnǝ́. ⁴ Ŋukpǝ núwɔwɔ wó ǝnyɔ madi nyɔwo, áwɔnu bǝ́ asǝjǝ́ amǝwó ŋu, kǝ ŋnyɔ́ bǝ́ wóá wɔ o. Kǝ nyɔ́wú á yǝ́ nyi akpǝ́ ⁵ Ǝ́mǝ dó lá nɔ nǝ́mi bǝ́ amǝvǝwo sééé lǝ nɔ̀nɔ̀mǝ̀ bàdà láwó mǝ̀a kǝwo lǝ nyi dɔ̀ndɔ́n majǝ majǝ̀ màkɔ̀màkɔ̀ àló ǝ̀gbitǝtɔ́ kǝ gɔmǝ lǝ nyi vòdú sintɔ́ dǝ́niń ńdó gomǝ kpɔ́kpɔ́ lǝ Krístò kídǝ́ Mawu ǝfiɔ duxó ò. ⁶ Amǝ dǝ́kin ŋ́ká brǝmi kidǝ ǝnyɔ fufru wó ò. Ǝnú ùna wó yí nábǝ́ Mawú ǝxomǝ fíɛ́n lǝ vá Mawú vi wó ǝ̀tó madótɔ́wó jí. ⁷ Miŋká kpɔ́ɔ́gomǝ kídǝ́ wó ò. ⁸ Ǝmikǝ dɔ́á ǝ̀zubruviwó yi mí nyí váyi vɔ̀à ŋ́fia mí nyí kanŋdǝ́gbán lǝ Àxótɔ́á mǝ. Yǝ́dɔ́ yí míán zɔn sigbǝ kándǝ́gbán mǝ víwó enǝ́ ⁹ ǝnú kǝ dɔ́á kanŋdǝ́gbánnn yǝ́ kúcinncin wó lǝ enyuie dèsiàdǝ mǝ, ̀ǝnúdódó kidǝ́ ǝnyɔdodó. ¹⁰ Mi jí ǝnú kǝ nyɔ lǝ Àxótɔ́ á mǝa nǝ́ mian wɔɛ. ¹¹ Miŋká dóòha kidǝ́ ǝzrubru mǝ ǝ́dɔ́wɔtɔ́wó, o mi klónú lǝ jí dǝ̀dǝ miŋka cɔn àsí ǝ́jí ò. ¹² Ǝ̀dɔ kǝ wó̀ lǝ wɔ lǝ bǝ̀bǝ̀ mǝa ŋ́nyɔ̀ kǝ́kǝ́ wóá nú cá o. ¹³ Ǝnúdǝ̀síàdǝ kǝ kandǝ́gbán dǝdisá a wóa nui lǝ gbagbaŋba. ¹⁴ Ǝnúkǝ dɔ́á núdǝ̀siàdǝ kǝ wó dǝ di.ìsáá ǝ́nyi kandégbán. Yǝ́ dɔ́ yí wó nú dɛ́ bǝ́:<< Nyɔ̌lǝdǝǝ́ kiwomǝ ǝwokǝlǝ dánrɔnra có lǝ amǝ kúkúwó domǝ yi Kristǒ nà nyi kandǝ́gbán nǝ́wo. ¹⁵ Mi kpɔ́ mian dǝ́kiwó jí co mián gbǝnɔnɔ wó mǝ, ŋká nɔ sigbǝ ǝnúmannyá tɔ́ ǝnǝ́ ò vɔ̀á mián nɔ sigbǝ ŋunu nyatɔ́ ǝnǝ́. ¹⁶ Miwɔ gàmǝ̀à wonŋɔŋgbi enúkǝdɔ́á gàmǝ̀ à wo jǝvɔin. ¹⁷ Mi ŋká nyí ŋunú ,anyátɔ́wó ò, vɔ̀à mi sǝmǝ bǝ́ ǝmɔ́ kǝyí Mawú ǝ́rɔnrɔn nu máà. ¹⁸ Miŋká nɔ agbǝ̀ lǝ àhà sínŋú nunu mǝ kǝ kpɔnǝ amǝ sǝ́yi cɔ̀ncrɔ́n mǝ a ò. Vɔ̀à miná nǝ gbɔ̀ngbɔ̀n kɔ̀kɔ̀ ná xɔ̀tohó kǝ́lǝ́ kǝ́lǝ́ lǝ mian mǝ. ¹⁹ Mi cɔ́ ǝ̀hàwò wǝ̀ma ǝ́hajiji gbɔ̀ngbɔ̀n mǝ̀ tɔ seŋǝ jihà yi káfú Axótɔ́ kidǝ́ mian jí sééé. ²⁰ Midá àkpǝ́ nǝ́ Mawú nǝ ǝnú kǝwó sééé iwɔ nǝ mi lǝ Àxótɔ́ Yèésu Kristò mǝ. ²¹ Mibɔbɔ mia dǝkiwó lǝ miantáwó domǝ, lǝ Kristò sìsí mǝ. ²² Nyɔ́rùnwó mi bubɔ mian dǝ́kiwó nǝ́ mian cúwó sigbǝ Axótɔ́ ǝnǝ́. ²³ Ǝnúkǝdɔ́á ŋúcu yí nyí ǝ̀ta nǝ́ nyɔ́run sigbǝ nǝ́ Kristò cá nyi ǝ̀ta nǝ Mawu ǝhamǝa ǝnǝ́. ²⁴ Nǝnǝ́ kǝ́ yi Mawú ǝ́hámǝa cá bubɔ nǝ dǝ̀ǝ kia dǝ nǝ́ Kristò. Nyɔ́run wó cá ná wɛ ǝnǝ́ tútútú, nǝ́wó cúwó lǝ ǝnúdǝ̀siàdǝ mǝ. ²⁵ Ŋúcuwó mirɔn mian siwó sigbǝnǝ́ Kristò cá rɔn Mawu ǝhamǝ ǝnǝ́, tìcɔ́ dǝ̀ǝ kia i sǝŋna dǝ ǝ́ta. ²⁶ Ǝ́wɛ ǝnǝ́ náà sǝŋ kɔŋú ǝwɛ ǝnǝ isǝŋǝ kɔŋú tó ǝ̀ci lǝlǝ kǝlǝ nyí yǝ́ nyɔa mǝ. ²⁷ Ǝ́wɛ ǝnǝ́ naà tǝ́ŋu sǝ́ vá díisá Mawú ǝ́hámǝ kǝdó kpǝ̀kpǝ̀mǝ̀ à, ǝ̀di xoxo manɔŋú jǝ̀sì xòdu dǝkin àló ǝŋdǝ kin ŋ́lɛ yi ásɔ kídǝ́ǝ ò. Vɔ̀à anɔ kɔkɔ àgɔ̀jǝ̀jǝ̀ dǝ̀kin ná nɔ ǝ́ŋú ò. ²⁸ Nǝnǝ́ tútútú yi ŋúcu wó cá dó lá rɔn àsia sigbǝ yǝ́ŋtá goto ǝnǝ́. Amǝkǝ rɔn àsia ǝ́rɔn yǝŋtata dǝ̀ǝkia. ²⁹ Amǝdǝ́kín ŋcó dǝ yé goto ŋú kpɔ́ ò vɔ̀a. ǝ́ná nǝ́ǝ ǝnúdudu yí rɔnɛn sigbǝ Kristò rɔn hamǝ ǝnǝ̀. ³⁰ Ǝnúkǝ dɔ́á yǝ́ goto ŋútínúwó yi mí nyí. ³¹ Yǝ́yi dɔ yí ŋúcu ácó lǝ yǝ́ dadá kídǝ́ yǝ́ nannan gbɔ́ yi àvɛ nɔ̀n du kídǝ́ asia yi wóá ámǝ̀vǝ̀ à sééé trɔ́zu ŋútiran dǝ́ká. ³² Ǝnú àmrimà yíì nyi vòà ŋlǝ xonu có Kristò kidǝ́ a mǝ ŋú. ³³ Tógbɔ́ bǝ́ ŋnú ǝnyɔ nawó vɔ̀à, amǝsíàmǝ lǝ mian domǝ ná rɔn yǝ́ŋtátá ǝsi yi nyɔ́ru cá ná kpɔ́ acúásí.