¹ Ɗéviwó, mi bú mian jitɔwó sigbǝ ne axótɔ nui ǝnǝ, ² "Bú tɔ dádá kide tɔ náná;"(ye enyi ǝsè kélékélé tɔ kide ǝzè dédé), ³ "Ŋǝ ǝnu deside na jéji ne o í na nɔn agbǝ ɗiɗi le anyigban ji." ⁴ Ɨ mian ɗáɗáwó, miǝka le do xómǝfiɛn ne mia viwo o. Ʋɔa mí kprawo le ǝnu ɗóɗó wɔwɔ kide axótɔ ye kpakpra mǝ. ⁵ Amǝ xǝ́xrǝ́wo mi bú mian anyigbandji xótɔwo kide búbú ŋta ŋta kide ǝji nyɔngbiŋ. Mi bu wó sigbǝ ne mian bu Kristo ǝne. ⁶ Mi ŋka le bu wo le wo ŋkumǝ cágbǝtɔ mian nú nanyɔn wo ŋkɔ o. Ʋoa mi bu wo sigbǝ ne Yesu ye mǝ xǝ́xrǝ́wo bunɛ ǝne. Mi wo Mawu ye rɔnrɔn nu kide ǝji nyɔngbi. ⁷ Mi wo dɔ kide mian ji brobo sigbǝ ǝnyi agbǝtɔ í nu le wɔdɔ ne o.Ʋɔa axóto Yesu í ǝne. ⁸ Ŋe mian nyin bǝ enu nyɔngbi ɗesiaɗe ke amǝsiamǝ wɔ a, axɔ ye fɛn tútú có axótɔ gbɔ̧ ne í gbe nyi amǝ xǝxrǝ́ nɔnmi amǝ gbalé. ⁹ Mian axótɔwo cá, miwɔ ǝnu dekɛn an kide mia mǝ xǝxrǝ́wo. Mi ŋka le jendan ɗe wo jio. Mi nya bǝ wó xótɔ ye ǝnyi miawo cá mia xotɔ. ¹⁰ Kpɔtia mi do ŋunsɛn mia dekiwo le axotɔ mǝ í kide ŋunsɛn sée. ¹¹ Mi do Mawu ye huanwíwo sée ne mia teŋun nɔntǝ le Satana ye daŋun vɔɛnwo mǝ. ¹² Ɗo mian hua ǝnyi ɗe gótó nɔnmi ehun ŋun o. Ʋɔa ɗe eɗu kprɔtɔ́wo, gbɔngbɔn megan o, zúbrú ye fiɔ duxó wó fiɔ wó kide jiŋkori ye gbɔngbɔn vɔɛn wo í. ¹³ Ké inyi ne ca mi dó Mawu ye huawu ɗesiaɗe ne mian teŋun kpanko funtɔa le ŋkéké vɔɛn ná wo ji. Ŋe mi wɔ enu na wo jrɔa, mi nɔn eke ji. ¹⁴ Mi sun tǝ. Mi wɔ né ne miabra akpa kide enyɔn dodo nunu, ídó esé jí wɔwɔ ye gáwu. ¹⁵ Mi wɔ hilawo ne midó dɔŋdɔŋ sigbǝ afɔkpa ǝne í se ŋutifafa ye nyɔn dodoa. ¹⁶ Le ǝnu desiade mǝ mi dó xɔse ye húawu kǝ mian teŋun seŋun ci bíbítɔa zó wo. ¹⁷ Mi cɔn amenuveve ye kúkú í cɔ gbɔngbɔn ye tanŋun ke nyi Mawu ye nyɔn. ¹⁸ Kide dexóxó désiade, kide enu biɔ́biɔwó, mi xódǝ gasiagamǝ le gbɔngbɔn mǝ. Cagbǝ súsú na tɔa mi nɔn acé ji í xóde ne xɔsetɔwo sée o. ¹⁹ Ɨ mian xóde un, ne ǝnyɔn de na teŋun dó le tiŋ nu mǝ ne ŋke enu. Mi xóde ne ma teŋun disa kide etú kpákpá Mawu ye nyɔn wawrawo. ²⁰ Cagbe enyɔn dodoa tɔ yi enyi amedɔdɔ le brabramǝ, ne ma teŋun xónu le kankandeji mǝ sigbǝ ma me nui ene. ²¹ Ʋɔa ne miawó ca mia teŋun dési tin dɔwo kide sigbǝ ǝfɔn mɔn an. Tychiquǝ, tiŋ xrɔ rɔnrɔn tɔ, amǝdɔdɔ ye gɔmǝ nɔntɔ le Yesu mǝ la nu nyɔn wo sée ne mi. ²² Ǝdɔɛ dóda mi cágbe enyɔn dekinan tɔ ne mia nyan ǝnuke mǝ mi le tɔa, ne adó ŋunsɛn mian jiwó. ²³ Ŋe Mawu ye fafa ne nɔnviwo, kide Mawu ye rɔnrɔn tó xɔse mǝ ke có Mawu mia dádá kide axótɔ Yesu Kristo gbɔ. ²⁴ Mawu ye amǝnuvǝvǝ na nɔn amǝsiamǝ ke rɔn ne mia xótɔ Yesu Kristo kide ronrɔn mavɔa jí́.