¹ Ǝnya kǝlǝ nyí gàxɔ̀mǝ nɔtɔ́ Axótɔ́, ŋlǝ dóŋúsín mi bǝ́ mian zɔn lǝ nɔ̀nɔ̀mǝ̀ kǝjǝa mǝ nǝ yɔ̀yɔ̀ kǝ wó seŋ yɔ́mi a mǝ. ² Mi nɔ àgbǝ̀ lǝ dòkúi bɔbɔ ganŋgan kidǝ́ dɔ̀mǝ̀nyuie jigbɔ̀dɛ blǝwu, mi kpǝ́ dǝ́ miandǝkiwó ŋu, lǝ rɔ̀nrɔ̀n mǝ. ³ Mi wɔ miantɔ gómǝ nǝ́ mian lǝ́ dǝkáwɔwɔ gómǝ nǝ́ mian lǝ́ dǝ̀káwɔwɔ lǝ gbɔ̀ngbɔ̀n dǝká mǝ dǝ́ así lǝ ŋútifáfá ǝka mǝ. ⁴ Gbɔ̀ngbɔ̀n dǝ̀ka yilɛ ŋútíran dǝka yi lɛ. Wo sééé sigbǝ nǝ wó seŋyɔ mí á ǝnǝ́ lǝ gɔ̀mǝsǝ̀sǝ̀ dǝ̀ká mǝ yé yɔyɔ́. ⁵ Àxótɔ́ dǝ́ká kpaŋǝ yilɛ, xɔ̀sǝ̀ dǝ̀ná kpaŋǝ yí lɛ, ayɔ̀nyɔ̀ dǝ̀ká kpáŋǝ ilɛ. ⁶ Mawú dǝká kpáŋǝ́ ilɛ lǝ ǝnúáwosééé mǝ. Ǝ́lǝ̀ta nǝ́ ǝnúáwó sééé, tó ǝnúwó sééé ji lǝ ǝnuwo sééé mǝ míán domǝtɔ́ dǝ̀síàdǝ kpɔ́ amǝ nú vǝ́vǝ́ to Kristò ntá jìjí jǝ́ ǝ́nú náná mǝ. ⁷ Mían domǝtɔ́ dǝ̀sià̀dǝ kpɔ́ amǝ nu vǝvǝ́ to Kristò ŋtá jìjí jǝ́ ǝ̀nu náná mǝ. ⁸ Sigbǝ nǝ́ ŋɔ̀ŋrɔ̀ kɔ̀kɔ̀ à nui dɛ́ ǝnǝ́ bǝ́:<< Kǝ ìrìayí kɔ̀kɔ̀ xó a ǝ́kprɔ amǝlǝ́lǝ́dɛ́ kǝ wólǝ́wó gbɔ. Ǝwɔ ǝni náná nǝ́ ŋùkɔ́nwó ⁹ <<Ǝ́riá>> ǝgɔmǝ dǝ́ǝ? ǝnúkǝdɔ́á ǝgbǝ diyi anyígbán tùmǝ̀? ¹⁰ Amǝ kǝ diyia kǝ́ yi gbǝ ríá yi jiŋkori ǝŋkɔ dááá. Ǝ́wɔɛ ǝnǝ́ náàtǝŋu dɔ́ ǝnúdǝ̀siádǝ mǝ. ¹¹ Kristò maa ǝnú náná wólǝ́:Amǝdɔ́dɔ́ ǝnyɔnúdɛ́tɔ́ ǝnyɔ nyuíé kakatɔ́ Mawuǝ́háŋkɔnɔtɔ́ ǝnúkprámǝtɔ́. ¹² Ǝ́má ǝnúáwó ǝnǝ́ náà té sǝ́ jra xɔ̀sǝ̀tɔ́ wó dó nǝ́ Mawú ǝ́dɔ́ nǝ́ Kristò ŋútíran ná kpɔ́ ŋkɔgbǝ́ yiyi. ¹³ Ǝ́lǝ wɔ iláwó kidǝ́ sùsu. bǝ́ mian wó sééé mianteŋu vá dé xɔ̀sǝ̀à kidǝ́ Mawuvi nyányá kéŋkéŋ. ¹⁴ Bǝ́ ná nɔ ǝnǝ́ nǝ́ mí ká gbǝ nɔ sigbǝ dǝ̀vìwò ǝnǝ́ ò. Ná nɔ ǝnǝ́ nǝ́ mí ká gbǝlǝ tálayi yi lǝ tálagbɛwò. Ná nɔ ǝnǝ́ nǝ nú kpakprá vìxòtɔ wó ŋkává kprɔmí ji lǝ ǝmɔ́aji ò, tó amǝbrǝtɔ́wó kǝ sùsú mǝ dá nǝ́wó lǝ vìxòmǝ. ¹⁵ Kǝnyɔ́wú á inyí bǝ́ mian tó ǝnyɔ dódó lǝ rɔ̀nrɔ̀n mǝ, yi ci lǝ ǝmɔ́áwó sééé ji lǝ amǝ kǝlǝ nyí Ǝ̀ta Kristòà mǝ. ¹⁶ Kristò lǝ mianŋútiran wó sééé toxó, ǝ́lǝ mian ranmǝ kawo dǝ̀siàdǝ ilǝ kpǝ́dǝ́ ŋú bǝ́ ran mǝa sééé ná ci dǝ́ji náà kpɔ́ ŋkɔyiyi lǝ rɔ̀nrɔ̀n mǝ. ¹⁷ Ŋjí bǝ́ mágbǝ xòtódó nǝ́ mi lǝ Àxótɔ́ á mǝ, bǝ́ miŋ́ká zɔn sigbǝ vòdúsintɔ́wó ǝnǝ́ kǝwó zɔn nǝ lǝ gbàlǝ̀gbàlǝ lǝ sùsú mǝa wó ǝnǝ́ ò. ¹⁸ Wó ta mǝ súsú wó dó ǝ̀zubrú Wó nyi amǝjró lǝ Mawu ǝ́gbǝnɔnɔ mǝ, tó wó nú manyá manyá kǝ lǝ docó wó mǝ càgbme wó ǝtamǝ sínsín có wó jimǝ. ¹⁹ Wóŋdó sǝ̀sǝ̀ lǝ ranmǝ kúdǝraó wó cɔ́ wódǝ́kiwó i sǝŋǝ ná ǝ̀najǝjǝ bàdà o, kidǝ makɔ makɔ ǝ́gbǝnɔnɔ lǝ yǝ́ toxó kpɔtikpɔtia. ²⁰ Vɔ̀à ŋnyi ǝnǝ́ yi wó nú nǝ mi àló mi sǝ có Kristò hu nǝ o. ²¹ Ŋcɔ́ɛ dǝdǝ bǝ́ wó wɔ ǝnú kpákpá ilá nǝ́ mi lǝ Yèésù mǝ ǝnyɔ dodó dǝ̀dǝ sééé lǝ Kristò mǝ. ²² Àgbǝ̀nɔ̀nɔ̀ xóxó tɔwó sééé kǝlǝ mian mǝawó míán gbǝ́wó dɛ́sééé ŋúcu xóxó kǝ lǝ dáànhǝ lǝ jòjro bǝ̀brǝ̀ tɔ wó ta. ²³ Gànamǝ dóa wóá trɔ́ dǝ diìsá nǝ́ mi lǝ mián gbɔngbɔn ǝ́súsú mǝ. ²⁴ Midó amǝ yǝyǝǝ́ kǝ lǝ nyi Mawú tɔa, kǝ wó wɔ lǝ jɔ̀jɔ̀ nyinyi kidǝ́ kɔkɔ nyènyè kídǝ́ ǝnyɔdodó. ²⁵ Yǝ́dɔ́ yi mián gbo mian dǝ́kiwó dá lǝ bǝ̀blǝ̀ nyɔwó sééé gbɔ́. Amǝsiamǝ ná mi ǝnyɔ dódó nǝ́ nɔvíá. Ǝnúlǝdɔ́á míánwó sééé milɛ nǝ́ míán dǝ́ kiwó yi. ²⁶ < milǝ xomǝ fiɛn mǝa mií ŋká wɔ nu vɔin o.>> mií ŋká dǝ mɔ́ nǝ́ ǝwǝ ná dóòtó dǝ́ mián xomǝfiɛn o. ²⁷ Mií ŋká dǝmɔ́ nǝ́ futɔ́ o. ²⁸ Amǝ dǝ̀siàdǝ kǝlǝ fifi a nágbǝ́ ǝ̀fi dɛ́ náàwɔ ǝ̀dɔ kidǝ́ yǝ́ lɔwó nyɔ̀ŋgbin kǝ ánɔ nɔ̀nɔ̀mǝ nyɔ̀ŋgbin mǝ. Náàtéŋu ásɔgbǝ̀ ámá yǝ nú dudu kidǝ́ amǝ kǝ lǝ hian mǝa. ²⁹ Ǝnyɔ bada dǝ́ kin ŋká do có mián numǝ ò, vɔ̀à ǝnyɔ kǝ adoa nányi ǝnyɔ kǝ akpǝdǝ amǝŋúá, náà tǝ́ŋkpǝ́dǝ́ amǝ kǝlǝ sǝa wóŋú. ³⁰ Mií ŋká dó xomǝfíɛ́n nǝ́ Mawú ǝ́gbɔngbɔn ò.Ǝnúkǝdɔ́á tó ǝjí yi wó trǝ́ mián nu nǝ ǝ̀fin tútú ǝŋkǝkǝ ji. ³¹ Migbǝ́ vǝ̀vǝ́sǝsǝ àdàn dódó xomǝ fiɛn wɔwɔ àjrǝ̀wɔwɔ amǝzuzu àló àdǝ̀ vɔn dǝ̀siàdǝ. ³² Mi nyɔ́ dɔ̀mǝ̀ dǝ mian dǝ́kiwó. Mi kɔjì dǝ mian nɔviwo ŋu. Mi sǝ́ŋkǝ mian dǝ́kiwó sigbǝ nǝ́ Mawú séŋnǝmi lǝ Kristò mǝ ǝnǝ́.